Month: May 2023

အစ္စလာမ္မာဘတ်၊ မေ-၁၁-၂၀၂၃ မျိုးဆက်(VOM) ပါကစ္စတန်၀န်ကြီးချုပ်ဟောင်း အိုင်မရာခန်းဖမ်းဆီးခံရပြီးနောက် နိုင်ငံတ၀န်းဖြစ်ပွားနေတဲ့ ဆန္ဒပြပွဲတွေအတွင်း လူရှစ်ဦးသေဆုံးခဲ့ပြီး လူ ၁၀၀၀ ကျော်ကို ဖမ်းဆီးထားကြောင်း ပါကစ္စတန်ရဲတပ်ဖွဲ့ကပြောပါတယ်။ ဆန္ဒပြပွဲတွေကြောင့် အချိူ့နေရာတွေမှာ စစ်တပ်ကို တပ်ဖြန့်ထားပြီး ပြင်းထန်တဲ့ သတိပေးချက်ထုတ်ပြန်ထားပါတယ်။ ၀န်ကြီးချူပ်ဟောင်း အိုင်းမရာခန်းကို အကျင့်ပျက်ချစားမှု စွဲချက်တွေနဲ့ ဖမ်းဆီးခဲ့ခြင်းဖြစ်ပြီး အပြစ်မရှိကြောင်း သူကငြင်းဆိုထားပါတယ်။ သူ့ကိုဖမ်းဆီးမှုဟာ ပါကစ္စတန်နိုင်ငံရဲ့ စီးပွားရေးအကြပ်ရိုက်နေတဲ့ကာလအတွင် အိုင်မရာခန်းနဲ့ စစ်တပ်တို့အကြား တင်းမာမှုတွေ သိသိသာသာတိုးခဲ့ကြောင်း အကဲခတ်တွေက သုံးသပ်ပြောဆိုပါတယ်။ ပြစ်မှုထင်ရှားလို့ ပြစ်ဒဏ်ချမှတ်ခဲ့ပါက ၂၀၁၈ ခုနှစ်မကနေ ၂၀၂၂ ခုနှစ်ထိ ၀န်ကြီးချုပ်ရာထူးထမ်းဆောင်ခဲ့တဲ့ အိုင်မရာခန်းအနေနဲ့ ရွေးကောက်ပွဲ ၀င်ရောက်ယှဉ်ပြိုင်ခွင့် ရာသက်ပန် ဆုံးရှုံးနိုင်ပါတယ်။ ပါကစ္စတန်မှာ ရွေးကောက်ပွဲကို ယခုနှစ်နှောင်းပိုင်းမှာ ကျင်းပရန် စီစဉ်ထားပါတယ်။ အကြမ်းဖက်ဆန္ဒပြမှုတွေကို သည်းခံမှာမဟုတ်ကြောင်း ပါကစ္စတန်၀န်ကြီးချုပ် ရှာရစ်ဖ်က သတိပေးပြောဆိုထားပါတယ်။ Ref: BBC #voiceofmyanmar…

ခါတွမ်၊ မေ-၁၂-၂၀၂၃ မျိုးဆက်(VOM) ဆူဒန်မှာ တိုက်ပွဲတွေဖြစ်ပွားနေတဲ့ ဆူဒန်စစ်တပ်နဲ့ပြည်သူ့စစ်တို့အကြား အရပ်သားတွေကို အကာအကွယ်ပေးရေး နဲ့ ကူညီထောက်ပံ့မှုတွေပေးအပ်ဖို့သဘောတူညီချက်ကို မေ ၁၁ ရက်မှာ လက်မှတ်ရေးထိုးလိုက်ပါတယ်။ ဒါပေမယ့််နှစ်ဘက်အကြား အပစ်အခတ်ရပ်စဲရေး ရရှိခဲ့ခြင်းမရှိသေးပါဘူး။ ဆော်ဒီအာရေဗျမှာ အမေရိကန်နဲ့ဆော်ဒီတို့ရဲ့ ကမကထပြုမှုနဲ့ပြုလုပ်တဲ့ဆွေးနွေးပွဲတွေမှာ နှစ်ဘက်အကြား ဆွေးနွေးမှုတွေ အလှမ်းကွာဆဲဖြစ်တယ်လို့ အမေရိကန်သံတမန်တွေက ပြောပါတယ်။ နိုင်ငံတကာအကူအညီတွေ ၀င်ရောက်ခွင့်ပြုရေးနဲ့ တိုက်ပွဲဖြစ်ပွားရာ ဒေသတွေက အရပ်သားတွေကို ဘေးလွတ်ရာသို့ ထွက်ခွာခွင့်ပြုမယ်လို့ ဆူဒန်စစ်တပ်နှင့် အာအက်စ်အက်ဖ်ပြည်သူ့စစ်အဖွဲ့တို့က သဘောတူခဲ့ပါတယ်။ ယခင်အပစ်အခတ်ရပ်စဲရေးတွေ ကျိုးပေါက်မှုကြောင့် ၁၀ ရက်ကြာအပစ်အခတ်ရပ်စဲရေး သဘောတူညီချက်နဲ့ပတ်သက်တဲ့ အဆိုပြုချက်တွေနဲ့ စောင့်ကြည့်ရေးယန္တရားကို ဆွေးနွေးနေကြဆဲဖြစ်ပါတယ်။ အရပ်သားအုပ်ချုပ်မှုကို အသွင်ကူးပြောင်းဖို့စီစဉ်ထားတဲ့ အစီအစဉ်အောက်မှာ အာအက်စ်အက်ဖ်ပြည်သူ့စစ်အဖွဲ့ကို ဆူဒန်စစ်တပ်ှာပေါင်းစည်းဖို့ကို ပြည်သူ့စစ်အဖွဲ့က လက်မခံပြီးနောက် ဧပြီလလယ်ကစပြီး ပဋိပက္ခတွေဖြစ်ပွားနေခဲ့တာဖြစ်ပါတယ်။ Ref: BBC Photo:Reuters #voiceofmyanmar #VOM #ခါတွမ်

၀ါရှင်တန်၊ မေ-၁၂-၂၀၂၃ မျိုးဆက်(VOM) အမေရိကန်သမ္မတဟောင်း ဒေါ်နယ်ထရန့်ဟာ နယူးယောက်စတိုးဆိုင်တခုမှာ အီဂျန်ကာရိုးဆိုသူအမျိုးသမီးကို လိင်ပိုင်ဆိုင်ရာ စော်ကာခဲ့ကြောင်း အရပ်ဘက်တရားရုံးက ဆုံးဖြတ်လိုက်ပြီးနောက်နှစ်ရက်အကြာ မေ ၁၁ ရက်မှာ အဲဒီအမှုအတွက် အယူခံ၀င်ခဲ့ပါတယ်။ ၁၉၉၀ ပြည့်လွန်နှစ်တွေအတွင်း မစ္စတာထရန့်က သူမကို လိင်ပိုင်ဆိုင်ရာကျူးလွန်ခဲ့ကြောင်း စွပ်စွဲချက်တွေအပေါ် နယူးယောက်ဂျူရီလူကြီးတွေက မစ္စကာရိုးကို နစ်နာကြေား ဒေါ်လာငါးသန်းပေးဖို့ အမိန့်ချခဲ့တာဖြစ်ပါတယ်။ ဒီကိစ္စကို အသက် ၇၆ နှစ်အရွယ် သမ္မတဟောင်းဒေါ်နယ်ထရန့်က ကျူးလွန်ခဲ့ကြောင်းနဲ့ အသရေဖျက်မှုအတွက် တာ၀န်ရှိကြောင်း တရားသူကြီးတွေက စစ်ဆေးတွေ့ရှိခဲ့သော်လည်း မုဒိမ်းမှုအဖြစ် သတ်မှတ်ခြင်းမရှိခဲ့ပါဘူး။ မစ္စတာထရန့်ကတော့ အသက် ၇၉ နှစ်အရွယ် မစ္စကာရိုးကို သိရှိခြင်း သို့မဟုတ် တွေ့ဆုံဖူးခြင်းမရှိကြောင်း ငြင်းဆိုထားပါတယ်။ ဒီအမျိုးသမီးဘယ်သူဆိုတာမသိရှိကြောင်းနဲ့ ပုံပြင်ဇာတ်လမ်းအတုအယောင်တွေသာဖြစ်ကြောင်း မစ္စတာထရန့်ကပြောပါတယ်။ ဒေါ်နယ်ထရန့်အပေါ် ချမှတ်လိုက်တဲ့ စီရင်ချက်ဟာ ထူးဆန်းတဲ့ စီရင်ချက်ဖြစ်ကြောင်း သူ့ရဲ့ရှေ့နေဖြစ်သူက တရားခွင်ပြင်ပမှာ သတင်းထောက်တွေကို ထုတ်ဖော်ပြောဆိုပါတယ်။…

“-ပရမ်းပတာနဲ့ အထိန်းအကွပ်မဲ့နေတဲ့ စစ်တပ်ကန်ထရိုက်တာမျိုးဆက်ကို အမေရိကန်အနေနဲ့ ချင့်တွက်နေရပြီဖြစ်ပါတယ်။” ပြင်းထန်လာတဲ့ ဆူဒန်ရဲ့နိုင်ငံရေးပဋိပက္ခက သိမ်မွေ့ပါးနပ်တဲ့အမေရိကန်ရဲ့မူလစတင်မှုဖြစ်ပါတယ်။ ၂၀၁၇ခုနှစ်ကတည်းက ဆူဒန်ရဲ့မငြိမ်သက်နိုင်သေးတဲ့လုံခြုံရေးဗိသုကာကို ပုံဖော်တာနဲ့ ဆက်လက်ပုံပေါ်လာ စေဖို့ ကူညီထားခဲ့သူကတော့ ရုရှားကြေးစားစစ်တပ်အုပ်စုဖြစ်တဲ့ဝဂ်နာပဲဖြစ်ပါတယ်။ ၀ဂ်နာဆိုတာက အမေရိ ကန်ကနေစတင်ထားခဲ့တဲ့ နိုင်ငံခြားရေးမူဝါဒထဲ ပုဂ္ဂလိကစစ်တပ်နဲ့လုံခြုံရေးကန်ထရိုက်တာတွေကို ပုံမှန်အသုံး ပြုမှုပုံစံကနေမှ ဆန့်ကျင်ဘက်အဖြစ် သွေဖယ်ကွဲထွက်လာတဲ့အဆွယ်အပွားတစ်ခုဖြစ်ပါတယ်။ ဒီလိုကြီးမားတဲ့ကမ္ဘာလုံးဆိုင်ရာနယ်ပယ်ကြီးက ထိတ်လန့်ဖွယ်ရာ စည်းမဲ့ကမ်းမဲ့ဖြစ်လာနေပြီး အကျင့်ပျက်ကာ အလွဲသုံးစားလုပ်လာကြပါတယ်။ လွန်ခဲ့တဲ့ နှစ်၂၀ကျော်လောက်တုန်းက စစ်ပွဲတွေမှာကန်ထရိုက်တာ တွေကို အလွန်အမင်းမှီခိုအားထားခဲ့တဲ့ အမေရိကန်အတွက်တော့ ဒီထိုးဖောက်မြင်နိုင်စွမ်းမရှိတဲ့နယ်ပယ်ကြီးရဲ့ ကြိုတင်မှန်းဆတွက်မရနိုင်တဲ့ အန္တရာယ်ရှိတဲ့အကျိုးဆက်တွေက အမိမြေမှာရော၊ နိုင်ငံရပ်ခြားမှာပါသက် ရောက်လာစေခဲ့ပါတယ်။ ပုဂ္ဂလိကစစ်တပ်နဲ့လုံခြုံရေးကုမ္ပဏီတွေကို အတိုကောက် PMSC လို့ရည်ညွှန်းပြီး တကယ်တမ်းမှာ သူတို့တွေက ဘာတွေဖြစ်ပါသလဲ။ အခြေခံအားဖြင့် စာချုပ်အခြေပြုပြီး စစ်တပ်နဲ့လုံခြုံရေးဝန်ဆောင်မှုတွေအ တွက် အခကြေးငွေနဲ့အလုပ်လုပ်တဲ့အဖွဲ့အစည်းတွေလို့ဆိုရမှာပါ။ တစ်ချို့ကုမ္ပဏီတွေကတော့ အပျက်သဘော ဆောင်တဲ့အဓိပ္ပာယ်သက်ရောက်မှုမဖြစ်စေလိုတာကြောင့် ကာကွယ်ရေးကန်ထရိုက်တာ၊ လုံခြုံရေးအတိုင်ပင်ခံ ကုမ္ပဏီ၊ ဘေးအန္တရာယ်စီမံခန့်ခွဲရေးလုပ်ငန်း…