Month: September 2020

ဧရာဝတီတိုင်းရှိ အထည်ချုပ်စက်ရုံအားလုံး ယာယီပိတ် ပုသိမ် ၊စက်တင်ဘာ ၂၄-၂၀၂၀ ကိုအောင်(VOM) ဧရာဝတီတိုင်းအတွင်းရှိ အထည်ချုပ်စက်ရုံအားလုံး ၁၄ ရက်ယာယီပိတ်သိမ်းဖို့ တိုင်း အစိုးရအဖွဲ့က ဒီကနေ့ စက်တင်ဘာလ ၂၄ ရက်နေ့က ညွန်ကြားချက်ထုတ်ပြန်လိုက်တာဖြစ်ပါတယ်။ ပုသိမ်စက်မှုဇုန်မှာရှိတဲ့ ဟီရှန်းအထည်ချုပ်စက်ရုံက အလုပ်သမား ၃ ဦးနဲ့ ဒေါင်းလောင်အထည်ချုပ်စက်ရုံက အလုပ်သမား ၁ ဦးတို့မှာ Covid-19 ရောဂါပိုးတွေ့ရှိပြီးနောက် အထည်ချုပ်စက်ရုံအားလုံးကို ၁၄ ရက်ပိတ်ဖို့ ဆုံးဖြတ်ခဲ့တာဖြစ်ပါတယ်။ “တိုင်းအစိုးရကယာယီအားဖြင့်ပိတ်တာပါ၊ ရောဂါပိုးထိန်းချုပ်နိုင်ရေးနဲ့ အများပြည်သူအတွက်ဖြစ်ပါတယ်”လို့ ဧရာဝတီတိုင်းအစိုးရအဖွဲ့ပြောရေးဆိုခွင့်ရှိသူ လမ်းပန်းဆက်သွယ်ရေးဝန်ကြီးဦးဝင်းဌေးက ပြောပါတယ်။ စက်ရုံအလုပ်သမားအားလုံး ကျန်းမာရေးနဲ့အားကစားဝန်ကြီးဌာနရဲ့လမ်းညွှန်ချက်နဲ့အညီ Home Stay နေထိုင်စေပြီး သွားလာမှုတွေကို ကန့်သတ်ထားရှိကာ ကြပ်မတ်ဆောင်ရွက်ရမယ်လို့ သက်ဆိုင်ရာရပ်ကွက်အုပ်ချုပ်ရေးမှူးတွေကို တဆင့်ညွန်ကြားထားတယ်လို့လည်း သိရပါတယ်။ ” စက်တင်ဘာ ၂၄ရက်နေ့ ယနေ့ နေ့လယ်မှ ညွှန်ကြားစာရောက်လာတဲ့အတွက် မနက်ဖြန် စက်တင်ဘာ ၂၅ ရက်နေ့မှသာ…

ရန်ကုန်တိုင်းအတွင်းက စက်ရုံအလုပ်ရုံအားလုံး ယာယီပိတ်သိမ်း ရန်ကုန်၊ စက်တင်ဘာ၂၄-၂၀၂၀ အေးချမ်းသူ(VOM) ကျန်းမာရေး နှင့်အားကစားဝန်ကြီးဌာနက ထုတ်ပြန်ကြေညာချက်အရ ရန်ကုန်တိုင်းအတွင်း ခွင့်ပြုထားသောလုပ်ငန်းများမှအပ ကျန်တဲ့စက်ရုံအလုပ်ရုံတွေအားလုံး ဒီကနေ့ စက်တင်ဘာ၂၄ရက်မှစတင်ကာ အောက်တိုဘာ၇ရက်နေ့အထိ ယာယီပိတ်သိမ်းလိုက်ပြီးဖြစ်တယ်လို့ အလုပ်သမားအရေးလှုပ်ရှားသူတွေရဲ့ပြောပြချက်အရ သိရပါတယ်။ ရန်ကုန်တိုင်းအတွင်းရှိ စက်ရုံအလုပ်ရုံများပိတ်သိမ်းရာမှာ အမိန့်စာထုတ်ပြန်ချက်အရ ယာယီပိတ်တဲ့စက်ရုံတွေဟာ အထည်ချုပ်စက်ရုံအများစုသာပါရှိတယ်လို့ မြန်မာ နိူင်ငံစက်မှုလက်မှုနှင့်ဝန်ဆောင်မှုလုပ်ငန်းပေါင်းစုံအလုပ်သမားသမဂ္ဂအဖွဲ့ချုပ်(MICS-TUSF)အထွေထွေအတွင်းရေးမှုးချုပ် ဦးသက်နှင်းအောင်ကပြောပါတယ်။ “အမိန့်စာထုတ်ပြန်တာကို မရှင်းတာ၊ ရှုပ်ထွေးနေတာ၊ တစ်ကိုယ်ရေသုံးပစွည်းသုံးဆိုတာ ဘာတွေလဲ ထည့်မရေးထားဘူး၊ CMP ဆိုရင် ကုန်ကြမ်းပေး၊ကုန်ချောယူပေါ့၊ အဲ့ဒါဆိုရင်အထည်ချုပ်ပဲသိတာ အိတ်၊ဖိနပ် အဲ့လိုစက်ရုံတွေမပါပြန်ဘူး”လို့ ဦးသက်နှင်းအောင်ကရှင်းပြပါတယ်။ ကျန်းမာရေးနှင့်အားကစားဝန်ကြီးဌာနရဲ့ ထုတ်ပြန်ချက်မှာ ဘဏ်နဲ့ငွေကြေးဝန်ဆောင်များ၊ စက်သုံးဆီအရောင်းဆိုင်များ၊ စားသောက်ကုန်နဲ့ သား၊ငါးအအေးခန်းများ၊ ဆေးဝါးနှင့်ဆေးပစွည်းကိရိယာဖြန့်ဖြူးထုတ်လုပ်ရေးလုပ်ငန်းများ၊ ရေသန့်ထုတ်လုပ်ဖြန့်ဖြူးရောင်းချတဲ့စက်ရုံတွေမပါဝင်ဘူးလို့ သိရပါတယ်။ အမိန့်အမှတ် ၁၀၇/၂၀၂၀မှာ အလုပ်ပိတ်ရက်တွေမှာ လုပ်ခလစာပေးချေမှုမပါဝင်တာကြောင့် အလုပ်ရှင်နှင့်အလုပ်သမားကြား အငြင်းပွားမှုများစွာဖြစ်ပေါ်စေပြီး အလုပ်သမားတွေကို လူမှုဖူလုံရေးကနေ ၆၀ရာခိုင်နူန်းနဲ့ အလုပ်ရှင်ဘက် ၄၀ရာခိုင်နူန်းပေးဖို့ တော…

မြစ်ကြီးနားကနေ နေပြည်တော်အထိ ကိုဗစ်အတည်ပြုလူနာ ရဲဝန်ထမ်းစီးခဲ့တဲ့ မော်တော်ယာဉ်က ယာဉ်မောင်းကို စုံစမ်းမရသေး မြစ်ကြီးနား၊ စက်တင်ဘာ ၂၄-၂၀၂၀ ရန်အောင်ထွန်း(VOM) နေပြည်တော်က Covid-19 အတည်ပြုလူနာ ရဲဝန်ထမ်းနဲ့အတူ ဝန်ထမ်းတွေလိုက်ပါစီးနင်းခဲ့တဲ့ မော်တော်ယာဉ်ရဲ့ ယာဉ်မောင်းနဲ့ ယာဉ်နောက်လိုက်တို့ ၂ဦးကို မတွေ့သေးဘူးလို့ မြစ်ကြီးနားမြို့နယ်ရဲတပ်ဖွဲ့မှူး ရဲမှူးမြင့်မိုးက ပြောပါတယ်။ Covid-19 အတည်ပြုလူနာဟာ ရဲတပ်ကြပ်တစ်ဦးဖြစ်ပြီး အပြောင်းအရွှေ့ကိစ္စနဲ့ အင်ဂျန်းယန်ကနေ နေပြည်တော်ကို တာဝန်ပြောင်းရင်း ကွာရန်တင်းဝင်ခဲ့ရာက ကိုဗစ်ရောဂါပိုး ကူးစက်ခံရထားရတာကို စစ်ဆေးတွေ့ရှိခဲ့တာဖြစ်ပါတယ်။ ကိုဗစ်အတည်ပြုလူနာ ရဲဝန်ထမ်းဟာ စက်တင်ဘာ ၁၈ ရက်နေ့မှာ မြစ်ကြီးနားကားဝင်းကနေ ကားအစင်လုံးငှားပြီး ပြန်သွားတာလို့သိရပြီး ရဲဝန်ထမ်းလိုက်ပါခဲ့တဲ့ ကားမှာတော့ အခြားရဲဝန်ထမ်း ၁၆ ယောက် လိုက်ပါခဲ့ပြီး သူတစ်ယောက်သာ Covid-19 အတည်ပြုလူနာ ဖြစ်ခဲ့တာလို့ ပြောပါတယ်။ ကျန်တဲ့ရဲဝန်ထမ်းတွေရဲ့ Swabကိုလည်း စိတ်ချရအောင်အတွက် ဒုတိယအကြိမ် ထပ်မံဓာတ်ခွဲအတည်ပြုမယ်လို့လည်း သိရပါတယ်။…