Month: January 2021

ဇန်နဝါရီ ၁၉ -၂၀၂၁ အေးချမ်းသူ(VOM) ရန်ကုန်မြို့၊ အင်းစိန်မြို့နယ်၊ ရွာမအရှေ့ရပ်ကွက်၊ အောက်မင်္ဂလာဒုံလမ်း၊ အစိုးရစက်မှုလက်မှုသိပ္ပံကျောင်း(GTI)ရှေ့၊ ပလက်ဖေါင်း မြက်ခင်းပြင်မှာ ဒီကနေ့မနက်ပိုင်းက ငြိမ်းစုစီမတင်ဘဲ ရွေးကောက်ပွဲနဲ့ပတ်သက်ပြီး တပ်မတော်က သတင်းထုတ်ပြန်မှုကို ထောက်ခံကြောင်းပြုလုပ်ခဲ့ရာ ဦးဆောင်သူကို ရဲတပ်ဖွဲ့က ဖမ်းဆီးခဲ့ပါတယ်။ “တပ်မတော်က ပြည်သူနဲ့တစ်သားတည်းရှိနေတယ်။ တပ်မတော်ရဲ့ထုတ်ပြန်ချက်တွေဟာ ဒီမိုကရေစီတည်တံ့ရေးကိုဦးတည်နေတယ်၊ တပ်မတော်ရဲ့ သဘောထားထုတ်ပြန်ချက်တွေကို ကြိုဆိုတဲ့အနေနဲ့ အခုလိုပြုလုပ်ရခြင်းဖြစ်တယ်”လို့ ဆန္ဒထုတ်ဖော်ပွဲကိုဦးဆောင်သူ ဦးသိန်းဦးက ပြောပါတယ်။ ဆန္ဒထုတ်ဖော်ရာမှာ ငြိမ်းစုစီမတင်တဲ့အတွက် အင်းစိန်မြို့မရဲစခန်းက ရဲမှူးတစ်ဦးနဲ့ ဆန္ဒထုတ်ဖော်သူတို့ စကားအချေအတင်ဖြစ်ခဲ့ကြပါတယ်။ အဲ့ဒီပွဲကို ဦးဆောင်ပြုလုပ်တဲ့ ဦးသိန်းဦး နဲ့ ဝန်းရံသူ ၁၆ ဦးဟာ ” ဒီမိုကရေစီ တည်တံ့ရေး၊ ပြည်သူ့ဆန္ဒကို ဦးစားပေးပါ၊ ငြိမ်းချမ်းစွာ ဆန္ဒထုတ်ဖော်နေပါသည်”စတဲ့ စာသားပါ ဆိုင်းဘုတ်တွေကိုင်ဆောင်ကာ ဆန္ဒပြခဲ့ကြပါတယ်။ ခွင့်ပြုချက်မတင်ဘဲ ဆန္ဒထုတ်ဖော်ခဲ့တဲ့ ဦးသိန်းဦးကို ငြိမ်းစုစီဥပေ အရ အရေးယူဆောင်ရွက်ဖို့…

ဇန်နဝါရီ ၁၉ -၂၀၂၀ ယဉ်ပပထွန်း(VOM) မြန်မာနိုင်ငံခရီးသွားလုပ်ငန်းကို ဇွန်လနောက်ပိုင်းမှာ ပြန်လည်ပြီး အဆင်ပြေလာနိုင်မယ်လို့ မြန်မာနိုင်ငံတိုင်းရင်းသားလုပ်ငန်းရှင်များအသင်း တွဲဖက်အတွင်းရေးမှူး ဒေါက်တာအောင်ရဲဇော်ကပြောပါတယ်။ “ ခရီးသွားလုပ်ငန်းက ရောဂါအခြေအနေပေါ်မှုတည်တယ် ။ ၃ လပိုင်းနဲ့ ၆လပိုင်းလောက်မှာ ကာကွယ်ဆေးရနိုင်မယ်လို့ ကျွန်တော်အနေနဲ့ သုံးသပ်တယ်။ ဇွန်လနောက်ပိုင်းမှာ ခရီးသွားလုပ်ငန်းတွေ ပြန်လည် အဆင်ပြေလာနိုင်တယ်လို့ မြင်ပါတယ်“လို့ ဒေါက်တာအောင်ရဲဇော်ကပြောပါတယ်။ ခရီးသွားလုပ်ငန်းနဲ့ ပတ်သက်ပြီးတော့ ရောဂါအကာအကွယ် နဲ့ စနစ်တကျလုပ်နိုင်ဖို့အတွက် နိုင်ငံတော်အနေနဲ့ တွန်းအားပေးပြီးလုပ်လာမယ်လို့ မျှော်လင့်မိကြောင်း ဒေါက်တာအောင်ရဲဇော်က ပြောပါတယ် ။ “ ဒီဟာကို မဖွင့်ပေးလို့မရဘူး၊ ဘာလို့လဲဆိုတော့ နေရာတွေအားလုံးမှာ ကန့်သက်ချက်တွေများနေမယ်ဆိုရင် စီးပွားရေးမှာ အဟန့်အတားဖြစ်မယ်။ ဘာလို့လဲဆိုတော့ တော်တော်များများ ခရီးသွားလုပ် ငန်းကို အမှီပြုပြီးလုပ်နေကျတဲ့ လုပ်ငန်းတွေရှိတယ်။ ကန့်သက်ထားတဲ့ အတွက်ကြောင့် ခရီးသွားလုပ်ငန်းနဲ့ ဆက်စပ်တဲ့လုပ်ငန်းအားလုံးက သက်ရောက်မှုဖြစ်ပြီးတော့ စီးပွားဖြစ်ထွန်းမှု အားနည်းနေတယ်။ ပြန်လည်ကုသဖို့က…

ဇန်နဝါရီ ၁၉ -၂၀၂၁ အေးချမ်းသူ(VOM) တပ်မတော်ထောက်ခံပွဲနဲ့ ရွေးကောက်ပွဲကော်မရှင်ကန့်ကွက်ပွဲကို မရမ်းကုန်း ၊ ပုသိမ် ၊ အိမ်မဲ ၊ ပေါက် စတဲ့ မြို့နယ် ၄ခုမှာ မနေ့ ဇန်နဝါရီ ၁၈ရက်နေ့က တစ်ပြိုင်တည်းပြုလုပ်ခဲ့ကြပါတယ်။ ဧရာဝတီတိုင်း၊ ပုသိမ်မြို့နဲ့ အိမ်မဲမြို့နယ်မှာ မနေ့ညနေပိုင်းက UECကိုကန့်ကွက်ကြောင်း ဆန္ဒထုတ်ဖော်ပွဲ ပြုလုပ်ခဲ့ပါတယ်။ အိမ်မဲမြို့နယ်၊ ဝါးကလုပ်ကျေးရွာမှာ လူ ၃၀ဦးခန့်ဟာ ” မဲမသမာမှုများရှင်းပြီးမှ အစိုးရဖွဲ့ပါ၊ မဲမသမာမှုများဖြင့်ဖွဲ့စည်းမည့်အစိုးရ အလိုမရှိ၊ ပြည်သူ့အာဏာ ခိုးသူ ဒို့ရန်သူ၊ တရားသူကြီးချုပ်မှ အမှန်တရားဘက်မှရပ်တည်ပေးပါ၊ ဥပဒေနှင့်မညီသည့်ရွေးကောက်ပွဲရလဒ် အလိုမရှိ၊ မဲမသမာမှုများ စစ်ဆေးပေးရေး ဒို့အရေး” စတဲ့စာသားပါဗွီနိုင်းတွေကိုင်ဆောင်ကာ ကြွေးကြော်သံတွေနဲ့ ဆန္ဒဖော်ထုတ်ခဲ့ပါတယ်။ ပုသိမ်မြို့နယ်မှာလည်း လူအင်အား ၃၀ဦးနဲ့ ရွေးကောက်ပွဲရလဒ်အလိုမရှိကြောင်း တပြိုင်နက်ဆန္ဒထုတ်ဖော်ခဲ့ကြတာဖြစ်ပါတယ်။ ရန်ကုန်မြို့၊ မရမ်းကုန်းမြို့နယ်၊ မင်းဓမ္မလမ်းပေါ် ၊ ပါရမီလမ်းဆုံမီးပွိုင့်အနီးမှာလည်း လူ၂၀ဦးခန့်က…

ဇန်နဝါရီ ၁၉ -၂၀၂၁ ခွန်ခမ့်သူ(VOM) စစ်ဘေးရှောင်စခန်းတွေ ပြန်လည်နေရာချထားရေးလုပ်ငန်းထဲက နေအိမ်တွေပြန်တည်ဆောက်လုပ်ဖို့ မြေနေရာပြုပြင်ရာမှာ စက်ယန္တရားလိုအပ်ချက်တွေရှိနေတယ်လို့ သဘာဝဘေးအန္တရာယ်ဆိုင်ရာ စီမံခန့်ခွဲရေးနှင့်ပြန်လည်နေရာချထားရေးဦးစီးဌာနကနေ သိရပါတယ်။ ကရင်ပြည်နယ်အစိုးရအဖွဲ့က လှိုင်းဘွဲ့မြို့နယ်၊ မြိုင်ကြီးငူအထူးဒေသမှာ ယာယီဖွင့်ထားတဲ့ စစ်ဘေးရှောင်စခန်းကို ပြန်လည်ပိတ်သိမ်းသွားမှာဖြစ်တဲ့အတွက် စစ်ဘေးရှောင်ပြည်သူတွေ နေထိုင်စားသောက်ရေး နဲ့ နေအိမ်တွေပြန်လည်တည်ဆောက်ရေး အဆင်ပြေစေဖို့ စီစဉ်နေတယ်လို့ သိရပါတယ်။ “လောလောဆယ်တော့ စက်ယန္တရားတွေနဲ့ မြေရိုင်းရှင်းလင်းရေးပဲ ရှိပါသေးတယ်။ ဒီနှစ်ထဲမှာ ပြီးနိုင်ဖို့က စက်ယန္တရားတွေရဲ့ အင်အားလိုတာပေါ့။ စက်ယန္တရားကိုင်တွယ်တဲ့လူတွေ Social Distancing ကလည်း ရှိတယ်။ ကျန်းမာရေးညွန်ကြားချက်နဲ့အညီ လုပ်ရတယ်ဆိုတော့ လုပ်ငန်းပြီးစီးဖို့ မှန်းလို့မရသေးဘူး”လို့ သဘာဝဘေးအန္တရာယ်ဆိုင်ရာ စီမံခန့်ခွဲရေးနှင့်ပြန်လည်နေရာချထားရေးဦးစီးဌာန ညွှန်ကြားရေးမှူး ဦးလင်းထွဋ်ကပြောပါတယ်။ မြေနေရာဖော်ထုတ်ရာမှာ မြိုင်ကြီးငူဆရာတော်ရဲ့ စက်ယန္တရားတစ်စီးတည်းနဲ့ လုပ်ဆောင်နေရတဲ့အတွက် စက်ယန္တရားပျက်ပြီး အလုပ်မဖြစ်နေတယ်လို့ သိရပါတယ်။ “လောလောဆယ် အစိုးရဆီကပဲ ထောက်ပံ့ပေးသေးတယ်။ လက်တလောအခက်အခဲက ကားပျက်တဲ့အချိန်မှာ ဘာမှလဲလုပ်မရတော့ဘူး။ ကားကတော့ပျက်နေပြီး…

ဇန်နဝါရီ ၁၉ -၂၀၂၁ ထက်အောင်စိုင်း (VOM) ကျောင်းသားတွေအပါအဝင် မြန်မာနိုင်ငံတစ်ဝန်း ဖမ်းဆီးခံထားရတဲ့ ကျောင်းသားတွေကိစ္စ၊ လက်ရှိရခိုင်ပြည်နယ်ရဲ့ နိုင်ငံရေးအခြေအနေအပေါ် ရက္ခိုင်ပြည်ကျောင်းသားသမဂ္ဂ(ရကသ)ရဲ့ သဘောထားနဲ့ ဆက်စပ်ပြီး ပထမဆုံးအကြိမ်အဖြစ် စစ်တွေမြို့ ကျောင်းသားသမဂ္ဂရုံးမှာ မနေ့ ဇန်နဝါရီ ၁၈ရက်နေ့လယ်ပိုင်းက ပြုလုပ်ခဲ့ပါတယ်။ ရခိုင်ပြည်နယ်အပါအဝင် မြန်မာတစ်နိုင်ငံလုံးက ကျောင်းသားတွေ မတရား ဖမ်းဆီးချုပ်နှောင်ခံထားရပြီး တရားစွဲခံရပေမယ့် ရုံးချိန်းတွေခေါ်တာမရှိဘဲ အချိန်ကြာကြာ ရုံးချိန်နေ့ရက်တွေရွှေ့ဆိုင်းနေတာဟာ မဖြစ်သင့်ကြောင်း နဲ့ ဖမ်းဆီးခံကျောင်းသားတွေကို အမြန်ဆုံးပြန်လွှတ်ပေးဖို့ တောင်းဆိုလိုကြောင်း ရက္ခိုင်ပြည်ကျောင်းသားသမဂ္ဂ (စစ်တွေတက္ကသိုလ်)ဥက္ကဋ္ဌ ကိုတိုးတိုးအောင်က ပြောပါတယ်။ ” ရခိုင်ပြည်နယ်အတွင်း ပြည်တွင်းစစ်ရေးပဋိပက္ခတွေကြောင့် လက်နက်ကြီးကျပြီး သေဆုံးသွားတဲ့ ပညာရေးဝန်ထမ်းအပြင် အပြစ်မဲ့အရပ်သားပြည်သူတွေကို အစိုးရအနေနဲ့ ပြည်သူတွေကို အပြည့်အဝကူညီပေးမှု အားနည်းလို့ ဝေဖန်ထောက်ပြပါတယ်”လို့ ကိုတိုးတိုးအောင်က ပြောပါတယ်။ ရက္ခိုင်ပြည်ကျောင်းသားသမဂ္ဂက ကိုကျော်ငြိမ်ထွန်းကလည်း ” ရခိုင်ပြည်နယ်အတွင်း တစ်နှစ်ကျော်ကြာ အင်တာနက်ဖြတ်တောက်ခံထားရ တာဟာ…