Day: November 4, 2022

ဆိုးလ်၊ နို၀င်ဘာ-၃-၂၀၂၂ မျိုးဆက်(VOM) မြောက်ကိုရီးယားဟာ နို၀င်ဘာ ၃ရက်မှာ တိုက်ချင်းပစ်ဒုံးကျည်(ICBM) ကိုစမ်းသပ်ပစ်ခတ်ခဲ့ပြီး စမ်းသပ်မှု မအောင်မြင်ခဲ့ကြောင်း တောင်ကိုရီးယားစစ်တပ်ကပြောပါတယ်။ တိုက်ချင်းပစ်ဒုံးကျည်စမ်းသပ်မှုဟာ ယခုနှစ်အတွင်း မြောက်ကိုရီးယားရဲ့ ခုနှစ်ကြိမ်မြောက် စမ်းသပ်ခြင်းလည်းဖြစ်ပြီး နျူကလီးယားလက်နက်စမ်းသပ်ဖို့ ပြင်ဆင်နေတယ်ဆိုတဲ့ စိုးရိမ်မှုတွေရှိနေချိန်မှာ စမ်းသပ်ခဲ့တာဖြစ်ပါတယ်။ ဒုံးကျည်ဟာ အမြင့် ကီလိုမီတာ ၁၉၂၀ ကနေ ၄၇၂ မိုင်ထိ ခရီးရောက်ခဲ့ပေမယ့် စမ်းသပ်မှုဟာ မအောင်မြင်ခဲ့ဘူးလို့ တောင်ကိုရီးယားစစ်တပ်က ထုတ်ပြန်ထားပါတယ်။ မြောက်ကိုရီးယားရဲ့ တိုက်ချင်းပစ်ဒုံးကျည်စမ်းသပ်မှုကြောင့် ဂျပန်နိုင်ငံမြောက်ပိုင်း ဒေသအချို့မှာ ရှားရှားပါးပါး သတိပေးချက်ထုတ်ပြန်ခဲ့ရပြီး ဒေသခံတွေကို ဘေးကင်းရာကို ရွှေ့ပြောင်းကြဖို့ ညွှန်ကြားခဲ့ရပါတယ်။ အဲဒီတိုက်ချင်းပစ်ဒုံးပျံဟာ ဂျပန်နိုင်ငံဘက်ကို ပျံတက်ခဲ့ပြီး အဲဒီနောက်မှာတော့ ကျွန်းပေါ်ကိုမဖြတ်တော့ဘဲ ဂျပန်ပင်လယ်ပင်မှာ ပျောက်ကွယ်သွားခဲ့တယ်လို့ ဂျပန်ကာကွယ်ရေး၀န်ကြီး ယာဆူကာဇူဟာမာဒါက ပြောပါတယ်။ ကိုရီးယားနှစ်နိုင်ငံအကြား ရေပိုင်နက်တွေကိုဖြတ်ကျော်ပြီး ဒုံးကျည်အပြန်အလှန်ပစ်ခတ်မှုတွေဖြစ်ပွားပြီး တင်းမာမှုတွေမြင့်တက်နေပါတယ်။ မနေ့ကဖြစ်ပွားခဲ့တဲ့ အဲဒီဖြစ်စဉ်မှာ မြောက်ကိုရီးယားဘက်က ဒုံးကျည်…

ကိုလံဘို၊ နို၀င်ဘာ-၃-၂၀၂၂ မျိုးဆက်(VOM) သီရိလင်္ကာနိုင်ငံမှာ ငွေကြေးဖောင်းပွမှု၊ အခွန်အခတွေမြင့်မားမှုနဲ့ ဖိနှိပ်ချုပ်ချယ်မှုတွေကြောင့် အစိုးရဆန့်ကျင်ရေးဆန္ဒပြပွဲတွေ တကျော့ပြန်ဖြစ်ပွားနေပြီး မြို့တော်ကိုလံဘိုမှာ နို၀င်ဘာ ၂ ရက်က ဆန္ဒပြမှုအတွင် ရဲတွေနဲ့ပဋိပက္ခတွေ ဖြစ်ပွားခဲ့ပါတယ်။ အတိုက်အခံနိုင်ငံရေးပါတီတွေ၊ အလုပ်သမားသမဂ္ဂတွေနဲ့ အရပ်ဘက်အဖွဲ့အစည်းတွေ ပူးပေါင်းစီစဉ်တဲ့ အဲဒီဆန္ဒပြပွဲမှာ သမ္မတအိမ်တော်နဲ့ အခြား၀န်ကြီးဌာနတွေတည်ရှိရာ မြိ့လယ်ကောင်ကို ချီတက်ဖို့ကြိုးစားတဲ့ ဆန္ဒပြသူတွေကို ရဲတပ်ဖွဲ့က ပိတ်ဆို့တားဆီးခဲ့ပါတယ်။ ပြည်သူတွေက တနေ့ထမင်းသုံးနပ်တောင်မစားနိုင်ဖြစ်နေချိန်မှာ အစိုးရကကူညီဖို့မလုပ်ဘဲ အခွန်အခတွေတိုးကောက်နေပြီး ဒါတွေကိုဖြေရှင်းဖို့ ဆက်လက်တိုက်ပွဲ၀င်သွာမယ်လို့ ဆရာများသမဂ္ဂတာ၀န်ရှိသူတဦးကပြောပါတယ်။ လောင်စာဆီ၊ အစားအစာ၊ မီးဖိုချောင်သုံးဓါတ်ငွေ့နဲ့ ဆေးဝါးများအပါအ၀င် မရှိမဖြစ်လိုအပ်တဲ့ သွင်းကုန်တွေအတွက် ပေးချေဖို့ ရုန်းကန်နေရတဲ့ သီရိလင်္ကာနိုင်ငံမှာ ယခုနှစ်အတွင်း ဆိုးရွားလှတဲ့ ဘဏ္ဍာရေးအကျပ်အတည်းနဲ့ ရင်ဆိုင်နေရပါတယ်။ ဇူလိုင်လမှာ ဆန္ဒပြပွဲတွေအကြီးအကျယ်ဖြစ်ပွားပြီးနောက် သမ္မတဂိုတာဘာယာရာဇပက်ဆာဟာ နိုင်ငံကနေ ထွက်ပြေးခဲ့ရပြီး လက်ရှိမှာတော့ သမ္မတသစ် ရာနေးလ်၀စ်ခရီမီဆင်းဟာ နိုင်ငံစီးပွားရေးအကျပ်အတည်းကို ကိုင်တွယ်ဖို့ ရုန်းကန်နေရပါတယ်။ Ref:Reuters…

ဝါရှင်တန်၊ နို၀င်ဘာ-၃-၂၀၂၂ မျိုးဆက်(VOM) အီရန်ဟာ ဆော်ဒီအာရေဗျကို တိုက်ခိုက်ဖို့ကြံစည်နေကြောင်း ထောက်လှမ်းရေး သတင်းတွေထွက်ပေါ်လာပြီးနောက် အမေရိကန်နဲ့ ဆ်ာဒီတာ၀န်ရှိသူတွေက အမြင့်ဆုံးတပ်လှန့်ထားကြောင်း ထောက်လှမ်းရေး သတင်းရင်းမြစ်တွေက ပြောပါတယ်။ အီရန်အစိုးရဆန့်ကျင်ရေးဆန္ဒပြပွဲတွေကို အာရုံလွှဲမှုအဖြစ် အီရတ်ရှိအမေရိကန်တပ်ဖွဲ့၀င်တွေနဲ့ ဆော်ဒီကို တိုက်ခိုက်ဖို့အပါအ၀င် အီရန်ရဲ့ ခြိမ်းခြောက်မှုတွေနဲ့ပတ်သက်ပြီး နှစ်နိုင်ငံတာ၀န်ရှိသူတွေက စိုးရိမ်မကင်းဖြစ်နေကြောင်း ဝေါလ်စရိဂျာနယ်က ဖော်ပြထားပါတယ်။ အီရန်ရဲ့ခြိမ်းခြောက်မှုပုံစံအပေါ် မိမိတို့စိုးရိမ်ပူပန်ကြောင်း၊ စစ်ဘက်နဲ့ ထောက်လှမ်းရေး လမ်းကြောင်းတွေကတဆင့် ဆော်ဒီတာ၀န်ရှိသူတွေနဲ့ အဆက်မပြတ် ဆက်သွယ်ဆောင်ရွက်နေကြောင်း အမေရိကန်အမျိုးသားလုံခြုံရေးကောင်စီက ထုတ်ပြန်ထားပါတယ်။ `ဒေသတွင်းရှိ အမေရိကန်ရဲ့အကျိုးစီးပွားတွေနဲ့ မိတ်ဖက်တွေကို ကာကွယ်ရေးအတွက်လုပ်ဆောင်ရာမှာ တွန့်ဆုတ်နေမှာ မဟုတ်ဘူးလို့ အမေရိကန်အမျိုးသားလုံခြုံရေးကောင်စီရဲ့ ထုတ်ပြန်ချက်မှာ ဖော်ပြထားပါတယ်။ အီရန်ဟာ အမေရိကန်တပ်ဖွဲ့၀င်တွေ တပ်စွဲထားရာ အီရတ်နိုင်ငံမြောက်ပိုင်းမှာ ပိတ်ဆို့တိုက်ခိုက်မှုတွေကို စက်တင်ဘာနှောင်းပိုင်းကတည်းက လုပ်ဆောင်နေခဲ့ပါတယ်။ Ref:Anadolu Photo:Reuters #voiceofmyanmar #VOM #ဝါရှင်တန်

လန်ဒန်၊ အောက်တိုဘာ-၄-၂၀၂၂ မျိုးဆက်(VOM) ဗြိတိန်တွင် ၃၃ နှစ်အတွင်း အတိုးနှုန်းအမြင့်ဆုံးရောက်ရှိနေချိန်မှာ မှတ်တမ်းတွေစတင်ထားရှိချိန်နောက်ပိုင်း အကြာရှည်ဆုံး စီးပွားရေးကျဆင်းမှုနဲ့ ရင်ဆိုင်နေရကြောင်း အင်္ဂလန်ဘဏ်က နို၀င်ဘာ ၃ ရက်မှာ သတိပေးလိုက်ပါတယ်။ ၂၀၂၅ ခုနှစ်မှာ အလုပ်လက်မဲ့နှုန်း နှစ်ဆနီးပါးတိုးလာပြီး နှစ်နှစ်တာကာလအတွင်း အလွန်ခက်ခဲတဲ့ စိန်ခေါ်မှုတွေနဲ့ ရင်ဆိုင်ရမှာဖြစ်ကြောင်း အင်္ဂလန်ဘဏ်ရဲ့ သတိပေးချက်မှာ ဖော်ပြထားပါတယ်။ ယူကရိန်းစစ်ပွဲရဲ့ သက်ရောက်မှုတစိတ်တပိုင်းအဖြစ် စာနပ်ရိက္ခာနဲ့ စွမ်းအင်စျေးနှုန်းတွေ ခုန်တက်သွားခဲ့ပြီး အိမ်ထောင်စုအများအပြားဟာ အကျပ်အတည်းတွေ စီးပွားကျဆင်းမှုတွေနဲ့ ရင်ဆိုင်နေရပါတယ်။ ယခုနှစ်ကုန်မှာ ဗြိတိန်ရဲ့စီးပွားရေးကျဆင်းလိမ့်မယ်လို့ အဂ်လန်ဘဏ်က ယခင်ကတည်းက ခန့်မှန်းထားခဲ့ပြီး လာမယ့်နှစ်မှာ အလုံးစုံကျဆင်းမယ်လို့ ထုတ်ဖော်ပြောဆိုထားပါတယ်။ ဗြိတိန်စီးပွားရေးကျဆင်းမှုဟာ အနိမ့်ဆုံးအဆင့်မပေမယ့်လည်း ၁၉၂၀ ပြည့်နှစ်တွေမှာ မှတ်တမ်းတွေ စတင်ခဲ့ပြီးနောက် အရှည်ကြာဆုံးဖြစ်လိမ့်မယ်လို့ အင်္ဂလန်ဘဏ်က သတိပေးပြောဆိုထားပါတယ်။ Ref: BBC #voiceofmyanmar #VOM #လန်ဒန်

ကိဗ်ယက်၊ နို၀င်ဘာ-၄-၂၀၂၂ မျိုးဆက်(VOM) ရုရှားတပ်တွေဟာ ယူကရိန်းစစ်မြေပြင်မှာ အသာစီးအနည်းငယ်သာရရှိတာကြောင့် စွမ်းအင်ဆိုင်ရာ အကြမ်းဖက်မှုတွေကျူးလွန်နေကြတယ်လို့ ယူကရိန်းသမ္မတဇီလန်စကီးက စွပ်စွဲပြောဆိုလိုက်ပါတယ်။ ရုရှားဟာ ယူကရိန်းရဲ့စွမ်းအင်ဆိုင်ရာကွန်ရက်တွေကို တိုက်ခိုက်ခဲ့တာကြောင့် ယူကရိန်းပြည်သူ ၄ ၏သမ ၅ သန်း လျှပ်စစ်ဓါတ်အားပြတ်တောက်နေတယ်လို့ ယူကရိန်းသမ္မတက ပြောပါတယ်။ မကြာသေးမီ သီတင်းပတ်တွေအတွင်း ရုရှားဟာ ယူကရိန်းရဲ့ အဓိက ဓါတ်အားပေးစက်ရုံတွေကို ဒုံးကျည်တွေ ၊ ဒရုန်းတွေနဲ့ အကြီးအကျယ်တိုက်ခိုက်ခဲ့ပါတယ်။ ပြီးခဲ့တဲ့လအတွင်း ရုရှားရဲ့ တိုက်ခိုက်မှုကြောင့် ယူကရိန်းဓါတ်အားပေးစက်ရုံစုစုပေါင်းရဲ့သုံးပုံတပုံကျော်ပျက်စီးသွားပြီးလို့ ဇီလန်စကီးကပြောပါတယ်။ လက်ရှိချိန်ထိ ယူကရိန်းပြည်သူ ၄ ဒသမ ၅ သန်းလောက် ယာယီဓါတ်အားပြတ်တောက်နေပြီး စွမ်းအင်ကို အချိန်နဲ့အသုံးပြုဖို့ တိုက်တွန်းထားရတယ်လို့ သူကပြောပါတယ်။ ယူကရိန်းရဲ့ စွမ်းအင်အခြေခံအဆောက်အအုံတွေကို ပစ်မှတ်ထားနေတယ်လို့ ရုရှားကာကွယ်ရေး၀န်ကြီးဌာနကလည်း အတည်ပြုပြောဆိုထားပါတယ်။ ရုရှားဟာ စွမ်းအင်အကြမ်းဖက်မှုကျူးလွန်နေတာဟာ သူ့ရဲ့စစ်မြေပြင်ကအားနည်းချက်တွေကို ပြသနေတာဖြစ်ပြီး စစ်မြေပြင်မှာ အနိုင်မရရှိတာကြောင့် ဒီနည်းလမ်းကို အသုံးပြုနေတယ်လို့…