အဘူဂျာ၊ ဇန်နဝါရီ-၁၉-၂၀၂၅
မျိုးဆက်(VOM)
နိုင်ဂျီးရီးယားနိုင်ငံမှာ လောင်စာဆီကားတစီး တိမ်းမှောက်ပြီး မီးလောင်ပေါက်ကွဲမှုကြောင့် လူ ၇၇ ယောက်သေဆုံးသွားတယ်လို့ တာဝန်ရှိသူတွေ့ ပြောပါတယ်။
သေဆုံးသူအများစုဟာ တိမ်းမှောက်နေတဲ့ ယာဉ်ကနေ ယိုဖိတ်နေတဲ့ လောင်စာတွေကို ရယူဖို့ ကြိုးပမ်းကြုသူတွေဖြစ်တယ်လို့ တာဝန်ရှိသူတွေက ပြောပါတယ်။
အဲဒီလောင်စာဆီကားဟာ နိုင်ဂျာပြည်နယ် ဆူလီဂျာဒေသမှာ မနေ့က တိမ်းမှောက်ခဲ့တာဖြစ်ပြီး လောင်စာတွေယိုဖိတ်ပေါက်ကွဲကာ အချိန်အတော်ကြာ မီးလောင်ခဲ့ပြီး ကယ်ဆယ်ရေးသမားတွေအပါအဝင် အခြား ၂၅ ယောက်လည်း ဒဏ်ရာရရှိခဲ့ပါတယ်။
ပေါက်ကွဲမှုကြောင့် ဒဏ်ရာရသူတွေကို အနီးနားက ဆေးရုံတွေမှာ ကုသပေးနေတယ်လို့ အရေးပေါ်စီမံခန့်ခွဲရေးဌာနက ပြောပါတယ်။ နိုင်ဂျီးရီးယားနိုင်ငံမှာ လမ်းတွေညံ့ဖျင်းမှုနဲ့ ယာဉ်ကြံ့ခိုင်မှုအားနည်းတာတွေကြောင့် လောင်စာဆီကားတွေ တိမ်းမှောက်မီးလောင်မှုတွေ မကြာခဏ ဆိုသလို ဖြစ်ပွားလေ့ရှိပါတယ်။
လွန်ခဲ့တဲ့ သီတင်းနှစ်ပတ်ကလည်း လောင်စာကားတစီး တိမ်းမှောက်မှုကြောင့် လူငါးယောက်သေဆုံးခဲ့ပြီး အောက်တိုဘာလအတွင်းကလည်း လောင်စာကားတစီးကနေ ယိုဖိတ်နေတဲ့ ဓါတ်ဆီတွေ ရယူဖို့ ကြိုးပမ်းစဉ် မီးလောင်ပေါက်ကွဲမှုကြောင့် လူ ၁၅၀ ကျော်သေဆုံးခဲ့ပါတယ်။
နိုင်ဂျီးရီးယား သမ္မတ ဘိုလာတီနူဘူရဲ့ စီးပွားရေး ပြုပြင်ပြောင်းလဲမှု မူဝါဒအရ နှစ်ရှည်လများ လောင်စာဆီထောက်ပံ့နေတဲ့ စနစ်ကို ဖယ်ရှားခဲ့ပြီး လောင်စာဆီစျေးနှုန်း ၄၀၀ ရာခှိုင်နှုန်းထိ မြင့်တက်လာခဲ့သည်။
ဒီအပြောင်းအလဲကြောင့် သန်းနဲ့ချီတဲ့ ပြည်သူတွေ အခက်အခဲတွေနဲ့ ကြုံနေရပြီး နိုင်ဂျီးရီးယားအစိုးရကတော့ ဒါဟာ စီးပွားရေးအားကောင်းစေဖို့ ရည်ရွယ်တယ်လို့ ကာကွယ်ပြောဆိုထားပါတယ်။
Ref:BBC
Photo:Reuters
