Month: February 2023

အန်ကာရာ၊ ဖေဖော်ဝါရီ-၈-၂၀၂၃ မျိုးဆက်(VOM) ဆီးရီးယားနဲ့ထိစပ်နေတဲ့ တူရကီနယ်စပ်မှာ တနင်္လာနေ့ကလှုပ်ခတ်ခဲ့တဲ့ အင်အားပြင်းမြေငလျင်ကြောင့် သေဆုံးသူအရေအတွက်ဟာ ၈၇၀၀ ကျော်ထိရှိလာပါတယ်။ ငလျင်ကြောင့် တူရကီမှာ လူပေါင်း ၆၂၃၄ ဦးထိမြင့်တက်လာကြောင်း သဘာဝဘေးအန္တရာယ်စီမံခန့်ခွဲရေး အေဂျင်စီက ထုတ်ပြန်ထားပြီး ဆီးရီးယားနိုင်ငံမှာတော့ အတည်ပြုဖို့ခက်ခဲပေမယ့် လူပေါင်း ၂၅၀၀ ကျော်သေဆုံးခဲ့တယ်လို့ နိုင်ငံပိုင် သတင်းဌာနက ဖော်ပြထားပါတယ်။ အင်အားပြင်းမြေငလျင်ဟာ ဂါဇီယန်တက်ပ်မြို့အနီး မြေအောက်အနက် ၁၁ မိုင်ကိုဗဟိုပြုကာ အင်အား ၇ ဒသမ ၈ အဆင့်နဲ့လှုပ်ခတ်ခဲ့ပြီး နောက်နာရီပိုင်းအကြာမှာ ၇ ဒသမ ၅ အဆင့်ရှိတဲ့နောက်ဆက်တွဲငလျင်ပါ လှုတ်ခတ်ခဲ့တာဖြစ်ပါတယ်။ ငလျင်ဒဏ်ခံခဲ့ရတဲ့ တူရကီနဲ့ ဆီးရီးယားနှစ်နိုင်ငံစလုံးအတွက် နိုင်ငံတကာအကူအညီတွေပေးပို့မှုဟာ ကားလမ်းတွေ လေယာဉ်ကွင်းတွေ ပျက်စီးမှုကြောင့် နှောင့်နှေးမှုတွေဖြစ်ပေါ်နေပါတယ်။ ငလျင်ကြောင့် ပိတ်မိနေသူတွေနဲ့ အသက်ရှင်ကျန်ရစ်သူတွေကို ရှာဖွေကယ်ဆယ်ရေးလုပ်ငန်းတွေ ဆက်လက်လုပ်ဆောင်နေပြီး အနှံ့ခံခွေးတွေ၊ ဒရုန်းတွေနဲ့ စက်ယန္တယားတွေကို အသုံးပြုနေကြပြီး ဆိုးရွားတဲ့…

အန်ကာရာ၊ ဖေဖော်ဝါရီ-၇-၂၀၂၃ မျိုးဆက်(VOM) တူရကီနိုင်ငံအရှေ့တောင်ပိုင်းတွင် အင်အားပြင်းမြေငလျင်လှုပ်ခတ်ပြီးနောက် အသက်ရှင်ကျန်ရစ်သူတွေကို ရှာဖွေဖို့ ကယ်ဆယ်ရေးသမားတွေရဲ့အားထုတ်မှုတွေဟာ မိုးသည်းထန်စွာရွာသွန်းခြင်း၊ ဆီးနှင်းကျဆင်းတာတွေကြောင့် အခက်ကြုံနေရပါတယ်။ မနေ့ကမနက်အစောပိုင်းက လှုပ်ခတ်ခဲ့တဲ့ မြေငလျင်ကြောင့် တူရကီနဲ့ ဆီးရီးယားနယ်စပ်မှာ လူပေါင်း ၄၃၀၀ ကျော်သေဆုံးခဲ့ပြီး ၁၅၀၀၀ ကျော်ဒဏ်ရာရရှိခဲ့ပါတယ်။ လက်ရှိမှာတော့ ပိတ်မိနေသူတွေကို ရှာဖွေကယ်ဆယ်ရေးကို အရှိန်မြှုင့်လုပ်ဆောင်နေပြီး သေဆုံးသူအရေအတွက် အများအပြားတိုးလာနိုင်တယ်လို့ ကမ္ဘာ့ကျန်းမာရေးအဖွဲ့က သတိပေးပြောဆိုထားပါတယ်။ မြေငလျင်ဟာ ဂါဇီယန်တက်ပ်မြို့အနီး မြေအောက်အနက် ၁၁ မိုင်အကွာကိုဗဟိုပြုပြီး အင်အား ၇ ဒသမ ၈ အဆင့်နဲ့လှုပ်ခတ်သွားတာဖြစ်ကြောင်း အမေရိကန်ဘူမိဗေဒအဖွဲ့က ထုတ်ပြန်ထားပါတယ်။ အသက်ရှင်သူများကို ရှာဖွေကယ်ဆယ်ရေးအတွက် အနံ့ခံခွေးများ၊ ပစ္စည်းကိရိယာများအပါအ၀င် ကယ်ဆယ်ရေးလုပ်ငန်းသုံးပစ္စည်းတွေကို နိုင်ငံတကာက ပေးပို့ထောက်ပံ့နေပါတယ်။ Ref: BBC Photo:Reuters #voiceofmyanmar #VOM #အန်ကာရာ

ဒေလီ၊ ဖေဖော်ဝါရီ-၇-၂၀၂၃ မျိုးဆက်(VOM) အိန္ဒိယနိုင်ငံဟာ တရုတ်နိုင်ငံရဲ့ကြီးထွားလာတဲ့ စစ်ရေးအင်အားကိုတန်ပြန်ဖို့အတွက် ကာကွယ်ရေးဆိုင်ရာ တွန်းအားပေးမှုတရပ်အဖြစ် တနှစ်ကိုရဟတ်ယာဉ်အစင်းရေ တထောင်ထက်မနည်းထုတ်လုပ်နိုင်တဲ့ အကြီးဆုံးစက်ရုံကို ဖေဖော်ဝါရီ ၆ ရက်မှာ ဖွင့်လှစ်လိုက်ပါတယ်။ နိုင်ငံမြောက်ပိုင်းတလျှောက် နယ်စပ်ချင်းထိစပ်နေတဲ့ ပထဝီနိုင်ငံရေးပြိုင်ဘက် တရုတ်နိုင်ငံကို တန်ပြန်ရန်အတွက် အိန္ဒိယနိုင်ငံဟာ ကာကွယ်ရေးအသုံးစရိတ်ကို တိုးမြှင့်ကြောင်း လွန်ခဲ့တဲ့ သီတင်းပတ်အတွင်းက ကြေညာခဲ့ပါတယ်။ အိန္ဒိယဟာ ကမ္ဘာပေါ်မှာ လက်နက်အကြီးအကျယ်တင်ပို့တဲ့ နိုင်ငံတွေထဲက တနိုင်ငံဖြစ်ပြီး ပြည်တွင်းမှာ ကာကွယ်ရေးဆိုင်ရာလက်နက်ပစ္စည်းများထုတ်လုပ်ရေးကို တွန်းအာပေးနေပေမယ့်် မိတ်ဖက်ဖြစ်သူ ရုရှားဆိကနေ ပစ္စည်းကိရိယာအစိတ်အပိုင်းတွေအပေါ် မှီခိုနေရပါတယ်။ ရဟတ်ယာဉ်ထုတ်လုပ်ရေးစက်ရုံသစ်ကြောင့် ကာကွယ်ရေးလိုအပ်ချက်အတွက် အိန္ဒိယနိုင်ငံက အခြားနိုင်ငံတွေအပေါ် မှီခိုနေရခြင်းကို တဖြည်းဖြည်းလျှော့ချနိုင်မယ်လို့ အိန္ဒိယ၀န်ကြီးချုပ် မိုဒီကပြောပါတယ်။ အာရှရဲ့အကြီးဆုံးရဟတ်ယာဉ်စက်ရုံအဖြစ်သတ်မှတ်နိုင်တဲ့ အဲဒီစက်ရုံဟာ အပေါ့စားရဟတ်ယာဉ်တွေကို ကနဦးမှာ ထုတ်လုပ်သွားမှာဖြစ်ပြီး နောက်ပိုင်းမှာတော့ အခြားသောဘက်စုံသုံးရဟတ်ယာဉ်တွေကို ထုတ်လုပ်သွားမှာဖြစ်ပါတယ်။ Ref: CNA #voiceofmyanmar #VOM #ဒေလီ

ဘန်ကောက်၊ ဖေဖော်ဝါရီ-၇-၂၀၂၃ မျိုးဆက်(VOM) ထိုင်းနိုင်ငံ တာ့ခ်ခရိုင်က စိုက်ခင်းတခုမှာရှိတဲ့ ရေတွင်းဟောင်းထဲကို ပြုတ်ကျသွားတဲ့ တသက်တနှစ်ခွဲကျော် မြန်မာမိန်းကလေးငယ်ကို ၁၈ နာရီကြာ ကယ်ဆယ်ရေးတွေလုပ်ဆောင်ပြီးနောက် မြေပြင်ပေါ်ရောက်အောင် ကယ်တင်နိုင်ခဲ့ပါတယ်။ အဲဒီကလေးငယ်ကို ၁၃ မီတာအနက်ကနေ ဒီနေ့မနက် ၁၀ နာရီ ၄၅ မိနစ်မှာ ကယ်တင်နိုင်ခဲ့ပြီး ကလေးငယ်ဟာထိတ်လန့်နေပေမယ့် အသက်အန္တရာယ်မရှိကြောင်း၊ လက်ရှိမှာ ဖုဖရခရိုင်ဆေးရုံကို ပို့ဆောင်ထားတယ်လို့ ထိုင်းတာ၀န်ရှိသူတွေက ပြောပါတယ်။ ကလေးငယ်ဟာ မြန်မာရွှေ့ပြောင်းအလုပ်သမားဖြစ်တဲ့ မအဌေးရဲ့ သမီးဖြစ်ပြီး ပျောက်ဆုံးသွားပြီးနောက် ရှာဖွေရာ တွင်းဟောင်းထဲကိုပြုတ်ကျခဲ့တာကို သိရှိပြီးနောက် တာ၀န်ရှိသူတွေကို အကြောင်းကြားကာ ကယ်ဆယ်ရေးတွေကို အပူတပြင်းလုပ်ဆောင်ခဲ့တာဖြစ်ပါတယ်။ ဒီလိုကယ်ဆယ်ရာမှာ ကယ်ဆယ်ရေးအဖွဲ့ငါးဖွဲ့လာရောက်ခဲ့ပြီး ဘတ်ဟိုးတွေနဲ့ တွင်းအနက် ၁၃ မီတာထိတူးခဲ့ကြပြီး ကလေးငယ်ရဲ့အသံကိုကြားရပြီးနောက် ကင်မရာတွေချပြီး ကြည့်ရှုခဲ့ကြာ တွင်းထဲကို အောက်ဆီဂျင်ပို့လွှတ်မှုတွေ ပြုလုပ်ခဲ့ပါတယ်။ အဲဒီလိုညလုံးပေါက် ကယ်ဆယ်ရေးတွေလုပ်ခဲ့ပြီးနောက် ၁၈ နာရီအကြာ ဒီနေ့မနက်မှာတော့…