ဆူးငှက် ကျွန်တော်ဇာတ်ကြိုက်ပါသည်။ ဇာတ်ပွဲကို ဘယ်တုန်းကစကြည့်ဖူး တာလဲဟု စဉ်းစားလိုက်တော့ ကျွန်တော် ၄နှစ်၅နှစ်လောက်ပဲ ရှိမှာပေါ့။ သီတင်းကျွတ် ကျောက်တော်ကြီးပွဲမှာ ရွှေမန်းတင်မောင် ဇာတ်ကို အမေ့လက်ဆွဲပြီး လိုက်ကြည့်ရတာဖြစ်သည်။ အမေက ပဲဆီ၊နှမ်းဆီစတဲ့ စားဆီတွေကို ပုံးထဲထည့်ခေါင်းပေါ်ရွက်ပြီး တစ်ရပ်ဝင်တစ်ရပ်ထွက် လှည့်လည်ဈေးရောင်း ရသော ခေါင်းရွက်ဗျပ်ထိုးဈေးသည်ဖြစ်သည်။ မန္တလေးအနောက်ပြင် ထန်းမြင့်ရပ်ထဲကိုလည်း အမေက ဆီရောင်းထွက်ရသည်။ ထန်းမြင့် ရပ်ထဲမှာ ရွှေမန်းတင်မောင်တိုက်ရှိသည်။ ဝင်းကျယ်ကျယ်ထဲက တစ်ထပ်တိုက်ခပ် ကြီးကြီးပါပဲ။ ထိုဝင်း၏ မြောက်ဘက်ကပ်လျက် ကြားလမ်းထဲက အမေ့ ဆီဖောက်သည် အိမ်ကနေ ဇာတ်တိုက်နေသော ရွှေမန်းတင်မောင်ကို ဆီဗျပ်ကြီးဘေးချပြီး အမေ က ငေးမောနေကျတဲ့။ အမေစတည်းချနေကျ ထိုကြားလမ်းထဲက အိမ်ကလည်း ရွှေမန်း တင်မောင် ဇာတ်ထဲက မင်းသားလတ် စိန်လှမောင်နဲ့ မမညွန့်တို့အိမ်တဲ့။ မမညွန့်က စက်ချုပ်သည်။ ဇာတ်သူ ဇာတ်သားများ၏ ဇာတ်ဝတ်ဇာတ်စားတွေ မှန်သမျှ…
Read Moreလက်ဆည်ကန်ရပ် ဗိုလ်ချုပ်အောင်ဆန်းလမ်းပေါ်က ပြည်သူချစ်သော ထီးရိပ်အောက်မှာ (၂၄)
