Month: February 2023

ဒေလီ၊ ဖေဖော်ဝါရီ-၁၄-၂၀၂၃ မျိုးဆက်(VOM) အိန္ဒိယအစိုးရရဲ့ တိရိစ္ဆာန်စောင့်ရှောက်ရေးဌာနဟာ ယခုနှစ်ချစ်သူများနေ့အထိမ်းအမှတ်နေ့မှာ ရိုမန်နစ်ဆန်ဆန်ကျင်းပဖို့ထက် ဟိန္ဒူဘာသာရဲ့တန်ဖိုးတွေ ပိုမိုကောင်းမွန်လာစေရေးအတွက် နွားတွေကို ပွေ့ဖက်ကြဖို့ နိုင်ငံသားတွေကို မေတ္တာရပ်ခံထားပါတယ်။ နွားတွေကို ပွေ့ဖက်ခြင်းဟာ စိတ်ခံစားမှုကြွယ်ဝစေပြီး တဦးချင်းနဲ့ စုပေါင်းပျှော်ရွှင်မှုကို တိုးပွားလာစေတယ်လို့ အိန္ဒိယတိရိစ္ဆာန်စောင့်ရှောက်ရေးဌာနက ပြောပါတယ်။ နွားကို သန့်ရှင်းမြင့်မြတ်မှုအဖြစ် သတ်မှတ်ထားတဲ့ ဟိန္ဒိူဘာသာ၀င်တွေဟာ အနောက်တိုင်းကသတ်မှတ်တဲ့ အထင်ကရနေ့ရက်တွေဟာ အိန္ဒိယရိုးရာတန်ဖိုး စံနှုန်းတွေနဲ့ ဆန့်ကျင်နေတယ်လို့ ပြောပါတယ်။ အိန္ဒိယနိုင်ငံမှာ မကြာသေးမီနှစ်တွေအတွင်း ဟိန္ဒိူသဘောထားတင်းမာသူတွေဟာ အိန္ဒိယမြို့ကြီးတွေက စတိုးဆိုင်တွေကို ၀င်ရောက်စီးနှင်းကာ ချစ်သူများနေ့အမှတ်တရလက်ဆောင်ပစ္စည်းတွေကို မီးရှို့ကာ ချစ်သူများနေ့ဟာ အကျင့်ပျက်မှုကိုအားပေးတယ်ဆိုကာ ပန်းခြံကိုလာရောက်တဲ့ စုံတွဲတွေကိုလည်း မောင်းထုတ်မှုတွေ ပြုလုပ်ခဲ့ကြပါတယ်။ ၀န်ကြီးချုပ်မိုဒီဦးဆောင်တဲ့ ဟိန္ဒူအမျိုးသားရေးဝါဒီအစိုးရဟာလည်း ဟိန္ဒူဘာသာနဲ့ပတ်သက်ပြီး မြှင့်တင်မှုတွေပြုလုပ်နေပါတယ်။ အိန္ဒိယနိုင်ငံမှာ လူဦးရေ ၁ ဒသမ ၄ ဘီလီယံမှာ ဟိန္ဒူဘာသာ၀င် ၈၀ ရာခိုင်နှုန်းရှိပြီး မူဆလင် ၁၄…

ဝါရှင်တန်၊ ဖေဖော်ဝါရီ-၁၄-၂၀၂၃ မျိုးဆက်(VOM) အမေရိကန်ကို ဖြတ်ကျော်ပျံသန်းမှုကြောင့် ပစ်ချခံခဲ့ရတဲ့ တရုတ်သူလျှိုမိုးပျံပူပေါင်းက အာရုံခံကိရိယာတွေကို အတ္တလန်တိတ်သမုဒ္ဒရာအတွင်းမှာ ရှာဖွေတွေ့ရှိခဲ့ကြောင်း အမေရိကန်စစ်တပ်က ဖေဖော်ဝါရီ ၁၄ ရက်မှာ ပြောပါတယ်။ ရှာဖွေရေးသမားတွေဟာ အဓိကအာရုံခံကိရိယာနဲ့ အီလက်ထရွန်းနစ်ပစ္စည်းအပိုင်းအစတွေအပါအ၀င် ဘောလုံးကျရောက်ခဲ့တဲ့နေရာကနေ ပစ္စည်းအများအပြားကို တွေ့ရှိခဲ့ကြောင်း အမေရိကန်မြောက်ပိုင်းစစ်ဌာနချုပ်က ထုတ်ပြန်ထားပါတယ်။ အရေးကြီးတဲ့ အမေရိကန်စစ်ဘက်ဆိုင်ရာနေရာတွေမှာ သူလျှိုလုပ်ဖို့ တရုတ်နိုင်ငံကအသုံးပြုခဲ့ကြောင်း အမေရိကန်က အခိုင်အမာဆိုထားတဲ့ အဲဒီမိုးပျံပူပေါအက်ဖ်ဘီအိုင်က စစ်ဆေးနေပါတယ်။ အမေရိကန်က သူလျှိုလုပ်တယ်လို့ စွပ်စွဲထားပေမယ့်လည်း တရုတ်နိုင်ငံကတော့ အဲဒီမိုးပျံပူပေါင်းဟာ လမ်းကြောင်းလွဲသွားတဲ့ ရာသီဥတုစောင့်ကြည့်ရေးအတွက် အသုံးပြုတဲံ့အရာဖြစ်တယ်လို့ ထုတ်ဖော်ပြောဆိုထားပါတယ်။ မိုးပျံပူပေါင်း အစိတ်အပိုင်းတွေကို တောင်ကယ်ရိုလိုင်းနားကမ်းရိုးတန်းမှာ ဖေဖော်ဝါရီ ၁၃ ရက်က တွေ့ရှိခဲ့တာဖြစ်ပါတယ်။ အမေရိကန်ကို ဖြတ်ကျော်၀င်ရောက်ပျံသန်းလာတဲ့ အလားတူအရာ၀တ္ထုသုံးခု ကိုလည်း ဖေဖော်ဝါရီ ၄ ရက်နောက်ပိုင်း အမေရိကန်ကလေတပ်က ပစ်ချခဲ့ရပါတယ်။ Ref: BBC Photo: US…

  ဘရပ်ဆဲလ်၊ ဖေဖော်ဝါရီ-၁၄-၂၀၂၃ မျိုးဆက်(VOM) ယူကရိန်းကို ရုရှားရဲ့ကျူးကျော်တိုက်ခိုက်မှု နှစ်ပတ်လည်မတိုင်မီရက်ပိုင်းအလိုမှာ ရုရှားက အကြီးအကျယ်ထိုးစစ်ဆင်မှုကို စတင်နေပြီလို့ နေတိုးအကြီးအကဲ ယန်းစတိုတန်ဘာ့က သတိပေးပြောဆိုလိုက်ပါတယ်။ ယူကရိန်းမှာ ရုရှားတပ်တွေ၊ လက်နက်တွေနဲ့ စွမ်းရည်တွေပိုတိုးလာတာကို တွေ့နေရပြီး ဒါဟာ ထိုးစစ်သစ်တခု စတင်ခြင်းဖြစ်တယ်လို့ နေတိုးအကြီးအကဲက ပြောပါတယ်။ လအတန်ကြာ ငြိမ်သက်နေခဲ့တဲ့ ယူကရိန်းနိုင်ငံ ဘက်ခ်မွတ်မြို့မှာ ရုရှားရဲ့ထိုးစစ်စတင်နေပြီး ယူကရိန်းတပ်ဖွဲ့၀င်တွေဟာ ပြင်းထန်တဲ့ မြေပြင်ပစ်ခတ်တိုက်ခိုက်မှုတွေအောက်မှာ ရုရှားရဲ့ထိုးစစ်သစ်ကို အပြင်းအထန်ခုခံကာကွယ်နေရပါတယ်။ ယူကရိန်းတပ်တွေဟာ ခါခိဗ်ဒေသက စခန်းတခု၊ လူဟန့်ခ်ဒေသက နေရာငါးခုနဲ့ ဘက်ခ်မွတ်အပါအ၀င် ဒွန်တက်ခ်ဒေသက နေရာခြောက်ခုတို့မှာ ပြီးခဲ့တဲ့ ၂၄ နာရီအတွင်း ရုရှားရဲ့ ထိုးစစ်ဆင်တိုက်ခိုက်မှုတွေကို တွန်းလှန်နိုင်ခဲ့တယ်လို့ ယူကရိန်းစစ်တပ်ကပြောပါတယ်။ ဘက်ခ်မွတ်ဒေသဟာ ရုရှားသမ္မတပူတင်အတွက် အဓိကရည်မှန်းချက်ဖြစ်ပြီး သိမ်းပိုက်နိုင်ခဲ့မယ်ဆိုရင် ဒွန်တက်ခ်ဒေသမှာ ခြေကုပ်နေရာသစ်ရရှိမှာဖြစ်သလို လအတန်ကြာအရေးနိမ့်နေတဲ့ ရုရှားတပ်တွေအတွက် အောင်ပွဲတခုဖြစ်လာစေမှာပါ။ Ref: Reuters Photo:…

အဘူဂျာ၊ ဖေဖော်ဝါရီ-၁၃-၂၀၂၃ မျိုးဆက်(VOM) နိုင်ဂျီးရီးယားနိုင်ငံမှာ ကျင်းပမယ့် သမ္မတရွေးကောက်ပွဲကို နှောက်ယှက်ဖို့စီစဉ်နေကြောင်း အာဏာရပါတီရဲ့ အခိုင်အမာပြောဆိုမှုကို နိုင်ဂျီးရီးယားစစ်တပ်က ဖေဖော်ဝါရီ ၁၂ ရက်မှာ ပယ်ချလိုက်ပါတယ်။ နိုင်ဂျီးရီးယားစစ်တပ်မှ စစ်ဗိုလ်ချုပ်တွေဟာ ပြိုင်ဘက်ပီဒီပီပါတီရဲ့ သမ္မတလောင်း အာတီကူအဘူဘာခါနဲ့ လွန်ခဲ့တဲ့သီတင်းပတ်မှာ လျှို့ဝှက်တွေ့ဆုံခဲ့ကြောင်း အေပီစီပါတီမှ တာ၀န်ရှိသူတဦးက ထုတ်ဖော်ပြောဆိုထားပါတယ်။ ထိုသို့ပြောဆိုမှုတွေဟာ ဆိုးရွားပြီး လွန်စွာအန္တရာယ်များတဲ့ စွပ်စွဲချက်တွေဖြစ်ကြောင်း နိုင်ဂျီးရီးယားစစ်တပ်က ပြောပါတယ်။ အာဖရိကတိုက်ရဲ့ လူဦးရေအများဆုံးနိုင်ဂျီးရီးယားနိုင်ငံမှာ သမ္မတရွေးကောက်ပွဲကို ဖေဖော်ဝါရီ ၂၅ ရက်မှာ ကျင်းပမှာဖြစ်ပါတယ်။ စစ်တပ်ဟာ စစ်တပ်အလုပ်သာလုပ်မှာဖြစ်ပြီး ဖွဲ့စည်းပုံအခြေခံဥပဒေကို သစ္စာစောင့်သိမှာဖြစ်ကာ အရပ်သားအစိုးရကို မည်သည့်အခါမှ ဖြုတ်ချမည်မဟုတ်ကြောင်း နိုင်ဂျီးရီးယားစစ်တပ်က ပြောပါတယ်။ မိမိတို့အနေနဲ့ ခက်ခက်ခဲခဲရထားတဲ့ ဒီမိုကရေစီကို ပျက်ယွင်းစေဖို့ မည်သည့်ကြံစည်မှုမျိုးကိုမှ လုပ်ဆောင်မှာမဟုတ်ကြောင်း နိုင်ဂျီးရီးယားစစ်တပ်ပြောရေးဆိုခွင့်ရှိသူက ပြောပါတယ်။ စစ်တပ်ရဲ့ ထုတ်ပြန်ချက်နဲ့ပတ်သက်ပြီး နိုင်ဂျီးရီးယားအစိုးရနဲ့အဓိကအတိုက်အခံပါတီတွေက တုံ့ပြန်ပြောဆိုခြင်းမရှိပါဘူး။ Ref:BBC Photo:Getty…