Month: July 2022

ရန်ကုန်၊ဇူလိုင် ၂၂ ၊၂၀၂၂ KK(VOM) မော်လမြိုင်မြို့ ရွှေတောင်ရပ်ကွက် မာလာဝင်း တောင်ရိုးတန်းလမ်းရှိ အထက ၅ ကျောင်းမှာ ဒီကနေ့ မနက်ပိုင်းကအုတ်တံတိုင်းပြိုကျမှုဖြစ်ပွားခဲ့တာမှာ ငါးဦးသေဆုံးပြီး သုံး ဦး ဒဏ်ရာရရှိခဲ့တယ်လို့ မီးသတ်ဦးစီးဌာနရဲ့ထုတ်ပြန်ချက်အရ သိရပါတယ်။ ကျောင်းအုတ်တံတားပြိုကျမှုကို မီးသတ်တပ်ဖွဲ့ဝင်တွေနဲ့ ဘိုဘိုဝင်းလူမှုကယ်ဆယ်ရေး၊မော်လမြိုင်လူမှုကယ်ဆယ်ရေး၊အဖြူရောင်တွဲလက်လူမှု ကယ်ဆယ်ရေး၊ ရွှေတောင်ရပ်ကွက်လူမှုကယ်ဆယ်ရေးနဲ့ ရာမညလူမှုကယ်ဆယ်ရေးအဖွဲ့တို့ ပူးပေါင်းကာကယ်ဆယ်ရေးလုပ်ငန်းတွေ လုပ်ဆောင်ခဲ့ရတယ်လို့ ပရဟိအဖွဲ့တွေဆီက သိရပါတယ်။ ​ကယ်ဆယ်ရေးလုပ်ရာမှာပါဝင်ခဲ့တဲ့ ရာမညလူမှုကယ်ဆယ်ရေးအဖွဲ့ ဥက္ကဋ္ဌ ပြောပြတာက “ငါးဦးသေတယ် ယောက်င်္ကျား ၂ ယောက် မိန်းခလေး သုံးယောက် ဒဏ်ရာရတာက သုံးယောက်”လို့ ပြောပါတယ်။ ဒဏ်ရာရရှိသူသုံးဦးကို ပရဟိတအဖွဲ့တွေက လူနာတင်ယာဥ်တွေနဲ့ မော်လမြိုင်ပြည်သူ့ဆေးရုံကြီးသို့ ပို့ဆောင်ပေးခဲ့ တယ်လို့ သူကရှင်းပြပါတယ်။ ဒီကနေ့မနက်ပိုင်းက မော်လမြိုင်မြို့နယ်မှာ မိုးသည်းထန်စွာရွာသွန်းရာ အ.ထ.က(၅)ကျောင်းရဲ့ အုတ်တံတိုင်းပြိုကျခဲ့ပြီး ဆိုင်တန်းမှာရှိနေတဲ့လူတွေ အပေါ်ပိခဲ့တာဖြစ်တယ်လို့ မြို့ခံတွေဆီက သိရပါတယ်။ ပြီးခဲ့တဲ့ ၂၀၂၂…

ဇူလိုင် ၊ ၂၂- ၂၀၂၂ SP (VOM) စက်သုံးဆီ ဖြန့်ချီရာမှာ အဓိကကျတဲ့ ရေယာဥ်ဆီတွဲ တွေနဲ့ ဆီသယ်ယာဥ် ဘောက်ဆာကားတွေကို GPS တပ်ဆင်ထားကြဖို့အတွက် မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်းက ညွှန်ကြားထားတယ်လို့ စက်သုံးဆီလုပ်ငန်းရှင်တွေဆီက သိရပါတယ်။ ” စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းဆောင်ရွက်နေတဲ့ ကုမ္ပဏီတွေ ၊ နောက်ပြီး သယ်ယူပို့ဆောင်နေတဲ့ ကုမ္ပဏီတွေ နဲ့ အခြားပုဂ္ဂလိကလုပ်ငန်းရှင်များပိုင်ဆိုင်တဲ့ ရေယာဉ်ဆီတွဲများနဲ့ ဆီတင်ယာဉ်တွေကို ၅.၈.၂၀၂၂ ရက်နေ့ နောက်ဆုံးထားပြီး GPS တွေ အမြန်ဆုံးတပ်ဆင်ဖို့ ဇူလိုင်လ ၂၀ရက်နေ့ရက်စွဲနဲ့ မြန်မာနိုင်ငံစက်သုံးဆီတင်သွင်းရောင်းချရေးအသင်းက စာထုတ်ထားတာ ” လို့ ချင်းတွင်းမြစ်ကြောင်း စက်သုံးဆီတင်သွင်းဖြန့်ချီရေး လုပ်ငန်းရှင်တယောက်က ပြောပါတယ်။ အဲ့ဒီလို ညွှန်ကြားရတာဟာ လျှပ်စစ်နှင့်စွမ်းအင်ဝန်ကြီးဌာန၊ရေနံထွက်ပစ္စည်း ကြီးကြပ်စစ်ဆေးရေးဦးစီးဌာနက ၊ ဆီတင်ရေယာဉ်/ယာဉ်တွေ အနေနဲ့ စက်သုံးဆီတွေကို တနေရာကနေ တနေရာကို သယ်ယူပို့ဆောင်တာ ၊ လက်ခံဖြည်းတင်းမှုတွေ ဆောင်ရွက်တဲ့အခါ…

ဇူလိူင် ၂၂-၂၀၂၂ VOM (GG) မြန်မာနိုင်ငံကနေ မတ်ပဲတန်ချိန် ၂ သိန်းခွဲကို အိန္ဒိယအစိုးရက ၅ နှစ်ဆက်တိုက် ဝယ်ယူသွားမှာဖြစ်တယ်လို့သိရပါတယ်။ မတ်ပဲဝယ်ယူမယ့်ကာလဟာ လက်ရှိ ဘဏ္ဍာနှစ်ကနေ ၂၀၂၅-၂၀၂၆ ဘဏ္ဍာနှစ်အထိ ဖြစ်ပြီး အခုဘဏ္ဍာနှစ်ကုန်အထိကိုလည်း မတ်ပဲနဲ့ ပဲစဉ်းငုံကို အကန့်အသတ်မရှိ တင်သွင်းခွင့်ပြုထားတယ်လို့သိရသလို ပဲစဉ်းငုံ တန်ချိန် ၁ သိန်းလည်းဝယ်ယူမှာဖြစ်တယ်လို့ သိရပါတယ်။ ဒါပေမယ့် ပြည်တွင်းမှာဖြစ်နေတဲ့ ဒေါ်လာကန့်သတ်ချက် ဂယက်တွေကြောင့် မတ်ပဲစျေး မတည်မငြိမ်ဖြစ်နေသလို အဝယ်သာရှိပြီး ရောင်းလိုအား မရှိဖြစ်နေကြောင်း၊ ကုန်သည်တွေကလည်း အခြေအနေကိုစောင့်ကြည့်နေကြရတယ်လို့ ကုန်စည်ဒိုင်တွေကနေ သိရပါတယ်။ “မြေပဲ၊ ပဲမျိုးစုံကို တင်ပို့ရောင်းချတာကို ဒေါ်လာနဲ့လုပ်ရမယ်ဆိုတဲ့ ကန့်သတ်ချက်ကြောင့်အရောင်းအဝယ် နည်းတယ်။တင်ပို့ရင်လည်း ပစ္စည်းဖိုးကို အရင်ချေရမယ်ဆိုတော့ လုပ်ငန်းရှင်တွေ ဒုက္ခရောက်ကြတယ်။ရတဲ့ဒေါ်လာကျ ၁၈၅၀ နဲ့ရောင်းရတယ်။ကိုယ်လိုအပ်တော့ ၂၅၀၀ နဲ့ဝယ်ရတယ်၊အဆင်မပြေဘူး။ နောက်ဆုံး အကုန်ထိမှာ၊ ကျနော်တို့ ကတော့ ကိုယ်…

ဇူလိူင် ၂၁-၂၀၂၂ VOM (GG) DICA ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှာ မှတ်ပုံတင်ထားတဲ့ ကုမ္ပဏီအားလုံးရဲ့နိုင်ငံခြားဘဏ်စာရင်းထဲမှာရှိတဲ့ ဒေါ်လာငွေကို မြန်မာကျပ်ငွေ လဲလှယ်ရမယ်လို့ ဗဟိုဘဏ်က ထုတ်ပြန်လိုက်ပါတယ်။ ဒေါ်လာအားလုံးကို မြန်မာငွေလဲလှယ်ခြင်းကို ဒီနေ့ ဇူလိုင်လ ၂၁ ရက်နေ့ ညနေ ၆ နာရီ နောက်ဆုံးထားပြီး လုပ်ဆောင်ဖို့ ဘဏ်တွေကိုအကြောင်းကြားစာပေးပို့ခဲ့တာဖြစ်တယ်လို့ သိရပါတယ်။ နိုင်ငံခြားငွေကို မြန်မာကျပ်နဲ့လဲလှယ်တဲ့အခါ ဗဟိုဘဏ်သတ်မှတ်စျေး တဒေါ်လာကို ၁၈၅၀ ကျပ်နဲ့ရောင်းချရမှာဖြစ်ပြီး ပြင်ပမှာတော့ တဒေါ်လာကို ၂၅၀၀ ကျပ်အထိ ဖြစ်နေပါတယ်။ ” DICA မှာ မှတ်ပုံတင်ထားတဲ့ ကုမ္ပဏီပေါင်းက ၅၀၀၀၀ ကျော်လောက်ရှိတယ်၊ ပြည်ပရော ပြည်တွင်း ရောပေါ့”လို့ DICAမှ တာဝန်ရှိသူတဦးကပြောပါတယ်။ ဗဟိုဘဏ်ဟာ ဇူလိူင်လ ၁၅ ရက်နေ့က နိုင်ငံခြားသား ပိုင်ဆိုင်မှု ၃၅ ရာခိုင်နှုန်းပါဝင်တဲ့ မြန်မာကုမ္ပဏီတွေရဲ့ နိုင်ငံခြားငွေစာရင်းထဲက နိုင်ငံခြားငွေကိုသာ…

ဇူလိုင် ၂၁၊၂၀၂၂ KK(VOM) မြန်မာနိူင်ငံကို လွတ်လပ်ရေးရရှိအောင် ကြိုပမ်းခဲ့တဲ့ အာဇာနည်ကိုးဦးစာရင်းဝင် ဦးရာဇာတ်ရဲ့သားကြီးဖြစ်သူ ဦးတင်မြင့်ဟာ ဒီကနေ့ မနက်ပိုင်းက ရန်ကုန်မြို့ရှိ ဝီတိုရီယဆေးရုံမှာ ကွယ်လွန်သွားတယ်လို့ မိသားစုနဲ့နီးစပ်သူတွေဆီကသိရပါတယ်။ “ဒီကနေ့ မနက် ၆နာရီ လေးဆယ်မိနစ်က ရန်ကုန်မြို့ ဝိတိုရိယဆေးရုံမှာ ကွယ်လွန်ခဲ့တာပါ၊ ဒီနေ့ နေ့လယ် တနာရီခွဲအချိန် မွတ်ဆလင်သုသာန်မှာပဲ သင်္ဂြိုဟ်ခဲ့တယ်”လို့ မိသားစုနဲ့နီးစပ်သူတဦးကပြောပါတယ်။ ဦးတင်မြင့်ဟာ မြန်မာနိုင်ငံ ဘူမိသိပ္ပံအသင်း နာယကတဦးဖြစ်သလို မြန်မာ့ရေနံနှင့် သဘာဝဓာတ်ငွေ့လုပ်ငန်း (ကမ်းလွန်) ညွှန်ကြားရေးမှူး (ငြိမ်း)တစ်ဦးလည်းဖြစ်ကာ ကွယ်လွန်ချိန်မှာ အသက် ၈၃နှစ်အရွယ်ရှိပြီဖြစ်ပါတယ်။ Photo – Original uploader #voiceofmyanmar #VOM #အာဇာနည်စာရင်းဝင်ဦးရာဇတ်ရဲ့သားကြီး #ဦးတင်မြင့် #ကွယ်လွန်