Day: September 27, 2023

မော်စကို၊ စက်တင်ဘာ-၂၇-၂၀၂၃ မျိုးဆက်(VOM) ရုရှားသမ္မတပူတင်ဟာ အောက်တိုဘာလမှာ ကာဂျစ္စတန်ကို သွားရောက်ပြီး ရုရှားရဲ့မဟာမိတ်ဖြစ်တဲ့ ဘီလာရုစ်သမ္မတနဲ့ တွေ့ဆုံဆွေးနွေးဖွယ်ရှိကြောင်း ရုရှားသမ္မတအိမ်တွေက ထုတ်ပြန်ပါတယ်။ ရုရှားသမ္မတပူတင်နဲ့ အောက်တိုဘာ ၁၅ ရက်မှာ တွေ့ဆုံမှာဖြစ်ကြောင်း ဘီလာရုစ်သမ္မတ လူကာရှန်ကိုက အစောပိုင်းမှာ ထုတ်ဖော်ပြောဆိုထားပါတယ်။ လွတ်လပ်သောနိုင်ငံများရဲ့ ဓနသဟာယအဖွဲ့(စီအိုင်အက်စ်)ခေါင်ဆောင်တွေဟာ ကာဂျစ္စတန်နိုင်ငံမှာ ထိပ်သီးဆွေးနွေးပွဲတရပ်ကို အောက်တိုဘာ ၁၃ ရက်မှာ ကျင်းပဖို့ စီစဉ်ထားပါတယ်။ အဲဒီအဖွဲ့ကို ဘီလာရုစ်နဲ့ ဗဟိုအာရှနိုင်ငံတွေအပါအဝင် ယခင်ဆိုဗီယက်သမ္မတနိုင်ငံများတွေနဲ့ ဖွဲ့စည်းထားပြီး ဆိုဗီယက်နိုင်ငံဟောင်းတွေရဲ့ စည်းလုံးညီညွတ်မှုကိုပြသဖို့ ပူတင်ဟာ ထိပ်သီးဆွေးနွေးပွဲသို့ တက်ရောက်ဖွယ်ရှိနေပါတယ်။ ရုရှားသမ္မတပူတင်ဟာ လာမယ့်လမှာ တရုတ်နိုင်ငံကိုလည်းသွားရောက်ဖို့စီစဉ်ထားပြီး တရုတ်သမ္မတ ရှီကျင်းပင်နှင့် တွေ့ဆုံဆွေးနွေးဖွယ်ရိှနေပါတယ်။ လက်ရှိမှာ ပူတင်ဟာ သံတမန်ရေးရာ လှုပ်ရှားမှုတွေကို အရှိန်မြှင့်ဖို့ ပြင်ဆင်နေခြင်းဖြစ်ကြောင်း စောင့်ကြည့်လေ့လာသူများက သုံးသပ်ပြောဆိုပါတယ်။ Ref: NHK Photo:Agencies #voiceofmyanmar #VOM #Putin…

ပြုံးယမ်း၊ စက်တင်ဘာ-၂၇-၂၀၂၃ မျိုးဆက်(VOM) ကိုရီးယားကျွန်းဆွယ်တဝိုက်မှာ ဖြစ်ပေါ်နေတဲ့ စစ်ရေးအခြေအနေတွေက နျူကလီးယားစစ်ပွဲဖြစ်ဖို့ အစွန်းနားသို့ တွန်းပို့နေကြောင်း မြောက်ကိုရီးယားသံအမတ်ကြီးက ကင်ဆောင်က သတိပေးပြောဆိုလိုက်ပါတယ်။ အမေရိကန်၊ ဂျပန်နဲ့တောင်ကိုရီးယားတို့ရဲ့ လုံခြုံရေးပူးပေါင်းဆောင်ရွက်မှုကို မြောက်ကိုရီးယားရဲ့ ကုလသမဂ္ဂသံအမတ်ကြီး ကင်ဆောင်က ရှုတ်ချလိုက်ပြီး ဒါဟာ နေတိုးအဖွဲ့နဲ့အလားသဏ္ဍန်တူတဲ့ စစ်ရေးမဟာမိတ်ဖွဲ့ခြင်းဖြစ်ကြောင်း ဝေဖန်ပြောဆိုပါတယ်။ အခုလို သုံးနိုင်ငံစစ်ရေးမဟာမိတ်ဖွဲ့ခြင်းဟာ အာရှနေတိုးအဖွ့ဲပုံစံဖွဲ့စည်းဖို့ ကာလရှည်ကြာရည်မှန်းချက်ကို လက်တွေ့အကောင်အထည်ဖော်ခြင်းဖြစ်ပြီး အရှေ့မြောက်အာရှမှာ စစ်အေးတိုက်ပွဲသစ်ကို ဖြစ်ပေါ်စေနိုင်ကြောင်း ကုလသမဂ္ဂအထွေထွေညီလာခံမိန့်ခွန်းမှာသူကပြောပါတယ်။ မြောက်ကိုရီးယားနဲ့ ရုရှားတို့အကြား စစ်ရေးပူးပေါင်းဆောင်ရွက်မှုကို ကုလသမဂ္ဂအထွေထွေညီလာခံမှာ တောင်ကိုရီးယားသမ္မတ ယွန်းဆွတ်ခ်ယိုးလ်က ရှုတ်ချပြောဆိုခဲ့တဲ့အပေါ် မြောက်ကိုရီးယားက အခုလိုက်တုံ့ပြန်တာဖြစ်ကြောင်း အကဲခတ်တွေကဆိုပါတယ်။ မြောက်ကိုရီးယားအနေနဲ့ ကိုယ့်ကိုကိုယ်ကာကွယ်မှုအရ နိုင်ငံရဲ့ ခုခံကာကွယ်နိုင်စွမ်းကို မြှင့်တင်ဖို့ အရှိန်မြှင့် လုပ်ဆောင်ရမှာဖြစ်ကြောင်း မြောက်ကိုရီးယားသံအမတ်ကြီး ကင်ဆောင်က ကုလသမဂ္ဂအထွေထွေညီလာခံမှာ ပြောဆိုပါတယ်။ Ref:NHK #voiceofmyanmar #VOM #N-Korea #NuclearWar #AsianNATO

Thid Day in History Voice of Myanmar အင်အားပြင်းတိုင်ဖွန်းမုန်တိုင်း ဗီရာသည် ဂျပန်နိုင်ငံ ဟွန်ရှူးကျွန်းကို တစ်နာရီမိုင် ၁၆၀ နှုန်းဖြင့် ၁၉၅၉ ခုနှစ် စက်တင်ဘာ ၂၇ ရက်တွင် ဝင်ရောက်တိုက်ခတ်မှုကြောင့် လူငါးထောင်နီးပါး သေဆုံးခဲ့သည်။ #voiceofmyanmar #VOM #ThisDayInHistory #September27th