ရန်ကုန်၊ ဒီဇင်ဘာ ၁၀၊၂၀၂၁ KK(VOM) ဗိုလ်ချုပ်အောင်ဆန်းရုပ်ရှင်ဇာတ်ကားမှာ ဗိုလ်ချုပ်ရဲ့ပါရမီဖြည့်ဘက် ဒေါ်ခင်ကြည်အဖြစ် သရုပ်ဆောင်ခဲ့တဲ့ မဇာခြည်လင်းဟာ ဒီကနေ့ ညနေသုံးနာရီမှာ ပုသိမ်ဆေးရုံကြီးမှာ ကွယ်လွန်သွားတယ်လို့ မြို့ခံတွေဆီက သိရပါတယ်။ ဒေါ်ခင်ကြည်နေရာကနေ သရုပ်ဆောင်ခဲ့တဲ့ မဇာခြည်လင်းဟာ ဧရာဝတီတိုင်း၊ ပုသိမ်မြို့နယ် ၂ ရပ်ကွက် ကိုးဆူကျောင်းလမ်းမှာ နေထိုင်ပြီး ဒီကနေ့ညနေပိုင်းမှာ သွေးကင်ဆာနဲ့ကွယ်လွန်ခဲ့တာဖြစ်လို့ ၂ ရပ်ကွက်မှာ နေထိုင်သူတဦးက ပြောပါတယ်။ “သွေးကင်ဆာနဲ့ဆုံးတယ်လို့ ကြားတယ်၊ ဆေးရုံတက်နေတာပါ ပုသိမ်ဆေးရုံမှာ ညနေပိုင်းက ဆုံးတာပါ”လို့ သူကပြောပါတယ်။ မဇာခြည်လင်းဟာ မူလတန်းကျောင်းအုပ်ကျောင်းဆရာမတစ်ယောက်ဖြစ်ပြီး ဗိုလ်ချုပ်အောင်ဆန်းရုပ်ရှင်မှာ ဒေါ်ခင်ကြည်နေရာကနေ ပါဝင်သရုပ်ဆောင်ဖို့အတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင်က ရွေးချယ်ခဲ့တာဖြစ်ပါတယ်။ နကစ လက်ထက်မှာ ကင်ဆာရောဂါဝေဒနာကို ခံစား နေရပေမယ့် CDM မှာပါဝင်ခဲ့ပြီး ဆေးကုသမှုခံယူနေရင်း ကွယ်လွန်ခဲ့တာဖြစ်ပါတယ်။ …
Read Moreဗိုလ်ချုပ်ရုပ်ရှင်မှာ ဒေါ်ခင်ကြည်အဖြစ် သရုပ်ဆောင်ခဲ့တဲ့ မဇာခြည်လင်း ကွယ်လွန်
