အောက်တိုဘာ ၂၁ ၊ ၂၀၂၅ GG (VOM) ဧရာဝတီတိုင်း၊ ဖျာပုံမြို့နယ်၊ ချောင်းတွင်းကျေးရွာအုပ်စုရှိ ဆန်စက်မှာ ဒီနေ့အောက်တိုဘာ ၂၁ ရက်နေ့ မနက်ပိုင်းက ဘွိုင်လာအိုးပေါက်ကွဲပြီး အမျိုးသား တယောက်သေဆုံးပြီး လေးယောက်ထိခိုက်ဒဏ်ရာရရှိခဲ့တယ်လို့သိရပါတယ်။ ဖြစ်စဥ်မှာ မနက် ၁၁ နာရီကျော်လောက်မှာ ဆန်စက်ရှိ ဘွိုင်လာအိုးပျက်နေတာကို ပြုပြင်နေချိန်မှာ ဘွိုင်လာအိုးပေါက်ကွဲပြီး သေဆုံးနဲ့ထိခိုက်ဒဏ်ရာရသူတွေရှိခဲ့တာဖြစ်ကြောင်း ၊ပေါက်ကွဲမှုမှာသေဆုံးသူက ဘွိုင်လာအိုးလာရောက်ပြုပြင်တဲ့အမျိုးသားဖြစ်တယ်လို့သိရပါတယ်။ “ဘွိုင်လာပျက်နေတာကို ပြင်နေတာ။ပြင်ပြီးတော့ မီးထိုးစမ်းတာကနေ မီးပေါင်တအားတက်ပြီး ဘွိုင်လာအိုးကပေါက်ကွဲသွားတာပေါ့။သေတာကတော့ ဘွိုင်လာလာပြင်သူပါ။သူကပဲလာပြင်တော့ အနားမှာသူပဲရှိတာ။” လို့ ဧရာဝတီတိုင်းဒေသကြီးမီးသတ်ဦးစီးဌာနမှူးရုံးမှ တာဝန်ကျမီးသတ်တပ်ဖွဲ့ဝင်ကပြောပါတယ်။ လက်ရှိမှာ သေဆုံးသူအမျိုးသားနဲ့ ထိခိုက်ဒဏ်ရာရသူ အမျိုးသားသုံးယောက်၊အမျိုးသမီးတယောက်ကို ဖျာပုံဆေးရုံကိုပို့ဆောင်ထားကြောင်း ၊ထိခိုက်ဒဏ်ရာရရှိသူတွေကတော့ ဆန်စက်က ဖြစ်တယ်လို့သိရပါတယ် ။ “ဒဏ်ရာရလေးယောက်က အပေါ်ယံ အရေပြားဒဏ်ရာရတာပေါ့။ဆန်စက်ကလို့ကြားတယ်။ဆေးရုံပို့ထားပါတယ်။” လို့ မြေပြင် ကယ်ဆယ်ရေးလမ်းကြောင်းသွားခဲ့တဲ့ ဖျာပုံမြို့ ၊ပဲ့တင်သံပရဟိတအသင်းမှ တာဝန်ရှိသူကပြောပါတယ်။ လက်ရှိမှာ ဆန်စက် ပေါက်ကွဲမှုဖြစ်စဥ်နဲ့ပတ်သက်ပြီး…
Read Moreဖျာပုံမှာ ဆန်စက်ဘွိုင်လာ ပေါက်ကွဲလို့ တယောက်သေ ၊လေးယောက်ဒဏ်ရာရ
