စက်တင်ဘာ ၆၊ ၂၀၂၄
Shy V (VOM)
တရုတ်ဘက် အထည်ချုပ်သွားမယ့် သူတွေ လတ်တလော လမ်းမှာ ပိတ်မိနေသူတွေ ရှိနေသလို ဖမ်းခံထားရသူတွေလည်းရှိနေကြောင်း ခရီးသည် ယာဉ်မောင်းတွေနဲ့ စက်ချုပ်သွားမယ့် သူတွေ ဆီက သိရပါတယ်။
“အထည်ချုပ်သမားတွေ လမ်းမှာ ဖမ်းတာလားဖမ်းထားတာရှိတယ်။ မှတ်ပုံတင်မှာ ဘာမျဥ်းစောင်းတွေလဲတော့ မသိဘူး။” လို့ မျက်မြင် ယာဉ်မောင်း တယောက်က ပြောပါတယ်။
မူဆယ် ကနေ တရုတ်ဘက် အထည်ချုပ် အလုပ်သွားလုပ်မယ့် သူတွေအနေနဲ့ တောင် ကြီး ကနေ မူဆယ် ကို ရှမ်းပြည်နယ် မှတ်ပုံတင် ၁၃ / ဆိုရင် သွားရ လွယ်ကူပေမယ့် ကျန် မျဉ်းစောင်းတွေက သွားဖို့ လမ်းမှာ အရမ်းခက်ခဲတယ်လို့ သူက ပြောပါတယ်။
“အေးဂျင့် (ပွဲစား /ကိုယ်စားလှယ်) တိုင်းကိုည်း မယုံ ကြပါနဲ့။ နမ့်ခမ်းအဝင်မှာ အေးဂျင့်လာမကြိုရင် ဒဏ်ငွေ တရုတ်ငွေ တရာ့ငါးဆယ် ( ကျပ် တစ်သိန်းကျော် ဝန်းကျင်) ဆောင်ရပါ တယ်” လို့ သူက ပြောပါတယ်။
လမ်းတဝက်မှာ ပိတ် မိနေသူတွေလည်းအများအပြား ဆွေ့ရပြီး အခြေနေ သေချာစုံစမ်း ပြီးမှ သွားကြဖို့၊ လားရှိုးကားနဲ့ တယောက်ချင်းပဲ လာကြဖို့၊ လားရှိုးမှာ လူစုပြီးမှ မူဆယ်တက်ကြဖို့ ပိုအဆင်ပြေမယ်လို့ သူက အကြံပြုပါတယ်။
“ကျွန်မတို့ တက်လာတော့ နမ့်ခမ်းမှာ စစ်တယ်။ စမတ်ကတ်ပါလားလို့ မေးတယ်။ ကျွန်မတို့ ကတော့ မပါဘူးလို့ ပြောလိုက်တယ်။ မှတ်ပုံတင်ပဲ ပြလိုက်တယ်။ ၁၃ မျဉ်းစောင်းဆိုတော့ ကျွန်မတို့က အေးဆေး ဖြတ်လို့ ရတာပေါ့နော်။ ကျွန်မတို့ နောက်က ကားမှာ အောက်ပိုင်းက စက်ချုပ်ဖို့ တက်လာတဲ့ သူတွေ ၁၀ ယောက်ကျော်ပါလာတယ်။ ကား တစီးထဲမှာပဲ။ သူတို့ရဲ့ စမတ်ကတ်ကို အကုန်သိမ်းလိုက်တာ တွေ့တယ်။ မင်းတို့ရဲ့ သူဌေးတွေကို ခေါ်လာပြီး လာရွေးခိုင်းလိုက်လို့ ပြောသံကြားတယ်။ အဲဒီမှာပဲ သူတို့ ကျန်ခဲ့တယ်။” လို့ တရုတ်ဘက် စက်ချုပ်သွားမယ့် အမျိုးသမီးငယ် တယောက်က ပြောပါတယ်။
မန္တလေးကနေ တက်လာရင် သံရွာမှာလည်း နစက တပ်ဖွဲ့က အစစ်အဆေးတင်းကြပ်ပြီး မကွေး၊ စစ်ကိုင်း၊ ချင်း၊ ရခိုင် မှတ်ပုံတင်ဆိုရင် စစ်ဆေးရေး ပိုတင်းကြပ်တာ တွေ့ရပြီး အဲဒီမှာဝောာ့ ၁၃ မျဉ်းစောင်း ဆိုရင် အရမ်း စစ်တာဆေးတာ မရှိပဲ သွားခိုင်းတယ်လို့ သူက ပြောပါတယ်။
လက်ရှိ မြန်မာနိုင်ငံမှာ ဖြစ်ပေါ်နေတဲ့ ပဋိပက္ခတွေကြောင့် အလုပ်အကိုင် ရှားပါးမှုဖြစ်နေပြီး မြန်မာ လုပ်သား တော်တော်များများ တရုတ်နယ်စပ်ဘက် စက်ချုပ် စက်ရုံတွေမှာ အလုပ်လုပ်နိုင်ဖို့ ကြိုးပမ်းနေကြတာဖြစ်ပါတယ်။
Photo:ဒေသခံ
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...