Year: 2019

ရုရှားနိုင်ငံကို ကမ္ဘာ့ဖလားအပါအဝင် နိုင်ငံတကာအားကစားပွဲတွေမှာ ယှဉ်ပြိုင်ခွင့်လေးနှစ်ပိတ် မော်စကို၊ ဒီဇင်ဘာ-၁၀-၂၀၁၉ မျိုးဆက် (VOM) ကမ္ဘာ့တားမြစ်ဆေးတိုက်ဖျက်ရေးအဖွဲ့ဟာ ရုရှားနိုင်ငံကို အဓိကယှဉ်ပြိုင်ရမယ့် နိုင်ငံတကာ အားကစားပြိုင်ပွဲတွေ အားလုံးမှာ ပါဝင်ခြင်းကို တားမြစ်လိုက်ပါတယ်။ ဒီလိုတားမြစ်လိုက်တာကြောင့် ၂၀၂၀ တိုကျိုအိုလံပစ်နဲ့ မသန်စွမ်းအားကစားပြိုင်ပွဲ၊ ကာတာနိုင်ငံမှာကျင်းပမယ့် ၂၀၂၂ ခုနှစ် ကမ္ဘာ့ဖလားဘောလုံးပြိုင်ပွဲတွေမှာ ရုရှားအားကစားသမားတွေ ပါဝင်ယှဉ်ပြိုင်ခွင့် ဆုံးရှုံးရတော့မှာဖြစ်ပါတယ်။ ဒါပေမယ့် တားမြစ်ဆေးအရှုပ်တော်ပုံမှာ မပါဝင်ကြောင်း သက်သေပြနိုင်သူ အားကစားသမားတွေကတော့ ပါဝင်ယှဉ်ပြိုင်ဖို့ အခွင့်အရေးအချို့ရှိနေပါတယ်။ ဒီကိစ္စနဲ့ ပတ်သက်ပြီး လက်ခံနိုင်ဖွယ်မရှိကြောင်းနဲ့ အယူခံဝင်သွားမယ်လို့ ရုရှားသမ္မတ ဗလာဒီမာပူတင်က ပြောပါတယ်။ ကမ္ဘာ့တားမြစ်ဆေးတိုက်ဖျက်ရေးအဖွဲ့ အလုပ်အမှုဆောင်ကော်မတီဟာ ဆွစ်ဇာလန်နိုင်ငံမှာ ဒီဇင်ဘာ ၉ ရက်ကတွေ့ဆုံဆွေးနွေးခဲ့ပြီး ရုရှားအပေါ်တားမြစ်ပိတ်ပင်တဲ့ အဲဒီဆုံးဖြတ်ချက်ကို တစ်ညီတစ်ညွတ်ထား ချခဲ့တာဖြစ်ပါတယ်။ ဒီဆုံးဖြတ်ချက်ဟာ ၂၀၁၉ ခုနှစ် ဇန်နဝါရီလမှာ စုံစမ်းစစ်ဆေးသူတွေထံလွှဲပြောင်းပေးခဲ့တဲ့ ဓါတ်ခွဲခန်း အချက်အလက်တွေကို ကြိုးကိုင်ချယ်လှယ်မှုတွေအတွက် ရုရှားတားမြစ်ဆေးတိုက်ဖျက်ရေးအေဂျင်စီက…

ဟောင်ကောင် မငြိမ်မသက်မှုတွေဖြေရှင်းရေး အစိုးရအဖွဲ့ အပြောင်းလဲလုပ်ဖွယ်ရှိနေ ဟောင်ကောင်၊ ဒီဇင်ဘာ-၁၀-၂၀၁၉ မျိုးဆက် (VOM) တရုတ်နိုင်ငံရဲ့ အုပ်ချုပ်မှုအောက်မှာရှိတဲ့ ဟောင်ကောင်မှာ အစိုးရဆန့်ကျင်ရေးဆန္ဒပြပွဲတွေ လကျော်ကြာဖြစ်ပွားနေချိန်မှာ ဟောင်ကောင်အစိုးရအဖွဲ့အပြောင်းအလဲလုပ်မယ်ဆိုတဲ့သတင်းနဲ့ပတ်သက်ပြီ အုပ်ချုပ်ရေးမှူး ကာရီလမ်းက ငြင်းဆိုခြင်းမပြုခဲ့ပါဘူး။ ဒါပေမယ့် သူ့ရဲ့ ပထမဦးစားပေးကတော့ တရားဥပဒေစိုးမိုးမှုပြန်လည် ရရှိရေးပင်ဖြစ်တယ်လို့ ပြောပါတယ်။ ပြီးခဲ့တဲ့လက ပြုလုပ်တဲ့ ဒေသဆိုင်ရာရွေးကောက်ပွဲတွေရဲ့ ရလဒ်တွေမှာ ဒီမိုကရေစီလိုလားသူတွေကို ထောက်ခံကြောင်းပြသခဲ့ပြီးကတည်းက ဟောင်ကောင်မှာ အစိုးရဆန့်ကျင်ရေးအကြီး အကျယ်ဆန္ဒပြမှုဖြစ်ပွားခဲ့ပြီးနောက် နှစ်ရက်အကြာမှာ တရုတ်အစိုးရ ကျောထောက်နောက်ခံပြုထားတဲ့ အုပ်ချုပ်ရေးမှူးကာရီလမ်းက ယခုလိုပြောဆိုလိုက်တာဖြစ်ပါတယ်။ သူ့ရဲ့ဟောင်ကောင်အစိုးမှာ ဖိအားတွေ များပြားလာခြင်းနဲ့ အတူ ဖြစ်ပွားနေတဲ့ မငြိမ်မသက်မှုတွေကို ဖြေရှင်းဖို့ ယခုနှစ်ကုန်မှာ ဟောင်ကောင်အစိုးရအဖွဲ့ အပြောင်းအလဲလုပ်ဖို့ တရုတ်ဗဟိုအစိုးရက စဉ်းစားနေကြောင်း အက်ပဲဒေးလီးသတင်းစာက ဒီဇင်ဘာ ၁၀ ရက်မှာဖော်ပြထားပါတယ်။ အုပ်ချုပ်ရေးမှူး ကာရီလမ်းဟာ ဆယ်စုနှစ်များစွာအတွင်း ဟောင်ကောင်ရဲ့ အကြီးမားဆုံး နိုင်ငံရေး အကြပ်အတည်းနဲ့…

ဆန်တီယာဂို၊ ဒီဇင်ဘာ-၁၀-၂၀၁၉ မျိုးဆက် (VOM) အန္တာတိကရှိ ချီလီလေတပ်အခြေစိုက်စခန်းကို သွားရောက်မယ့် ခရီးသည် ၃၈ ဦးတင်ဆောင်ထားတဲ့ သယ်ယူပို့ဆောင်ရေး စစ်ဘက်လေယာဉ်တစ်စင်းဟာ ဒီဇင်ဘာ ၉ ရက်က အဆက်အသွယ်မရတော့ပဲ ပျောက်ဆုံးနေတယ်လို့ ချီလီလေတပ်က ထုတ်ပြန်ပါတယ်။ ပျောက်ဆုံးသွားတဲ့ လေယာဉ်နဲ့ပတ်သက်လို့ ချီလီစစ်ဘက်က တပ်လှန့်ထားပြီး ရှာဖွေကယ်ဆယ်ရေး လုပ်ငန်းတွေ စတင်လုပ်ဆောင်နေပါတယ်။ C-130 Hercules အမျိုးအစားလေယာဉ်ဟာ လေယာဉ်အမှုထမ်း ၁၇ ဦးနဲ့ ခရီးသည် ၂၁ ဦးလိုက်ပါသွားခဲ့တာဖြစ်ပါတယ်။ ဒီဖြစ်စဉ်နဲ့ပတ်သက်ပြီး ကာကွယ်ရေးဝန်ကြီး၊ ပြည်ထဲရေးဝန်ကြီးတို့နဲ့အတူ အခြေအနေတိုးတက်မှုရှိမရှိ လေတပ်အခြေစိုက်ဌာနချုပ်ကနေ စောင့်ကြည့်နေတယ်လို့ ချီလီသမ္မတ ဆီဘတ်စတိန်းပင်နီရာက ပြောပါတယ်။ အဲ့ဒီလေယာဉ်ဟာ မြို့တော်ဆန်တီယာဂိုကနေ ကီလိုမီတာ ၃၀၀၀ ကွာဝေးတဲ့ ပန်တာအရီနာမြို့လေဆိပ်ကနေ ဒေသစံတော်ချိန် ညနေ ၄ နာရီ ၅၅ မိနစ်မှာ ပျံတက်ခဲ့ပြီး ညနေ ၆ နာရီကျော်မှာ…

ဟယ်လင်စကီး၊ ဒီဇင်ဘာ-၉-၂၀၁၉ မျိုးဆက် (VOM) ဖင်လန်နိုင်ငံမှာ အသက် ၃၄ နှစ်အရွယ် ဆန်နာမာရင်ဟာ ဝန်ကြီးချုပ်အဖြစ် ခန့်အပ်ခံလိုက်ရပြီး သူဟာ ကမ္ဘာ့အသက်အငယ်ဆုံး ဝန်ကြီးချုပ်တစ်ဦးအဖြစ် သတ်မှတ်ရမှာဖြစ်ကာ ဖင်လန်နိုင်ငံမှာ ညွှန့်ပေါင်းအစိုးရတစ်ရပ်ကို အမျိုးသမီးတစ်ဦးက ဦးဆောင်တော့မှာဖြစ်ပါတယ်။ ဝန်ကြီးချုပ် အန့်တီရီနေးနှုတ်ထွက်သွားပြီးနောက် ပို့ဆောင်ရေးဝန်ကြီးဖြစ်သူ ဆန်နာမာရင်ကို ဝန်ကြီးချုပ်အဖြစ် သူမရဲ့ ဆိုရှယ်ဒီမိုကရက်တစ်ပါတီက ရွေးချယ်လိုက်တာဖြစ်ပြီး ယခုတစ်ပတ်အတွင်းမှာ ဝန်ကြီးချုပ်အဖြစ် ကျမ်းသစ္စာကျိန်ဆိုဖွယ်ရှိနေပါတယ်။ သူမဟာ အမျိုးသမီးတွေချည်းပဲ ဦးဆောင်ထားတဲ့ ပါတီငါးခုပါဝင်တဲ့ ညွှန့်ပေါင်းအစိုးရအဖွဲ့ကို ဦးဆောင်သွားမှာဖြစ်ပါတယ်။ ဝန်ကြီးချုပ်ဟောင်း ရီနေးဟာ စာတိုက်နဲ့ပတ်သက်တဲ့ သပိတ်မှောက်မှုတစ်ခုကို ကိုင်တွယ်ရာမှာ ညွှန့်ပေါင်းအဖွဲ့ရဲ့ ယုံကြည်မှု ပျောက်ဆုံးပြီးနောက် ရာထူးကနေ နှုတ်ထွက်လိုက်တာဖြစ်ပါတယ်။ ဆန်နာမာရင်အနေနဲ့ ဝန်ကြီးချုပ်တာဝန်ထမ်းဆောင်မယ့်အချိန်မှာ အသက် ၃၄ နှစ်အရွယ်သာရှိတာကြောင့် ကမ္ဘာ့အသက်ငယ်ဆုံး ဝန်ကြီးချုပ်အဖြစ် သတ်မှတ်ရမှာဖြစ်ပါတယ်။ လက်ရှိမှာတော့ အသက်ငယ်ရွယ်တဲ့ ဝန်ကြီးချုပ်တွေအဖြစ် သူမပြီးရင် နယူးဇီလန်ဝန်ကြီးချုပ် ဂျာဆင်ဒါအာဒန်…

တိုရွန်တို၊ ဒီဇင်ဘာ-၉-၂၀၁၉ မျိုးဆက် (VOM) ရခိုင်ပြည်နယ်မှ ရိုဟင်ဂျာအရေးနဲ့ပတ်သက်ပြီး မြန်မာနိုင်ငံအပေါ် စီးပွားရေး၊ ယဉ်ကျေးမှု၊ သံတမန်ရေးနှင့် နိုင်ငံရေးအရ ဖိအားပေးဖို့ရည်ရွယ်တဲ့ ‘Boycott Myanmar Campaign’ ကို နိုင်ငံ ၁၀ နိုင်ငံမှ လူ့အခွင့်အရေး၊ ပညာရေးနဲ့ အခြားအဖွဲ့အစည်းပေါင်း ၃၀ က စတင်လုပ်ဆောင်နေပြီဖြစ်ပါတယ်။ မြန်မာနိုင်ငံအပေါ် သပိတ်မှောက်တဲ့ လှုပ်ရှားမှု ‘Boycott Myanmar Campaign’ ဟာ ရိုဟင်ဂျာတွေကို လူမျိုးတုန်းသတ်ဖြတ်တယ်ဆိုပြီး ဂမ်ဘီယာနိုင်ငံက မြန်မာနိုင်ငံကို ICJ မှာတိုင်ကြားထားတာအတွက် ပြန်လည်ခုခံချေပဖို့နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် နယ်သာလန်နိုင်ငံကို ရောက်ရှိနေချိန်နဲ့လည်း တိုက်ဆိုင်နေပါတယ်။ ဒီလှုပ်ရှားမှုလုပ်ဆောင်တဲ့ အဖွဲ့တွေထဲမှာ Free Rohingya Coalition, Forsea.co, Restless Beings, Destination Justice, Rohingya Human Rights Network of Canada, Rohingya Human…