Year: 2021

စက်တင်ဘာ ၂၁-၂၀၂၁ GH ( VOM )   မြဝတီမြို့ ၊ အမှတ် ၄ ရပ်ကွက် အောင်မြေရွှေဘုံ ၂ လမ်းက နေအိမ်တစ်လုံးမှာ စက်တင်ဘာ ၂၀ မနေ့ညက ဗုံးပေါက်ကွဲမှု ဖြစ်ပြီး တယောက်သေ၊ ၂ ယောက်အပြင်းအထန် ဒဏ်ရာရရှိခဲ့တယ်လို့ ဒေသခံတွေဆီကသိရပါတယ်။   ” ညက ၇ နာရီ ကျော်လောက်မှာ ပေါက်ကွဲသံကြားရတယ်။ နောက်တော့သိရတာက ၁ ဦးကပွဲချင်းပြီးသေတယ်။နောက်နှစ်ယောက်ကလည်း ဒဏ်ရာစိုးရိမ်ရလို့ ဆေးရုံခေါ်သွားကြတယ်၊ဆေးကုပေးနေတယ်သိရတယ် ” လို့ ဒေသခံတယောက်ကပြောပါတယ်။   ဒါ့အပြင် မပေါက်ကွဲသေးတဲ့ ဗုံး ၂ လုံးကိုလည်း အိမ်နောက်ဖေးမှာ တွေ့ရှိသိမ်းဆည်းခဲ့တယ်လို့ ရဲတပ်ဖွဲ့နဲ့နီးစပ်သူတယောက်ဆီကသိရပါတယ်။   ” သူတို့ကအောင်မြေရွှေဘုံ (၂) လမ်းကအိမ်မှာ ငှါးနေကြတာလို့ပြောတယ်။ လက်လုပ်ဗုံးစမ်းရင်း ပေါက်တာလို့ ပြောနေကြတာပဲ သေချာတော့မသိကြဘူး…

ရန်ကုန်၊စက်တင်ဘာ ၂၁၊၂၀၂၁ KK(VOM)   ရန်ကုန်တိုင်းမှာရှိတဲ့ ဒဂုံမြိုနယ် ၊သင်္ဃန်းကျွန်း၊ သာကေတနဲ့ မြောက်ဥက္ကလာတို့မှာ စက်တင်ဘာ ၂၀ရက်က ဗုံးပေါက်ကွဲတာတွေ သေနတ်နဲ့ပစ်ခတ်တာတွေ လက်နက်တွေဖမ်းမိတာတွေဖြစ်ခဲ့တယ်လို့ အဲဒီမြို့နယ်တွင်း နေသူတွေဆီက သိရပါတယ်။   ဒဂုံမြို့နယ် ဦးဝိစာရရပ်ကွက် ဦးဝိစာရအိမ်ယာနားက အမှိုက်ပုံမှာ မနေ့ညနေ ၅နာရီက ဗုံးပေါက်ကွဲခဲ့တာမှာ ကားတစ်စီးထိခိုက် ပျက်စီးခဲ့တယ်လို့ ရပ်ကွက်နေသူတယောက်ပြောပါတယ်။   သင်္ဃန်းကျွန်းမြို့နယ်၊ (က)ရပ်ကွက်၊ နတ်စင်လမ်း၊ စနိုးဂါးဒင်းအိမ်ယာရှေ့မှာလည်း မနေ့မနက် ၁၁နာရီက စက်ဘီးစီးလာသူတစ်ဦးကနေ လက်လုပ်ဗုံးနဲ့ အိမ်ယာဝင်ထွက်ပေါက်ကို ပစ်ခတ်ခဲ့လို့ ပေါက်ကွဲမှုဖြစ်ခဲ့ပေမယ့် ထိခိုက်ဒဏ်ရာရသူမရှိဘူးလို့ အိမ်ယာမှာ နေသူတယောက်က ပြောပါတယ်။   သာကေတမြို့နယ်၊ ဧရာဝဏ်လမ်း၊ ရေစက်ဆုံရာစားသောက်ဆိုင်ရှေ့မှာလည်း မနေ့မနက် ၁၂နာရီဝန်းကျင်က ဆိုက်ကားနင်းတဲ့ ကိုအောင်ကျော်စိုးကို ဆိုင်ကယ်စီးလာသူလူငယ်နှစ်ဦးက နောက်မှသေနတ်နဲ့ ပစ်ခတ်ခဲ့လို့ ဆေးရုံသို့ပို့ဆောင်ကုသထားရကြောင်း မြို့ ခံတယောက်က ပြောပါတယ်။  …

စက်တင်ဘာ ၊ ၂၁ ၊ ၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်းထဲက ဆက်သွယ်ရေး တာဝါတိုင်တချို့ ပျက်စီးနေတာကြောင့် မြို့နယ် ၅ ခုထက်မနည်း ဆက်သွယ်ရေး ပြတ်တောက်နေတယ်လို့ ဆက်သွယ်ရေး အသိုင်းအဝိုင်းက သိရပါတယ်။   မေလပိုင်းကစလို့ ကနီမြို့နယ်နဲ့ မင်းကင်းမြို့နယ်အကြား ဆက်သွယ်ရေးတာဝါတိုင်တချို့ ဖျက်စီးခံရတာကနေ စက်တင်ဘာလ ၂၀ ရက်အထိ ၄ လတာကာလအတွင်း တာဝါတိုင် ၄၀ နီးပါး ပျက်စီးနေတယ်လို့လည်းသိရပါတယ်။   မင်းကင်း ဒေသခံ တစ်ယောက်က သူတို့ကြုံရတဲ့ အခက်အခဲကို ပြောပြတာက” ကျောင်းပိတ်ရက်တွေရှည်လာတာတော့ ကလေးတွေ ပညာရေးနောက်မကျအောင်ဆိုပြီး အွန်လိုင်းစာသင်ဝိုင်းနဲ့ တက်ခိုင်းတယ် ၊ ရွာမှာက ကေဘယ်လ် အင်တာနက်လိုင်း မရှိတော့ မီနီဝိုင်ဖိုင်နဲ့ အသုံးပြုပြီး အွန်လိုင်းကျောင်းတက်ခိုင်းရတာပါ ၊ ခုလ ၉ ရက်ကစပြီး အဲ့ဒီ…

ရန်ကုန်၊စက်တင်ဘာ ၂၀-၂၀၂၁ KK(VOM)   ရန်ကုန်မြို့၊ ဒဂုံမြို့သစ်အရှေပိုင်းမြို့နယ်၊ ၁၁ရပ်ကွက်၊ ဟိုင်ဆင်ဒူးဝါးလမ်းမှာရှိတဲ့ ‘NAC’ HIVစောင့်ရှောက်ရေးဂေဟာမှာ ကုသနေတဲ့လူနာတွေအတွက် စားဝတ်နေရေးနဲ့ ဆေးဝါးလိုအပ်ချက်တွေရှိနေတယ်လို့ ဂေဟာတာဝန်ရှိသူဆီကနေ သိရပါတယ်။   အဲ့ဒီဂေဟာမှာ ဆေးကုသမှုခံယူနေတဲ့ ပြည်နယ်နဲ့တိုင်းအသီးသီးက လူနာပေါင်း ၁၆၀ ကျော်ရှိပြီး ကလေး ၁၀၁ဦးနဲ့ လူကြီး ၆၀ ကျော်ရှိနေတယ်လို့ သိရပါတယ်။   ဂေဟာတာဝန်ခံကိုစိုးရာဇာထွန်းက ” အခုကာလမှာ စားဝတ်နေရေးနဲ့ ကျန်းမာရေးအတွက် ဆေးဝါးတွေလိုအပ်ချက်ရှိနေတယ်၊ ကလေးက အသက်၅လကနေစပြီး အသက်၁၈နှစ်ရှိတယ်၊ လူကြီးဆို ၁၈နှစ်ကနေ ၈၂နှစ်အထိရှိတယ်၊ ဒီကာလမှာ ပိုပြီးခက်ခဲတယ်၊ နိူင်ငံရေးအခြေအနေနဲ့ ကိုဗစ်ကလည်း မပြီးသေးတော့ ဆေးထုတ်ဖို့ အခက်အခဲရှိတယ်၊ ARTဆေးတောင် ထုတ်ဖို့မလွယ်ဘူး”လို့ ပြောပါတယ်။   အဲ့ဒီဂေဟာမှာ ရောဂါသက်သာလာပြီး မွေးရပ်မြေ ပြန်ချင်ပေမယ့် လမ်းစရိတ်မတက်နိူင်တာကြောင့် ဂေဟာမှာပဲနေထိုင်ကာ ကလေးတွေကို ကျန်းမာရေးပြန်လည်စောင့်ရှောက်မှုပေးတဲ့အလုပ်ကို…