အပစ်အခတ်ရပ်စဲရေးကို ပယ်ချပြီး အဇာဘိုင်ဂျန်နဲ့ အာမေနီးယားတို့ တိုက်ပွဲတွေ ပြင်းထန် ဘာကူး၊ အောက်တိုဘာ-၂-၂၀၂၀ မျိုးဆက် (VOM) အဇာဘိုင်ဂျန်နဲ့ အာမေနီးယားနိုင်ငံတို့အကြား အငြင်းပွားဖွယ်နယ်မြေတစ်ခုအရေးကြောင့် ဆယ်စုနှစ်များစွာအတွင်း အဆိုးရွားဆုံး တိုက်ပွဲများဖြစ်ပွားနေပြီး အပစ်အခတ်ရပ်စဲရေး တိုက်တွန်းတောင်းဆိုမှုများကို နှစ်ဘက်စလုံးက ပယ်ချလိုက်ပါတယ်။ ကော့ကေးဆပ်တောင်ပိုင်းရှိ နာဂေါ်နို-ကာရာဘတ်ခ် ဒေသမှာ ဖြစ်ပွားနေတဲ့ တိုက်ပွဲတွေနဲ့ပတ်သက်ပြီး အမေရိကန်၊ ပြင်သစ်နဲ့ ရုရှားတို့က ပူးတွဲကြေညာချက်ထုတ်ပြန်ပြီး ပြစ်တင်ရှုတ်ချလိုက်ပါတယ်။ ဒါပေမယ့် အဇာဘိုင်ဂျန်ရဲ့ မဟာမိတ် တူရကီကတော့ အပစ်အခတ်ရပ်စဲရေး တောင်းဆိုမှုတွေကို ပယ်ချခဲ့ပါတယ်။ နာဂေါ်နို-ကာရာဘတ်ခ် ဒေသဟာ အဇာဘိုင်ဂျန်က တရားဝင်ပိုင်ဆိုင်တဲ့ ဒေသဖြစ်ပြီး လက်ရှိမှာတော့ အာမေနီးယားမျိုးနွယ်စုတွေက အုပ်ချုပ်ထားပါတယ်။ အဲဒီနယ်မြေနဲ့ပတ်သက်ပြီး ၁၉၈၈-၉၄ ခုနှစ်များမှာ အဇာဘိုင်ဂျန်နဲ့ အာမေးနီးယားနိုင်ငံတို့အကြား စစ်ပွဲဖြစ်ပွားခဲ့ပါတယ်။ လက်ရှိမှာတော့ တင်းမာမှုတွေနဲ့ပတ်သက်ပြီး နိုင်ငံတကာက စိုးရိမ်ပူပန်မှုတွေ မြင့်တက်နေပေမယ့် နှစ်နိုင်ငံအကြား တိုက်ပွဲတွေ အပြင်းအထန်ဖြစ်ပွားနေတာ ငါးရက်ရှိနေပါပြီ။…
Read Moreအပစ်အခတ်ရပ်စဲရေးကို ပယ်ချပြီး အဇာဘိုင်ဂျန်နဲ့ အာမေနီးယားတို့ တိုက်ပွဲတွေ ပြင်းထန်
