Day: July 11, 2023

ဒေလီ ၊ ဇူလိုင်-၁၁-၂၀၂၃ မျိုးဆက်(VOM) အိန္ဒိယနိုင်ငံမြောက်ပိုင်းမှာ မိုးသည်းထန်စွာရွာသွန်းမှုတွေကြောင့် ဇူလိုင် ၈ ရက်နောက်ပိုင်း လူ အယောက် ၂၀ သေဆုံးသွားကြောင်း တာ၀န်ရှိသူတွေက ပြောပါတယ်။ လာမယ့် သောကြာနေ့ထိ ဆက်လက်ရွာသွန်းဖွယ်ရှိတဲ့ မိုးကြောင့် ပြည်နယ်အများအပြားမှာ သစ်ပင်တွေပြိုလဲခြင်း၊ နေအိမ်တွေ ရေကြီးရေလျှံခြင်းနဲ့ အဓိကလမ်းမကြီးတွေ ပိတ်ဆို့မှုဖြစ်ပွားခဲ့ပါတယ်။ ယမုံနာမြစ်ရေဟာ အန္တရာယ်ရှိတဲ့အဆင့်ထိ မြင့်တက်နေပြီး ဇူလိုင် ၁၁ ရက်မှာတော့ မြို့တော်ဒေလီမှာ ရေကြီးရေလျှံသတိပေးချက်ကို အာဏာပိုင်တွေက ထုတ်ပြန်လိုက်ပါတယ်။ မြစ်ကမ်းအနီးနေထိုင်တဲ့ ထောင်ပေါင်းများစွာသော ဒေသခံတွေကို ဘေးလွတ်ရာသို့ရွှေ့ပြောင်းပေးထားပြီး ထိခိုက်လွယ်တဲ့ အခြားနေရာမှာ နေသူတွေကိုလည်း လိုအပ်ရင် ဘေးလွတ်ရာ ရွှေ့ပြောင်းဖို့ ညွှန်ကြားထားပါတယ်။ ရေကြီးရေလျှံမှုတွေကြောင့် စာသင်ကျောင်းတွေကိုလည်း ဒုတိယမြောက်နေ့အဖြစ် ပိတ်ထားရပါတယ်။ မြို့တော်ဒေလီအတွက် လာမယ့်နှစ်ရက်အတွင်း အခြေအနေကို သတိထားကြရန် ဒေလီ၀န်ကြီးချုပ် Arvind Kejriwal ကပြောကြားထားပြီး ဘယ်လိုအခြေအနေမျိုးကိုမဆို ကိုင်တွယ်ဖြေရှင်းဖို့…

မော်စကို၊ ဇူလိုင်-၁၁-၂၀၂၃ မျိုးဆက်(VOM) လွန်ခဲ့တဲ့လက ၀ဂ္ဂနာကြေးစားစစ်သားအဖွဲ့ရဲ့ မအောင်မြင်တဲ့အာဏာသိမ်းမှုအပြီးမှာ အဖွဲ့ခေါင်ဆောင် ပရီဂိုဇင်ဟာ ရုရှားသမ္မတ ပူတင်နဲ့ တွေ့ဆုံခဲ့ကြောင်း ရုရှားသမ္မတနန်းတော်က ဇူလိုင် ၁၀ ရက်မှာ ထုတ်ပြန်ပါတယ်။ အဲဒီလို ပူတင်နဲ့တွေ့ဆုံရာမှာ ပရီဂိုဇင်နဲ့အတူ ၀ဂ္ဂနာကြေးစားအဖွဲ့ တပ်မှူး ၃၅ ဦးပါ၀င်ကြောင်း ကရင်မလင်ပြောရေးဆိုခွင့်ရှိသူ ဒီမီထရီပက်စကော့ဗ်က ပြောပါတယ်။ ယူကရိန်းစစ်ပွဲအတွက် အားထုတ်မှုတွေနဲ့ ၀ဂ္ဂနာအဖွဲ့ရဲ့ ပုံကန်မှုတို့နဲ့ပတ်သက်ပြီး ရုရှားသမ္မတပူတင်က ဆွေးနွေးအကဲဖြတ်ခဲ့ကြောင်း ဒီမီထရီပက်စကော့ဗ်က ပြောပါတယ်။ ၀ဂ္ဂနာအဖွဲ့ရဲ့ ဇွန် ၂၃ ရက်နေ့က ပုန်ကန်မှုဟာ ၂၄ နာရီသာ ကြာမြင့်ခဲ့ပါတယ်။ ၀ဂ္ဂနာအဖွဲ့ဟာ ပုန်ကန်မှုအတွင်း ရုရှားမြို့တစ်မြို့ကို သိမ်းပိုက်ထိမ်းချုပ်ခဲ့ပြီးနောက် ပုန်ကန်မှုအဆုံသတ်ဖို့ သဘောတူညီချက်အရ ပရီဂိုဇင်ဟာ ဘီလာရုစ်ကို ပြောင်းရွှေ့နေထိုင်မယ်လို့ သဘောတူခဲ့ပါတယ်။ ၀ဂ္ဂနာကြေးစားအဖွဲ့နဲ့ ရုရှားစစ်တပ်တို့အကြား အဲဒီမတိုင်မီ လူသိရှင်ကြား အပြန်အလှန်ဝေဖန်ပြောဆိုမှုတွေ ဖြစ်ပွားခဲ့ပြီး ၀ဂ္ဂနာအဖွဲ့အတွက် လက်နက်ခဲယမ်းတွေ…

၀ါရှင်တန်၊ ဇူလိုင်-၁၁-၂၀၂၃ မျိုးဆက်(VOM) နေတိုးအဖွဲ့ထဲကို ဆွီဒင်နိုင်ငံ၀င်ရောက်ရေး ထောက်ခံဖို့ တူရကီသမ္မတ အာဒိုဂန်က သဘောတူလိုက်ကြောင်း နေတိုးအဖွဲ့အကြီးအကဲ ယန်းစတိုတန်ဘာ့ဂ်က ဇူလိုင် ၁၀ ရက်မှာ ထုတ်ဖော်ပြောဆိုလိုက်ပါတယ်။ နေတိုးအကြီးအကဲ စတိုတန်ဘာ့ဂ်ဟာ လစ်သူယေးနီးယားနိုင်ငံမှာ တူရကီသမ္မတ ဆွီဒင်၀န်ကြီးချုပ်တို့နဲ့ တွေ့ဆုံဆွေးနွေးပြီးနောက် ဇူလိုင် ၁၀ ရက်နှောင်းပိုင်းမှာ အဲဒီသဘောတူညီချက်ကို ကြေညာခဲ့တာဖြစ်ပါတယ်။ ဆွီဒင်၏ ကြိုးပမ်းမှုနဲ့ပတ်သက်၍ တူရကီပါလီမန်သို့ တင်ပြကာ အတည်ပြုသွားမည်ဖြစ်ကြောင်း တူရကီသမ္မတ အာဒိုဂန်က အတည်ပြုပြောပါတယ်။ ယင်းသို့သဘောတူလိုက်ခြင်းအပေါ် လွန်စွာ၀မ်းမြောက်ကြောင်း ဆွီဒင်၀န်ကြီးချုပ်က ပြောပါတယ်။ လက်ရှိမှာတော့ ဆွီဒင်နေတိုးအဖွဲ့၀င်နိုင်ဖြစ်လာရေးကို အဖွဲ့၀င်နိုင်ငံအားလုံးက ကန့်ကွက်တဲ့နိုင်ငံမရှိ သဘောတူပြီဖြစ်ပါတယ်။ ဆွီဒင်ဟာ ကာ့ဒ်စစ်သွေးကြွတွေကို ကျောထောက်နောက်ခံပြုတ်ာဆိုပည နေတိုးအဖွဲ့ကို ဆွီဒင်၀င်ရောက်ရေး လျှောက်ထားမှုကို တူရကီက လပေါင်းများစွာ ပိတ်ဆို့ထားခဲ့ပါတယ်။ နေတိုးအဖွဲ့ထဲကို အဖွဲ့၀င်နိုင်ငံသစ် ၀င်ရောက်ရေးမှာ အဖွဲ့၀င်နိုင်ငံအားလုံးရဲ့ သဘောတူထောက်ခံချက်လိုအပ်ပါတယ်။ တူရကီသမ္မတရဲ့ ကတိက၀တ်ကို ကြိုဆိုကြောင်း…

ဒါကာ၊ ဇူလိုင်-၁၀-၂၀၂၃ မျိုးဆက်(VOM) ဘင်္ဂလားဒေ့ရ်ှနိုင်ငံ အရှေ့တောင်ဘက် ကော့ဘဇားကမ်းရိုးတန်းမှာ ဇူလိုင် ၁၀ ရက်မနက်ပိုင်းက ဖြစ်ပွားခဲ့တဲ့ ရဲတပ်ဖွဲ့နဲ့ တိုက်ပွဲအတွင်း အာရခန်ရိုဟင်ဂျာ ကယ်တင်ရေးတပ်မတော်(အာဆာ) အဖွဲ့ရဲ့ ထိပ်တန်းတပ်မှူးတဦး သေဆုံးသွားကြောင်း ဘင်္ဂလားဒေ့ရ်ှထိပ်တန်းတာ၀န်ရှိသူတဦးက အတည်ပြုပြောဆိုလိုက်ပါတယ်။ ရိုဟင်ဂျာ ညီညွှတ်ရေးအဖွဲ့ (အာအက်စ်အို)အဖွဲ့၀င်ငါးဦးသေဆုံးခဲ့တဲ့ ဖြစ်စဉ်ကို လက်တုံ့ပြန်တဲ့အနေနဲ့ အာဆာအဖွဲ့ဟာ ကော့ဘဇားဒုက္ခသည်စခန်း အမှတ် ၁၇ ကို လက်နက်ကိုင်အင်အား အယောက် ၁၀၀ နဲ့တိုက်ခိုက်ဖို့ ကြံစည်နေကြောင်း သတင်းရရှိခဲ့တယ်လို့ ရဲတပ်ရင် ၁၄ မှ တပ်မှူး Syed Haroon က အန်နာဒိုလူသတင်းဌာနကို ပြောပါတယ်။ ရဲတပ်ဖွဲ့ရောက်ရှိချိန်မှာတော့ အာဆာအဖွဲ့ဟာ ပစ်ခတ်တိုက်ခိုက်မှုတွေ ပြုလုပ်ခဲ့ပြီး နှစ်နာရီကြာ တိုက်ပွဲအပြီးမှုာတော့ အာဆာအဖွဲ့ရဲ့ တပ်မှူး ဟူစိန်မက်ဂ်ျဟီ ဆိုသး သေဆုံးသွားတာကြောင့် ထွက်ပြေးသွားကြတယ်လို့ သူက ပြောပါတယ်။ အဲဒီနောက် လက်နက်ခဲယမ်းတွေ၊…

မဒရစ်၊ ဇူလိုင်-၁၀-၂၀၂၃ မျိုးဆက်(VOM) အာဖရိကရွှေ့ပြောင်း ဒုက္ခသည် ၂၀၀ ထက်မနည်းကို တင်ဆောင်ထားတဲ့ စက်လှေတစင်း စပိန်ကမ်းလွန် ကနေရီကျွန်းစုရေပြင်မှာ လွန်ခဲ့တဲ့သီတင်းပတ်က ပျောက်ဆုံးနေပြီး စပိန်တာ၀န်ရှိသူတွေက ရှာဖွေမှုတွေ ဆက်လက်လုပ်ဆောင်နေပါတယ်။ ရွှေ့ပြောင်းဒုက္ခသည်တွေကို တင်ဆောင်ထာတဲ့ အဲဒီစက်လှေဟာ တန်နီရီဖီးကနေ မိုင်ပေါင်း ၁၀၅၇ ကွာဝေးတဲ့ ဆီနီဂေါနိုင်ငံတောင်ပိုင်း ကာဖောင်တင်း ကမ်းရိုးတန်းမြို့ကနေ ထွက်ခွာလာစဉ် ပျောက်ဆုံးသွားတာဖြစ်ကြောင်း တာ၀န်ရှိသူတွေကပြောပါတယ်။ လူ ၂၀၀ ထက်မနည်းကို တင်ဆောင်ထားတဲ့ ငါးဖမ်းစက်လှေဟာ ဇွန် ၂၇ ရက်မှာ ကာဖောင်တင်းမြို့ကနေ စပိန်နိုင်ငံကနေရီကျွန်းစုသို့ ဦးတည်ခုတ်မောင်းခဲ့ကြောင်း တာ၀န်ရှိသူတွေက ဆိုပါတယ်။ လိုက်ပါသူတွေထဲမှာ ကလေးငယ်အများအပြား ပါ၀င်ကြောင်း စပိန်သတင်းဌာနတွေက ဖော်ပြထားပါတယ်။ လူဒါဇင်များစွာတင်ဆောင်ထားတဲ့ အခြားစက်လေနှစ်စင်းလည်း အလားတူပျောက်ဆုံးနေကြောင်း သတင်းဌာနတွေက ပြောပါတယ်။ အဲဒီစက်လှေနှစ်စင်းနဲ့ပတ်သက်ပြီး တာ၀န်ရှိသူများက အချက်အလက်အနည်းငယ်သာရရှိထားကာ စက်လှေတစင်းပေါ်မှာ လူ ၆၅ ဦးနဲ့ ကျန်တစင်းမှာတော့…

ပြုံးယမ်း၊ ဇူလိုင်-၁၀-၂၀၂၃ မျိုးဆက်(VOM) အမေရိကန် ကင်းထောက်လေယာဉ်တွေဟာ မြောက်ကိုရီးယားလေပိုက်နက်ကို ချိုးဖောက်ခဲ့အပေါ် မြောက်ကိုရီးယား ကာကွယ်ရေး၀န်ကြီးဌာနက ရှုတ်ချကြောင်း ထုတ်ပြန်လိုက်ပြီး အဲဒီလေယာဉ်တွေဟာ ပစ်ချခံရဖွယ်ရှိကြောင်း သတိပေးလိုက်ပါတယ်။ အမေရိကန်ကင်းထောက်လေယာဉ်တွေဇူလိုင် ၂ ရက်ကနေ ၉ ရက်အတွင်း ဂျပန်ပင်လယ်နဲ့ ပင်လယ်ဝါတို့ကို ဖြတ်ကျော်ပျံသန်းစဉ် မြောက်ကိုရီးယား လေပိုင်နက်ကို ချိုးဖောက်ခြင်းဖြစ်ကြောင်း နိုင်ငံပိုင်သတင်းဌာနက ဖော်ပြထားပါတယ်။ အမေရိကန်ဟာ ယခုနှစ်အတွင်း ကိုရီးယားနှစ်နိုင်ငံကြားရှိ စစ်နယ်နိမိတ်မျဉ်းနဲ့ အခြားနေရာတွေကို ထောက်လှမ်းရေးလေယာဉ်တွေစေလွှတ်ခဲ့ကြောင်း ထုတ်ပြန်ချက်မှာ ဖော်ပြထားပြီး ရန်စတဲ့ အဲဒီလုပ်ရပ်အတွက် နောက်ဆက်တွဲအကျိုးဆက်တွေကို ရင်ဆိုင်ရမှာဖြစ်ကြောင်း မြောက်ကိုရီးယားက သတိပေးထားပါတယ်။ ဂျပန်ပင်လယ်ပြင်မှာ အမေရိကန်လေတပ်ရဲ့ မဟာဗျူဟာမြောက် ကင်းထောက်လေယာဉ် ပျက်ကျသလိုမျိုး တုန်လှုပ်ခြောက်ခြားဖွယ် မတော်တဆမှုမျိုးဖြစ်လာနိုင်ခြေအတွက် အာမမခံကြောင်း မြောက်ကိုရီးယားက ပြောပါတယ်။ မြောက်ကိုရီးယားရဲ့ စွပ်စွဲမှုတွေဟာ မှားယွင်းကြောင်း တောင်ကိုရီးယားတာ၀န်ရှိသူတွေက ပြောဆိုထားပြီး မှားယွင်းတဲ့စွပ်စွဲမှုတွေကတဆင့် တင်းမာမှုတွေမြင့်တက်လာခြင်းကို ရပ်တန့်ဖို့ မြောက်ကိုရီးယားကို…