Day: March 1, 2022

ဘရယ်ဆယ်၊ မတ်-၁-၂၀၂၁ မျိုးဆက်(VOM) ရုရှားဟာ ယူကရိန်းကိုကျူးကျော်တိုက်ခိုက်မှုပြုတာကြောင့် ရုရှားဘောလုံးအသင်းတွေနဲ့ နိုင်ငံအသင်းတွေကို ပြိုင်ပွဲအရပ်ရပ်မှာ ၀င်ရောက်ယှဉ်ပြိုင်မှုတွေကနေ ကမ္ဘာ့ဘောလုံအဖွဲ့ချုပ်(ဖီဖာ)နဲ့ ဥရောပ ဘောလုံးအဖွဲ့ချုပ် (ယူအီးအက်ဖ်အေ)တို့က ရပ်ဆိုင်းလိုက်ပါတယ်။ ဒီကိစ္စနဲ့ပတ်သက်ပြီး နောက်ထပ်အသိပေး ထုတ်ပြန်ချက်တစုံတရာမရှိမခြင်း ပိတ်ပင်တားမြစ်သွားမယ်လို့ ဖီဖာနဲ့ ယူအီးအက်ဖ်အေတို့က ထုတ်ပြန်ထားပါတယ်။ ဒီလိုပိတ်ပင်လိုက်တာကြောင့် ရုရှားအမျိုးသားအသင်းဟာ လာမယ့်လမှာကျင်းပမယ့် ကမ္ဘာ့ဖလားပြိုင်ပွဲ ပလေးအော့ဖ်ပွဲစဉ်တွေကို ကစားခွင့်ရမှာမဟုတ်တော့ဘဲ အမျိုးသမီးအသင်းဟာလည်း အခုနွေရာသီမှာကျင်းပမယ့် ယူရို၂၀၂၂ ပွဲစဉ်တွေကို ကစားခွင့်ဆုံးရှုံးတော့မှာဖြစ်ပါတယ်။ ရုရှားကလပ်အသင်းဖြစ်တဲ့ စပါးတပ်မော်စကိုအသင်းဟာလည်း ယူရိုပါလိဂ်ပြိုင်ပွဲကနေ ထုတ်ပယ်ခံလိုက်ရတာကြောင့် နောက်ဆုံး ၁၆ သင်းအဆင့်ပြိုင်ဘက် လိုက်ဇစ်က ကွာတားဖိုင်နယ်ကို တက်ရောက်သွားပြီဖြစ်ပါတယ်။ ယူအီးအက်ဖ်အေဟာ ရုရှားစွမ်းအင်ကုမ္ပဏီ Gazprom နဲ့စပွန်ဆာ စာချုပ်ကိုလည်း ဖျက်သိမ်းလိုက်ပါတယ်။ ထိခိုက်နစ်နာနေတဲ့ ယူကရိန်းပြည်သူတွေနဲ့အတူ ရပ်တည်နေကြောင်း ဘောလုံးလောကက ညီညီညွှတ်ညွှတ်ပြသလိုက်တာလို့ ဖီဖာနဲ့ ယူအီးအက်ဖ်အေတို့ရဲ့ ပူးတွဲထုတ်ပြန်ချက်မှာ ဖော်ပြထားပါတယ်။ Ref: BBC Photo:…

ကိယက်ဗ်၊ မတ်-၁-၂၀၂၂ မျိုးဆက်(VOM) ရုရှားနဲ့ ယူကရိန်းတို့အကြား အပစ်အခတ်ရပ်စဲရေးရည်ရွယ်တဲ့ ဆွေးနွေးပွဲတွေစတင်နေပေမယ့် တိုက်ပွဲတွေဆက်လက်ပြင်းထန်နေပါတယ်။ ရုရှားဘက်က ဒုံးပျံတွေနဲ့တိုက်ခိုက်မှုကြောင့် ယူကရိန်းရဲ့ ဒုတိယအကြီးဆုံး ခါကိဗ်မြို့မှာ အရပ်သားဒါဇင်များစွာ သေဆုံးခဲ့ပြီး မြို့တော်ကိယက်ဗ်မှာလည်း လေကြောင်းသတိပေးချက်တွေ ဥသြသံတွေကြားနေရပါတယ်။ ရုရှားရဲ့တိုက်ခိုက်မှုတွေဟာ စစ်ရာဇ၀တ်မှုကျူးလွန်နေတာဖြစ်တယ်လို့ ယူကရိန်းသမ္မတ ဇီလန်စကီးက ထုတ်ဖော်ပြောဆိုထားပြီး ချာနီဟစ်ဗ်မြို့မှာလည်း ရုရှားဘက်က တိုက်ခိုက်မှုတွေ အကြီးအကျယ်လုပ်ဆောင်နေပါတယ်။ ယူကရိန်းနိုင်ငံ မြို့တော်ကိယက်ဗ်မြို့တော်သို့ ဦးတည်ချီတက်နေတဲ့ ရုရှားစစ်ယာဉ်တန်းဟာ ဖေဖော်ဝါရီ ၂၈ ရက်မှာ မိုင် ၄၀ ထိရှည်လျားတယ်လို့ အမေရိကန်ပုဂ္ဂလိကကုမ္ပဏီတစ်ခုဖြစ်တဲ့ Maxar Technologies ကရရှိထားတဲ့ ဂြိုဟ်တုဓါတ်ပုံတွေမှာ ဖော်ပြထားပါတယ်။ ကိယက်ဗ်မြို့ကို ချီတက်နေတဲ့ အဲဒီရုရှားစစ်ယာဉ်တန်းဟာ ဖေဖော်ဝါရီ ၂၇ ရက်မှာ ၁၇ မိုင်သာရှည်လျားပေမယ့် နောက်ဆုံးရှိထားတဲ့ ဂြိုဟ်တုပုံရိပ်တွေအရ မိုင် ၄၀ ထိရှည်ထိရှိလာတယ်လို့ Maxar Technologies ကဆိုပါတယ်။ ဒါ့အပြင်…

ဝါရှင်တန်၊ မတ်-၁-၂၀၂၂ မျိုးဆက်(VOM) အမေရိကန်သမ္မတဂျိုးဘိုင်ဒင်ဟာ အင်ဒို-ပစိဖိတ်ဒေသနဲ့ပတ်သက်ပြီး ကတိက၀တ်တွေကို အလေးပေးဆွေးနွေးဖို့ အမေရိကန်-အာဆီယံထိပ်သီးဆွေးနွေးပွဲကို မတ်လနှောင်းပိုင်းမှာ ကျင်းပဖို့ စီစဉ်ထားပါတယ်။ အဲဒီ အမေရိကန်-အာဆီယံထိပ်သီးဆွေးနွေးပွဲကို မတ်လ ၂၈ ရက်နဲ့ ၂၉ ရက်တို့မှာ ဝါရှင်တန်မှာ လူချင်းတွေ့ဆုံ ကျင်းပသွားမှာဖြစ်တယ်လို့ အိမ်ဖြူတော်ကထုတ်ပြန်ထားပါတယ်။ လေးနှစ်တာကာလအတွင်း ပထမဆုံးအကြိမ်အဖြစ် ပြီးခဲ့တဲ့အောက်တိုဘာလကကျင်းပတဲ့ အမေရိကန်-အာဆီယံထိပ်သီးဆွေးနွေးပွဲမှာတော့ အရှေ့တောင်အာရှနိုင်ငံတွေနဲ့ အမေရိကန်တို့အကြား ခိုင်မာတဲ့ ဆက်ဆံရေးထားရှိဖို့ သမ္မတဂျိုးဘိုင်ဒင်က တိုက်တွန်းခဲ့ပါတယ်။ ဂျိုးဘိုင်ဒင်ရဲ့ အမေရိကန်အစိုးရဟာ အင်ဒို-ပစိဖိတ်မဟာဗျူဟာကို ဖေဖော်ဝါရီလအတွင်းက ထုတ်ပြန်ခဲ့ပြီး နိုင်ငံနဲ့စီးပွားရေးဆိုင်ရာလုံခြုံမှုတွေနဲ့ပတ်သက်ပြီး တရုတ်နိုင်ငံကို တန်ပြန်ဖို့အတွက် ဂျပန်၊ အာဆီယံအပြင် အခြားနိုင်ငံတွေနဲ့ အမေရိကန်တို့အကြား နက်ရှိုင်းစွာပူးပေါင်းဆောင်ရွက်ရန်တို့ပါ၀င်နေပါတယ်။ ယူကရိန်းအကြပ်အတည်းနဲ့ ပတ်သက်လို့ တုံ့ပြန်ဖို့ လိုအပ်နေပေမယ့် အမေရိကန်အစိုးရဟာ အင်ဒို-ပစိဖိတ်ဒေသနဲ့ပတ်သက်ပြီး ကတိက၀တ်တွေပြုထားဆဲဖြစ်ကြောင်း အိမ်ဖြူတော်တာ၀န်ရှိသူတဦးဖြစ်တဲ့ ကာ့ကမ်းဘဲလ်က ပြောပါတယ်။ မတ်လနှောင်းပိုင်းမှာကျင်းပမယ့် အစည်းအဝေးနဲ့ပတ်သက်ပြီး မြန်မာကို ဖိတ်ကြားနိုင်ခြေနဲ့ပတ်သက်ပြီး အစီအစဉ်မရှိဘူးလို့…