ဆူးငှက် အရှေ့ကျုံးလမ်းသည် မန္တလေး၏ အလှဆုံး လမ်းတစ်လမ်းဖြစ်၏။ ယခုကဲ့သို့ ကျုံးပတ်ခြောက်လမ်းသွား မဖောက်လုပ်မီကပင် အရှေ့ကျုံးလမ်းသည် လမ်းအရည်အသွေး ကောင်းမွန်လှသည်။ လမ်း၏ အရှေ့ဘက်ခြမ်းမှာက အရိပ်ကောင်းလှသော မန်ကျည်းပင်၊ ကုက္ကိုပင်ကြီးတွေ တန်းစီနေသည်။ လူနေအိမ်ခြေ မရှိသလောက် နည်းပါးလှပြီး ခြံဝင်းကျယ်၊ ကွင်းပြင်ကျယ်ကြီးများသာ ရှိသောကြောင့် ရန်ကင်းတောင်နှင့်အရှေ့ရိုးမကို လှမ်းမျှော်ကြည့်နိုင်၏။အောင်ပင်လယ်၏ ကောက်သင်းရနံ့လေလည်း အတားအဆီးမရှိ ဒလဟောဝင်နိုင်သည့် လမ်းမကြီးဖြစ်သည်။ ညဦးပိုင်းကာလများရောက်လျှင် လူပျိုပေါက်အရွယ် ကျွန်တော်တို့တွေသည် စက်ဘီးအုပ်ကြီးဖြင့် အရှေ့ကျုံးလမ်း တစ်လျှောက်မှာ သီချင်းတွေ အောဟစ်သီဆိုခဲ့ရသော ငယ်ဘဝများကိုလည်း သတိရမိသည်။ အနောက်တောင် ကျုံးထောင့် ကျုံးရေစပ် တံတားလေးပေါ်မှာ လူစုကြပြီး စက်ဘီးကိုယ်စီဖြင့် အရှေ့သို့တက်သည်။ အရှေ့ကျုံးထောင့်ရောက်တော့ မြောက်ဆီဦးတည်၍ စက်ဘီးနင်းကြသည်။ မာကျူရီမီးလုံးရောင်အောက်တွင် ပိုးပုရစ်သံလေးသာ ဟိုမှသည်မှ ပေါ်ထွက်နေပြီး အရှေ့ကျုံးလမ်းသည် တိတ်ဆိတ်ခြင်းသာ မင်းမူနေတော့သည်။ ထိုအခါ ကျွန်တော်တို့သည် စိတ်ရှိလက်ရှိ ရင်ထဲရှိသမျှ…
Read Moreအရှေ့မှန်ကျောင်း၊ ဟမ့်ပ်ရှိုင်းယား နှင့် ကုန်းဘောင်ညွန့် တက်နေတော်မှာ
