Day: September 1, 2023

ဘန်ကောက်၊ စက်တင်ဘာ-၁-၂၀၂၃ မျိုးဆက်(VOM) ထောင်ဒဏ်ရှစ်နှစ်ကျခံနေရတဲ့ ထိုင်းဝန်ကြီးချုပ်ဟောင်းသက်ဆင်ကို ထိုင်းဘုရင်က ထောင်ဒဏ်ခုနှစ်နှစ်ထိ ပြစ်ဒဏ်လျှော့ပေါ့ လွတ်ငြိမ်းချမ်းသာလွင့် ပေးလိုက်ကြောင်း ထိုင်းဘုရင့်နန်းတော်က ဒီနေ့မှာ တော်ဝင်ပြန်တမ်းထုတ်ပြန်လိုက်ပါတယ်။ အသက် ၇၄ နှစ်အရွယ် ဝန်ကြီးချုပ်ဟောင်းသက်ဆင်ဟာ ဝန်ကြီးချုပ်အဖြစ်နှစ်ကြိမ်တိုင် တာဝန်ထမ်းဆောင်ပြီးနောက် ၂၀၀၆ ခုနှစ်စစ်အာဏာသိမ်းမှုမှာ ဖြုတ်ချခံခဲ့ရပြီး ၁၅ နှစ်ကြာ ပြည်ပထွက်ပြေးတိမ်းရှောင်ပြီးနောက် ထိုင်းနိုင်ငံသို့ပြန်လာချိန်မှာတော့ ထောင်ဒဏ်ချမှတ်ခံခဲ့ရတာဖြစ်ပါတယ်။ သူဟာဝန်ကြီးချုပ်အဖြစ် တာဝန်ထမ်းဆောင်ခဲ့သူဖြစ်ပြီး နိုင်ငံနဲ့ပြည်သူတွေအပေါ် ကောင်းကျိုးပြုခဲ့ဖူးသူဖြစ်ကာ ဘုရင်စနစ်အပေါ် သစ္စာစောင့်သိခဲ့သူဖြစ်ကြောင်း၊ လက်ရှိတွင် အသက်အရွယ်ကြီးလာပြီး ကျန်းမာရေးအခြေအနေကြောင့် ဆေးဝါးကုသမှုလိုအပ်နေကြောင်း ထိုင်းဘုရင့်နန်းတော်ရဲ့ တော်ဝင်ပြန်တမ်းမှာ ဖော်ပြထားပါတယ်။ ထိုင်းဥပဒေအရ အကျဉ်းသားတွေဟာ ထိုင်းဘုရင်ဖြစ်သူ မဟာဝိဇယလောင်ကွန်းရဲ့ တော်ဝင်လွတ်ငြိမ်းချမ်းသာခွင့်ကိုရရှိဖို့ တရားရေးဝန်ကြီးကတဆင့် လျှောက်ထားနိုင်ပါတယ်။ သက်ဆင်ထိုင်းသို့ပြန်လာချိန်မှာ ဖြူထိုင်းပါတီဟာ စစ်တပ်လိုလားတဲ့ပါတီတွေနဲ့မဟာမိတ်ဖွဲ့ကာ အစိုးရပြန်ဖြစ်နေချိန်နဲ့ တိုက်ဆိုင်နေတာကြောင့် သူချမှတ်ခံရတဲ့ထောင်ဒဏ်ကို လျှော့ပေါ့ဖို့ သဘောတူညီချက်ရရှိခဲ့ကြောင်း ထင်ကြေးပေးမှုတွေ ကျယ်ကျယ်ပြန့်ပြန့်ထွက်ပေါ်ခဲ့ပါတယ်။ Ref:Reuters Photo: Reuters…

လန်ဒန်၊ စက်တင်ဘာ-၁-၂၀၂၃ မျိုးဆက်(VOM) ဗြိတိန်ကာကွယ်ရေးဝန်ကြီး ဘန်ဝေါလေ့စ်ဟာ ရာထူးကနေ နှုတ်ထွက်တော့မှာဖြစ်ကြောင်း ထုတ်ပြန်ကြေညာလိုက်ပါတယ်။ သူ့ရဲ့ ရာထူးနှုတ်ထွက်စာကို ဝန်ကြီးချုပ်ရှီရီဆူနက်ခ်ထံ သြဂုတ် ၃၁ ရက်က တင်သွင်းခဲ့ပြီး မိသားစုနဲ့ နောက်ထပ်လုပ်ငန်းဆောင်တာတွေအတွက် အချိန်ပေးဖို့ဖြစ်ကြောင်း ကာကွယ်ရေးဝန်ကြီး ဘန်ဝေါလေ့စ်ကဆိုပါတယ်။ သူ့ကို ကို ဗြိတိန်ကာကွယ်ရေးဝန်ကြီးအဖြစ် ဝန်ကြီးချုပ်ဟောင်းဘောရစ်ဂျွန်ဆင်လက်ထက်က ခန့်အပ်ခဲ့ခြင်းဖြစ်ပြီး အာဖဂန်နစ္စတန်မှာ ဗြိတိန်တပ်ဖွဲ့ဝင်တွေ ဆုတ်ခွာရေးကိုလည်း ကြီးကြပ်ကိုင်တွယ်ခဲ့ပါတယ်။ ဒါ့အပြင်ယူကရိန်းအတွက် စစ်ရေးအကူအညီတွေပံ့ပိုးရာမှာလည်း ဦးဆောင်ကဏ္ဍကနေ ပါဝင်ခဲ့ပြီး ဗြိတိန်ရဲ့ တာဝေးပစ်ခရုဇ်ဒုံးကျည်တွေ၊ တင့်ကားတွေပေးပို့မှုမှာလည်း အခြားနိုင်ငံကာကွယ်ရေးဝန်ကြီးတွေထက် စောလျှင်စွာပေးပို့ခဲ့သူဖြစ်ပါတယ်။ သူဟာ နေတိုးအဖွဲ့ကို ဦးဆောင်နိုင်မယ့်သူအဖြစ် ရှုမြင်ခံထားရသူတဦးလည်းဖြစ်ပါတယ်။ နေတိုးအဖွဲ့ လက်ရှိအတွင်းရေးမှူးချုပ် ယန်စတိုတန်ဘာ့ဂ်ဟာ နေတိုးအကြီးအကဲအဖြစ် နောက်ထပ်တနှစ်တာဝန်ထမ်းဆောင်ဖို့ သဘောတူထားပါတယ်။ ဘန်ဝေါလေ့စ်ရဲ့ နေရာမှာ ယခင်စွမ်းအင်ဝန်ကြီးဟောင်း ဂရန့်ရှတ်စ်ကို ဗြိတိန်ကာကွယ်ရေးဝန်ကြီးအဖြစ် အစားထိုးခန့်အပ်မှာဖြစ်ပြီး သူဟာ ရုရှားသမ္မတပူတင်ရဲ့ ရိုင်းစိုင်းတဲ့ကျူးကျော်မှုတွေကို တိုက်ဖျက်မယ်လို့ ကတိပြုထားသူဖြစ်ပါတယ်။ Ref:NHK…

ဘန်ကောက်၊ စက်တင်ဘာ-၁-၂၀၂၃ မျိုးဆက်(VOM) ထောင်ချခံထားရတဲ့ ထိုင်းဝန်ကြီးချုပ်ဟောင်း သက်ဆင်ရှင်နာဝပ်ထရာဟာ တော်ဝင်လွတ်ငြိမ်းချမ်းသာခွင့်တောင်းခံထားကြောင်း ထိုင်းတရားရေးဝန်ကြီးက အတည်ပြုပြောဆိုပါတယ်။ အကျင့်ပျက်ချစားမှု အာဏာအလွဲသုံးစားမှုတို့နဲ့ ထောင်ဒဏ်ရှစ်နှစ်ချမှတ်ခံထားရတဲ့ ဝန်ကြီးချုပ်ဟောင်း သက်ဆင်ဟာ တော်ဝင်လွတ်ငြိမ်းချမ်းသာခွင့် တောင်းခံထားပြီး ဒီကိစ္စအပေါ် လုပ်ထုံးလုပ်နည်းတွေအတိုင်း ဆက်လက်ဆောင်ရွက်သွားမှာဖြစ်ကြောင်း တရားရေးဝန်ကြီး ဝစ်ဆာနူခရီယာဂမ်က ပြောပါတယ်။ ထိုင်းဥပဒေအရ အကျဉ်းသားတွေဟာ ထိုင်းဘုရင်ဖြစ်သူ မဟာဝိဇယလောင်ကွန်းရဲ့ တော်ဝင်လွတ်ငြိမ်းချမ်းသာခွင့်ကိုရရှိဖို့ တရားရေးဝန်ကြီးကတဆင့် လျှောက်ထားနိုင်ပါတယ်။ အသက် ၇၄ နှစ်အရွယ် ဝန်ကြီးချုပ်ဟောင်းသက်ဆင်ဟာ ဝန်ကြီးချုပ်အဖြစ်နှစ်ကြိမ်တိုင် တာဝန်ထမ်းဆောင်ပြီးနောက် ၂၀၀၆ ခုနှစ်စစ်အာဏာသိမ်းမှုမှာ ဖြုတ်ချခံခဲ့ရပြီး ၁၅ နှစ်ကြာ ပြည်ပထွက်ပြေးတိမ်းရှောင်ပြီးနောက် ထိုင်းနိုင်ငံသို့ပြန်လာချိန်မှာတော့ ထောင်ဒဏ်ချမှတ်ခံခဲ့ရပါတယ်။ သက်ဆင်ထိုင်းသို့ပြန်လာချိန်မှာ ဖြူထိုင်းပါတီဟာ စစ်တပ်လိုလားတဲ့ပါတီတွေနဲ့မဟာမိတ်ဖွဲ့ကာ အစိုးရပြန်ဖြစ်နေချိန်နဲ့ တိုက်ဆိုင်နေတာကြောင့် သူချမှတ်ခံရတဲ့ထောင်ဒဏ်ကို လျှော့ပေါ့ဖို့ သဘောတူညီချက်ရရှိခဲ့ကြောင်း ထင်ကြေးပေးမှုတွေ ကျယ်ကျယ်ပြန့်ပြန့်ထွက်ပေါ်ခဲ့ပါတယ်။ Ref:AFP Photo:AFP #voiceofmyanmar #VOM #ThaiEx-PMThaksin #appliesFor #Royalpardon