ပါတီမိတ်ဆက်(တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ-TNDP) မန္တလေး၊စက်တင်ဘာ၁၇-၂၀၂၀ လဲ့လဲ့ဝင်း(VOM) လာမယ့်၂၀၂၀နိုဝင်ဘာလ၈ရက်နေ့ရွေးကောက်ပွဲမှာဝင်ပြိုင်မယ့်တိုင်းလိုင်(ရှမ်းနီ)အမျိုး သားများဖွံ့ဖြိုးတိုးတက်ရေးပါတရဲ့ပြောရေးဆိုခွင့်ရှိသူပါတီဒုတိယဥက္ကဌ ပါတီဗဟိုကော်မတီဝင် ဦးလှသိန်း ကို VOMသတင်းထောက်လဲ့လဲ့ဝင်းကမေးမြန်းထားတာဖြစ်ပါတယ်။ VOM – ပါတီအနေနဲ့ဝင်ပြိုင်မယ့်လွှတ်တော်ကိုယ်စားလှယ်ဘယ်လောက်အရေအတွက်ရွေးကောက်ပွဲကော်မရှင်ကိုတင်ထားလဲ။ ဦးလှသိန်း-ဝင်ရောက်ယှဉ်ပြိုင်မယ့်ကိုယ်စားလှယ်စုစုပေါင်း၄၁ယောက်ရှိပါတယ်။ VOM – ပါတီရဲ့ကတိကဝတ်ကဘာတွေဖြစ်မလဲ။ ဉီးလှသိန်း-(၁)ငြိမ်းချမ်းရေး။(၂) တန်းတူရေး။(၃) ကိုယ်ပိုင်ပြဌာန်းခွင့်ရရှိရေး။ VOM- အာဏာရပါတီ၊ပြည်ခိုင်ဖြိုးစတဲ့ပါတီကြီးတွေကိုဘယ်လိုအင်အားတွေနဲ့ယှဉ်ပြိုင်သွားမလဲ။ ဦးလှသိန်း-တိုင်းရင်းသားပါတီကအာဏာရပါတီကို အလေးအနက်ယှဉ်ပြိုင်ဖက်လို့ သဘောထားပါတယ်။ ကျနော်တို့ပါတီကအမျိုးသားအားကိုးပါတယ်။ VOM- ပြီးခဲ့တဲ့ရွေးကောက်ပွဲတွေမှာရောဘယ်နှနေရာနိုင်ခဲ့ဖူးပါသလဲ။ ဦးလှသိန်း-၂၀၁၅စပြီးရွေးကောက်ပွဲဝင်ပြိုင်တာ။ကျွန်တော်တို့ဒီမြို့တွေရှိတဲ့စစ်ကိုင်းတိုင်းအထက်ပိုင်းနှင့်ကချင်ပြည်နယ်ထဲမှာ၁၄မြို့နယ်ထဲဝင်ပြိုင်ခဲ့တယ်။ဟုမ္မလင်းမြို့နယ်မှာ၂နေရာနိုင်တယ်၊ရှမ်းဝန်ကြီးနဲ့တိုင်းဒေသကြီး၁နေရာ ၂နေရာတော့နိုင်ခဲ့ပါတယ်။ VOM- ပါတီကိုယ်စားလှယ်လောင်းကိုဘယ်လိုရွေးတာလဲ။ ဦးလှသိန်း-ကျန်တော်တို့မြို့နယ်စိတ်ပါတီတွေကနေဖြစ်လာတဲ့လူတွေ လူအရည်အချင်းပေါ်မှာမူတည်ပြီးမှဗဟိုမှာရွေးချယ်ရေးအဖွဲ့ကဖွဲ့ပြီးရွေးချယ်ရေအဖွဲ့ရဲ့ဆုံးဖြတ်ချက်နဲ့ရွေးပါတယ်။ VOM- ပါတီဝင်အင်အားဘယ်လောက်ရှိပါသလဲ။ ဦးလှသိန်း-ပါတီဝင်ရနေပြောရင်ဆိုတော့သောင်းဂဏန်းရှိပါတယ်။လူမျိုးအနေနဲ့ပါတီဝင်မဟုတ်ပေမယ့် အမျိုးသားအသိစိတ်တွေနဲ့ဆိုရင်သိန်းဂဏန်းနောက်ခံရှိတဲ့လူမျိုးပါတီတစ်ခုဖြစ်ပါတယ်။ VOM -ပါတီရဲ့ဆောင်ပုဒ်တွေကဘာတွေလဲ။ ဦးလှသိန်း-(၁)ငြိမ်းချမ်းတူယှဉ်နေထိုင်ရေးကျားနီကိုသာမဲထည့်ပေး။ (၂)တန်းတူညီမျှရရှိဖို့ကျားနီကိုသာမဲပေးစို့။ (၃)ကိုယ့်ကြမ္မာကိုယ်ဖန်တီးရေးကျားနီသာမဲထည့်ပေး။ #voiceofmyanmar #VOM #နိုင်ငံရေးပါတီမိတ်ဆက် #တိုင်းလိုင်(ရှမ်းနီ)အမျိုးသားများဖွံ့ဖြိုးတိုးတက်ရေးပါတီ-TNDP zawgyi ပါတီမိတ္ဆက္…
Read More
