Day: August 28, 2023

တိုကျို၊ သြဂုတ်-၂၈-၂၀၂၃ မျိုးဆက်(VOM) ဂျပန်နိုင်ငံ ဖူကူရှီးမား နျူကလီးယားဓါတ်အားပေးစက်ရုံက ရေတွေကို ပင်လယ်ထဲစွန့်ထုတ်မှုနဲ့ ပတ်သက်ပြီး ဂျပန်စီးပွားရေးလုပ်ငန်းတွေနဲ့ အဖွဲ့အစည်းတွေဆီကို ရိုင်းစိုင်းသောဖုန်းခေါ်ဆိုမှုအများအပြား လက်ခံရရှိပြီးနောက် ဒီကိစ္စအပေါ် ဂျပန်အစိုးရက တရုတ်အစိုးရထံ အသိပေးတိုင်ကြားထားပါတယ်။ အဲဒီရိုင်းစိုင်းတဲ့ ဖုန်းခေါ်ဆိုမှုတွေဟာ တရုတ်နိုင်ငံကုဒ်တွေဖြစ်နေပြီး ဖူကူရှီးမားရှိ စားသောက်ဆိုင်တခုမှာဆိုရင် ဖုန်းခေါ်ဆိုမှု အကြိမ်ရေ တထောင်ကျော် လက်ခံရရှိခဲ့ကြောင်း သိရပါတယ်။ နျူကလီးယားဓါတ်အားပေးစက်ရံတဝိုက်ရှိ ပင်လယ်ရေဟာ ရေဒီယိုသတ္တိကြွမှုအဆင့်ကို ထောက်လှမ်းနိုင်တဲ့ အဆင့်မရှိကြောင်း ဂျပန်အစိုးရတာဝန်ရှိသူတွေက ပြောဆိုထားပါတယ်။ အဲဒီစက်ရုံက ရေတွေကို စွန့်ထုတ်ပြီးကတည်းက ဂျပန်အစိုးရဌာနတွေ၊ စာသင်ကျောင်းတွေ၊ ငါးပြတိုက်လိုနေရာတွေကို ဖုန်းခေါ်ဆိုမှုတွေ ရှိခဲ့ကြောင်း၊ ခေါ်ဆိုသူတွေဟာ တရုတ်၊ ဂျပန်၊ အင်္ဂလိပ်စကားတွေနဲ့ ပြောဆိုကြပြီး တခါတရံမှာ ရိုင်းစိုင်းစွာပြောဆိုကြကြောင်း သိရပါတယ်။ တရုတ်နိုင်ငံဟာ နျူကလီးယားဓါတ်အားပေးစက်ရုံက ရေတွေစွန့်ထုတ်မယ့်လုပ်ငန်းစဉ်အပေါ် ကန့်ကွက်ခဲ့ပြီး အလွန်တကိုယ်ကောင်းဆန်ကာ တာဝန်မဲ့တဲ့လုပ်ရပ်ဖြစ်ကြောင်း ပြောဆိုထားပြီး ဂျပန်ပင်လယ်စာတွေတင်သွင်းမှုကို တားမြစ်ပိတ်ပင်မယ်လို့ ထုတ်ပြန်ထားပါတယ်။…

ထရီပိုလီ၊ သြဂုတ်-၂၈-၂၀၂၃ မျိုးဆက်(VOM) အစ္စရေးနိုင်ငံခြားရေးဝန်ကြီးနဲ့ အလွတ်သဘောတွေ့ဆုံးခဲ့တဲ့ လစ်ဗျားနိုင်ငံခြားရေးဝန်ကြီးကို လစ်ဗျားဝန်ကြီးချုပ်က ရာထူးကနေ ဆိုင်းငံ့လိုက်ပါတယ်။ ပါလက်စတိုင်းကို အခိုင်အမာထောက်ခံတဲ့ လစ်ဗျားဟာ အစ္စရေးနိုင်ငံတည်ရှိမှုကို အသိအမှတ်မပြုဘဲ လစ်ဗျားနိုင်ငံခြားရေးဝန်ကြီးက အစ္စရေးနိုင်ငံခြားရေးဝန်ကြီးနဲ့တွေ့ဆုံခဲ့တဲ့အပေါ် အာရပ်အများစုနေထိုင်တဲ့ လစ်ဗျားမှာ ဆန္ဒပြမှုတွေဖြစ်ပွားနေပါတယ်။ အစ္စရေးနိုင်ငံခြားရေးဝန်ကြီး အီလီကိုဟန်ကတော့ လစ်ဗျားနိုင်ငံခြားရေးဝန်ကြီး နက်ဂျ်လာအယ်လ်မန်ဂို့ရှ်နဲ့တွေ့ဆုံမှုဟာ သမိုင်းဝင်ပထမဆုံးခြေလှမ်းဖြစ်တယ်လို့ ဆိုထားပါတယ်။ အစ္စရေးဟာ သူ့ကိုတရားဝင်အသိအမှတ်မပြုသေးတဲ့ အာရပ်နဲ့မွတ်ဆလင်အများစုနေထိုင်တဲ့ နိုင်ငံတွေနဲ့ပိုမိုနီးကပ်တဲ့ ဆက်ဆံရေးတည်ဆောက်ဖို့ လုပ်ဆောင်နေပါတယ်။ ဒါပေမယ့်လည်း အစ္စရေးနဲ့ပုံမှန်ဆက်ဆံရေး ထားရှိခြင်းဟာ တရားမဝင်ကြောင်း လစ်ဗျားအစိုးရကပြောပါတယ်။ ဒီကိစ္စနဲ့ပတ်သက်ပြီး လစ်ဗျားနိုင်ငံခြားရေးဝန်ကြီးကို ပါလီမန်ဥက္ကဌရုံးက နိုင်ငံတော်သစ္စာဖောက်မှုနဲ့ စွပ်စွဲထားပြီး စုံစမ်းစစ်ဆေးမှုတွေ လုပ်ဆောင်နေပါတယ်။ လစ်ဗျားခေါင်းဆောင် ကဒါဖီလက်ထက်မှာ လစ်ဗျားမှာရှိတဲ့ ဂျူးလူမျိုးထောင်ပေါင်းများစွာ နှင်ထုတ်ခံခဲ့ရပြီး ဘုရားကျောင်းအများအပြားလည်း ဖျက်ဆီးခံခဲ့ရပါတယ်။ Ref: BBC Photo:Getty Images #voiceofmyanmar #VOM #protestserupt #inLibya #overcontact withIsrael

မော်စကို၊ သြဂုတ်-၂၈-၂၀၂၃ မျိုးဆက်(VOM) ရုရှားကြေးစား ဝဂ္ဂနာအဖွဲ့ရဲ့အကြီးအကဲ ပရီဂိုဇင်ဟာ ဗုဒ္ဓဟူးနေ့က လေယာဉ်ပျက်ကျမှုအတွင်း သေဆုံးသွားကြောင်း ရုရှားအာဏာပိုင်တွေက အတည်ပြုထုတ်ပြန်လိုက်ပါတယ်။ လေယာဉ်ပေါ်လိုက်ပါသွားသူ စာရင်းနဲ့ တွေ့ရှိခဲ့တဲ့ ရုပ်အလောင်းတွေကို မျိုးရိုဗီဇခွဲခြမ်းစိတ်ဖြာစစ်ဆေးမှုတွေ ပြုလုပ်ပြီးနောက် ရုရှားအာဏာပိုင်တွေက အခုလိုအတည်ပြုလိုက်တာဖြစ်ပါတယ်။ ပရီဂိုဇင်ရဲ့ ဂျက်လေယာဉ်ဟာ သြဂုတ် ၂၃ ရက်က မော်စကိုမြို့အနောက်မြောက်ဘက်မှာ ပျက်ခဲ့တာဖြစ်ပါတယ်။ ဒီလေယာဉ်ဟာ ပစ်ချခံရတယ်ဆိုတဲ့ စွပ်စွဲချက်တွေကို ရုရှားဘက်က ငြင်းဆိုထားပါတယ်။ မော်လီကျူး-မျိုးရိုးဗီဇစမ်းသပ်မှုတွေ ပြီးဆုံးကြောင်း စုံးစမ်းစစ်ဆေးသူတွေက ထုတ်ပြန်ထားပြီး ရာဇဝတ်မှုဆိုင်ရာ စုံစမ်းစစ်ဆေးမှုတွေကို ဆက်လက်လုပ်ဆောင်နေတယ်လို့ ဆိုပါတယ်။ သေဆုံးသူတွေထဲမှာ ပရီဂိုဇင်အပြင် ယူကရိန်း၊ ဆီးရီးယားနဲ့ အာဖရိကဒေသတွေမှာ စစ်ဆင်ရေးလုပ်နေကြတဲ့ ဝဂ္ဂနာအဖွဲ့ရဲ့ ထိပ်တန်းတာဝန်ရှိသူတွေလည်း ပါဝင်ခဲ့ပါတယ်။ အမေရိကန်ကတော့ ဒီကိစ္စရဲ့ဖြစ်နိုင်ခြေအမြင့်ဆုံးကတော့ လေယာဉ်ပေါ်မှာ ပေါက်ကွဲမှုဖြစ်ခဲ့ဖွယ်ရှိကြောင်း ထုတ်ဖော်ပြောဆိုထားပါတယ်။ Ref:BBC Photo:Reuters #voiceofmyanmar #VOM #၀ဂ္ဂနာအကြီးအကဲ #ပရီဂိုဇင် #သေဆုံးကြောင်း…

This Day in History(August28) Voice of Myanmar ဝေလမင်းသား ချားလ်စ်နှင့် မင်းသမီးဒိုင်ယာနာတို့သည် လေးနှစ်ကြာ သီးခြားစီနေထိုင်ပြီးနောက် ၁၉၉၆ ခုနှစ် သြဂုတ် ၂၈ ရက်တွင် တရားဝင်ကွာရှင်းခဲ့သည်။ #voiceofmtanmar #VOM #ThisDayInHistory #August28