Day: June 25, 2026

ဇွန် ၂၄ – ၂၀၂၆ SS (VOM) စစ်ကိုင်းတိုင်းအတွင်းက ကလေး – တမူး လမ်းမကြီးနဲ့ မုံရွာ – ကနီ – ချောင်းမ – ယာကြီး – မင်းကင်း – ကလေးဝလမ်းပိုင်းမှာ အစိုးရတပ်ရဲ့ ထိုးစစ်ကြောင့် ဒေသတွင်း လက်နက်ကိုင် ပူးပေါင်းတပ်‌တွေနဲ့ တိုက်ပွဲ ပြင်းထန်နေတယ်လို့ စစ်ရေး သတင်းရင်းမြစ်တွေက ပြောပါတယ်။ နိုင်ငံတကာ စီမံကိန်းတွေ အကောင်အထည်ဖော်နိုင်ဖို့အတွက် စစ်ကိုင်းတိုင်းအတွင်းက အိန္ဒိယ – မြန်မာ – ထိုင်း သုံးနိုင်ငံ အဝေးပြေးလမ်းမကြီးနဲ့ ဆက်နွှယ်နေတဲ့ ဗျူဟာကျ လမ်းပိုင်းတချို့ကို အစိုးရတပ်က အင်အားအလုံးအရင်းနဲ့ ထိုးစစ်ဆင်နေတာလို့ သိရပါတယ်။ လက်ရှိမှာ အစိုးရတပ်တွေဟာ ကလေး – တမူး လမ်းမကြီးကို အလုံးစုံထိန်းချုပ်ဖို့အတွက် အင်အားထောင်ချီနဲ့ စစ်ကြောင်း နှစ်ကြောင်းခွဲပြီး…

ဇွန် ၂၄ – ၂၀၂၆ SN (VOM) ထိုင်းနိုင်ငံ၊ ဖက်ချ်ဘူရီပြည်နယ်၊ သာယန်မြို့နယ်မှာ မနေ့ ဇွန် ၂၃ ရက်၊ ညပိုင်းက တရားမဝင် မြန်မာလုပ်သား ၁၇ ယောက် တင်ဆောင်လာတဲ့ ပစ်ကပ်ကား တစီး တိမ်းမှောက်ပြီး အမျိုးသမီးတယောက် သေဆုံးခဲ့ကာ နှစ်ယောက် ပြင်းထန်ဒဏ်ရာ ရရှိခဲ့တယ်လို့ ဒေသအခြေစိုက် ရွှေ့ပြောင်း အလုပ်သမားအရေး ဆောင်ရွက်နေသူတွေက ပြောပါတယ်။ အဲဒီ ဖြစ်စဉ်ဟာ သာယန်မြို့နယ်၊ ဖက်ချဘူရီလမ်း (တောင်ဘက်သွားလမ်း) ရှိ အမှတ်တရပစ္စည်းဆိုင် တဆိုင်ရှေ့မှာ မနေ့ည ၉ နာရီဝန်းကျင်က ဖြစ်ပွားခဲ့တာဖြစ်ပြီး ဘန်ကောက်လိုင်စင်နံပါတ်ပါ အဖြူရောင် Isuzu ပစ်ကပ်ထရပ်ကားတစီး၊ လမ်းဘေးဓါတ်တိုင်ကို ဝင်တိုက်မိကာ တိမ်းမှောက်မှု ဖြစ်ပွားခဲ့တာလို့ သိရပါတယ်။ “ထိုင်းရဲတပ်ဖွဲ့ကတော့ ယဉ်မောင်း အိပ်ငိုက်ပြီး ကားက လမ်းဘေးဓာတ်တိုင်ကို ဝင်တိုက်မိတာ ဖြစ်နိုင်တယ်လို့…

ဇွန် ၂၄ – ၂၀၂၆ SS (VOM) ကယားပြည်နယ်အတွင်းက နန်းမယ်ခုံမြို့နဲ့ ရခိုင်ပြည်နယ်အတွင်းက ဂွမြို့နဲ့ မောင်တောမြို့တို့မှာ နှစ်ရက်အတွင်း လေကြောင်း တိုက်ခိုက်မှုတွေ ဆက်တိုက် ဖြစ်ပွားခဲ့ပြီး နှစ်ယောက် သေဆုံးကာ ခုနစ်ယောက် ဒဏ်ရာရရှိခဲ့တယ်လို့ သိရပါတယ်။ ကယားပြည်နယ်၊ ဒီးမော့ဆိုမြို့နယ်အတွင်းရှိ နန်းမယ်ခုံမြို့၊ လီဝိုးကျေးရွာမှာ ဒီကနေ့ ဇွန် ၂၄ ရက်၊ နေ့လယ် ၁ နာရီဝန်းကျင်က ဒရုန်းတိုက်ခိုက်မှု၊ လက်နက်ကြီး ကျရောက်မှုတွေ ဖြစ်ပွားခဲ့တာမှာ နှစ်ယောက် သေဆုံးပြီး တယောက် ဒဏ်ရာရရှိခဲ့တယ်လို့ သိရပါတယ်။ “ဒရုန်း အရင်ကျတာ။ သေဆုံး နှစ်ယောက်မှာ တယောက်က ပွဲချင်းပြီးသေတယ်။ နောက်တယောက်ကတော့ ကုသမှုခံယူနေတဲ့ အချိန်မှာပဲ ဆုံးသွားတာ။ ဒဏ်ရာရတဲ့ တယောက်ကတော့ လက်နက်ကြီးထိတာ။ သူ့ကိုလည်း ဆေးရုံပို့ထားတယ်” လို့ ဒေသတွင်း သတင်းရင်းမြစ်က ပြောပါတယ်။…

ဇွန် ၂၄ ၊၂၀၂၆ GG (VOM) ၂၀၂၆ ခုနှစ် တက္ကသိုလ်ဝင်စာမေးပွဲ နဲ့ ၂ဝ၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲ အောင်စာရင်းကို လာမယ့် ဇွန် ၂၈ ရက် (တနင်္ဂနွေနေ့ ) မှာ ထုတ်ပြန်ကြေငြာပေးသွားမှာဖြစ်တယ်လို့ ပညာရေးဝန်ကြီးဌာနက ဒီနေ့ ဇွန် ၂၄ ရက်ညပိုင်းမှာသတင်းထုတ်ပြန်လိုက်ပါတယ်။ တက္ကသိုလ်ဝင်အောင်စာရင်းတွေကို ဇွန် ၂၈ ရက်နေ့ ၊ မနက် ၄ နာရီကစပြီး မြန်မာနိုင်ငံစာစစ်ဦးစီးဌာန Website ဖြစ်တဲ့ www.myanmarexam.org မှာ ဝင်ရောက်ကြည့်ရှုနိုင်သလို ၊ result.dme.gov.mm မှာလည်း ခုံအမှတ်နဲ့တိုက်ရိုက်ရှာဖွေကြည့်ရှု နိုင်မှာ ဖြစ်တယ်လို့ သိရပါတယ်။ မနက် ၆ နာရီမှာတော့ သက်ဆိုင်ရာမြို့နယ်အလိုက် စာစစ်ဌာနကျောင်းတွေမှာ အောင်စာရင်းကို ကပ်နှံထားမှာဖြစ်လို့ ကြည့်ရှုနိုင်ပြီး ဝေးလံတဲ့ ဒေသတွေက…