Month: October 2019

ရန်ကုန် ၊အောက်တိုဘာ ၅ သူရိန် (VOM) ရန်ကုန်မြို့ ၊ လှိုင်သာယာမြို့နယ် ၊ ရွှေလင်ဗန်းစက်မှုဇုန် ၊ကင်းဝန်မင်းကြီးလမ်းနဲ့ ဒေါ်ဖွားရှင်လမ်းထောင့်ရှိ ကိုင်ချန်ဂါးမဲ့( န်တ်) မြန်မာကုမ္မဏီလီမိတက်အထည်ချုပ်စက်ရုံ မှာလုပ်ခလစာအမြန်ဆုံးထုတ်ပေးဖို့အချက်အပါအဝင်အချက် ၁၄ ချက်ကို အလုပ်သမား ၂၀၀ ကျော်ကစုပေါင်းတောင်းဆိုနေတာဟာ စက်တင်ဘာ ၃၀ရက်နေ့ကစပြီး ဆန္ဒပြတောင်းဆိုနေမှုဟာ ယနေ့အချိန်ထိ အဆင်ပြေမှုမရရှိသေးတာဖြစ်ပါတယ်။ အလုပ်သမားတွေအနေနဲ့ လုပ်ခလစာအမြန်ဆုံးထုတ်ပေးဖို့ ၊ ရက်မှန်ကြေးတိုးမြှင့်ပေးဖို့ ၊ ABCD ဂရိတ်အဆင့်ကြေးတိုးမြှင့် ပေးဖို့ ၊ All super တွေရဲ့ ဆဲဆိုမှုနဲ့မတရားခိုင်းစေမှုတွေဖြေရှင်းပေးဖို့အပြင်အချက် ၁၄ ချက်ကိုတောင်းဆိုနေတာပါ။ ” ကျွန်မတို့တောင်ဆိုတဲ့အချက်တွေကို အလုပ်ရှင်ကိုယ်စားလှယ်နဲ့ စက်ရုံမန်နေဂျာကလာဆွေးနွေးတယ်။အဆင်မပြေဘူး။ အလုပ် သမားရုံးမှာချိန်းတော့လဲသူတို့ကမလာဘူး။ တောင်းဆိုတာတွေမလုပ်ပေးနိူင်ဘူး။စက်ရုံမီးရှို့ရင်မီးသတ်ကားခေါ်မယ်ဆိုပြီး အလုပ် ရှင်ကိုယ်စားလှယ်ကပြောတယ်။လစာကိုလဲစက်ရုံထဲနေတဲ့သူဘဲ ပေးမယ်။ဆန္ဒပြတဲ့သူတွေကိုအဆောင်ခ ၅ သောင်း ၊၆ သောင်းဘဲထုတ်ပေးမယ်ပြောလို့အခုထိစုပေါင်းတောင်းဆိုနေတာလို့ “စက်ရုံစက်ချုပ်သမားမမာလာကပြောပါတယ်။ စုပေါင်းတောင်းဆိုတာတွေကိုအလုပ်ရှင်ကမဖြေရှင်းပေးတဲ့အပြင် အောက်တိုဘာ ၄ ရက်ညပိုင်းက…

မိုးမောက်၊ အောက်တိုဘာ ၅-၂၀၁၉ ရန်နိုင်ထွန်း(VOM) ကချင်ပြည်နယ် မိုးမောက်မဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ် ဦးနေဝင်းကို ဆက်သွယ်ရေးဥပဒေပုဒ်မ-၆၆ ဃ နဲ့ မြစ်ကြီးနားမြို့ အမှတ် ၂ ရဲစခန်းမှာ အောက်တိုဘာ ၄ ရက်နေမှာ တရားလိုဒေါ်စုစုခိုင်က အမှုဖွင့်ထားတယ်လို့ သိရပါတယ်။ တရားလိုဘက်ကတော့ သူ့ရဲ့ Facebook လူမှုကွန်ယက်စာမျက်နှာမှာ ၂၀၂၀ ရွေးကောက်ပွဲ နိုင်အောင် ဘယ်လိုလုပ်ရမလည်း ဆိုတဲ့ပို့ကို အောက်တိုဘာ ၁ ရက်နေ့မှာ NLD ပါတီဝင် တစ်ဦးဖြစ်တဲ့ ဦးချစ် အကောင့်ပိုင်ရှင်က ( tag ) တွဲတင်ခဲ့ရာမှာ မီးနဂါးအကောင့်အမည်နဲ့ အခုအမှုဖွင့်ခံရသူ လွှတ်တော်ကိုယ်စားလှယ် ရေးသားခဲ့တဲ့ ( comment ) ကြောင့် အမှုဖွင့်ရတာလို့ ဆိုပါတယ်။ အမှုဖွင့်ရလောက်တဲ့အထိ ရေးသားတုန့်ပြန်ခဲ့တာကတော့ “NLD အစိုးရအနေနဲ့ ရေရော ၊ လမ်းရော…

Unicode မုံရွာ၊အောက်တိုဘာ၄-၂၀၁၉ ရန်နိုင်စိုး (VOM) ပျားမွေးမြူရေးလုပ်ငန်းတွေရဲ့ ပျားပုံးတွေကို ဇီးစိုက်ခင်းအနီးနဲ့‌ စိုက်ခင်းအတွင်း လာရောက်ချထားတာတွေကြောင့် ဇီးသီးအထွက်နှုန်းလျော့ကျသွားတယ်ဆိုကာ ဘုတလင်မြို့နယ်၊ ကနီမြို့နယ်၊ ဒီပဲယင်းမြို့နယ်တွေမှာရှိတဲ့ ဇီးစိုက်တောင်သူတွေက အောက်တိုဘာလ ၄ ရက်နေ့က မုံရွာမြို့မှာ လာရောက်ဆန္ဒပြခဲ့ကြပါတယ်။   ပျားပုံးချထားတာတွေကြောင့် ဇီးပင်တွေအသီးသီးရာမှာ တနှစ်ထက်တနှစ်အထွက်နှုန်းလျော့နည်းသွားပြီး အသီးအရည်သွေးမှာလဲ ကျဆင်းတာတွေကြုံတွေ့နေရတာကြောင့် ပျားပုံးများဖယ်ရှား‌ပေးဖို့ သက်ဆိုင်ရာဌာနတွေကိုတင်ပြပေမယ့် ထိရောက်အောင်‌ဖြေရှင်းပေးတာတွေ မရှိတဲ့အတွက် အခုဆန္ဒထုတ်‌ဖော်တာဖြစ်တယ်လို့ ဒေသခံတွေက ပြောပါတယ်။   ” ကျနော်တို့တောင်သူတွေအနေနဲ့ ဒီဇီးကိုပဲ အားထားစိုက်ပျိုးနေကြရတာ။ ပျားပုံးတွေလာချလို့ ဇီးပျက်တယ်ဆိုတာက အသီးသီးချိန်မတန်ခင်ကတည်းက အုံလိုက်ကျင်းလိုက် စုပ်ယူတာတွေရှိတော့ ဇီးက အသီးညိုးသွားတယ်။ အသ‌ီးဖြစ်လဲ အရသာသိပ်မရှိတော့တာ။ ၂၀၁၅ ခုနှစ်ကတည်းက ဒါတွေဖယ်ရှားပေးဖို့ သက်ဆိုင်ရာဌာန‌ဖြစ်တဲ့ ပျားမွေးမြူရေးဌာနကို တောင်းဆိုခဲ့တယ်။ သူတို့က ရွေ့ဖို့လာတိုင်းပေးတာရှိပေမယ့် နောက်ကျတော့ ဒီနေရာအတိုင်းပဲ ပြန်လာချတယ်။ အဲ့ဒီတော့ တောင်သူတွေက ပျားစုပ်တာကတကြောင်း၊…

Unicode ရသေ့တောင်၊ အောက်တိုဘာ ၄-၂၀၁၉ ခိုင်လင်းစံ (VOM) ရခိုင်ပြည်နယ်၊ ဘူးသီးတောင်မြို့နယ် စေတီတောင်ကျေးရွာမှာရှိတဲ့ ဒုက္ခသည်စခန်းကို ပြီးခဲ့တဲ့ အောက်တိုဘာ ၂ ရက်နေ့ ညနေပိုင်းက ကျည်တွေကျရောက်ခဲ့ပြီး အသက် ၁၄ နှစ်အရွယ် ကျောင်းသူမိန်းကလေးတစ်ဦး ထိခိုက်ဒဏ်ရာရရှိခဲ့ပါတယ်။   ဒဏ်ရာရရှိခဲ့သူ မမြသဇင်မှာ ဒုက္ခသည်စခန်းကနေပြီး စေတီတောင်အထကမှ ကျောင်းတက်နေတဲ့ ရှစ်တန်းကျောင်းသူ လေးတစ်ဦး ဖြစ်ပြီးတော့ ၂ ရက်နေ့ ညနေ ၅ နာရီလောက်မှာ ကျေးရွာအနီးပစ်ခတ်မှုဖြစ်ပွားရာကနေ ဝမ်းဗိုက်ကို ကျည်ထိမှန်ခဲ့တာ ဖြစ်ပါတယ်။   “အဲ့ဒီနေ့က သမီးလေးဟာ စာဖတ်ဖို့အတွက် စာအုပ်တွေယူနေတဲ့အချိန် ပစ်သံတွေကြားရပြီးတာနဲ့ အိမ်ခေါင်မိုးတွေမှာ ကျည်တွေကျသံကြားရတယ်။ အောက်ကိုဆင်းပြေးတယ်။ သမီးလေးဝမ်းဗိုက်ကို ကျည်ထိသွားတယ်။”လို့ သူ့အမေ ဒေါ်လှသိန်းခင်ကပြောပါတယ်။   အဲ့ဒီပစ်ခတ်မှုဟာ စေတီတောင်ကျေးရွာနဲ့ မိုင်ဝက်လောက်ပဲဝေးတဲ့ ချောင်းတစ်ဖက်ကမ်းမှာရှိတဲ့ နွားရုံတောင် ကျေးရွာဘက်က ပစ်ခတ်လိုက်တာဖြစ်ပြီးတော့…