Month: June 2022

ဇွန် ၁၀-၂၀၂၂ KT(VOM) နေပြည်တော်၊ ကမ္ဘာလှည့်ခရီးသွားလုပ်ငန်းလုံခြုံရေး ရဲတပ်ဖွဲ့မှူးရုံးအနီးမှာ ကားရပ်ပြီး အပေါ့သွားနေတဲ့ ပို့ဆောင်ရေးနှင့်ဆက်သွယ်ရေးဝန်ကြီးဌာနက အရာရှိတဦး ဓားနဲ့ထိုးခံရပြီး လုယက်ခံရမှု ဒီကနေ့ ည ၇နာရီအချိန်ခန့်က ဖြစ်ခဲ့တယ်လို့ ရဲတပ်ဖွဲ့အသိုင်းအဝိုင်းကနေ သိရပါတယ်။ နေပြည်တော်၊ ရာဇသင်္ဂဟလမ်းအတိုင်း Toyota Ipsum အဖြူရောင်ယာဥ်ကို ကိုယ်တိုင်မောင်းနှင်လာပြီး Junction Center အနီးက SPC ဆီဆိုင်မှာ ကားဆီထည့်ဖို့ ထွက်လာစဉ် ကမ္ဘာလှည့်ခရီးသွားလုပ်ငန်းလုံခြုံရေး ရဲတပ်ဖွဲ့မှူးရုံးအနီးတွင် ကားရပ် အပေါ့သွားနေချိန် လုယက်ခံရတာဖြစ်တယ်လို့ သိရပါတယ်။ “အပေါ့သွားနေချိန် mask အနက်ရောင်တပ်၊ ရှပ်လက်ရှည်ဝတ်ထားတဲ့ လူငယ်နှစ်ဦးက အဲ့ဒီအရာရှိကို ချုပ်ထားပြီး လည်ပင်းကို ဓားနဲ့ထောက် ကားပေါ်ပြန်တက်ခိုင်း ကားမောင်းခိုင်းကာ နေပြည်တော် Wholesale center အကျော်မှာ ဘယ်ကွေ့ခိုင်းခဲ့ပြီး ရွှေဧည့်သည်ဟိုတယ်ရှေ့လမ်းကြားအရောက်တွင် ကားရပ်ခိုင်းခဲ့တယ်၊ အဲ့ဒီလို ကားရပ်ပေးနေချိန် အရာရှိဆီက ဟန်းဖုန်းယူပြီး ကားပေါ်ကနေဆွဲချကာ…

ဇွန် ၁၀-၂၀၂၂ KK(VOM) ကြံခင်းမြို့နယ်၊ အုတ်ပုံပူးပေါင်းစစ်ဆေးရေးဂိတ်မှာ ဒီကနေ့ နေ့လယ်ပိုင်းက နိူင်ငံသားအထောက်အထားမဲ့သူ ၂၉ ဦးနဲ့ လိုက်လံပို့ဆောင်ပေးသူတွေကို ဖမ်းဆီးရမိခဲ့တယ်လို့ မြို့ခံတွေဆီကသိရပါတယ်။ ဒီကနေ့ နေ့လယ်ပိုင်းက ကြံခင်းမြို့နယ်၊ အုတ်ပုံပူး ပေါင်းစစ်ဆေးရေးဂိတ်မှာ အိမ်စီးကားနှစ်စီးဟာ စစ် ဆေးမှုမခံဘဲ ထွက်ပြေးမောင်းနှင်ခဲ့လို့ လိုက်လံရှာ ဖွေဖမ်းဆီးရာမှ နိုင်ငံသားအထောက်အထားမဲ့သူ ၂၉ ဦးနဲ့လိုက်လံပို့ဆောင်သူတွေကို ဖမ်းဆီးရမိခဲ့တာဖြစ်တယ်လို့ မြို့ခံတဦးက ပြောပါတယ်။ “အိမ်စီးကားနှစ်စီးက မျှင်ဝါးတောင်ရဲကင်းစခန်းကမိတယ်၊ နိုင်ငံသားအထောက်အထားမဲ့သူတွေတင်လာတဲ့ ဒိုင်နာကားကို အုတ်ပုံဆိပ်စစ်ဆေးရေးက မိတာ”လို့ သူကပြောပါတယ်။ အိမ်စီးယာဥ်မောင်းထွက်ပြေးပြီးနောက် ပန်းတောင်းမြို့နယ်၊ ဥသျှစ်ပင်မြို့ဘက်ကနေ မောင်းနှင်လာတဲ့ ဒိုင်နာယာဥ်ကို စစ်ဆေးရာ ဖွဲအိတ်တွေကာရံထားတဲ့အတွင်းမှ လိုက်ပါတဲ့ နိုင်ငံသားအထောက်အထားမဲ့သူ ကျား ၂၈ဦးနဲ့မ ၁ ဦး စုစုပေါင်း ၂၉ ဦးကို ဖမ်းဆီးရမိခဲ့တာ ဖြစ်တယ်လို့ အမည်မဖော်လိုသူတဦးက ပြောပါတယ်။ လက်လောမှာ ဖမ်းဆီးရမိခဲ့တဲ့ နိူင်ငံသားအထောက်အထားမဲ့သူ၂၉…

ဇွန် ၁၀-၂၀၂၂ GG(VOM) မွန်ပြည်နယ် ၊သထုံမြို့၊ ပေါ်တော်မူကျေးရွာအုပ်စု၊ဂျိုင်းကျေးရွာမှာ သားဖြစ်သူက မိခင်ကို ပေါက်ပြားနဲ့ရိုက်သတ်လို့ အ​မေဖြစ်သူသေဆုံးခဲ့သလို သားဖြစ်သူလည်းသေဆုံးမှု ဖြစ်ပွားခဲ့တယ်လို့ သိရပါတယ်။ သားဖြစ်သူက စိတ်ဝေဒနာခံစားနေရသူဖြစ်ဖြစ်ပြီး ဦး​မြင့်ဆွေ အသက်၅၀ နှစ်၊ အမေဖြစ်သူက ဒေါငွေရင် အသက် ၇၄ နှစ်ဖြစ်ပါတယ်။ မိခင်ဖြစ်သူဟာ ပေါက်ပြားနဲ့ပေါက်တဲ့ဒဏ်ရာတွေကြောင့်ပဲ နေရာမှာတင် ပွဲချင်းပြီးသေဆုံးခဲ့တာဖြစ်ပြီး သားဖြစ်သူကလည်း မိခင်သေဆုံးပြီးမကြာခင် နေအိမ်မှာပဲ ထပ်မံသေဆုံးသွားတာဖြစ်တယ်လို့ သိရပါတယ်။ “သူ့သားက ကော်ဖီမစ်တွေလည်း သောက်တယ်၊ သူ့အိမ်အောက်မှာ ခွေးသားပေါက်လေးတွေ လာမွေးတာကိုပြုတ်စားတာတို့လည်းလုပ်တယ်။သူကစိတ်မမှန်ဘူးလေ၊သူ့အမေကို ပေါက်ပြားနဲ့ပေါက်သတ်ချိန် ပတ်ဝန်းကျင်ကလည်းကြည့်ကြတော့ သူကနှလုံးရောဂါအခံလည်းရှိတော့ အဲ့ဒါကြောင့်သေသွားတယ်ထင်ပါတယ်။ အမေကို ဘာလို့သတ်လဲဆိုတာတော့ မသိဘူး ၊ မနေ့က မနက်အစော ၁ နာရီမှာဖြစ်တာပါ”လို့ အကြင်နာတွဲလက်အသင်း(သထုံ)ရဲ့အဖွဲ့ဝင်တဦးကပြောပါတယ်။ သေဆုံးသွားတဲ့ သားအမိ ၂ ဦးရဲ့ ရုပ်အလောင်းကို သထုံပြည်သူ့ဆေးရုံကြီး ရင်ခွဲရုံကိုပို့ဆောင်ခဲ့ပြီး အဲ့ဒီကမှတဆင့် မီးသဂြိုလ်ဖို့အတွက်…

ဇွန် ၁၀-၂၀၂၂ SW(VOM) ရခိုင်ပြည်နယ်၊ မောင်တောမြို့နယ်မှာ ပြီးခဲ့တဲ့ ရက်ပိုင်းက ကျပ်သိန်းပေါင်း ၄ ရာကျော်တန်ဖိုးရှိ မူးယစ်ဆေးဝါးတွေနဲ့အတူ ပါဝင်ပတ်သက်နေသူ ၁၀ ဦးကို ဒေသခံအာဏာပိုင်တွေ ဖမ်းဆီးရမိခဲ့တယ်လို့ သိရပါတယ်။ ရခိုင်ပြည်နယ် ရဲတပ်ဖွဲ့ကလည်း မောင်တောမြို့နယ်မှာ မူးယစ်ဆေးဝါးနဲ့အတူ ဆက်စပ်သူတချို့ကိုပါ ဖော်ထုတ်ဖမ်းဆီးနိုင်ခဲ့တယ်လို့ VOM ကို ပြောပါတယ်။ ရခိုင်ပြည်နယ်ရဲတပ်ဖွဲ့ ပြည်နယ်ရဲမှူးကြီး သက်လွင်က ” အဲဒါက နယ်ခြားစောင့်ကဖမ်းတာ။ နယ်ခြားစောင့်က ဖမ်းတာဆိုတော့ ငါတို့အသေးစိပ်မသိဘူး။ ဖမ်းမိတာတော့ ဟုတ်တယ်”လို့ ပြောပါတယ်။ ပြီးခဲ့တဲ့ ဇွန်လ ၈ ရက်နေ့က မူးယစ်ဆေးဝါးတွေနဲ့အတူ ဆက်စပ်သူတွေကိုပါ နှစ်ကြိမ်ဖမ်းဆီးရမိခဲ့တာဖြစ်ပြီး မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က တပ်ဖွဲ့၀င်တွေပါဝင်တဲ့ ပူးပေါင်းအဖွဲ့က ဖမ်းဆီးခဲ့တာ ဖြစ်တယ်လို့ သိရပါတယ်။ ပထမဦးဆုံးတစ်ကြိမ် ဖမ်းဆီးရမိမှုမှာ မောင်တောမြို့နယ်၊ မောင်တော-ကျီးကန်းပြင်သွားကားလမ်း၊ ဟာဘီကျေးရွာအနီးမှာ စိုးအောင်သိန်း မောင်းနှင်လာတဲ့ မော်တော်ဆိုင်ကယ်ကို ရပ်တန့်စစ်ဆေးရာကနေ…

ဇွန် ၁၀-၂၀၂၂ GG(VOM) ကျိုက်ထိုမြို့နယ်က ၊ စစ်တောင်းလူမှုကူညီရေးအသင်းကား ပစ်ခတ်ခံရလို့ အဖွဲ့ဝင်တဦးသေဆုံးခဲ့ပြီး တဦးဒဏ်ရာရခဲ့တယ်လို့ ​သိရပါတယ်။ မနေ့ ဇွန် ၉ ရက် ည ၁၀ နာရီလောက်မှာ စစ်တောင်းရွာက ဓားထိုးခံရတဲ့လူနာကို ဆေးရုံကိုပို့ပြီးပြန်လာချိန် အင်္ဂဘိုကျေးရွာနားအရောက်မှာ ကားကိုသေနတ်ပစ်ခံခဲ့ရတာဖြစ်တယ်လို့ သိရပါတယ်။ ” ကားပေါမှာက ယာဥ်မောင်းရယ်၊ နောက်ထပ်နှစ်ယောက်ရယ်ပါတယ်၊ လူနာပို့အပြီးပြန်အလာ ကားကိုသေနတ်ပစ်ခံရတော့ ဘေးကလိုက်လာတဲ့ ၂ ယောက်မှာ တယောက်က ဆီးအိမ်ကျည်ထိတယ်၊ နောက်တယောက်က ပေါင်ကိုကျည်ရှပ်ထိတယ်၊ ဆေးရုံတောင်မရောက်လိုက်ဘူး။ တယောက်က လမ်းမှာပဲဆုံးတယ်လို့ သိရတယ် “လို့ ဒေသခံပရဟိတသမားတဦးကပြောပါတယ်။ သေဆုံးသွားတဲ့ အသင်းဝင်းဟာ ပြည့်ဖြိုးအောင်ဆိုသူဖြစ်ပြီး ဒဏ်ရာရရသူကတော့ ကျော်ဇင်ဦး ဆိုသူဖြစ်တယ်လို့ သိရပါတယ်။ စစ်တောင်းလူမှုကူညီရေးအသင်းဟာ ကိုဗစ်ကာလကတည်းက အခုချိနအထိ ကူညီကယ်ဆယ်ရေးတွေလုပ်နေတဲ့ အသင်းတစ်ခုဖြစ်တယ်လို့ သိရပါတယ်။ လူမှုကူညီရေးအသင်းကားတွေ ပစ်ခတ်ခံရတဲ့အတွက် ညအချိန်တွေ အကူအညီတောင်းလာရင် ငြင်းပယ်တာမျိုးတွေလုပ်တော့မယ်လို့…