Month: October 2022

  ဝါရှင်တန်၊ အောက်တိုဘာ ၂၀-၂၀၂၂ မျိုးဆက်(VOM) ဂျိုးဘိုင်ဒင်ရဲ့ အမေရိကန်အစိုးရဟာ လောင်စာစျေးနှုန်းများကြီးမြင့်မှုကို ထိန်းချုပ်နိုင်ဖို့အတွက် နိုင်ငံရဲ့ မဟာဗျူဟာမြောက်အရန်ရေနံတွေ ဖြန့်ဖြူးရောင်းချပေးဖို့စီစဉ်နေပါတယ်။ အဲဒီအစီအစဉ်ဟာ အိုပက်နဲ့မဟာမိတ်နိုင်ငံတွေက တရက်ကို စည်ပေါင်းနှစ်သန်းထိ ထုတ်လုပ်မှုလျှော့ချဖို့ ဆုံးဖြတ်ချက်အပေါ် အမေရိကန်ရဲ့ တုံ့ပြန်မှုတစိတ်တပိုင်းဖြစ်ပါတယ်။ လောင်စာစျေးတွေ ပိုမိုမြင့်တက်လာနိုင်တဲ့ အဲဒီဆုံးဖြတ်ချက်ကို အမေရိကန်က ဝေဖန်ပြောဆိုထားပြီး စျေးနှုန်းကြီးမြင့်လာတာကို ထိန်းချုပ်ဖို့ အရန်ရေနံမှ စည်ပေါင်း ၁၅ သန်းကို ဒီဇင်ဘာလမှာ ဖြန့်ဖြူးပေးသွားမှာဖြစ်ပါတယ်။ ဒါပေမယ့် အမေရိကန်ရဲ့အရန်ရေနံဖြန့်ဖြူးပေးမှုဟာ အိုပက်နဲ့မဟာမိတ်တွေက ရေနံထုတ်လုပ်မှုလျှော့ချခြင်းကြောင့် ဖြစ်ပေါ်လာနိုင်တဲ့ ရေနံစျေးနှုန်းအပေါ် ဘယ်လောက် သက်ရောက်နိုင်တယ်ဆိုတာကို ရှင်းလင်းစွာမသိရသေးပါဘူး။ သမ္မတဂျိုးဘိုင်ဒင်အနေဲ့ လောင်စာဆီစျေးနှုန်းတွေကို ထိန်းညှိပေးနိုင်ဖို့ အတတ်နိုင်ဆုံး လုပ်ဆောင်သွားမှာဖြစ်ပြီး လိုအပ်ပါက အရန်ရေနံသိုလှောင်မှုကနေ နောက်ထပ်အကြီးစားဖြန့်ဖြူးပေးဖြို့ စီစဉ်ထားကြောင်း အိမ်ဖြူတော်က ထုတ်ပြန်ထားပါတယ်။ Ref: NHK #voiceofmyanmar #VOM #ဝါရှင်တန်

ဂျကာတာ၊ အောက်တိုဘာ-၂၀-၂၀၂၂ မျိုးဆက်(VOM) အင်ဒိုနီးရှားနိုင်ငံမှာ ကလေးငယ် ၁၀၀ နီးပါးသေဆုံးမှုနဲ့ ဆက်နွယ်နေတာကြောင့် ချောင်းဆိုးပျောက်ဆေးရည် အပါအ၀င် အရည်အဖြစ်မှီဝဲရတဲ့ ဆေးအားလုံးရောင်းချမှုကို ရပ်ဆိုင်းဖို့အမိန့်ထုတ်လိုက်ပါတယ်။ ဂမ်ဘီယာနိုင်ငံမှာ ချောင်းဆိုပျောက်ဆေးရည် သုံးစွဲမနဲ့ဆက်နွယ်ပြီး ကလေးငယ် ၇၀ နီးပါးသေဆုံးမှုဖြစ်ပွားပြီးနောက် အိန္ဒိယဆေးကုမ္ပဏီထုတ် ချောင်းဆိုးပျောက်ဆေးလေးမျိုးကို စုံစမ်းစစ်ဆေးမှုများ ပြုလုပ်နေချိန်မှာ အင်ဒိုနီးရှားအာဏာပိုင်တွေက အခုလို အမိန့်ထုတ်လိုက်တာဖြစ်ပါတယ်။ ယခုနှစ်အတွင်း ကလေးငယ် ၉၉ ဦးသေဆုံးမှုနဲ့ ဆက်နွယ်နေတဲ့ ပြင်းထန်ကျောက်ကပ်ရောဂါဖြစ်ပေါ်စေတဲ့ ဓါတ်ပစ္စည်းတွေပါ၀င်တဲ့ ဆေးရည်အချို့ကို နိုင်ငံတွင်းမှာ တွေ့ရှိခဲ့တယ်လို့ အင်ဒိုနီးရှားတာ၀န်ရှိသူတွေက ပြောပါတယ်။ ဒါပေမယ့်အဲဒီဆေးတွေဟာ အင်ဒိုနီးရှား ပြည်တွင်းထုတ်လား ပြည်ပကတင်သွင်းတာလား ရှင်းရှင်းလင်းလင်း မသိရသေးပါဘူး။ လက်ရ်ှိအချိန်ထိ အဲဒီဆေးဝါးတွေနဲ့ဆက်နွယ်ကာ ပြင်းထန်ကျောက်ကပ်ရောဂါ ဖြစ်နေတဲ့ ကလေးငယ် ၂၀၀ ရှိတယ်လို့ တာ၀န်ရှိသူတွေက ဆိုပါတယ်။ ဂမ်ဘီယာနိုင်ငံမှာ ကလေး ၇၀ နီးပါးသေဆုံးမှုနဲ့ဆက်နွယ်ပြီး ချောင်းဆိုးပျောက်ဆေးရည်လေးမျိုးကို ကမ္ဘာ့ကျန်းမာရေးအဖွဲ့က ဆေးဝါးထုတ်ကုန်ဆိုင်ရာ…

မော်စကို၊ အောက်တိုဘာ-၂၀-၂၀၂၂ မျိုးဆက်(VOM) ရုရှားဟာ ပြီးခဲ့တဲ့လက သိမ်းပိုက်ခဲ့တဲ့ ယူကရိန်းရဲ့ ဒွန်နက်၊ ခါဆွန်၊ လူဟန့်နဲ့ ဇာပိုရစ်ဇီးယား ဒေသလေးခုကို အောက်တိုဘာ ၁၉ ရက်မှာ စစ်အုပ်ချုပ်ရေးကြေညာလိုက်ပါတယ်။ လက်ရှိမှာတော့ အဲဒီဒေသတွေမှာ ယူကရိန်းတပ်တွေရဲ့ ပြန်လည်တိုက်ခိုက်မှုကို ခုခံကာကွယ်ဖို့ ရုရှားတပ်တွေ ရုန်းကန်နေရပါတယ်။ ယူကရိန်းအရှေ့ပိုင်း သိမ်းပိုက်နယ်မြေတွေက ရုရှားရဲ့မဟာမိတ်တွေကို လုပ်ပိုင်ခွင့်အာဏာပိုပေးဖို့ လိုအပ်ကြောင်း ရုရှားလုံခြုံရေးကောင်စီအဖွဲ့၀င်တွေကို သမ္မတပူတင်က ညွှန်ကြားခဲ့ပါတယ်။ ဒီလိုစစ်အုပ်ချုပ်ရေးကြေညာမှုကြောင့် အဲဒီဒေသတွေက ရုရှားလိုလားတဲ့ ဒေသန္တရခေါင်းဆောင်တွေဟာ ညမထွက်ရအမိန့်တွေ ချမှတ်ဖို့၊ ပိုင်ဆိုင်မှုတွေကို သိမ်းယူခွင့်၊ ခရီးသွားလာခွင့်နဲ့ လူသူစုဝေးမှုတွေကို ကန့်သတ်မိန့် ထုတ်ပြန်နိုင်မှာဖြစ်ပါတယ်။ ရုရှားရဲ့ အနာဂါတ်လုံခြုံရေးနဲ့ အဲဒီဒေသက မိမိလူတွေကို ကာကွယ်ပေးဖို့ အလွန်ကြီးမားပြီး ခက်ခဲတဲ့အခြေအနေတွေကို ကိုင်တွယ်ဖြေရှင်းဖို့ လုပ်ဆောင်နေကြောင်း ရုရှားသမ္မတပူတင်က ပြောပါတယ်။ ခါဆွန်ဒေသရှိ ရုရှားလိုလားတဲ့ အာဏာပိုင်တွေကတော့ ယူကရိန်းရဲ့တန်ပြန်တိုက်ခိုက်နိုင်ခြေကြောင့် အရပ်သားတွေကို ရွှေ့ပြောင်းပေးမှုတွေလုပ်ဆောင်နေပါတယ်။…