Month: July 2023

ပေကျင်း၊ ဇူလိုင်-၁၇-၂၀၂၃ မျိုးဆက်(VOM) တရုတ်နိုင်ငံမှာ ကိုဗစ်-၁၉ ကပ်ရောဂါဖြစ်ပွားပြီးနောက် စီးပွားရေးတိုးတက်မှု နှေးကွေးနေတာကြောင့် လူငယ်အလုပ်လက်မဲ့နှုန်း စံချိန်တင်မြင့်တက်နေပါတယ်။ မြို့ပြဒေသတွေမှာ အသက် ၁၆ နှစ်ကနေ ၂၄ နှစ်အကြား အလုပ်လက်မဲ့နှုန်းဟာ ပြီးခဲ့တဲ့လမှာ ၂၁ ဒသမ ၃ ရာခိုင်နှုန်းထိမြင့်တက်ခဲ့ကြောင်း တရား၀င်ထုတ်ပြန်ထားတဲ့ အချက်အလက်တွေမှာ ဖော်ပြထားပါတယ်။ အလုပ်လက်မဲ့လူငယ်တွေဟာ တရုတ်မြို့ပြတွေမှာ အလားအလာရှိတဲ့လုပ်သားအင်အားရဲ့ ၁ ဒသမ ၄ ရာခိုင်နှုန်းရှိကြောင်း Hang Seng Bank China မှ စီးပွားရေးပညာရှင် ဒန်၀မ်က ခန့်မှန်းထားပါတယ်။ ကမ္ဘာ့ဒုတိယစီးပွားရေးအင်အားကြီး တရုတ်နိုင်ငံဟာ ဧပြီလကနေ ဇွန်လကုန်ထိ သုံးလတာကာလအတွင်း စီးပွားရေးတိုးတက်မှု သုည ဒသမ ၈ ရာခိုင်နှုန်းသာရှိခဲ့ပါတယ်။ နိုင်ငံ့စီးပွားရေး နှေးကွေးနေတာနဲ့ပတ်သက်ပြီး စီးပွားရေးမြှင့်တင်ဖို့ အစီအမံသစ်တွေကို အာဏာပိုင်တွေက မကြာခင် ထုတ်ပြန်သွားဖို့ရှိနေပါတယ်။ ဒီနေ့ထုတ်ပြန်တဲ့ တရား၀င်ကိန်းဂဏန်းတွေအရ တရုတ်စီးပွားရေးဟာ…

ဆိုးလ်၊ ဇူလိုင်-၁၇-၂၀၂၃ မျိုးဆက်(VOM) တောင်ကိုရီးယားနိုင်ငံအလယ်ပိုင်း ချန်ဂျူးမြို့မှာ ရေနစ်မြုပ်နေတဲ့ ဥမင်လမ်းတခုမှာ ပိတ်မိနေတဲ့ လူတွေကို ကယ်တင်ဖို့ ကယ်ဆယ်ရေးသမားတွေက ဆက်လက်လုပ်ဆောင်နေပြီး လက်ရှိအချိန်ထိ အလောင်း ၁၃ လောင်းကို ရှာဖွေတွေ့ရှိထားကြောင်း တာ၀န်ရှိသူတွေက ပြောပါတယ်။ ဇူလိုင် ၁၄ ရက်မှာ မြစ်တစင်းရဲ့ရေထိန်းတံခါးကျိုးပေါက်ပြီးနောက် မြေအောက်ဥမင်လမ်းကို ရေတွေ၀င်ရောက်ပြီးနောက်မှာ ဘတ်စ်ကားတစီးအပါအ၀င် မော်တော်ယာဉ်တွေပေါ်မှာ လူတွေ ပိတ်မိနေခဲ့တာဖြစ်ပါတယ်။ ဆယ်ယူရရှိခဲ့တဲ့ အလောင်းအများအပြားဟာ ဘတ်စ်ကားတစီးအတွင်းကနေ တွေ့ရှိခဲ့ခြင်းဖြစ်ပြီး အသက်ရှင်ကျန်ရစ်သူကိုးဦးကို ကယ်ဆယ်ရေးသမားတွေက ကယ်တင်နိုင်ခဲ့ပါတယ်။ အရှည် ၂၂၄၇ ပေရှိတဲ့ အဲဒီဥမင်လမ်းအတွင်း လူဘယ်လောက်ပိတ်မိနေတယ်ဆိုတာကို တာ၀န်ရှိသူတွေက အသေးစိတ်ထုတ်ပြန်ခြင်းမရှိပေမယ့် ဥမင်အတွင်း မော်တော်ယာဉ် ၁၅ စီးပိတ်မိနေတယ်လို့ ဆိုပါတယ်။ တောင်ကိုရီးယားနိုင်ငံမှာ လွန်ခဲ့တဲ့သီတင်းပတ်အတွင်း မိုးသည်းထန်စွာဆက်တိုက်ရွာသွန်းမှုတွေကြောင့် ရေကြီးခြင်း၊ မြေပြိုခြင်းနဲ့ လျှပ်စစ်ဓါတ်အား ပြတ်တောက်မှုတွေဖြစ်ပေါ်နေပြီး လူ ၃၉ ဦးထက်မနည်း သေဆုံးခဲ့ပါတယ်။ Ref:…

ဆိုးလ်၊ ဇူလိုင်-၁၅-၂၀၂၃ မျိုးဆက်(VOM) အာရှဒေသတ၀န်းမှာ ဆိုးရွားတဲ့ မုတ်သုံရာသီဥတုကြောင့် ရေကြီးရေလျှံမှုတွေဖြစ်ပွားခဲ့ပြီး ယခုလအတွင်း သေဆုံးသူ ၁၀၀ ကျော်ထိရှိလာကြောင်း သိရပါတယ်။ လွန်ခဲ့တဲ့ သီတင်းနှစ်ပတ်အတွင်း အိန္ဒိယ၊ တရုတ်၊ ဂျပန်အပါအ၀င် အာရှနိုင်ငံအများအပြားမှာ မိုးသည်းထန်စွာရွာသွန်းမှုကြောင့် ရေကြီးရေလျှံနဲ့မြေပြိုမှုတွေ ဖြစ်ပွားခဲ့ပြီး လူထောင်ပေါင်းများစွာ ဘေးလွတ်ရာကို ရွှေ့ပြောင်းခဲ့ရပါတယ်။ ဇူလိုင် ၁၄ ရက်ကလည်း တောင်ကိုရီးယားနိုင်ငံ ဆိုးမြို့မှာ မုန်တိုင်း၀င်ရောက်တိုက်ခတ်မှုကြောင့် တာ၀န်ရှိသူတွေက သတိပေးချက်ထုတ်ပြန်ထားပြီး ဖိလစ်ပိုင်နိုင်ငံမှာလည်း အပူပိုင်းမုန်တိုင်း သတိပေးချက် ထုတ်ပြန်ထားပါတယ်။ ဂျပန်နိုင်ငံ ကျူရှူးကျွန်းမှာ ယခုသီတင်းပတ်အစောပိုင်းက စံချိန်တင်ရေကြီးရေလျှံမှုတွေကြောင့် ဒေသခံနိုင်ငံရေးသမားတဦးအပါအ၀င် လူရှစ်ဦးထက်မနည်းသေဆုံးသွားပြီး တရုတ်၊ အိန္ဒိယနဲ့ ပါကစ္စတန်နိုင်ငံတို့မှာလည်း လူသေဆုံးမှုတွေဖြစ်ပွားခဲ့ပါတယ်။ ရာသီဥတုဖောက်ပြန်မှုကြောင့် ကမ္ဘာတ၀န်းမှာ ရေလွှမ်းမိုးမှုအန္တရာယ်မြင့်တက်စေကြောင်း သိပ္ပံပညာရှင်တွေက သတိပေးထားပြီး နိုင်ငံအများအပြားဟာ ပြင်းထန်တဲ့ရာသီဥတုဆိုင်ရာ အန္တရာယ်တွေလျော့ပါးစေဖို့ ရုန်းကန်နေကြရပါတယ်။ Ref: BBC Photo:Reuters #voiceofmyanmar #VOM…

၀ါရှင်တန်၊ ဇူလိုင်-၁၅-၂၀၂၃ မျိုးဆက်(VOM) အမေရိကန်နိုင်ငံမှာ ယခုသီတင်းပတ်ကုန်ပိုင်းအတွင်း ပြင်းထန်တဲ့အပူလှိုင်း ပိုမိုဆိုးရွားလာမယ်လို့ ကျွမ်းကျင်သူတွေက ခန့်မှန်းထားပြီး နိုင်ငံအနောက်တောင်ပိုင်းတလျှောက်မှာ အပူချိန် သတိပေးချက်ထုတ်ပြန်ထားပါတယ်။ ဇူလိုင် ၁၄ ရက်နှောင်းပိုင်းမှာ ဖလော်ရီဒါကနေ တက္ကဆက်၊ ကယ်လီဖိုးနီးယားနဲ့ အနောက်မြောက်ဘက် ဝါရှင်တန်ပြည်နယ်ထိ အပူချိန်သတိပေးချက်ထုတ်ပြန်ထားပြီး အမေရိကန်ပြည်သူ ၁၁၃ သန်း အပေါ် သက်ရောက်မှာဖြစ်ပါတယ်။ တက္ကဆက်ပြည်နယ်မှာ အပူဒဏ်လျော့ပါးစေဖို့ လေအေးပေးစက်တွေ အသုံးပြုမှုများပြားတာကြောင့် လျှပ်စစ်ဓါတ်အား သုံးစွဲမှုဟာ ပြည်နယ်ရဲ့ယခင်စံချိန်ကို ချိုးဖျက်ခဲ့ပြီး ဒေသခံ ၂၇ သန်းဟာ လာမယ့်ရက်တွေအတွင်း အပူချိန် ၄၃ ဒီဂရီစင်တီဂရိတ်နဲ့ ရင်ဆိုင်ရနိုင်ကြောင်း သတိပေးထားပါတယ်။ ရာသီဥတုဖောက်ပြန်မှုနဲ့ အယ်လ်နီညိုရာသီဥတုဖြစ်စဉ်တွေကြောင့် ကမ္ဘာ့အပူချိန်မြင့်တက်စေပြီး၊ ကာဗွန်ထုတ်လုပ်မှုကို ထိရောက်စွာလျှော့ချနိုင်ခြင်းမရှိပါက အပူချိန်တွေ ဆက်လက်မြင့်တက်နေမှာဖြစ်ကြောင်း သိပ္ပံပညာရှင်တွေက သတိပေးပြောဆိုထားပါတယ်။ အမေရိကန်မှာ အပူနဲ့ဆက်စပ်နေတဲ့ အကြောင်းရင်းတွေကြောင့် နှစ်စဉ်နှစ်တိုင်း လူ ၇၀၀ သေဆုံးနေကြောင်း ရောဂါထိန်းချုပ်ရေးနဲ့…