မန္တလေး၊ ဇွန်- ၁၁- ၂၀၂၆
SA(VOM)
မန္တလေးမြို့၊ ပြည်ကြီးတံခွန်မြို့နယ်၊ ၆၁ လမ်းနဲ့ ၁၂၃ လမ်းအနီးမှာ ဇွန်လ ၈ ရက်နေ့ ညနေ ၆ နာရီဝန်းကျင်မှာ ဆိုင်ကယ်မောင်နှင်လာသူ အမျိုးသားတဦးကို ရိုက်နှက်ပြီး ဆိုင်ကယ်လုယက်ပြီးထွက်ပြေးသွားတဲ့ တရားခံလေးဦးကို ဖမ်းဆီးရမိပြီ ဖြစ်တယ်လို့ ရဲတပ်ဖွဲ့ကနေ သိရပါတယ်။
အမှုဖြစ်စဥ်နဲ့ပတ်သက်ပြီး (ပ)၈၄/၂၀၂၆၊ရာဇသတ်ကြီးပုဒ်မ ၃၈၂/၁၁၄ နဲ့ အမှုဖွင့်ဆောင်ရွက်ခဲ့ပြီးနောက် တရားခံတွေကိုဖမ်းရမိရေးအတွက် မဟာအောင်မြေခရိုင်မူခင်းနှိမ်နင်းရေးအဖွဲ့က ဒုရဲမှူး လွင်အောင် ဦးစီးပူးပေါင်းအဖွဲ့က လိုက်လံစုံစမ်းခဲ့ရာက ဇွန်လ ၉ ရက်နေ့ နေ့လယ် ၃ နာရီခွဲမှာ ဆိုင်ကယ်လုယူသွားသူတွေထဲက ချမ်းမြသာစည်မြို့နယ် ၄၉ လမ်း နဲ့ ၁၁၆ လမ်းထောင့်က ပုဂံ ဘီယာ ဆိုင်မှာ စားသောက်နေကြောင်း သိရှိခဲ့လို့သွားရောက်ဖမ်းဆီးရာက တရားခံ မျိုးသန့်ဇော်(ခ)သီဟဇော်(ခ) ဒီဒိုင်း၊၂၀နှစ် ကို စတင် ဖမ်းဆီးရမိခဲ့တာ ဖြစ်တယ်လို့ သိရပါတယ်။
အဲ့ဒီနောက် ကွင်းဆက်တရားခံ ဖော်ထုတ်ချက်အရ ည ၈ နာရီအချိန်မှာ အဲ့ဒီ ဘီယာဆိုင်မှာပဲ အောင်သူရကျော်(ခ)ဖိုးချစ်၊၁၉နှစ်၊ ကုလားကြီးခြံကျေးရွာ၊ စိုင်းသူရထွန်း(ခ)ဟုတ်ပ ၂၀နှစ် ရေကြည်ကျေးရွာ၊ စိုင်းဇူးဇူးမောင် ၂၀နှစ် ရေကြည်ကျေးရွာ၊ပုသိမ်ကြီးမြို့နယ် နေသူတို့ ၃ ဦး ထပ်မံဖမ်းဆီး ရမိခဲ့ပြီးစုစုပေါင်း တရားခံ ၄ ဦးကို မှုခင်းဖော်ထုတ်စစ်မေးခဲ့ပြီး ပြည်ကြီးတံခွန်မြို့မရဲစခန်း (ပ)၈၄/၂၆ ရာဇသတ်ကြီး ပုဒ်မ ၃၈၂/ ၁၁၄ အမှု အားကျူးလွန်ခဲ့သူတွေအဖြစ် စစ်ဆေးပေါ်ပေါက်သဖြင့်အမှုစစ် ဒုရဲအုပ် ရန်နိုင်ဦးမှတရားစွဲဆိုဖို့ ဆောင်ရွက်ထားတယ်လို့ သသိရပါတယ်။
အမှုဖြစ်စဥ်မှာ ဇွန်လ ၈ ရက်နေ့ ညနေပိုင်း ၆ နာရီဝန်းကျင်က အမျိုးသားတဦးက ဆိုင်ကယ်မောင်းလာချိန် အနောက်ကနေ ဆိုင်ကယ်တစီးနဲ့ လုယက်သူနှစ်ဦးက ကပ် လိုက်လာပြီးတော့ ဆိုင်ကယ်စီးသူကို လုယက်မယ့်ဆိုင်ကယ်ကို ခြေထောက်နဲ့ ကန်လိုက်တာကြောင့် အဲ့ဒီဆိုင်ကယ်နဲ့ အမျိုးသားလဲကျသွားချိန်မှာ နောက်ကကပ်ပြီးပါလာတဲ့ နောက်ထပ် လုယက်သူနှစ်ယောက်က လဲကျသွားတဲ့ အမျိုးသားကို လက်နက်နဲ့ ခေါင်းကို ရိုက်နှက်နေတာ တွေရပါတယ်။
အဲ့ဒီနောက် တိုက်ခိုက်ခံရတဲ့ အမျိုးသား တဦးထွက်ပြေးချိန်မှာ မျက်နှာချင်းဆိုင်ကနေ ရှေ့က ဆိုင်ကယ်ကို ကန်သွားတဲ့လုယက်သူ နှစ်ယောက်က လမ်းပြောင်းပြန် ပြန်မောင်းလာပြီး ဆိုင်ကယ်ပိုင်ရှင်ကို ထပ်မံတိုက်ခိုက်ခဲ့ပြီး ဆိုင်ကယ်ကို လုယူထွက်ပြေးခဲ့တာ တွေ့ရပါတယ်။
