Day: March 24, 2023

မတ်၊၂၄-၂၀၂၃ MM(VOM) ရှမ်းပြည်နယ်၊ လားရှိုးမြို့နယ်၊ နားစောက်ကျေးရွာအုပ်စု၊ ခုမ်စုံရွာ (ကုန်းဆုံရွာ)မှာ မနေ့ မတ်၂၃ ရက် မနက်ပိုင်းက လက်နက်ကြီးပေါက်ကွဲမှု ဖြစ်ပွားကာ ဒေသခံရွာသား (၂)ယောက်သေဆုံးပြီး(၂)ယောက်ထိခိုက်ဒဏ်ရာရရှိသွားတယ်လို့ သိရပါတယ်။ ခုမ်စုံရွာနေ(ကုန်ဆုံရွာ) ဒေသခံတွေဟာ ရွာနဲ့ (၁)မိုင်ခန့်ဝေးတဲ့ ယာခင်းကိုအသွား မပေါက်ကွဲသေးတဲ့ လက်နက်ကြီး (၁)လုံးကိုတွေ့ရှိတာကြောင့် ယာတဲအနီးကို သယ်သွားတဲ့အချိန် ပေါက်ကွဲမှုဖြစ်ခဲ့တာလို့ သိရပါတယ်။ “၂ ယောက်က ပွဲချင်းပြီး သေဆုံးသွားတာ၊ ၂ ယောက်က ပြင်းပြင်းထန်ထန် ဒဏ်ရာတွေရရှိခဲ့တယ်၊ မပေါက်ကွဲသေးတဲ့ လက်နက်ကြီးကို တွေ့လို့ အခြားနေရာ တခုကို ရွှေ့ရင်းဖြစ်တာပါ၊ အကုန်လူငယ်တွေပါ”လို့ ဒေသခံ လူမှုကူညီရေးအဖွဲ့ဝင် တဦးကပြောပါတယ်။ အဲ့ဒီ ပေါက်ကွဲမှုကြောင့် ထိခိုက်ဒဏ်ရသူ (၂)ယောက်မှာ(၁) ယောက်ကတော့ မျက်စိတဖက်ဆုံးရှုံးရပြီးနောက်(၁) ယောက်ကလည်း ရင်ဘတ်တခုလုံး ထိခိုက်ဒဏ်ရတွေ ရရှိသွားတယ်လို့ သိရပါတယ်။ ပေါက်ကွဲမှုကြောင့် သေဆုံးသွားသူနဲ့ ထိခိုက်ဒဏ်ရာတွေရရှိသူတွေဟာ…

မတ် ၂၄ – ၂၀၂၃ GG(VOM) မကွေးတိုင်း၊စလင်းမြို့နယ်၊အောက်လှိုင်းကျေးရွာအုပ်စု၊ပိန္နဲပင်ကျေးရွာမှာ မနေ့ မတ်လ၂၃ ရက် ညနေပိုင်းက မီးလောင်မှုဖြစ်ပြီး နေအိမ် ၃၂အိမ် ဝန်းကျင် မီးလောင်ပျက်စီးမှုဖြစ်ပွားခဲ့တယ်လို့ သိရပါတယ် ။ ပိန္နဲပင်ရွာက နေအိမ်တအိမ်ကနေ ရေနွေးအိုး တည်ရာကနေ မီးစတင်လောင်ကျွမ်းခဲ့တာ​ဖြစ်ပြီး အဲ့ဒီကမှတဆင့် နောက်ထပ် နေအိမ်တွေကို မီးကူးစက်လောင်ခဲ့တာဖြစ်တယ်လို့ သိရပါတယ်။ ” မီးလောင်တာ ၅ နာရီခွဲလောက်ပေါ့။ကျနော်တို့ဆီသတင်းရလို့သွားတော့ မီးကအတော်လေးလောင်ပြီးနေပြီ၊ မီးလောင်ချိန် လျှပ်စစ်မီးမလာဘူး၊လူထိခိုက်တာမရှိဘူး၊မီးလောင်တာကြောင့်ရှော့ရတဲ့လူတယောက်ကိုပဲ ပြုစုလိုက်ရတာရှိတယ် ” လို့ စလင်းကြက်ခြေနီအသင်း အဖွဲ့ဝင်တဦးကပြောပါတယ်။ မီးလောင်မှုကြောင့် မီးသတ်တွက်ချက်တန်ဖိုးငွေ ၁၄၁သိန်းကျော် ဆုံးရှုံးခဲ့ပြီး ပျက်စီးခဲ့တဲ့နေအိမ်တွေဟာ သစ်သား ၊သွပ်မိုးအိမ်တွေ ဖြစ်ကြောင်း လူထိခိုက်သေဆုံးတာမရှိခဲ့ဘူးလို့ သိရပါတယ်။ အဲ့ဒီမီးလောင်မှုကို စလင်းမြို့နယ် မီးသတ်တပ်ဖွဲ့ဝင်တွေနဲ့ စလင်းကြက်ခြေနီအသင်း၊ဒေသခံရွာသားတွေက ပူးပေါင်းမီးငြိမ်းသတ်ခဲ့တာဖြစ်ပြီး မီးကို ၁ နာရီကျော်ကြာ မီးငြီမ်းသတ်ခဲ့ရတယ်လို့ သိရပါတယ်။ #voiceofmyanmar…

မတ် ၂၃ – ၂၀၂၃ GG (VOM) ပဲခူးတိုင်းအနောက်ပိုင်း၊ ပြည်မြို့နယ် စည်ပင်သာယာက ဝန်ထမ်းအမျိုးသားတဦး စည်ပင်ရုံးဝန်းထဲမှာပဲ ကြိုးဆွဲချသေဆုံးမှု ဒီနေ့မတ်လ ၂၃ ရက် မနက်ပိုင်းက ဖြစ်ပွားခဲ့တယ်လို့ သိရပါတယ်။ ” ကျနော်တို့ရောက်တော့ သေဆုံးသူက အောက်ကိုချပြီးနေပါပြီ။သေဆုံးတာကို ကျနော်တို့ကိုဆက်သွယ်တာတော့ မနက်ပိုင်းမှာပါ၊ဒါပေမယ့် သေဆုံးတာကတော့ ညပိုင်းကတည်းကဖြစ်ဖို့များပါတယ် ၊ သူ့မိသားစုက သားလို့ထင်ရသူတော့ ရောက်လာပေမယ့် သေချာမသိရဘူး။ဘာကြောင့် အခုလိုသတ်သေတယ်ဆိုတာလည်းမသိရသေးပါဘူး။အလောင်းကိုပဲဆေးရုံပို့ခဲ့တာ”လို့ ကူညီကယ်ဆယ်ရေးဆောင်ရွက်ခဲ့တဲ့ Pyay Rescue အဖွဲ့ဝင်တဦးကပြောပါတယ် ။ သေဆုံးတဲ့ စည်ပင်ဝန်ထမ်းအမျိုးသားဟာ အသက် ၅၈ နှစ်ဝန်းကျင်ရှိ ဦးဝင်းဌေးဆိုသူဖြစ်ကြောင်း၊ သူဟာ စည်ပင်ရုံးထဲက လိုင်းခန်းမှာနေထိုင်တာဖြစ်ပြီး သူနေထိုင်တဲ့အခန်းထဲမှာပဲ သေဆုံးတာဖြစ်တယ်လို့သိရပါတယ်။ လက်ရှိမှာ သေဆုံးစည်ပင်ဝန်ထမ်းအမျိုးသားကို ပြည်မြို့ဆေးရုံကြီးကို ပို့ဆောင်ကာ ရုပ်အလောင်းကိုတော့ မတ်လ ၂၅ ရက်နေ့မှာသဂြိုလ်မှာဖြစ် တယ်လို့သိရပါတယ်။ ပြည်မြို့မှာ အခု မတ်လ…

မတ် ၂၃ -၂၀၂၃ GG(VOM) ရန်ကုန်-မန္တလေး အမြန်လမ်း၊ မိုင်တိုင်အမှတ် (၂၈၄/၁)နှင့်(၂၈၄/၂)ကြားမှာ ရပ်ထားတဲ့ကုန်ကားကို လိုက်ထရပ်ကားက ဝင်တိုက်မိလို့ ကားပေါ်ပါသူတွေထဲက ၂ ယောက်သေဆုံးပြီး ၁၆ ယောက်ဒဏ်ရာရရှိခဲ့မှု ဒီနေ့မတ်လ ၂၃ ရက် မနက် ၆ နာရီခန့်ကဖြစ်ပွားခဲ့တယ်လို့ သိရပါတယ်။ သေဆုံးသူက အသက် ၃၇ နှစ်နဲ့ ၅၉ နှစ်အရွယ် အမျိုးသားတွေဖြစ်ပြီး ၊ဒဏ်ရာရသူတွေက အမျိုးသမီး ၁၂ ယောက်နဲ့ အမျိုးသား ၄ယောက်တို့ဖြစ်တယ်လို့ သိရပါတယ်။ ” ယာဥ်မောင်းက အိပ်ငိုက်ပြီး ရပ်ထားတဲ့ကားကို ဝင်တိုက်တာပါ။ကားပေါ်မှာ အယောက်၂၀ လောက်ပါတယ်ပြောတယ်။ဒဏ်ရာရတာကတော့ ၁၆ ယောက်၊သေဆုံးက ၂ ယောက်ပါ ၊ဒဏ်ရာရသူတွေကိုဆေးရုံပို့ထားတယ်၊သေတဲ့သူတွေက ယာဥ်မောင်းမဟုတ်ပါဘူး”လို့ ကူညီရေးလမ်းကြောင်းဆောင်ရွက်ခဲ့တဲ့ ပြည်သာယာလူငယ်လူမှုကူညီရေးအသင်းအဖွဲ့ဝင်တဦးက ပြောပါတယ်။ လက်ရှိမှာ သေဆုံးသူနဲ့ ဒဏ်ရာရရှိသူတွေကို မိတ္တီလာဆေးရုံ ပို့ဆောင်ထားကြောင်း၊ဒဏ်ရာရသူတွေက ခေါင်းပေါက်၊ခြေကျိုး၊လက်ကျိုးစတဲ့ဒဏ်ရာတွေသာရရှိခဲ့လို့ အသက်အန္တရာယ်မစိုးရိမ်ရဘူးလို့…