Month: September 2023

ဝါရှင်တန်၊ စက်တင်ဘာ-၂၈-၂၀၂၃ မျိုးဆက်(VOM) တောင်ကိုရီးယားကနေ မြောက်ကိုရီးယားနိုင်ငံထဲကို ထွက်ပြေးခဲ့တဲ့ အမေရိကန်စစ်သား ထရာဗစ်ကင်းကို မြောက်ကိုရီးယားက ပြန်လွှတ်ပေးခဲ့ကြောင်း အမေရိကန်တာဝန်ရှိသူတွေက အတည်ပြုပြောဆိုပါတယ်။ အမေရိကန်က စစ်သုံ့ပန်းအဖြစ်သတ်မှတ်ခြင်းမရှိခဲ့တဲ့ ထရာဗစ်ကင်းကို အမေရိကန်သို့မပို့ဆောင်မီ တရုတ်နိုင်ငံရှိ အမေရိကန်ထိန်းသိမ်းရေးစခန်းကို လွှဲပြောင်းပေးခဲ့ကြောင်း တာဝန်ရှိသူတွေက ဆိုပါတယ်။ အမေရိကန်စစ်တပ်မှာ ကင်းထောက်ကျွမ်းကျင်သူဖြစ်တဲ့ အသက် ၂၃ နှစ်အရွယ် ထရာဗစ်ကင်းဟာ ဇုူလိုင်လအတွင်း မြောက်ကိုရီးယားနိုင်ငံထဲကို တရားမဝင်ဖြတ်ကျော်ဝင်ရောက်သွားခဲ့တာဖြစ်ပါတယ်။ အမေရိကန်စစ်တပ်အတွင်း လူမဆန်စွာပြုမူဆက်ဆံမှုနဲ့ လူမျိုးရေးခွဲခြားမှုတွေကြောင့် ထွက်ပြေးလာခဲ့ခြင်းဖြစ်ကြောင်း မြောက်ကိုရီးယား သတင်းဌာနတွေက ဖော်ပြထားပါတယ်။ သူဟာ ဒီနေ့ နေ့လယ်ပိုင်းမှာ အမေရိကန်ကို ရောက်ရှိပြီး မိသားစုနဲ့ တွေ့ဆုံနိုင်ဖွယ်ရှိပါတယ်။ လွတ်မြောက်လာမှုအတွက် မြောက်ကိုရီးယားနဲ့ အပေးအယူမရှိခဲ့ကြောင်း ၊တရုတ်နယ်စပ် ဒန်ဒေါင်းကနေ သူ့ကို လေယာဉ်နဲ့ တာင်ကိုရီးယားရှိ အမေရိကန်လေတပ်စခန်းကို ခေါ်ဆောင်သွားခဲ့ကြောင်း အမေရိကန်တာဝန်ရှိသူတွေက အတည်ပြုပြောဆိုထားပါတယ်။ Ref: BBC Photo:Yahoo #voiceofmyanmar…

This Day in History Voice of Myanmar အမေရိကန်တွင် ၁၉၁၈ ခုနှစ် စက်တင်ဘာ ၂၈ ရက်၌ စပိန်တုပ်ကွေး ကူးစက်မှု စတင်ခဲ့ပြီး အဆိုပါတုပ်ကွေးကြောင့် ကမ္ဘာတဝန်း လူပေါင်းသန်း ၃၀ ခန့်သေဆုံးခဲ့သည်။ #voiceofmyanmar #VOM #ThisDayInHistory #September28th

မျိုးဆက်(VOM) စက်တင်ဘာ-၂၈-၉-၂၀၂၃ ကနေဒါနိုင်ငံသား ဆစ်ခ်ခေါင်းဆောင်တယောက်အသတ်ခံမှုရဲ့ နောက်ကွယ်မှာ အိန္ဒိယနိုင်ငံ ပါဝင်ပတ်နေကြောင်း ကနေဒါအစိုးရက စွပ်စွဲပြောဆိုပြီးနောက် အိန္ဒိယနဲ့ ကနေဒါနိုင်ငံတို့အကြား တင်းမာမှုတွေ မြင့်တက်နေပါတယ်။ ဟာဒိပ်ဆင်းဂ်နစ်ဂျာဆိုသူဟာ ပြီးခဲ့တဲ့ဇွန်လအတွင်းက ကနေဒါနိုင်ငံ ဗြိတိန်သျှကိုလံဘီယာပြည်နယ်ရှိ ဘုရားကျောင်းပြင်ပမှာ သေနတ်သမားနှစ်ယောက်က ပစ်သတ်တာကို ခံခဲ့ရတာဖြစ်ပါတယ်။ အသတ်ခံခဲ့ရတဲ့ ဟာဒိပ်ဆင်းဂ်နစ်ဂျာဟာ ဆစ်ခ်အများစုနေထိုင်တဲ့ အိန္ဒိယနိုင်ငံပန်ဂျပ်ပြည်နယ်မှာ ဆစ်ခ်နယ်မြေရရှိရေးကို ထောက်ခံသူတယောက်ဖြစ်ပြီး ခွဲထွက်ရေးအတွက် ခါလစ်စတန်လို့ခေါ်တဲ့ လှုပ်ရှားမှုဟာ ၁၉၈၀ ပြည့်နှစ်တွေအတွင်း အထွတ်အထိပ်ဖြစ်ခဲ့ပါတယ်။ အိန္ဒိယနိုင်ငံမှာ ဆစ်ခ်တွေဟာ ဘာသာရေးလူနည်းစုဖြစ်ပြီး လူဦးရေရဲ့ ၂ ရာခိုင်နှုန်းသာရှိကာ နယ်မြေရရှိရေး ခါလစ်စတန်လှုပ်ရှားမှုကြောင်း ဆစ်ခ်ထောင်ပေါင်းများစွာ သေဆုံးခဲ့ပါတယ်။ ဒီလှုပ်ရှားမှုတွေကို အိန္ဒိယအစိုးရအင်အားသုံးဖြိုခွင်းပြီးနောက် လှုပ်ရှားမှုနဲ့ဆက်နွယ်နေတဲ့ အဖွဲ့အစည်းတွေနဲ့ ခွဲထွက်ရေးလှုပ်ရှားသူတွေကို အကြမ်းဖက်သမားတွေအဖြစ် ၂၀၂၀ ခုနှစ်မှာ သတ်မှတ်ခဲ့ပါတယ်။ ဒါပေမယ့်လည်း ကနေဒါ၊ သြစတြေးလျနဲ့ ဗြိတိန်နဲ့ အခြားနိုင်ငံတွေကိုရောက်ရှိသွားတဲ့ ဆစ်ခ်တွေ အကြားမှာတော့ ခါလစ်စတန်လှုပ်ရှားမှုက…