Year: 2021

ဒီဇင်ဘာ ၆-၂၀၂၁ KK(VOM)   ကော့မှုးမြို့နယ်နဲ့ ၈ မိုင်ခန့်ဝေးတဲ့ ဝါးဘလောက်သောက်ကျေးရွာရဲကင်းမှာ မနေ့ ဒီဇင်ဘာ ၆ရက် ညပိုင်းက အပြန်အလှန်ပစ်ခတ်မှုတွေဖြစ်ပွားခဲ့ပြီး နှစ်ဖက်ထိခိုက်မှုတွေရှိတယ်လို့ ဒေသခံတွေဆီက သိရပါ တယ်။   ကျေးရွာနေသူတဦးက”ညပိုင်း ရဲကင်းမှာ အပြန်အလှန်ပစ်ခတ်မှုဖြစ်တာပါ နာရီဝက်လောက်ကြာတယ်၊ လူနာတင်ယာဥ်တွေလည်း ရောက်လာတယ် ရဲသုံးဦးသေတယ်လို့ ကြားတယ်”လို့ ပြောပါတယ်။   ကျေးရွာရဲကင်းရှေ့ရှိ ထရန်စဖော်မာဘေးမှာ ဗုံးပေါက်ကွဲမှုဖြစ်ခဲ့ရာကနေ နှစ်ဖက်ပစ်ခတ်မှုတွေဖြစ်ခဲ့တာလို့ အုပ်ချုပ်ရေးပိုင်းက တာဝန်ရှိသူတဦးက ပြောပါတယ်။   “ဗုံးလာပစ်တဲ့ သူတွေထဲက တစ်ယောက်ထိပြီး သေတယ် ရဲဘက်ကလည်း သေတယ်ပြောတယ်၊ သေချာတော့မသိရသေးဘူး”လို့ သူကပြောပါတယ်။   နှစ်ဖက်ထိခိုက်မှုကိုတော့ VOMအနေနဲ့ သီးခြားအတည်ပြုနိုင်ခြင်းမရှိသေးပါဘူး။   ပြီးခဲ့တဲ့လတွေကလည်း ကော့မှုးမြို့နယ်မှာ ဌာနဆိုင်ရာရုံးတွေ ဗုံးပေါက်ကွဲခဲ့တာရှိသလို နှစ်ဖက်ပစ်ခတ်မှုကြောင့်သေဆုံးခဲ့သူတွေနဲ့ ဖမ်းဆီးခံခဲ့ရတာသူတွေလည်းရှိခဲ့ပါတယ်။   #voiceofmyanmar #VOM #ကော့မှုး #နှစ်ဖက်ပစ်ခတ်မှု

ဒီဇင်ဘာ ၊ ၆ -၂၀၂၁ နှင်းဖြူဝေ (VOM)   ဒီဇင်ဘာ ၇ ရက်ကစပြီး တိုးချဲ့ပြေးဆွဲပေးမယ်လို့ ကြေညာခဲ့တဲ့ မုံရွာ-ကလေး လေကြောင်းခရီးစဥ်ဟာ ပြေးဆွဲပေးမယ့် ၂ ရက်အလိုမှာပဲ လေကြောင်းပို့ဆောင်ရေးညွှန်ကြားမှုဦးစီးဌာနက အဲ့ဒီခရီးစဥ်ကို ပြေးဆွဲခြင်းမပြုတော့ဘဲ ယာယီရပ်ဆိုင်းထားဖို့ ကြေညာချက်တင်္ပ ထုတ်ပြန်လိုက်တယ်လို့ မုံရွာအခြေစိုက် ခရီးသွားဝန်ဆောင်မှုလုပ်ငန်းရှင်တွေဆီက သိရပါတယ်။   အဲ့ဒီအကြောင်းကို မုံရွာအခြေစိုက် ခရီးသွားဝန်ဆောင်မှုနဲ့ လေယာဥ်လက်မှတ်အရောင်းဌာန လုပ်ငန်းရှင် တဦးက ” အခုလာမယ့် ၇ ရက် ၊ အင်္ဂါက စပြီး အပတ်စဥ် အဂ်ါနေ့ ညနေပိုင်း ၃ နာရီ နောက်ပိုင်းမှာ မုံရွာ-ကလေး ပုံမှန်ပြေးဆွဲပေးမယ်လို့ ကနဦး ကြေညာခဲ့တယ် ၊ မနေ့ ဒီဇင်ဘာ ၅ ရက်က ကမ္ဘာ့နိုင်ငံပေါင်း ၃၅ နိုင်ငံမှာ လက်တလောဖြစ်နေတဲ့ မျိုးရိုးဗီဇပြောင်း…

နေပြည်တော် ၊ ဒီဇင်ဘာ၆-၂၀၂၁ KT(VOM)   နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တရားစွဲဆိုထားသည့် အမှုများအနက်မှ ရာဇသတ်ကြီး ဥပဒေ ပုဒ်မ ၅၀၅-ခ နဲ့ သဘာဝဘေးအန္တရာယ်ဆိုင်ရာစီမံခန့်ခွဲမှု ဥပဒေပုဒ်မ ၂၅ အမှုကို ဒီဇင်ဘာ ၆ ရက်နေ့ ဒီနေ့မှာ နေပြည်တော် အထူးတရားရုံးက ၄ နှစ်ချလိုက်ကြောင်းတရားရုံးအသိုင်းအဝိုင်းက သိရပါတယ်။   နိုဝင်ဘာ ၃၀ ရက်နေ့က အပြီးသတ်အမိန့်ချရန်ချရန်စီစဥ်ထားသော်လည်း အမိန့်မချဖြစ်ဘဲ ဒီဇင်ဘာ ၆ ရက်နေ့ကို အမိန့်ချရန်ပြောင်းလဲခဲ့ကြောင်း၊အဆိုပါအမှုမှာတရားခံပြသက်သေ သီးခြားတင်သွင်းခဲ့ခြင်းမရှိဘဲ ဒေါ်အောင်ဆန်းစုကြည်ကိုယ်တိုင်ထွက်ဆိုခဲ့သောအမှုဖြစ်ကြောင်းသိရပါတယ်။   နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့သမ္မတဦးဝင်းမြင့်တို့ရင်ဆိုင်နေရတဲ့ အမှုတွေထဲက သဘာဝဘေးအန္တရာယ်ဆိုင်ရာစီမံခန့်ခွဲမှု ဥပဒေပုဒ်မ ၂၅ နဲ့စွဲဆိုခံထားရတဲ့အမှုနဲ့ ပုဒ်မ ၅၀၅(ခ)တို့အတွက် ဒီကနေ့ ဒီဇင်ဘာ ၆ရက်မှာ နေပြည်တော်အထူးတရားရုံးမှာ အပြီးသတ်အမိန့်ချလိုက်တာပါ။   အလားတူ သမ္မတဦးဝင်းမြင့်ကိုလည်း ၅၀၅ (ခ) နဲ့…

ရန်ကုန်၊ဒီဇင်ဘာ ၆၊၂၀၂၁ KK(VOM)   မနေ့ ဒီဇင်ဘာ ၅ ရက်မနက်ပိုင်းက ရန်ကုန် ကြည့်မြင်တိုင်မှာ လုပ်တဲ့ ဆန္ဒပြပွဲကို စစ်တပ်က အကြမ်းဖက်ဖြိုခွင်းခဲ့တာမှာ ဆန္ဒပြပွဲ သတင်းယူနေတဲ့ Myanmar Pressphoto Agency (MPA) သတင်းဌာနက သတင်းထောက်နှစ်ဦးဖမ်းဆီးခံခဲ့ရတယ်လို့ MPA က ထုတ်ပြန်ပါတယ်။   ကြည့်မြင်တိုင်မြို့နယ်က ရန်ကုန်လူထုသပိတ်စစ်ကြောင်းမှာသတင်းယူနေတဲ့ ဓာတ်ပုံသတင်းထောက် ကိုကောင်းဆက်လင်းနဲ ရုပ်သံသတင်းထောက် မမှူးရတနာခက်မို့မို့ထွန်းတို့ နှစ်ဦး ဖမ်းဆီးခံခဲ့ရတယ်လို့ မနေ့ညပိုင်းက MPA သတင်းဌာနကထုတ်ပြန်ထားပါတယ်။   စစ်တပ်က ဆန္ဒပြသူတွေကို ကားနဲ့တိုက်ကာဖမ်းဆီးခဲ့လို့ သတင်းယူနေတဲ့ ဓာတ်ပုံသတင်းထောက် ကိုကောင်းဆက်လင်းဟာ ပေါင် ကျိုးဒဏ်ရာရရှိကာ စစ်ဆေးရုံမှာဆေးကုသမှုခံယူနေရတယ်လို့ သတင်းထောက်တဦးက ပြောပါတယ်။   “ကိုကောင်းတစ်ယောက်ထဲမဟုတ်ဘူး မှုးရတနာလည်း ဆေးရုံမှာပဲသူလည်း စိုးရိမ်ရတယ် အခြေအနေသိပ်မကောင်းဘူး”လို့ပြောပါတယ်။   ရုပ်သံသတင်းထောက်ဖြစ်သူ မမှူးရတနာခက်မို့မို့ထွန်း မှာလည်း ကားနဲ့တိုက်ခံရ၍…