ဒေါ်အောင်ဆန်းစုကြည်ကို ဆာခါရော့ဗ်ဆုရရှိထားသူများ အသိုင်းအဝိုင်းမှ ဥရောပပါလီမန်ဖယ်ရှား ဘရပ်ဆယ်၊ စက်တင်ဘာ-၁၁-၂၀၂၀ မျိုးဆက် (VOM) လူ့အခွင့်အရေးလှုပ်ရှားမှုပြုသူအတွက်ပေးအပ်တဲ့ ဆာခါရော့ဗ် ဆုရရှိထားတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ဆုရသူတွေအသိုင်းအဝိုင်းရဲ့လှုပ်ရှားမှုတွေကနေ ဥရောပပါလီမန်က တရားဝင်ဖယ်ရှားလိုက်ပါတယ်။ မြန်မာနိုင်ငံက ဘင်္ဂါလီအသိုင်းအဝိုင်းအပေါ် ဆက်လက်ကျူးလွန်နေတဲ့ ရာဇဝတ်မှုတွေနဲ့ပတ်သက်ပြီး သူမရဲ့ရပ်တည်ချက်နဲ့ ကာကွယ်ပေးဖို့ပျက်ကွက်မှုကို တုံ့ပြန်တဲ့ ဆုံးဖြတ်ချက်တစ်ရပ်ဖြစ်တယ်လို့ ဥရောပပါလီမန်က စက်တင်ဘာ ၁၀ ရက်မှာ ထုတ်ပြန်ထားပါတယ်။ ဒေါ်အောင်ဆန်းစုကြည်ဟာ စစ်အစိုးရကနေ နေအိမ်အကျယ်ချုပ်ချထားပေမယ့်လည်း ဒီမိုကရေစီအရေးအတွက် အကြမ်းမဖက်နည်းနဲ့လှုပ်ရှားခဲ့တဲ့အတွက် ၁၉၉၀ ခုနှစ်မှာ ဥရောပပါလီမန်ရဲ့ ဆာခါရော့ဗ်ဆုကို ရရှိခဲ့တာဖြစ်ပါတယ်။ ရခိုင်ပြည်နယ်မှာဖြစ်ပွားခဲ့တဲ့ ဘင်္ဂါလီအရေးမှာ သူမရဲ့ရပ်တည်ချက်ကြောင့် ၁၉၉၁ ခုနှစ်မှာ ရရှိထားတဲ့ နိုဘယ်လ်ငြိမ်းချမ်းရေးဆုကို ပြန်ရုပ်သိမ်းဖို့ တောင်းဆိုမှုတွေလည်း ရှိနေပါတယ်။ ဘင်္ဂါလီတွေအပေါ် လူမျိုးတုန်းသတ်ဖြတ်တယ်ဆိုတဲ့ စွပ်စွဲချက်တွေနဲ့အတူ မြန်မာနိုင်ငံကို အိုင်စီဂျေမှာ ဂမ်ဘီယာနိုင်ငံက လွန်ခဲ့တဲ့နှစ်အတွင်း တရားစွဲဆိုခဲ့တာဖြစ်ပါတယ်။ Ref : NHK…
Read Moreဒေါ်အောင်ဆန်းစုကြည်ကို ဆာခါရော့ဗ်ဆုရရှိထားသူများ အသိုင်းအဝိုင်းမှ ဥရောပပါလီမန်ဖယ်ရှား
