Year: 2019

ရန်ကုန် ဒီဇင်ဘာ ၄-၂၀၁၉ မိုးယံ(VOM) ရန်ကုန်တိုင်း၊ ရွှေပြည်သာမြို့နယ်၊ ဝါးတရားစက်မှုဇုန်က True Green City (ကော်စေ့စက်ရုံ) အလုပ်သမား(၂၀၀)ခန့်ဟာ စက်ရုံကလုပ်ခလစာ မရှင်းပေးတဲ့ကိစ္စနဲ့ပတ်သက်ပြီး အလုပ်သမားတွေက လစာမရမချင်း ရွှေပြည်သာမြို့နယ် အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန(အလရ) ရုံးဘေးကနေ မပြန်ဘူးလို့ဆိုပြီး တညီတညွတ်တည်းစုပေါင်းကာ ဆန္ဒပြတောင်းဆိုနေကြပါတယ်။ ” ၉လပိုင်း ၁၅ရက်ကနေနောက်ပိုင်း ဒီနေ့ထိ လစာမရသေးတာပါ၊ မရမချင်း ဒီနေရာကနေ မပြန်တော့ဘူး၊ အဆောင်လစာတွေလည်း မပေးနိုင်တော့ဘူး၊ စားစရာလည်းမရှိတော့ဘူးလေ၊ ဒီလစာရမှ ကျမတို့အဆင်ပြေမှာလေ၊ ဒီလစာလေးကိုဘဲ အားကိုးထားတာလို့” (အလရ)ရုံးဘေး စုဝေးရောက်ရှိနေတဲ့ အလုပ်သမားတွေထဲက အလုပ်သမားတစ်ဦးဖြစ်သူ မမိုးသီတာကပြောပါတယ်။ အထက်ပါကိစ္စနဲ့ပတ်သတ်ပြီး သက်ဆိုင်ရာဌာနဖြစ်တဲ့ အလုပ်ရှင်နှင့်အလုပ်သမားဥပဒေစစ်ဆေးရေးဦးစီးဌာနမှာ အလုပ်သမားတွေက စုပေါင်းတောင်းဆိုထားရာမှာ ပြီးခဲ့တဲ့ နိုဝင်ဘာ၁၅ရက်နေ့ နံနက်၁၀နာရီခွဲအချိန်က အလုပ်ရှင် နဲ့ အလုပ်သမားတွေကို ခေါ်ယူဖြေရှင်းရာ ပြေလည်မှုမရခဲ့ဘူးလို့ သိရပါတယ်။ စက်ရုံမှာ လုပ်ငန်းရှင်တွေရဲ့ စုပေါင်းစပ်တူစက်ရုံဖြစ်ပြီး လပိုင်းလောက်သာ…

မြဝတီ ၊ ဒီဇင်ဘာ ၄-၂၀၁၉ သူရိန်(VOM) ကရင်ပြည်နယ်၊ မြဝတီမြို့က လူငယ်တွေကြားမှာ မူးယစ်ဆေးဝါးသုံးစွဲမှု မြှင့်တက်နေပေမယ့် ဖမ်းဆီးအရေးယူတဲ့‌နေရာမှာ အခက်အခဲရှိနေတယ်လို့ ကရင်ပြည်နယ် မူးယစ်ဆေးစွဲသူများ ပြန်လည်ထူထောင်ရေးအသင်း(မြန်မာ)ကနေသိရပါတယ်။ “ မြဝတီမြို့မှာက လူငယ်ထုကြား မူးယစ်ဆေးဝါးသုံးစွဲမှုမြှင့်တက်နေပေမယ့်၊ မူးယစ်ဆေးဖြန့်ဖြူးသူတွေကို ဖမ်းဆီးအရေးယူတဲ့နေရာမှာ လက်နက်ကိုင်အဖွဲ့စုံရှိတဲ့မြို့ဖြစ်လို့ အခြားမြို့နဲ့မတူဘဲ ဖမ်းဆီးမှုအပိုင်းမှာ အခက်အခဲရှိနေတယ်။ မြဝတီမြို့နယ်အတွင်းမှာ မူးယစ်ဆေးစွဲလူငယ်တွေကို ကျွန်တော်တို့အသင်းအနေနဲ့ ပြန်လည်ထူထောင်ရေးဦးစီးဌာနနဲ့ပူးပေါင်းပြီး ဆေးဖြတ်စခန်းများ ဖွင့်လှစ်ထားပါတယ်”လို့ ကရင်ပြည်နယ် မူးယစ်ဆေးစွဲသူများ ပြန်လည်ထူထောင်ရေးအသင်း(မြန်မာ)ဥက္ကဋ္ဌဦးကျော်ဆန်းဦးက ပြောပါတယ်။ ကရင်ပြည်နယ် မူးယစ်ဆေးစွဲသူများပြန်လည်ထူထောင်ရေးအသင်း(မြန်မာ)က သြဂုတ်လကနေ စက်တင်ဘာလထိ ဝှေ့ရှမ်းကျေးရွာမှာ ဖွင့်လှစ်ခဲ့တဲ့ မူးယစ်ဆေးဖြတ်စခန်းက ဆေးစွဲလူငယ် ၃၀ ဦး၊ မြဝတီခရိုင် ပြန်လည်ထူထောင်ရေးရုံးမှာ ဖွင့်လှစ်ထားတဲ့ ကိုယ်ထူကိုယ်ထဆေးဖြတ်စခန်းမှာ ဆေးစွဲလူငယ် ၂၅ ဦးကို ကန့်သွင်းဆေးဖြတ်ပေးသလို ဒီနေ့ ဒီဇင်ဘာ ၄ ရက် မင်းလက်ပံကျေးရွာမှာ အစိုးရအထောက်အပံ့နဲ့ ဆေးဖြတ်စခန်းဖွင့်ဖို့…

တမူးမြို့မှာ လွှတ်တော်ကိုယ်စားလှယ်နေအိမ် လက်ပစ်ဗုံးဖြင့်ပစ်ခံရ တမူး -ဒီဇင်ဘာ-၄-၂၀၁၉ ရန်နိုင်စိုး အိန္ဒိယနယ်စပ်မြို့ဖြစ်တဲ့ စစ်ကိုင်းတိုင်း တမူးမြို့က အမျိုးသားလွှတ်တော်ကိုယ်စားလှယ် ဦးမောင်မောင်လတ်အိမ်ကို ဒီဇင်ဘာလ ၃ ရက်နေ့ညက အမည်မသိလူနှစ်ဦး ခ်ဥ္းကပ္လာျပီး လက်ပစ်ဗုံးနဲ့ ပစ်သွားပါတယ်။ ပစ်ချသွားတဲ့ လက်ပစ်ဗုံးဟာ ၉၁ အမျိုးစားလက်ပစ်ဗုံးဖြစ်ပြီး စနစ်တံပြုတ်လျှက်သားအနေထားနဲ့ အိမ်ဝန်းထဲရောက်ရှိခဲ့ပေမယ့် ပေါက်ကွဲတာတော့ မရှိခဲ့ဘူးလို့ သိရပါတယ်။ ” ဗုံးက မပေါက်ပါဘူး။ ဘယ်သူဘယ်ဝါလုပ်တယ်ဆိုတာတော့ စုံစမ်းရှာဖွေနေဆဲပါ။ စစ်တပ်ကတော့ ယူသွားတယ် ” လို့ တမူးမြို့နယ် ဒုရဲမှုးသိန်းနိုင်က ပြောပါတယ်။ အခုလို လုပ်ကြံသူဟာ မည်သူမည်ဝါဆိုတာမသိရသေးပေမယ့် ဒါဟာ လွှတ်တော်ကိုယ်စားလှယ်တွေရဲ့ လုံခြုံရေးအတွက် စိန်ခေါ်မှုတရပ်ဖြစ်‌တယ်လို့ နေအိမ် လက်ပစ်ဗုံးနဲ့ ပစ်ခံရတဲ့ အမျိုးသားလွှတ်တော်ကိုယ်စားလှယ် ဦးမောင်မောင်လတ်က ပြောပါတယ်။ ” ကျနော်က နေပြည်တော်ရောက်နေတာ။ အိမ်ကဆက်မှ သိရတာ။ တမူးမြို့နယ်အုပ်ချုပ်ရေးမှုးကလည်း အကြောင်းကြားလာတယ်။ တရားခံအမြန်ဆုံးဖမ်းနိုင်အောင်ရှာ‌ဖွေနေတယ်ပေါ့။…

ရန်ကုန်-ဒီဇင်ဘာ ၃-၂၀၁၉ သိဂီ ၤ(VOM) မြန်မာနိုင်ငံရဲ့ ဆောက်လုပ်ရေးကဏ္ဍမှာလုပ်ကိုင်နေတဲ့ အလုပ်သမားတွေအနေနဲ့ လုပ်ငန်းခွင်အတွင်းမှာ ဘေးအန္တရာယ်ကင်းရှင်းရေးအပါအဝင် ကျန်းမာရေး အလုပ်အကိုင်ကျွမ်းကျင်မှု ဖွံ့ဖြိုးတိုးတက်ဖို့အတွက် မြန်မာနိုင်ငံဆောက်လုပ်ရေးလုပ်ငန်းရှင်များအဖွဲ့ချုပ် MCEF၊ မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် CTUM ၊ CTUM ရဲ့အဖွဲ့ချုပ်အဖွဲ့ဝင်ဖြစ်တဲ့ ဆောက်လုပ်ရေးနှင့်သစ်လုပ်ငန်း အလုပ်သမားသမဂ္ဂများအဖွဲ့ချုပ် BWFMတို့က ဒီကနေ့မှာ MOUလက်မှတ် ရေးထိုးခဲ့ပါတယ်။ MOUအရ အလုပ်ရှင်အလုပ်သမားအကြားခံယူချက်တွေ အလုပ်သမားကျွမ်းကျင်မှုဖွံ့ဖြိုးတိုးတက်ရေး၊ ပြဿနာဖြစ်လာရင် အလုပ်ရှင်အလုပ်သမား အတူတကွဖြေရှင်းရေး၊ အလုပ်ရှင်အလုပ်သမား Safety ပိုင်းကို သေချာသိရှိနားလည်းပြီး လိုက်နာစေရေးကို အဓိကလုပ်ဆောင်သွားမှာဖြစ်တယ်လို့ သိရပါတယ်။ ” ဒီMOU ထိုးပြီးဘာဖြစ်မလဲဆိုတာ အတိအကျပြောလို့မရနိုင်ဘူး။ ဘယ်လိုအခြေအနေလဲဆိုတာ နောင်နှစ် ခုလိုအချိန်ကျမှသိနိုင်မယ်။ ဒီလက်မှတ်ထိုးတာပြီးရင် ဘာလုပ်မလဲဆိုတာကတော့ အလုပ်ရှင်အလုပ်သမား နှစ်ခုလုံးကိုသင်တန်းတွေပေးမယ်။ အစိုးရအသိအမှတ်ပြု လက်မှတ်ရတဲ့အထိလုပ်မှာဖြစ်တယ်။ safetyပိုင်းကို ပိုသိပြီးနားလည်လာအောင် လုပ်သွားမှာဖြစ်တယ်”လို့ CTUM ရဲ့ဥက္ကဋ္ဌဖြစ်သူ ဦးမောင်မောင်ကပြောပါတယ်။ လက်ရှိ ဆောက်လုပ်ရေးလုပ်ငန်းခွင်တွေမှာ…

မူဆယ်၊ ဒီဇင်ဘာ ၃-၂၀၁၉ ပြည့်စုံ(မဟာမင်း) တရုတ်နိုင်ငံက အမျိုးသား အကျိုးစီပွားကာကွယ်တဲ့အနေနဲ့ တင်းကြပ်အခွန်တိုးမြှင့်လိုက်တဲ့အတွက် မြန်မာနိုင်ငံက တရားဝင်ကုန်စည်တွေဖြစ်တဲ့ ဆန်၊ သကြား၊ ပြောင်း တို့ရဲ့ အရောင်းအဝယ်ဟာ ကျဆင်းနေပြီး ဈေးနှိမ်ဝယ်ယူတာတွေရှိနေတယ်လို့ သိရပါတယ်။ တရုတ်ပြည်သူ့သမ္မတနိုင်ငံဗဟိုအစိုးရက မှောင်ခိုတိုက်ဖျက်ရေးစီမံချက်ကြောင့် မူဆယ်နယ်စပ် ကုန်သွယ်ရေးမှာ ခုလိုမျိုးတွေကြုံတွေ့နေရတာဖြစ်ပါတယ်။ “ကျွန်တော်တို့နိုင်ငံက တရားဝင်ကုန်စည်ဖြစ်တဲ့ ဆန် သကြား ပြောင်း တို့ဟာ ရပ်ဆိုင်းမှုနီးပါးဖြစ်နေတယ်၊ ပြောင်းဆို တရုတ်က လုံးဝပေးမဝင်တော့ဘူး၊ ပြောင်းကတော့ လုံးဝရပ်သွားတဲ့သဘော ၊ သကြားကတော့ နည်းနည်းပါးပါးတော့သွားနေတယ်။ ဆန်ကတော့ ကိုတာစနစ်ရှိတာကြောင့် ယခင်လိုမရောင်းရပေမယ့် အနည်းငယ်တော့ရောင်ဝယ်မှု ဖြစ်တယ်၊ သို့သော် ရောင်းလိုအားနဲ့ဝယ်လိုအား ဈေးကွက်အခြေအနေပေါ်မှာ နှိမ်ဝယ်တာတော့ရှိတယ် ၊ ဆန်တစ်အိတ်ကို ၁၁၀ ယွမ်အထိပေးဝယ်ရင် တောင်သူတွေအတွက် အကျိုးအမြတ်ဖြစ်တဲ့ အနေအထားမှာ ၉၇ ယွမ်နှင့် ၁၀၀ ယွမ် ကြားအထိပဲပေးဝယ်တယ် ၊…

နေပြည်တော်၊ ဒီဇင်ဘာ ၃-၂၀၁၉ သီရိ (VOM) ဖွဲ့စည်းပုံအခြေခံဥပဒေ ပြင်ဆင်ရေးလုပ်ငန်းကို အခု လွှတ်တော်သက်တမ်းအတွင်းမှာ ပြီးစီးအောင်လို့ ဦးစားပေးဆောင်ရွက်သွားမယ်လို့ ပြည်ထောင်စုလွှတ်တော်နာယက ဦးတီခွန်မြတ်က ဒီကနေ့နေပြည်တော်ပြုလုပ်တဲ့ ဒုတိယအကြိမ် ပြည်ထောင်စုလွှတ်တော် (၁၄) ကြိမ်မြောက်ပုံမှန်အစည်းအဝေး ဒသမနေ့မှာ အသိပေးကြေငြာခဲ့တာ ဖြစ်ပါတယ်။ “ဖွဲ့စည်းပုံအခြေခံဥပဒေ ပြင်ဆင်ရေးလုပ်ငန်းများ ဆောင်ရွက်နေမှုများအပေါ် ဆွေးနွေးမှုအချို့နဲ့ ပက် သက်လို့ နာယကရဲ့ တာဝန်ရှိမှုအပိုင်းကနေ လွှတ်တော်သို့ အသိပေးပြောကြားလိုပါတယ်။ ပထမတစ်ချက်ကတော့ လက်ရှိ ဒုတိယသက်တမ်းအတွင်း ဆောင်ရွက်နိုင်ပါ့မလားဆိုတဲ့ ဆွေးနွေးချက် ဖြစ်ပါတယ်။ ဒီကိစ္စကို အရင်ဆုံးစတင်ကတည်းက ဒီသက်တမ်းအတွင်းဆောင်ရွက်နိုင်မယ့် လုပ်ငန်းတာဝန်တစ်ခုအနေနဲ့ စဉ်းစား လက်ခံပြီး လွှတ်တော်သိ့ု တင်ပြဆောင်ရွက်ခဲ့တာဖြစ်ပါတယ်။ ပထမသက်တမ်းမှာ ဆောင်ရွက်ခဲ့မှုအရ မည် သည့် ဥပဒေကြမ်းတစ်ခုကိုမျှ နောက်သက်တမ်းကို ဆက်ပြီးလွှဲယူသွားတဲ့ အစဉ်အလာမရှိတဲ့အတွက် အခုလို ဖွဲ့စည်းပုံအခြေခံဥပဒေပြင်ဆင်ရေးလုပ်ငန်းကိုလည်း လက်ရှိသက်တမ်းမှာပဲ ပြီးစီးအောင် ဦးစားပေးဆောင်ရွက် သွားမှာဖြစ်ပါတယ်”လို့ ပြည်ထောင်စုလွှတ်တော်နာယက…