Month: May 2023

မေ ၁ – ၂၀၂၃ Voice Of Myanmar(VOM) မန္တလေးမြို့၊ အမရပူရမြို့နယ်၊ စျေးချိုရပ်ကွက်၊ စစ်ကိုင်း-မန္တလေးကားလမ်းဘေးရှိ အမရပူရမြို့မရဲစခန်းဟာ ဒီကနေ့မနက်ပိုင်းက ဗုံးနဲ့ပစ်ခံရပြီး သေနတ်နဲ့ပစ်ခတ်ခံရမှု ဖြစ်ပွားခဲ့တယ်လို့ သိရပါတယ်။ ဖြစ်စဥ်ဟာ မနက် ၆နာရီက တစ်ကြိမ်နဲ့ မနက် ၁၀ နာရီကျော်မှာ တစ်ကြိမ် ၂ကြိမ်ဖြစ်ပွားခဲ့ဖြစ်ပြီး ပထမတကြိမ်မှာ လူထိခိုက်မှုမရှိခဲ့ပေမယ့် ဒုတိယအကြိမ်မှာ​တော့ ရဲစခန်းရဲ့ လူနေလိုင်းခန်းအနီး ကျရောက်ပေါက်ကွဲပြီး လူ(၅)ဦး ထိခိုက်ဒဏ်ရာရခဲ့တယ်လို့ ရဲနဲ့ နီးစပ်တဲ့အသိုင်းအဝိုင်းကနေ သိရပါတယ်။ ဒါ့အပြင် ဒီကနေ့မနက် ၈နာရီခွဲအချိန်ကလည်း မန္တလေးမြို့၊ ပြည်ကြီးတံခွန်မြို့နယ်၊ ငွေတော်ကျီကုန်းရပ်ကွက်ရှိ ကားဂိတ်တစ်ခုရှေ့မှာလည်း လက်လုပ်မိုင်းပေါက်ကွဲမှုဖြစ်ပွားပြီး လူ သုံးဦး ထိခိုက်ဒဏ်ရာ ရခဲ့တဲ့ဖြစ်စဥ်လည်း ဖြစ်ပွားခဲ့သေးတယ်လို့ သိရပါတယ်။ #voiceofmyanmar #VOM #မန္တလေး #အမရပူရရဲစခန်း #ပစ်ခတ်ပေါက်ကွဲမှု

မေ ၊ ၁ ၊ ၂၀၂၃ SP (VOM) မကွေးတိုင်း ၊ ဂန့်ဂေါခရိုင် ၊ ထီးလင်းမြို့မှာ အခြေခံလူသုံးကုန်နဲ့ နေ့စဥ်သုံး စားသောက်ကုန်စည်တွေ ပြတ်လပ်နေတဲ့အတွက် ဒေသခံတွေဟာ စားဝတ်နေရေး အခက်ကြုံနေရတယ်လို့ ထီးလင်းမြို့ခံတွေဆီက သိရပါတယ်။ ” ထီးလင်းမြို့ကို ဝင်ရောက်နိုင်တဲ့ ပင်မ ဆက်သွယ်လမ်းကြောင်းတွေက ပေါက် – ထီးလင်း လမ်းပိုင်း ၊ ထီးလင်း – ကျောက်ထု လမ်းပိုင်း ၊ ထီးလင်း – ရေမျက်နီ – ဂန့်ဂေါ လမ်းပိုင်း နဲ့ ထီးလင်း – ကျင်း လမ်းပိုင်းတွေဖြစ်တယ် ၊ အဲ့ဒီ လမ်းပိုင်းတွေမှာ အရပ်ဘက် စစ်ဆေးရေးဂိတ်များစွာရှိတယ် ၊ ထီးလင်းမြို့နယ်ထဲကို ဝင်ရောက်လာတဲ့ ကုန်စည်ပို့ဆောင်ရေးကားတွေကို အဲ့ဒီ ဂိတ်တွေကနေ တားဆီးပိတ်ဆို့ပြီး နောက်ကြောင်းပြန်လှည့်ခိုင်းနေတာကြောင့်…

မေလ၊၁-၂၀၂၃ MM [ VOM] နိုင်ငံတဝှမ်းမှာ အကြောင်းအမျိုးမျိုးကြောင့် အထည်ချုပ်စက်ရုံလုပ်ငန်းတွေ ရာနှုန်းပြည့်မလည်ပတ်နိုင်သေးတာကြောင့် လုပ်သားဦးရေ(၉)သောင်းဝန်းကျင်အထိ အလုပ်လက်မဲ့ဖြစ်နေရတယ်လို့ အလုပ်သမားအရေးကူညီဆောင်ရွက်ပေးနေတဲ့ အဖွဲ့အစည်းတွေဆီကနေ သိရပါတယ်။ ”ပြည်တွင်းက အထည်ချုပ်လုပ်ငန်းတွေ ရာနှုန်းပြည့် မလည်ပတ်နိုင်သေးတာက ကိုဗစ်ရောဂါဖြစ်ပွားခဲ့တာနဲ့ ပြည်တွင်းနိုင်ငံရေးအကျပ် အတည်းဖြစ်နေတာကြောင့်ပါ၊ အရင်လို ပြည်ပက အထည်တွေ အမှာကုန်လည်း များများမရှိတော့တာကြောင့်လည်းပါတယ်၊ လက်ရှိ လုပ်ငန်း ၆၀ရာခိုင်နှုန်းအထိလောက်သာ လည်ပတ်နိုင်သေးပါတယ်၊ ဒါ့ကြောင့် ပျှမ်းမျှလုပ်သား ၉ သောင်းဝန်းကျင်အထိ အလုပ်လက်မဲ့ဖြစ်နေတယ်။”လို့ အလုပ်သမားအရေးကူညီဆောင် ရွက်ပေးနေတဲ့အဖွဲ့တစ်ခုမှ တာဝန်ရှိသူတစ်ဦးက ပြောပါတယ်။ လက်ရှိလည်ပတ်နေတဲ့ အထည်ချုပ်စက်ရုံတွေမှာလည်း လျှပ်စစ်မီး အချိန်မှန် မရတာကြောင့် အလုပ်ချိန်အပြည့် မဆင်းရတဲ့အတွက် လုပ်အားခထဲကနေဖြတ် တောက် နေတာကြောင့် လုပ်အားခအပြည့်အဝမရတဲ့ အခက်အခဲနဲ့ လုပ်သားလျှော့ချမယ့် အခြေအနေ အခက်အခဲတွေနဲ့လည်း ကြုံနေရတယ်လို့ အထည်ချုပ် ဝန်ထမ်းတွေဆီကနေ သိရပါတယ်။ ”အလုပ်သာ လုပ်နေရတာ စိုးရိမ်စိတ်နဲ့…

ဧပြီ၊ ၃၀-၂၀၂၃ MM(VOM) ကယားပြည်နယ်၊လွိုင်ကော်မြို့နယ် အရှေ့ဘက်ခြမ်းမှာ မိုးသက်လေပြင်းရုတ်တရက် လူနေအိမ် ၁၀၀ နီးပါး ပျက်စီးခဲ့ကာ နေအိမ်တွေ ပြန်လည်ပြုပြင် တည်ဆောက် ဖို့အခက်ခဲတွေရှိနေတယ်လို့ လေဘေးသင့်ဒေသခံတွေဆီကနေ သိရပါတယ်။ ”အခု ဧပြီလ၂၇ ရက် ၂၈ ရက်နဲ့ ၂၉ ရက်တွေမှာ ရုတ်တရက် မိုးသက်လေပြင်းတွေတိုက်ခတ် တာကြောင့်ပျက်စီးခဲ့တာ၊အကုန်ဆို လူနေအိမ်ခြေ ၁၀၀ နီးပါး အထိရှိတယ်၊ တစိတ်တပိုင်းပျက်စီးတာက နည်းတယ်၊ လုံးဝပျက်စီးတာကများတယ်၊ အခု နေစရာ အိမ်မရှိဖြစ်နေတယ်၊ လေဘေးသင့်တွေ အရေးပေါ် အကူအညီ လိုအပ်နေပါတယ်၊တချို့ကတော့ သူတို့ရှိတာလေးနဲ့ပြုပြင်နေတာလည်းတွေ့ရတယ်။”လို့ ဒေသခံ လူမှုကူညီရေးအဖွဲ့တာဝန်ရှိသူတစ်ဦးကပြောပါတယ်။ လေပြင်းတိုက်ခတ်မှုဒဏ်ကြောင့် လွိုင်ကော်မြို့ထဲက ပါလောင်းကျေးရွာအုပ်စု၊ စူဖဲလော်ကျေးရွာက နေအိမ် ၇၄ လုံးနဲ့ နေပလုကျေးရွာက နေအိမ် ၂၄ လုံးစုစုပေါင်း နေအိမ် ၉၈ လုံးပျက်စီးခဲ့တာဖြစ်ပြီး လူတွေထိခိုက် သေဆုံးတာမရှိဘဲ ကျေးရွာဘုန်တော်ကြီးကျောင်းလည်း…