Day: August 16, 2023

နီယာမေ၊ သြဂုတ်-၁၆-၂၀၂၃ မျိုးဆက်(VOM) အာဏာသိမ်းမှုဖြစ်ပွားခဲ့တဲ့ နိုင်ဂျာနိုင်ငံမှာ စစ်ရေးအရ ကြားဝင်ဖို့နဲ့ပတ်သက်ပြီး အနောက်အာဖရိက စီးပွားရေးနဲ့နိုင်ငံရေးအစုအဖွဲ့ အီကိုဝက်စ်အဖွဲ့ရဲ့ ဒေသတွင်းစစ်ဦးစီးချုပ်တွေဟာ ယခုသီတင်းပတ်နှောင်းပိုင်းအတွင်း ဂါနာမှာ တွေ့ဆုံဆွေးနွေးဖို့စီစဉ်ထားပါတယ်။ လွန်ခဲ့တဲ့လက စစ်အာဏာသိမ်းခဲ့တဲ့ နိုင်ဂျာနိုင်ငံမှာ အီကိုဝက်စ်အဖွဲ့ရဲ့ ဖြစ်နိုင်ခြေရှိတဲ့ စစ်ရေးကြားဝင်မှုနဲ့ပတ်သက်ပြီး အဲဒီအစည်းအဝေးမှာ ဆွေးနွေးသွားမှာဖြစ်ပါတယ်။ ဒေသတွင်းနိုင်ငံတွေရဲ့ စစ်တပ်အကြီးအကဲတွေ တွေ့ဆုံမယ့် အစီအစဉ်ကို ယခင်က ရွှေ့ဆိုင်းထားခဲ့ပါတယ်။ လက်ရှိမှာ ဒေသတွင်း ဒီမိုကရေစီနိုင်ငံတွေဟာ နိုင်ဂျာမှာ စစ်ရေးအရကြားဝင်လိုပုံရနေပြီး အဲဒီလို စွက်ဖက်မှုဟာ မငြိမ်မသက်ဖြစ်နေတဲ့ ဒေသတွင်းမှာ နောက်ထပ်မတည်ငြိမ်မှုတွေ ဖြစ်လာနိုင်ကြောင်း လေ့လာသူတွေက သုံးသပ်ပြောဆိုပါတယ်။ နိုင်ဂျာအာဏာသိမ်းခေါင်ဆောင်နဲ့ အစ္စလာမ်ဘာသာရေးဆရာများအဖွဲ့တို့အကြား တွေ့ဆုံဆွေးနွေးအပြီး နိုင်ဂျာမှာ သံတမန်ရေးရာ ပြေလည်မှုရရှိလိမ့်မယ်လို့ သီတင်းပတ်ကုန်ပိုင်းက မျှော်လင့်ခဲ့ပါတယ်။ ဒါပေမယ့် နောက်တနေ့မှာတော့ ဒီမိုကရေစီနည်းကျရွေးကောက်ခံသမ္မတ မိုဟာမက်ဘာဇိုအမ်ဟာ နိုင်ငံတော်ပုန်ကန်မှုကျူးလွန်ကြောင်း အာဏာပိုင်တွေက စွပ်စွဲခဲ့ပြီး သူ့ကိုဖြုတ်ချအာဏာသိမ်ဖို့ လုံလောက်တဲ့ သက်သေအထောက်အထားတွေရှိကြောင်း ထုတ်ပြန်ခဲ့ပါတယ်။…

ဝါရှင်တန်၊ သြဂုတ်-၁၅-၂၀၂၃ မျိုးဆက်(VOM) တာလီဘန်တို့ရဲ့ လူသားမျိုးနွယ်အပေါ် ကျူးလွန်ခဲ့တဲ့ ရာဇဝတ်မှုတွေနဲ့ပတ်သက်ပြီး စုံစမ်းစစ်ဆေးဖို့ ကုလသမဂ္ဂရဲ့ ကမ္ဘာလုံးဆိုင်ရာပညာရေး အထူးသံတမန်နဲ့ ဗြိတိန်ဝန်ကြီးချုပ်ဟောင်း ဂေါ်ဒွန်ဘရောင်းက အိုင်စီစီကို တောင်းဆိုလိုက်ပါတယ်။ အာဖဂန်နစ္စတန်ကို တာလီဘန်တို့ ထိန်းချုပ်မှု နှစ်နှစ်ပြည့်အထိမ်းအမှတ်နေ့ သြဂုတ် ၁၅ ရက်မှာ ကုလသမဂ္ဂအထူးသံတမန်က အိုင်စီစီကိုတောင်းဆိုခဲ့တာဖြစ်ပါတယ်။ အာဖဂန်နစ္စတန်မှာ တာလီဘန်တို့ရဲ့အုပ်ချုပ်မှုအတွင်း မိန်းကလေးငယ်တွေကို အလယ်တန်းကျောင်းတက်ခွင့်နဲ့ အမျိုးသမီးတွေကို ကုလသမဂ္ဂနဲ့ အင်န်ဂျီအိုအဖွဲ့အစည်းတွေမှာ အလုပ်လုပ်ခွင့် တားမြစ်ပိတ်ပင်ထားပါတယ်။ အဲဒီလို ကျား၊မ ခွဲခြားဆက်ဆံခြင်းကို လူသားမျိုးနွယ်အပေါ် ကျူးလွန်တဲ့ ရာဇဝတ်မှုအဖြစ် သတ်မှတ်ပြီး တာဝန်ရှိသူတွေကို တရားစွဲဆို အရေးယူနိုင်ဖို့အတွက် စုံစမ်းစစ်ဆေးမှုတွေ ပြုလုပ်သင့်ကြောင်း ဂေါ်ဒွန်ဘရောင်းက ဆိုပါတယ်။ ဒါဟာ ကမ္ဘာတဝန်းမှာ မိန်းကလေးတွေနဲ့အမျိုးသမီးတွေအပေါ် လူ့အခွင့်အရေး အလွဲသုံးစားလုပ်မှုတွေအတွက် ပြင်းထန်တဲ့ အရေးယူမှုဖြစ်ပြီး ဒီလိုလုပ်နိုင်မယ်ဆိုရင် အခြား အလားတူ အရေးယူနိုင်ဖို့ လုပ်ဆောင်လာမှုတွေ ရှိလာလိမ့်မယ်လို့…

ပြုံးယမ်း၊ သြဂုတ်-၁၆-၂၀၂၃ မျိုးဆက်(VOM) အမေရိကန်စစ်သား ထရာဗစ်ကင်းဟာ စစ်တပ်အတွင်း လူမဆန်စွာနှိပ်စက်ညှဉ်းပန်းမှုနဲ့ လူမျိုးရေးခွဲခြားမှုတို့ကြောင့် မြောက်ကိုရီးယားပိုင်နက်အတွင်းကို လွန်ခဲ့တဲ့လကဖြတ်ကျော်ဝင်ရောက်ခဲ့ခြင်းဖြစ်ကြောင်း မြောက်ကိုရီးယားတာဝန်ရှိသူတွေက ပြောပါတယ်။ အသက် ၂၃ နှစ်အရွယ် အမေရိကန်စစ်သား ထရာဗစ်ကင်းဟာ ခရီးသွားအဖွဲ့တဖွဲ့နဲ့အတူ ကိုရီးယားနှစ်နိုင်ငံနယ်စပ်ကို သွားရောက်စဉ် မြောက်ကိုရီးယားပိုင်နက်ထဲကို ဇူလိုင် ၁၈ ရက်က ဖြတ်ကျော်ဝင်ရောက်သွားခဲ့တာဖြစ်ပါတယ်။ သူဟာ မြောက်ကိုရီးယားမှာ ခိုလှုံဖို့ဆန္ဒရှိနေကြောင်း ထုတ်ဖော်ပြောကြားခဲ့တယ်လို့ မြောက်ကိုရီးယားနိုင်ငံပိုင်သတင်းဌာနက ထုတ်ပြန်ထားပါတယ်။ ဒါပေမယ့် ထရာဗစ်ကင်းကိစ္စနဲ့ပတ်သက်ပြီး မြောက်ကိုရီးယားရဲ့ ပထမဆုံးအကြိမ် လူသိရှင်ကြား ထုတ်ဖော်ပြောဆိုမှုအပေါ် အတည်မပြုနိုင်သေးကြောင်း အမေရိကန်တာဝန်ရှိသူတဦးကပြောပါတယ်။ အမေရိကန်ရဲ့ ဦးစားပေးတော့ ထရာဗစ်ကင်းကို ရရှိနိုင်သမျှလမ်းကြောင်းတွေကတဆင့် အမေရိကန်ကို ပြန်ခေါ်ဖို့ဖြစ်တယ်လို့ ဆိုပါတယ်။ ထရာဗစ်ကင်းဟာ မြောက်ကိုရီးယားဘက်ကို ဖြတ်ကျော်မသွားမီ ကျူးလွန်ထားတဲ့ ပြစ်မှုတွေကြောင့် တောင်ကိုရီးယားမှာ နှစ်လထိန်းသိမ်းခံခဲ့ရပြီး ဇူလိုင် ၁၀ ရက်တမှာ ပြန်လည်လွတ်မြောက်ခဲ့တာဖြစ်ပါတယ်။ Ref:BBC #voiceofmyanmar #VOM…

This Day in History August16 Voice of Myanmar ရော့ခ်အင်န်ရိုးဂီတဘုရင်ဟု သတ်မှတ်ခံခဲ့ရသည့် အမေရိကန် အဆိုတော် အဲဗစ်ပရက်စလေ (၄၂ နှစ်) သည် ၁၉၇၇ ခုနှစ် သြဂုတ် ၁၆ ရက်တွင် တင်နက်ဆီပြည်နယ်ရှိ နေအိမ်တွင် နှလုံးရောဂါဖြင့် ရုတ်တရက်ကွယ်လွန်ခဲ့သည်။ #voiceofmyanmar #VOM # ThisDayinHistory #August16