Day: September 29, 2023

အစ္စလာမ္မာဘတ်၊ စက်တင်ဘာ-၂၉-၂၀၂၃ မျိုးဆက်(VOM) ပါကစ္စတန်နိုင်ငံမှာ စက်တင်ဘာ ၂၉ ရက်ကနေ့လယ်ပိုင်းကဖြစ်ပွားခဲ့တဲ့ ပေါက်ကွဲမှုကြောင့် လူ ၅၀ ထက်မနည်းသေဆုံးသွားကြောင်း တာဝန်ရှိသူတွေကပြောပါတယ်။ တမန်တော်မိုဟာမက် မွေးနေ့အထိမ်းအမှတ်အဖြစ် နိုင်ငံအနောက်တောင်ပိုင်း ဘာလိုချင်စတန်ုပြည်နယ် ဗလီတခုအနီးမှာ လူတွေစုဝေးနေစဉ် ပေါက်ကွဲမှုဖြစ်ပွားခဲ့တာဖြစ်ကြောင်း သိရပါတယ်။ ဒါဟာ ဘာသာရေးအရစုဝေးပွဲကို ပစ်မှတ်ထားပြီး အသေခံဗုံးခွဲတိုက်ခိုက်မှုဖြစ်ကြောင်း ရဲတပ်ဖွဲ့က သံသယရှိနေပြီး တာဝန်ရှိသူတွေက ပြည်နယ်အရေးပေါ်အခြေအနေကြေညာထားပါတယ်။ မတ်စ်တန်မြို့မှာဖြစ်ပွားခဲ့တဲ့ အဲဒီပေါက်ကွဲမှုကြောင့်ဒဏ်ရာရသူဒါဇင်များစွာကို ဆေးရုံပို့ထားကြောင်း ရဲတပ်ဖွဲ့ကဆိုပါတယ်။ ဒီတိုက်ခိုက်မှုဟာ အလွန်ရက်စက်ကြမ်းကြုပ်တဲ့လုပ်ရပ်လို့ ပါကစ္စတန်ပြည်ထဲရေးဝန်ကြီး ဆာဖရက်ဇ်ဘတ်တီက ရှုတ်ချပြောဆိုပါတယ်။ လက်ရှိမှာတော့ ပေါက်ကွဲမှုကြောင့် လူ ၅၀ ကျော်ဒဏ်ရာရရှိခဲ့ပြီး အဲဒီတိုက်ခိုက်မှုကို ကြိုးကိုင်လုပ်ဆောင်ခဲ့ကြောင်း လက်ရှိအချိန်ထိ ဘယ်အဖွဲ့အစည်းကမှ ထုတ်ပြန်ပြောဆိုခြင်းမရှိသေးပါဘူး။ Ref:BBC #voiceofmyanmar #VOM #Pakistan #50killed #dozensInjured #MastungBlast

မော်စကို၊ စက်တင်ဘာ-၂၉-၂၀၂၃ မျိုးဆက်(VOM) ရုရှားသမ္မတ ပူတင်ဟာ ဝဂ္ဂနာကြေးစားအဖွဲ့ရဲ့ ထိပ်တန်းတပ်မှူးဟောင်းတယောက်နဲ့တွေ့ဆုံဆွေးနွေးခဲ့ကြောင်း ကရင်မလင်နန်းတော်က ထုတ်ပြန်ပါတယ်။ အန်ဒရေထရိုရှက်ဗ်ဟာ ပြီးခဲ့တဲ့ သြဂုတ်လအတွင်းက လေယာဉ်ပျက်ကျသေဆုံးသွားတဲ့ ဝဂ္ဂနာခေါင်းဆောင် ပရီဂိုဇင်ရဲ့လက်ထောက်ဟောင်းတယောက်လည်းဖြစ်ပါတယ်။ ယူကရိန်းရှိ စေတနာ့ဝန်ထမ်းတိုက်လေယာဉ်အဖွဲ့ကို ကြီးကြပ်တာဝန်ယူပေးဖို့ ရုရှားသမ္မတပူတင်က မစ္စတာထရိုရှက်ဗ်ကို တောင်းဆိုခဲ့ကြောင်း ကရင်မလင်ကဆိုပါတယ်။ မစ္စတာထရိုရှက်ဗ်ဟာ လက်ရှိမှာတော့ ရုရှားကာကွယ်ရေးဝန်ကြီးဌာနအတွက် အလုပ်လုပ်ပေးနေကြောင်း ကရင်မလင်ပြောရေးဆိုခွင့်ရှိသူ ဒီမီထရီပက်စ်ကော့ဗ်က ဆိုပါတယ်။ အန်ဒရေထရိုရှက်ဗ်ဟာ အာဖဂန်နဲ့ ချေချင်းညာစစ်မြေပြင်တွေမှာ လေးစားဖွယ်အောင်မြင်မှုတွေရယူနိုင်ခဲ့တဲ့ စစ်ပြန်တယောက်လည်းဖြစ်ပါတယ်။ ၂၀၁၅ နဲ့ ၂၀၁၆ ခုနှစ်အတွင်း ဝဂ္ဂနာတပ်မှူးအဖြစ် ဆီးရီးယားအစိုးရတပ်တွေကို ပံ့ပိုးပေးနိုင်ခဲ့တဲ့အတွက် သူရဲကောင်းဆုချီးမြှင့်ခြင်းခံခဲ့ရပါတယ်။ ဝဂ္ဂနာအပါအဝင် အခြားသော ရုရှားစစ်ဘက်ဆိုင်ရာ ပုဂ္ဂိကအဖွဲ့တွေက တပ်ဖွဲ့ဝင်တွေအနေနဲ့ ရုရှားနိုင်ငံကို သစ္စာခံကြဖို့ သမ္မတပူတင်က ပြီးခဲ့တဲ့လမှာ တိုက်တွန်းခဲ့ပါတယ်။ Ref:BBC Photo:Reuters #voiceofmyanmar #VOM #Putin #meets #formerWagnerCommander #Andrei…

ဝါရှင်တန်၊ စက်တင်ဘာ-၂၉-၂၀၂၃ မျိုးဆက်(VOM) တရုတ်အခြေစိုက် ဟတ်ကာအဖွဲ့ရဲ့ ဆိုက်ဘာတိုက်ခိုက်မှုကြောင့် အီးမေးလ် ခြောက်သောင်းကျော် ခိုးယူခံခဲ့ရကြောင်း အမေရိကန်နိုင်ငံခြားရေးဝန်ကြီးဌာနက ထုတ်ပြန်ပါတယ်။ ဒါပေမယ့်လည်း ကန့်သတ်ထားတဲ့ အီးမေးလ်နဲ့ကွန်ရက်စနစ်တွေကိုတော့ ဟတ်ကာတွေက ထိုးဖောက်ဝင်ရောက်နိုင်ခဲ့ခြင်းမရှိကြောင်း အမေရိကန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မက်သရူးမီလာက သတင်းစာရှင်းလင်းပွဲမှာပြောပါတယ်။ တရုတ်အခြေစိုက်ဟတ်ကာအဖွဲ့ဟာ အမေရိကန်အစိုးရအေဂျင်စီတွေနဲ့ချိတ်ဆက်ထားတဲ့ အဖွဲ့အစည်း ၂၅ ခုနဲ့ချိတ်ဆက်ထားတဲ့ အီးမေးလ်အကောင့်တွေကို ဖောက်ထွင်းခိုးယူခဲ့ကြောင်း မိုက်ခရိုဆော့ဖ်ကုမ္ပဏီက ဇူလိုင်လအတွင်းက ကြေညာခဲ့ပါတယ်။ အမေရိကန်နိုင်ငံခြားရေးဝန်ကြီးဌာနကလည်း အဲဒီဆိုက်ဘာတိုက်ခိုက်မှုကို အတည်ပြုထားပြီး ဖောက်ထွင်းခံရတဲ့အထဲမှာ အမေရိကန်နိုင်ငံခြားရေးဝန်ကြီးဌာနရဲ့ အီးမေးလ်အကောင့် ၁၀ ခုပါဝင်တယ်လို့ဆိုပါတယ်။ အဲဒီထဲက ကိုးခုဟာ အရှေ့အာရှနဲ့ ပစိဖိတ်ရေးရာဆိုင်ရာ တာဝန်ရှိသူတွေရဲ့ အီးမေးလ်တွေဖြစ်တယ်လို့ ဆိုပါတယ်။ မိုက်ခရိုဆော့ဖ်က လူသိရှင်ကြားထုတ်ပြန်လိုက်တဲ့ ရည်ညွှန်းချက်ကို မိမိတို့သံသယဖြစ်ဖွယ်မလိုကြောင်း ဒီတိုက်ခိုက်မှုရဲ့နောက်ကွယ်မှာ ဘယ်သူရှိလဲဆိုတဲ့ သတင်းထောက်ရဲ့မေးမြန်းမှုကို နိုင်ငံခြားရေးဝန်ကြီးဌာနက ပြောရေးဆိုခွင့်ရှိသူက ပြန်လည်ဖြေကြားခဲ့ပါတယ်။ Ref:NHK #voiceofmyanmar #VOM #US #StateDepartment…

This Day in History Voice of Myanmar ကျူးဘားသမ္မတ သောမက်စ်အက်စ်ထရာဒါပါမာ၏ အစိုးရပြိုလဲပြီးနောက် ပဋိပက္ခများကို တားဆီးရေးနှင့် တရားဝင်အစိုးရသစ်တရပ်ဖွဲ့စည်းရေးအတွက် လွတ်လပ်သောရွေးကောက်ပွဲများ ကျင်းပနိုင်ရန် အမေရိကန်သမ္မတ ရုစဗဲ့က ၁၉၀၆ ခုနှစ် စက်တင်ဘာ ၂၉ ရက်တွင် ကျူးဘားသို့ အမေရိကန်တပ်ဖွဲ့ဝင်များ စေလွှတ်ခဲ့သည်။ #voiceofmyanmar #VOM #ThisDayInHistory #September29th