မန္တလေး၊ ဒီဇင်ဘာ ၁၂ ၊ ၂၀၁၉ အောင်ထူးနိုင်(VOM) Video News မြန်မာ့ကျောက်မျက်ရတနာအခွန်ကို လျော့ချကောက်ခံရင် နိုင်ငံတော်အတွက် အကျိုးအမြတ်ပိုရနိုင်တယ်လို့ ကျောက်မျက်အသိုင်းအဝိုင်းက လူတွေက ပြောပါတယ်။ လက်ရှိကျောက်မျက်ဥပဒေက အခွန်နှုန်းထားတွေဟာ များနေတဲ့အတွက် အခွန်ရှောင်တဲ့သူတွေရှိတယ်လို့ ထာပွဲကုန်သည်ပွဲစားအဖွဲ့ဝင်နဲ့ မိုးကုတ်ကျောက်မျက်အကြံပြုကော်မတီဝင်ကနေ သိရပါတယ်။ “အကြမ်းထည်နဲ့ အချောထည်မှာ ၁၀ ရာခိုင်နှုန်းသာ ရရင် အခုပြီးခဲ့တဲ့အစိုးရက ကောက်ခဲ့တဲ့ အခွန်ထက် ကျွန်တော်တို့က အဆပေါင်းများစွာ ပိုရမယ်။ ဒါကို ကျွန်တော်တို့ အကြိမ်ကြိမ် ပြောခဲ့တယ်။ သူတို့ မပြုပြင်ဘူး” လို့ ထာပွဲကုန်သည်ပွဲစားအဖွဲ့ဝင်နဲ့ မိုးကုတ်ကျောက်မျက်အကြံပြုကော်မတီဝင် ဦးစိုးမြင့်ကပြောပါတယ်။ လက်ရှိ ကျောက်မျက်ဥပဒေအရ တွင်းဝခွန်၊ ရတနာခွန်၊ ကုန်သွယ်လုပ်ငန်းခွန်နဲ့ ဝင်ငွေခွန်ဆောင်ရတာတွေ အပြင် အထူးကုန်စည်ခွန်ကိုပါ ပေးဆောင်နေရပြီး အဲ့ဒါတွေကြောင့် အခွန်ရှောင်မှုတွေဖြစ်နေပါတယ်။ “ကျွန်တော်တို့က မှန်မှန်ကန်ကန် လုပ်တယ်။ လုပ်တော့ ရှုံးတယ်။ ရသမျှအကုန်အပ်တယ်။…
Read Moreကျောက်မျက်အခွန် ပြောင်းလဲကောက်ခံရင် နိုင်ငံတော်အတွက် အကျိုးအမြတ်ဖြစ်မယ်
