March 2022 – Voice of Myanmar

ဒဂုံတက္ကသိုလ် ကျောင်းသူတစ်ဦးကို ထောင်ဒဏ်(၃)နှစ် ချမှတ်

မတ် ၃၁-၂၀၂၂ KK(VOM) ဒဂုံတက္ကသိုလ်မှ ကျောင်းသူတစ်ဦးဖြစ်တဲ့ မဆုမွန် ကို မနေ့ မတ်လ ၃၀ရက်က မရမ်းကုန်းမြို့နယ်တရားရုံးကနေ ပုဒ်မ ၅၀၅(က)နဲ့ ထောင်ဒဏ် သုံးနှစ်ချမှတ်ခဲ့တယ် လို့ အမှုလိုက်ရှေနေတွေဆီက သိရပါတယ်။ “အမိန့်ချတဲ့သတင်းပဲကြားရတာ လျှော့ရက်ရလား မရလားလဲ မသိဘူး၊ ကျနော်တို့လည်း သွားတွေ့လို့မရဘူး၊ ၂၉ ရက်နေ့ကလည်း လှည်းကူးမှာ သူငယ်ချင်းနှစ်ယောက်အမိန့်ချတယ် အထဲမှာအဆင်ပြေပါစေလို့ပဲ အဝေးကနေဆုတောင်းပေးနေရတယ်”လို့ ကျောင်းသားသမဂ္ဂအဖွဲ့ဝင်တစ်ဦးက ပြောပါတယ်။ ဒဂုံတက္ကသိုလ်မှ ကျောင်းသူမဆုမွန်ကို ပြီးခဲ့တဲ့နှစ် ဇွန်လ ၇ ရက်က ရဲတပ်ဖွဲ့က ဖမ်းဆီးခဲ့ပြီးနောက် ၉ လအကြာမှာ ထောင်ဒဏ် သုံးနှစ်ချမှတ်ခဲ့တာဖြစ်ပါတယ်။ ဒဂုံတက္ကသိုလ် ရှေးဟောင်းသုတေသနပညာဘာသာရပ် အထူးပြု ကျောင်းသူ မဆုမွန်နဲ့အတူ ဇွန်လ ၇ ရက်နေ့မှာ.ဖမ်းဆီးခံရတဲ့ ကျောင်းသားနှစ်ဦးကလည်း ပုဒ်မ ၅၀၅(က)နဲ့ တရားစွဲဆိုထားပြီး အမိန့်ချမှတ်ခြင်းမရှိသေးဘူးလို့ ဒဂုံတက္ကသိုလ်ကျောင်းသားများသမဂ္ဂကနေ သိရပါတယ်။ ဒဂုံတက္ကသိုလ်ကျောင်းသားတွေဖြစ်တဲ့…

အနုပညာ အနှစ် ရာပြည့် အမွေကောင်းတွေ

2 years ago Editor

ဆူးငှက် “ခရာ… သံစုံ၊ ကျူးကျော်ညံဟုန်… စကြာပန်းညို၊ ပန်းနီ၊ ပန်းပြာ…၊ ပန်းဝါ…၊ သြာ်… ပါတဲ့နေရာ တောကွဲ့ဟေမဝါ၊ ရွှေပြည်စိုး…၊ ရွှေပြည်စိုး…၊ ရွှေပြည်စိုး… လွမ်းပိုဖွယ်ရာ…” သြော်… တစ်နေ့မနေ့ကပဲလို့ ထင်နေတာ…၊ ဘာလိုလိုနဲ့ ၁၇နှစ်ကျော်လို့ ၁၈နှစ်ပြည့်လုပီလေ…။ ဒီလိုပါဗျာ… တစ်ခေတ်တစ်ခါက ပြည်သူချစ်သော အနုပညာသည်ကြီးတစ်ဦးဖြစ်တဲ့ အငြိမ့်မင်းသမီး လေဘာတီမမြရင်က ၁၂၆၆ ခုနှစ်၊ တော်သလင်းလမှာမွေးဖွားတော့ ခရစ်နှစ်အလိုအရ ၁၉၀၄ ခုနှစ် စက်တင်ဘာ၊ အောက်တိုဘာလတွေမှာပေါ့ဗျာ။ ဒီတော့ ၂၀၀၄ ခုနှစ်၊ စက်တင်ဘာ အောက်တိုဘာလမှာ လေဘာတီ မမြရင် အနှစ် ၁၀၀ တင်းတင်းပြည့်ပြီပေါ့။ ဒီတော့ အငြိမ့်နဲ့မွေး၊ အငြိမ့်နဲ့ကြီး၊ အငြိမ့်နဲ့ ရင်ခုန်၊ အငြိမ့်နဲ့ မွေ့လျော်ခဲ့ကြတဲ့ မန္တလေးသားတွေအဖို့ ရင်ထဲနှလုံးသားထဲမှာ အငြိမ့်လွမ်းဝေဒနာတွေ ဆူဝေနေဆဲမို့ လေဘာတီမမြရင် ရာပြည့်အခါသမယကို ဘယ့်နှယ်မသိလိုက် မသိဘာသာကျော်ဖြတ်သွားကြပါမလဲ။…

ပြည်သူ့ကြားက ရင်ဖွင့်သံ

2 years ago Editor

နေပြည်တော် ဝန်ထမ်းအိမ်ရာဘက်မှာသူခိုးတွေပေါနေ အခုရက်ပိုင်းဆိုတာထက် နှစ်နဲ့ချီနေပါပြီ၊ဝန်ထမ်းရပ်ကွက်မှာဆိုင်ကယ်တွေပျောက်နေပါတယ်။ မနက်မိုးလင်းတာနဲ့ကြားရတဲ့စကားသံတွေကတော့ ကျွန်တော့ထိုင်းဘီးလေးပါသွားပြီဆိုတဲ့အသံလေးပါဘဲ။ ဘယ်အချိန်လာခိုးတာလည်းဆိုတော့ညဦးပိုင်းမပါသေး.မိုးလင်းထကြည့်တော့မရှိတော့တဲ့ တချို့ဝန်ထမ်းတိုက်တွေဆိုတစ်တိုက်ထဲ သုံးစီးပါ၊လေးစီးပါဆိုတော့ ခိုးမယ့်သူတစ်ယောက်ထဲမဖြစ်နိုင်၊အုပ်စုလိုက်ဖြစ်ဖို့များနေတာဟာ လုံခြုံရေးတပ်ဖွဲ့ဝင်တွေကိုနားရွက်တွံတွေးဆွတ်နေသလိုဖြစ်နေတာပါ။ နေပြည်တော်မှာ တောတောင်လျှိုမြောင်တွေကပေါ၊ တောထဲကျူးကျော်နေထိုင်သူတွေကလည်းများ၊ဥစ္စာပျောက်ငရဲရောက်ဆိုသလိုဘယ်လိုလူမျိုးကိုစွပ်စွဲရမှန်းမသိဖြစ်နေပါတယ်။ နောက်တစ်ခုကနေပြည်တော်မှာအိမ်ယာတွေဆောက်နေတော့ တည်ဆောက်ရေးအတွက်အလုပ်သမားတွေက ဆောက်လုပ်ရေးလုပ်ငန်းခွင်အနီးတဲဆောက်ပြီးနေကြ၊အဲလိုနေထိုင်ကြသူတွေကလည်းများတော့ဘယ်သူစွပ်စွဲရမှန်းမသိ၊ပျောက်လို့သက်ဆိုင်ရာနယ်မြေရဲစခန်းသွားတိုင်ပြန်တော့လည်းရဲစခန်းကအမှုဖွင့်ပေး ပြီးရင်တိုင်သူကိုပြန်ရှာခိုင်း တွေ့ရင်သတင်းပို့ဒါဘဲလုပ်ပေးနေတော့လူတွေကလည်းရဲစခန်းသွားပြီးအမှုဖွင့်ရမှာကြောက်၊ဒီလိုနဲ့ဘဲဝန်ထမ်း အိမ်ရာဘက်မှာဆိုင်ကယ်တွေပျောက်မြဲပျောက်လျက်ပါ။ ဒီအခြေအနေတွေကို နေပြည်တော်လုံခြုံရေးတာဝန်ရှိသူတွေ သိစေဖို့နဲ့ တာဝန်ယူဖြေရှင်ဆောင်ရွက်ပေးဖို့ Voice Of Myanmar ကတဆင့် ရင်ဖွင့်လိုက်ရပါတယ်။ နေပြည်တော် ဝန်ထမ်းတဦး #voiceofmyanmar #VOM #ပြည်သူ့ကြားကရင်ဖွင့်သံ

‘ဝဘာ’ကျေးရွာက မီးရှို့ခံထားရတဲ့ ပြည်သူတွေ ပြန်လည်ထူထောင်ရေးအတွက် မျှော်လင့်ချက်တွေမဲ့နေ

2 years ago2 years ago Editor

မတ် ၃၁-၂၀၂၂ Voice Of Myanmar စစ်ကိုင်းတိုင်း၊ ဒီပဲယင်းမြို့နယ်ထဲက ဝဘာ ကျေးရွာမှာ ပြီးခဲ့တဲ့မတ်လ (၄) ရက်နေ့က နေအိမ် (၆၇)လုံး မီးရှို့ခံခဲ့ရတာဖြစ်ပါတယ်။ အဲ့ဒီမီးရှို့ခံရမှုမှာ ဒေသခံတွေအနေနဲ့ အဝတ်တထည်ကိုယ်တခုနဲ့ အသက်လုပြီးထွက်ပြေးခဲ့ရတာကြောင့် ပိုင်ဆိုင်သမျှ အိုးအိမ်စည်းစိမ်အားလုံး မီးလောင်ဆုံးရှုံးခဲ့ရတယ်လို့ မီးဘေးသင့်ပြည်သူတွေကပြောပါတယ်။ လက်ရှိအခြေအနေမှာတော့ မီးဘေးသင့်ပြည်သူတွေဟာ နီးစပ်ရာဆွေမျိုးသားချင်းအိမ်တွေနဲ့ ဘုန်းကြီးကျောင်းတွေမှာ ခိုလှုံနေကြရပြီး အလှူရှင်တချို့ထောက်ပံ့လှုဒါန်းထားတဲ့ အဝတ်အထည်အစားအသောက်တွေနဲ့သာ အသက်ဆက်နေကြရပါတယ်။ မီးဘေးသင့်ပြည်သူတွေအနေနဲ့ အရင်လို ကိုယ်ပိုင်အိမ်နဲ့ ဘဝတခုပြန်လည်ထူထောင်ဖို့ရာ မျှော်လင့်ချက်မဲ့နေပြီး ကူညီထောက်ပံ့မယ့်သူရှိခဲ့ရင်တောင် နောက်ထပ် မီးရှို့ခံရမလဲစိုးရိမ်စိတ်တွေနဲ့ လုံခြုံမှုပါကင်းမဲ့နေတယ်လို့လည်း ပြောဆိုထားကြပါတယ်။ #voiceofmyanmar #VOM #ဒီပဲယင်း #ဝဘာကျေးရွာ #မီးဘေးသင့်ပြည်သူ Youtube Link – https://youtu.be/Wod73skKWrM

ခရစ်ရော့ခ်ကို စင်ပေါ်မှာပါးရိုက်ခဲ့မှု မင်းသားဝီလ်စမစ် လူသိရှင်ကြားတောင်းပန်

2 years ago Editor

ဝါရှင်တန်၊ မတ်-၂၉-၂၀၂၂ မျိုးဆက်(VOM) ဟောလိဝုဒ်အကျော်အမော် မင်းသား ဝီလ်စမစ်ဟာ အော်စကာဆုပေးပွဲမှာ အစီအစဉ်တင်ဆက်သူ ခရစ်ရော့ခ်ကို စင်ပေါ်တက်ပါးရိုက်မိတာနဲ့ပတ်သက်ပြီး လူသိရှင်ကြား ပြန်လည်တောင်းပန်လိုက်ပါတယ်။ ဒီလုပ်ရပ်နဲ့ပတ်သက်ပြီး ခရစ်ကို လူသိရှင်ကြားပြန်လည်တောင်းပန်ကြောင်းနဲ့ အပြုအမူဟာ လက်မခံနိုင်သလို ခွင့်လွှတ်နိုင်စရာမရှိဘူးလို့ ဝီလ်စမစ်က ထုတ်ဖော်ပြောဆိုထားပြီး စိတ်လွတ်သွားပြီး အမှားကျူးလွန်ခဲ့မိတယ်လို့ သူကဆိုပါတယ်။ ဝီလ်စမစ်ရဲ့ လုပ်ရပ်နဲ့ပတ်သက်ပြီး အော်စကာဆုပေးအဖွဲ့က ဝီလ်စမတ်ကိုပေးတဲ့ အော်စကာဆုအပေါ် တရား၀င်ပြန်လည်သုံးသပ်မှုပြုလုပ်မယ်လို့ ကြေညာပြီးနောက် ဝီလ်စမစ်က အခုလို တောင်းပန်လိုက်တာဖြစ်ပါတယ်။ သူ့ရဲ့ဇနီးဖြစ်သူ ဂျာဒါပင့်ကက်စမစ်ရဲ့ဆံပင်ကျွတ်နေတဲ့ အခြေအနေကို ရည်ညွှန်းပြီး ခရစ်ရော့ခ်က ဟာသလုပ်နောက်ပြောင် ပြောဆိုခဲ့တာကြောင့် ဝီလ်စမစ်ဟာ စင်ပေါ်တက်ပါးရိုက်ခဲ့တာဖြစ်ပါတယ်။ ဝီလ်စမစ်ဟာ တင်းနစ်အကျော်အမော် ဗီးနပ်စ်နဲ့ ဆီရီနာဝီလျံကို ပြုစုပျိုးထောင်ခဲ့တဲ့ ဖခင်ဖြစ်သူအကြောင်း ရိုက်ကူးထားတဲ့ King Richard ဆိုတဲ့ရုပ်ရှင်ကားနဲ့ သူ့ရဲ့ ပထမဆုံးအော်စကာဆုကို ဆွတ်ခူးခဲ့ပါတယ်။ Ref: BBC #voiceofmyanmar #VOM #ဝါရှင်တန်

အပစ်အခတ်ရပ်စဲရေး ဆွေးနွေးဖို့ ယူကရိန်းနဲ့ ရုရှားကိုယ်စားလှယ်အဖွဲ့ တူရကီရောက်ရှိနေ

2 years ago Editor

အစ္စတန်ဘူ၊ မတ်-၂၉-၂၀၂၂ မျိုးဆက်(VOM) ရုရှားနဲ့ ယူကရိန်းတို့မှ ကိုယ်စားလှယ်အဖွဲ့ဟာ သီတင်းနှစ်ပတ်ကျော်ကာလအတွင်း ပထမဆုံးအကြိမ်အဖြစ် ငြိမ်းချမ်းရေးဆွေးနွေးဖို့ တူရကီနိုင်ငံ မြို့တော်အစ္စတန်ဘူကို ဒီကနေ့ ရောက်ရှိပြီး ဆွေးနွေးမှုစတင်တော့မှာဖြစ်ပါတယ်။ မတ် ၂၉ ရက်မနက်ပိုင်းမှာ စတင်မယ့် အဲဒီဆွေးနွေးပွဲမှာ အပစ်အခတ်ရပ်စဲရေးကို ဦးစားပေး ဆွေးနွေးသွားမယ်လို့ ယူကရိန်းဘက်က ဆိုပါတယ်။ ဒါပေမယ့် နှစ်ဘက်အကြား သဘောတူညီချက်ရရှိဖို့ကတော့ မျှော်လင့်ချက်နည်းပါးနေပါတယ်။ တူရကီသမ္မတ အာဒိုဂန်ကတော့ ဒီဆွေးနွေးပွဲဟာ ခိုင်မာတဲ့ရလဒ်တွေ ထွက်ပေါ်ရမယ့် အချိန်ဖြစ်တယ်လို့ တိုက်တွန်းပြောဆိုထားပါတယ်။ ရုရှားရဲ့ ရေနံရောင်းချမှုကို ပိတ်ပင်မှုအပါအ၀င် အရေးယူပိတ်ဆို့မှုတွေ ပြင်းပြင်းထန်ထန်ချမှတ်ဖို့ ကမ္ဘာ့အင်အားကြီးနိုင်ငံတွေကို ယူကရိန်းသမ္မတ ဇီလန်စကီးက တောင်းဆိုထားပါတယ်။ ရုရှားသမ္မတပူတင်ဟာ အာဏာဆက်လက်မတည်မြဲသင့်တော့ဘူးလို့ အမေရိကန် သမ္မတဂျိုးဘိုင်ဒင်က ထုတ်ဖော်ပြောကြားခဲ့ပြီး ဒါဟာ သူ့ရဲ့ ပုဂ္ဂိုလ်ရေးအရ ပြောဆိုမှုသာဖြစ်ပြီး အမေရိကန်ရဲ့ မူဝါဒမဟုတ်ကြောင်း အမေရိကန်တာ၀န်ရှိသူတွေက ပြန်လည်ဖြေရှင်းခဲ့ပါတယ်။ Ref: BBC Photo:Reuters…

ဟားခါးမှာ စာမေးပွဲမေးခွန်းတွေ သွားပို့တဲ့ ရဟတ်ယာဉ် ပျက်ကျ၊ (၅)ဦးဒဏ်ရာရ

2 years ago Editor

မတ် ၂၉-၂၀၂၂ KK(VOM) ချင်းပြည်နယ်၊ ဟားခါးမြို့ရှိ ၂၀၂၁-၂၀၂၂ ပညာသင်နှစ်အတွက် စာမေးပွဲမေးခွန်းတွေ သွားပို့တဲ့ ရဟတ်ယာဥ်တစ်စီးဟာ ဟားခါးရဟတ်ယာဥ်ကွင်းမှာ ဒီကနေ့မနက်ပိုင်းက ပျက်ကျခဲ့ပြီး လူ(၅)ဦးဒဏ်ရာ ရရှိခဲ့တယ်လို့ နကစပြန်ကြားရေးအဖွဲ့ကနေ သိရပါတယ်။ လမ်းပန်းဆက်သွယ်ရေးခက်ခဲတဲ့ ဟားခါးမြို့အတွက် ပညာသင်ကျောင်းသားတွေ အချိန်မှီစာမေးပွဲဖြေဆိုနိုင်ဖို့ ဟားခါးမြို့ကို ရဟတ်ယာဥ်နဲ့ ပို့ဆောင်ပေးခဲ့ခြင်းဖြစ်ပြီး ဟားခါးရှိ ရဟတ်ယာဉ်ကွင်းအတွင်း ဆင်းသတ်စဥ် မတော်တဆမှုဖြစ်ကာ ပျက်ကျခဲ့တာဖြစ်တယ်လို့ ပြန်ကြားရေးဒုဝန်ကြီးက ပြောပါတယ်။ “လမ်းပန်းဆက်သွယ်ရေး ခက်ခဲတဲ့နေရာဆိုတော့ မေးခွန်းတွေကို ရဟတ်ယာဉ်သုံးပြီးပို့တယ်၊ ကလေးမြို့ကနေ ဟားခါးကိုသွားတာ ဟားခါးရောက်တော့ ရဟတ်ယာဉ်က တောင်ပေါ်ဖြစ်တဲ့အတွက်ကြောင့် အောက်က လေပင့်အားနဲ့ မိသွားတဲ့အတွက် ရဟတ်ယာဉ်က ပြုတ်ကျသွားတာ၊ ထိခိုက်တဲ့သူတွေရှိတယ်”လို့ ပြန်ကြားရေးဒုဝန်ကြီးက ရှင်းပြပါတယ်။ အဲ့ဒီ ရဟတ်ယာဥ်ပျက်ကျမှုမှာ တပ်မတော်သား ၂ ဦး အရပ်သား ၃ ဦး ထိခိုက်ဒဏ်ရာရရှိခဲ့တာဖြစ်တယ်လို့ နစကပြန်ကြားရေးကနေ သိရပါတယ်။ လက်တလော…

ဒီပဲယင်းနယ်က တောင်သူတွေ နယ်မြေမအေးချမ်းတဲ့အတွက် နွေစပါးစိုက်ဖို့ခက်ခဲနေ

2 years ago Editor

မတ် ၂၉-၂၀၂၂ Voice Of Myanmar စစ်ကိုင်းတိုင်း၊ ဒီပဲယင်းမြို့နယ်ဟာ (ဘေးကြား)လို့ခေါ်တဲ့ ရွှေဘိုပေါ်ဆန်းအများဆုံးစိုက်ပျိုးရာ ရွှေဘိုခရိုင်ထဲက မြို့နယ်တခုဖြစ်ပါတယ်။ အခုလက်ရှိ အဲ့ဒီဒေသကကျေးရွာတွေမှာ မကြာခဏနေအိမ်တွေမီးရှိုခံနေရတာကြောင့် မီးဘေးသင့်ပြည်သူတွေ များပြားလာသလို မကြာခဏစစ်ကြောင်းထိုးနေတာတွေလည်း ရှိတဲ့အတွက် ဒေသခံရွာသားတွေလည်းထက်ပြေးတိမ်းရှောင်နေကြရပါတယ်။ ဒါကြောင့် လက်ရှိနွေစပါးစိုက်ပျိုးချိန်ရောက်ရှိနေပေမယ့် နယ်မြေတည်ငြိမ်အေးချမ်းမှုမရှိတဲ့ ကျေးရွာတွေမှာ နွေစပါးစိုက်ပျိုးနိုင်ခြင်းမရှိသေးဘူးလို့ တောင်သူတွေကပြောပါတယ်။ တချို့မီးရှို့ခံရတဲ့ကျေးရွာတွေက တောင်သူတွေမှာဆိုရင် မိုးရာသီမှာထွက်ရှိထားတဲ့စပါးတွေကို သိုလှောင်ထားရာမှာလည်း မီးလောင်ရာမှာအကုန်ပါသွားခဲ့ပြီး အခုနွေစပါးကိုပါ မစိုက်ပျိုးနိုင်ရင် မိသားစုဘဝတွေရဲ့စားဝတ်နေရေးရပ်တည်မှုတွေဟာ ရေရှည်အတွက် အငတ်ဘေးနဲ့ရင်ဆိုင်ရနိုင်တယ်လို့လည်း သုံးသပ်ပြောဆိုထားကြပါတယ်။ #voiceofmyanmar #VOM #ဒီပဲယင်း #နွေစပါး #နယ်မြေမအေးချမ်း YouTube Link – https://youtu.be/Ox0edCTA1lQ

ဗန်းမော်မြို့ပေါ်မှာ ပေါက်ကွဲမှု ၃ ကြိမ်ဆက်တိုက်ဖြစ်ပြီး အရပ်သား(၁)ဦးနဲ့ ရဲမှူး(၁)ဦး သေဆုံး

2 years ago Editor

မတ် ၊ ၂၈-၂၀၂၂ SP (VOM) ကချင်ပြည်နယ် ၊ ဗန်းမော်မြို့ပေါ်မှာ ဒီကနေ့ မနက်ပိုင်းက ပေါက်ကွဲမှု ၃ ကြိမ် ဆက်တိုက်ဖြစ်ပေါ်ခဲ့ပြီး ရဲမှူး(၁)ဦး အပါအဝင် လူသေဆုံးမှုတွေနဲ့ ဒဏ်ရာရရှိမှုတွေရှိခဲ့တယ်လို့ ဗန်းမော်မြို့ခံတွေဆီက သိရပါတယ်။ ” ဒီမနက် ၇ နာရီဝန်းကျင်မှာ ပေါက်ကွဲမှုစတယ် ၊ ရဲမင်းကြီးအိမ်ရှေ့လမ်းနဲ့ နာရီစင်တောင်ဘက် အရှေ့လမ်းပေါ်တွေမှာ ပေါက်ကွဲမှု တခုစီ စဖြစ်တယ် ၊ အဲ့ဒီနောက် အချိန် ၃ နာရီလောက်ခြားပြီး ရောဘတ်ဘုရားကျောင်းအနီး ကုန်းအတက်နေရာမှာ ထပ်ပြီး ပေါက်ကွဲတယ်” လို့ ဗန်းမော်မြို့ခံတယောက်က ပြောပါတယ်။ အဲ့ဒီ ပေါက်ကွဲမှုဖြစ်စဥ်နဲ့ ပတ်သက်ပြီး ဗန်းမော်မြို့ခံ လူမှုကူညီရေးအသင်း ပရဟိတသမားတယောက်က ” မနက်ပိုင်းစောစော ပေါက်ကွဲတဲ့ဖြစ်စဥ်မှာက အသေအပျောက် မရှိဘူး ၊ ၁၀ နာရီဝန်းကျင်ပေါက်ကွဲတဲ့ ဖြစ်စဥ်မှာ ဆိုင်ကယ်စီးလာတဲ့…

အော်စကာဆုပေးပွဲမှာ ဇနီးကိုနောက်ပြောင်ခဲ့လို့ အစီအစဉ်တင်ဆက်သူကို မင်းသားဝီလ်စမစ်က စင်ပေါ်တက်ပြီး ပါးရိုက်

2 years ago Editor

၀ါရှင်တန်၊ မတ်-၂၈-၂၀၂၂ မျိူးဆက်(VOM) ဟောလိဝုဒ်အကျော်အမော် မင်းသားဝီလ်စမတ်ဟာ သူ့ရဲ့ဇနီးဖြစ်သူ ဂျာဒါပင်ကတ်စမစ်ကို အစီအစဉ်တင်ဆက်သူ ခရစ်ရော့ခ်က ဟာသနှောနောက်ပြောင်ခဲ့တာကြောင့် ဝီလ်စမစ်က စင်ပေါ်တက်ပြီး ပါးရိုက်ခဲ့ပါတယ်။ ၀ီလ်စမစ်ရဲ့ ဇနီးဖြစ်သူဟာ ရောဂါဝေဒနာတမျိုးကြောင့် ဆံပင်ကျွတ်တဲ့အခြေအနေကို ရည်ညွှန်းပြီး အစီအစဉ်တင်ဆက်သူ ခရစ်ရော့ခ်က ဂျာဒါရေ ငါတော့ GI Jane 2 ဇာတ်ကားကြည့်ဖို့ မစောင့်နိုင်တော့ဘူးလို့ နောက်ပြောင်ခဲ့တာဖြစ်ပါတယ်။ ဒီလိုပြောဆိုလိုက်ပြီးနောက်မှာတော့ မင်းသားဝီလ်စမစ်ဟာ စင်ပေါ်ကိုတက်သွားပြီး ခရစ်ရော့ခ်ကို ပါးရိုက်ခဲ့ကာ ငါ့မိန်းမနာမည်ကို မင်းပါးစပ်က ပြောစရာမလိုဘူးဆိုပြီး အော်ဟစ်ခဲ့ပြီးနောက် သူ့ထိုင်ခုံကိုပြန် သွားခဲ့ပါတယ်။ ဒါပေမယ့် ဒီကိစ္စအပေါ် နောက်ပိုင်းမှာ သူကတောင်းပန်ခဲ့ပါတယ်။ မင်းသား ဝီလ်စမစ်ဟာ အခုနှစ်မှာ King Richard ဇာတ်ကားနဲ့အော်စကာဆုရရှိခဲ့ပြီး မင်းသမီး ဂျက်စီကာ ချက်စတိန်းကတော့ The Eyes of Tammy Faye ဇာတ်ကားနဲ့ အော်စကာဆု ရရှိခဲ့ပါတယ်။…