ဝါရှင်တန်၊ စက်တင်ဘာ-၁၁-၂၀၂၄
မျိုးဆက်(VOM)
ရုရှားကို တိုက်ခိုက်ရာမှာ ယူကရိန်းအတွက် ထောက်ပံ့ထားတဲ့ တာဝေးပစ်ဒုံးလက်နက်တွေအသုံးပြုခွင့် ကန့်သတ်ချက်ကို ရုပ်သိမ်းပေးနိုင်တယ်လို့ အမေရိကန်သမ္မတ ဂျိုးဘိုင်ဒင်က အရိပ်အမြွတ် ထုတ်ဖော်ပြောကြားလိုက်ပါတယ်။
အမေရိကန်နိုင်ငံခြားရေးဝန်ကြီး ဘလင်ကင် ၊ ဗြိတိန်နိုင်ငံခြားရေးဝန်ကြီး ဒေးဗစ်လမ်မီတို့ ကိဗ်ယက်မှာ ယူကရိန်းသမ္မတဇီလန်စကီးနဲ့ တွေ့ဆုံဖို့ ပြင်ဆင်နေချိန်မှာ သမ္မတဂျိုးဘိုင်ဒင်ရဲ့ မှတ်ချက်ထွက်ပေါ်လာတာဖြစ်ပါတယ်။
ဒီခရီးစဉ်ဟာ ယူကရိန်းရဲ့ ရည်မှန်းချက်တွေ ၊ လိုအပ်ချက်တွေနဲ့ မိမိတို့ ဘာလုပ်ပေးနိုင်လဲဆိုတာတွေကို ယူကရိန်းခေါင်းဆောင်ပိုင်းဆီက တိုက်ရိုက် ကြားသိလိုတယ်လို့ ခရီးစဉ်မတိုင်မီ အမေရိကန်နိုင်ငံခြားရေး ဝန်ကြီးကပြောပါတယ်။
တကယ်လို့ ရုပ်သိမ်းပေးမယ်ဆိုရင် ရုရှားရဲ့ ကျူးကျော်မှုကို တွန်းလှန်ဖို့ ပေးထားတဲ့ တာဝေးပစ်လက်နက်တွေကို အသုံးပြုခွင့်ပေးဖို့ အကြိမ်ကြိမ်တောင်းဆိုနေခဲ့တဲ့ ယူကရိန်းရဲ့ ဆန္ဒနဲ့ ကိုက်ညီနေပါတယ်။
ဒီကိစ္စနဲ့ပတ်သက်ပြီး ရုရှားဘက်က မှတ်ချက်မပေးပေမယ့် ဒီလိုတာဝေးပစ်လက်နက်တွေ အသုံးပြုခွင့်ပေးလိုက်တာဟာ အလွန်ဆိုးရွားတဲ့ ပြသနာတွေဆီကို ဦးတည်သွားနိုင်တယ်လို့ သမ္မတပူတင်က သတိပေး ပြောဆိုခဲ့ဖူးပါတယ်။
Ref:BBC
Photo:Getty Images
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...