Year: 2021

တီဟီရန်၊ ဒီဇင်ဘာ-၂၅-၂၀၂၁ မျိုးဆက်(VOM)   အီရန်ဟာ ပင်လယ်ကွေ့ ပြုလုပ်ခဲ့တဲ့ စစ်ရေးလေ့ကျင့်မှုဟာ အစ္စရေးကို သတိပေးလိုက်တာဖြစ်တယ်လို့ အီရန်စစ်ဘက်ထိပ်တန်းတာ၀န်ရှိသူတစ်ဦးက ဒီဇင်ဘာ ၂၄ ရက်မှာ ထုတ်ဖော်ပြောဆိုလိုက်ပါတယ်။   ဒီဇင်ဘာ ၂၄ ရက်မှာပြီးဆုံးခဲ့တဲ့ အဲဒီစစ်ရေးလေ့ကျင့်မှုမှာတော့ အီရန်ဟာ ပဲ့ထိန်းဒုံးပျံတွေနဲ့ ခရုဇ်ဒုံးပျံတွေပါ ပစ်လွှတ်ခဲ့ပါတယ်။   အဲဒီစစ်ရေးလေ့ကျင့်မှုဟာ အစ္စရေးအာဏာပိုင်တွေအမှားအယွင်းတွေကို သတိပေးဖို့ အလွန်ရှင်းလင်းတဲ့ သတင်းစကားဖြစ်ကြောင်း အီရန်တော်လှန်ရေးအစောင့်တပ် အကြီးအကဲ ဗိုလ်ချုပ်ကြီး ဟိုစိန်ဆာလာမီက နိုင်ငံပိုင်ရုပ်မြင်သံကြားမှတဆင့်ပြောပါတယ်။   စစ်ရေးလေ့ကျင့်မှုမှာ အီရန်စစ်ဘက်ဟာ အမျိုးအစားမတူတဲ့ ပဲ့ထိန်းဒုံးပျံ ၁၆ စင်းကိုပစ်လွှတ်ခဲ့ပြီး သတ်မှတ်ထားတဲ့ ပစ်မှတ်တွေကို ထိမှန်ဖျက်ဆီးနိုင်ခဲ့တယ်လို့ ထုတ်ပြန်ထားပါတယ်။   စစ်ရေးလေ့ကျင့်မှုအတွင်း ပဲ့ထိန်းဒုံးပျံတွေကို အီရန်ကပစ်လွှတ်ခဲ့ခြင်းနဲ့ပတ်သက်ပြီး ဗြိတိန်ကပြစ်တင်ရှုတ်ချခဲ့ပါတယ်။ ဒီလုပ်ရပ်ဟာ ဒေသတွင်းနဲ့ နိုင်ငံတကာလုံခြုံရေးကို ခြိမ်းခြောက်နေတာဖြစ်ပြီး ချက်ချင်းရပ်တန့်ဖို့ တောင်းဆိုကြောင်း ဗြိတိန်နိုင်ငံခြားရေး၀န်ကြီးဌာနက ထုတ်ပြန်ထားပါတယ်။  …

မော်စကို၊ ဒီဇင်ဘာ-၂၅-၂၀၂၁ မျိုးဆက်(VOM)   ရုရှားနိုင်ငံဟာ အသံထက်ငါးဆမြန်တဲ့ ဒုံးပျံတွေကို ဒီဇင်ဘာ ၂၄ ရက်နံနက်ပိုင်းက အောင်မြင်စွာစမ်းသပ် ပစ်လွှတ်နိုင်ခဲ့ပြီလို့ သမ္မတပူတင်က အခိုင်အမာထုတ်ဖော်ပြောဆိုလိုက်ပါတယ်။   Tsirkon အမျိုးအစားအသံထက်မြန်တဲ့ ဒုံးပျံစနစ်တွေကို ယမန်နေ့ကအောင်မြင်စွာ စမ်းသပ်နိုင်ခဲ့တာဖြစ်ကြောင်း နိုင်ငံတော်ကောင်စီ၊ သိပ္ပံနှင့်ပညာရေးကောင်စီတို့ရဲ့ ပူးတွဲအစည်းအဝေးမှာ သမ္မတပူတင်ကပြောဆိုခဲ့တာဖြစ်တယ်လို့ အာအိုင်အေသတင်းဌာနကဆိုပါတယ်။   အဲဒီဒုံးပျံစနစ်ဟာ မြေပြင်နဲ့ရေပြင်ပစ်မှတ်တွေကို ပစ်မှတ်ထားတိုက်ခိုက်နိုင်တဲ့ မိမိတို့ရဲ့ နောက်ဆုံးပေါ်ဒုံးပျံအမျိုးအစားဖြစ်ကြောင်း သမ္မတပူတင်ကပြောဆိုပါတယ်။   စမ်းသပ်မှုကို အောင်မြင်ချောမွေ့စွာပြုလုပ်နိုင်ခဲ့ပြီးဒါဟာ ရုရှားရဲ့လုံခြုံရေးနဲ့ ကာကွယ်ရေးစွမ်းရည်ကိုမြှင့်တင်ဖို့ အရေးပါတဲ့ ခြေလှမ်းတစ်ရပ်ဖြစ်ကြောင်း သူကပြောပါတယ်။   အသံထက်မြန်သည့်ဒုံးပျံစနစ်ကို တီထွင်ခဲ့တဲ့ အင်ဂျင်နီယာတွေနဲ့ ဒီဇိုင်နာတွေကို ကျေးဇူးတင်ကြောင်း ပြောဆိုခဲ့ပြီး ဒုံးပျံတွေကို ရုရှားရေတပ်မှာ လာမည့်နှစ်အတွင်းတပ်ဆင်ဖို့ ရည်ရွယ်ထားကြောင်း သမ္မတပူတင်ကပြောပါတယ်။   Ref: Reuters Photo: AFP #voiceofmyanmar #VOM #မော်စကို

ဒါကာ၊ ဒီဇင်ဘာ-၂၄ မျိုးဆက်(VOM)   ဘင်္ဂလားဒေ့ရ်ှနိုင်ငံတောင်ပိုင်းမှာ လူအပြည့်တင်ဆောင်ထားတဲ့ ဖယ်ရီသင်္ဘောတစ်စင်း ဒီဇင်ဘာ ၂၄ ရက်က မီးလောင်မှုကြောင့် လူ ၃၈ ဦးသေဆုံးသွားပြီး ၁၀၀ ကျော်ဒဏ်ရာရရှိသွားကြောင်း တာ၀န်ရှိသူတွေက ပြောပါတယ်။   အဲဒီသုံးထပ်သင်္ဘော မြို့တော်ဒါကာမှ ဘာဂူနာမြို့သို့ ဦးတည်ခုတ်မောင်းနေစဉ်မှာ ဂျဟာလာကာတီမြို့အနီး မြစ်လယ်မှာ စတင်မီးလောင်ကျွမ်းခဲ့ပါတယ်။   သေဆုံးသူတွေထဲ့ အချို့ကတော့မီးလောင်စဉ် သင်္ဘောပေါ်မှခုန်ချပြီးနောက် ရေနစ်သေဆုံးခဲ့တာဖြစ်ပါတယ်။ ခရီးသည်အများအပြား ဆိုးရွားစွာမီးလောင်ခံထားရတာကြောင့် သေဆုံးသူအရေအတွက် တိုးလာနိုင်ပါတယ်။   လက်ရှိချိန်ထိ အလောင်း ၃၂ လောင်းကို ရှာဖွေတွေ့ရှိထားကြောင်း၊ အများစုမှာ မီးလောင်သေဆုံးခဲ့ပြီး အချို့မှာ ရေနစ်သေဆုံးခဲ့တာဖြစ်တယ်လို့ ဒေသခံရဲတပ်ဖွဲ့အကြီးအကဲကပြောပါတယ်။   မီးလောင်ချိန်မှာတော့ သင်္ဘောပေါ်မှာ ခရီးသည် ၅၀၀ ဦးလိုက်ပါခဲ့ကြောင်းသိရပါတယ်။   ဘင်္ဂလားဒေ့ရ်ှနိုင်ငံမှာ သင်္ဘောတွေကို ပြုပြင်ထိန်းသိမ်းမှုညံ့ဖျင်းခြင်း၊ ဘေးကင်းရေးစံနှုန်းတွေ လိုက်နာမှုနည်းပါးခြင်းနဲ့ လူပြည့်လူလျှံတင်ခြင်းတွေကြောင့် မတော်တဆမှုတွေ…

ဆိုးလ်၊ ဒီဇင်ဘာ-၂၄-၂၀၂၁ မျိုးဆက်(VOM)   အကျင့်ပျက်ချစားမှုအရှုပ်တော်ပုံကြောင့် ထောင်ဒဏ် ၂၂ ကျခံနေရတဲ့ တောင်ကိုရီးယားသမ္မတဟောင်း ပက်ဂွမ်ဟေးကို သမ္မတမွန်ဂျေးအင်က ဒီဇင်ဘာ ၂၄ ရက်မှာ လွတ်ငြိမ်းချမ်းသာခွင့်ပေးလိုက်ပါတယ်။   အသက် ၆၉ နှစ်အရွယ် သမ္မတဟောင်း ပက်ဂွမ်ဟေးဟာ ၂၀၁၇ ခုနှစ်မှာ စွပ်စွဲပြင်တင်ခံရပြီးနောက် နောက်တစ်နှစ်မှာတော့ အာဏာအလွဲသုံးစားမှု အကျပ်ကိုင်မှုတို့နဲ့ တရားစွဲဆိုခံခဲ့ရပါတယ်။   ပက်ဂွမ်ဟေးဟာ တောင်ကိုရီးယားရှိ ဒီမိုကရေစီနည်းကျရွေးကောက်ခံသမ္မတတွေထဲမှာ အဲလိုစွဲချက်တွေကြောင့် ရာထူးမှဖယ်ရှားခံလိုက်ရတဲ့ ပထမဆုံးသော သမ္မတလည်းဖြစ်ပါတယ်။   သူဟာ ဆမ်ဆောင်းနဲ့ အခြားစီးပွားရေး လုပ်ငန်းစုကြီးတွေကို သူမနဲ့ဆက်နွယ်တဲ့ ဖောင်ဒေးရှင်းတွေထံ ရန်ပုံငွေတွေပေးဖို့ သူ့ရဲ့သူငယ်ချင်းဖြစ်သူနဲ့ ပူးပေါင်းကြံစည်မှုလည်း လုပ်ခဲ့တယ်လို့ စွပ်စွဲခံထားရပါတယ်။   သူမဟာ ထောင်ကျနေစဉ်အတွင်း ယခုနှစ်မှာ ပုခုံးနှင့်ခါးအောက်ပိုင်းနာကျင်မှုတွေကြောင့် ဆေးရုံသုံးကြိမ်တက်ခဲ့ရပါတယ်။   ပက်ဂွမ်ဟေးရဲ့ ကျန်းမာရေးအခြေအနေကြောင့် သမ္မတမွန်ဂျေးအင်ရဲ အထူးလွတ်ငြိမ်းချမ်းသာခွင့် စာရင်းမှာ…

ဆစ်ဒနီ၊ ဒီဇင်ဘာ-၂၃-၂၀၂၁ မျိုးဆက်(VOM)   သြစတြေးလျနိုင်ငံမှ သုတေသီတွေဟာ နှာခေါင်းအတွင်းကို သွေးကြဲဆေးဖျန်းခြင်းဖြင့် ကိုဗစ်-၁၉ ရောဂါကို ကာကွယ်နိုင်ခြင်းရှိမရှိ လက်တွေ့စမ်းသပ်မှုတွေလုပ်ဆောင်နေပါတယ်။   ကိုရိုနာဗိုင်းရပ်စ်ရဲ့ ကူးစက်နိုင်သောပရိုတင်းကို ပျက်ပြယ်စေဖို့ကြိုးပမ်းရာမှာ သုတေသီတွေဟာ စျေးချိုတဲ့ သွေးကြဲဆေးအမျိုးအစားတစ်ခုကို အသုံးပြုလေ့လာနေကြပါတယ်။   ကိုဗစ်-၁၉ ကူးစက်ခံရသူရဲ့ နှာခေါင်းထဲကို အဲဒီဆေးကိုဖြန်းလိုက်တဲ့အခါ ဗိုင်းရပ်စ်ဟာ ကူးစက်မှုမရှိနိုင်ဖွယ်ရှိကြောင်း သုတေသီတွေကပြောပါတယ်။ ဒါပေမယ့် အဲဒီစမ်းသပ်မှုဟာ ၂၀၂၂ ခုနှစ် နှစ်လယ်ထိ အပြီးသတ်ဖွယ်မရှိသေးဘူးလို့ဆိုပါတယ်။   တကယ်လို့ ထိရောက်မှုရှိခဲ့မယ်ဆိုရင် ကာကွယ်ဆေးတွေ အခြားအစီအမံတွေနဲ့အတူ အသုံးပြုနိုင်မှာဖြစ်ပါတယ်။ အဲဒီဖြန်ဆေးကို အစောပိုင်းကုသမှုအဖြစ်နဲ့ ဗိုင်းရပ်စ်ကူးစက်မှုကိုတားဆီးရေးအတွက်အသုံးပြုဖို့ သုတေသီတွေကမျှော်လင့်ထားပါတယ်။   နှာခေါင်းဖြန်းဆေးကို လူစည်ကားရာနေရတွေနဲ့ အများပြည်သူဆိုင်ရာနေရာတွေမှာ ဗိုင်းရပ်စ်တားဆီးရေး အစီအမံတစ်ရပ်အနေနဲ့ အသုံးပြုဖို့ရည်ရွယ်ထားကြောင်း သုတေသနကို ဦးဆောင်နေတဲ့ ပါမောက္ခဒွန်ကမ်းဘဲလ်က ပြောပါတယ်။   Ref: BBC #voiceofmyanmar #VOM…