Day: October 14, 2023

တဲလ်အဗစ်၊ အောက်တိုဘာ-၁၄-၂၀၂၃ မျိုးဆက်(VOM) လက်ဘနွန်တောင်ပိုင်းရှိ ဟဇ်ဘိုလာစစ်သွေးကြွပစ်မှတ်တွေကို အစ္စရေးက ဒုံးကျည်တွေနဲ့ တိုက်ခိုက်မှုအတွင်း ရိုက်တာသတင်းဌာနမှ ရုပ်သံသတင်းထာက်တယောက်သေဆုံးပြီး အခြားသတင်းထောက်ခြောက်ယောက် လည်း ထိခိုက်ဒဏ်ရာရရှိသွားကြောင်း မျက်မြင်သက်သေသတင်းသမားတွေက ပြောပါတယ်။ အယ်လ်ဂျားဇီးယား၊ ရိုက်တာနဲ့ အေအက်ဖ်ပီသတင်းဌာနတို့မှ သတင်းထောက်တွေအပါအဝင် သတင်းသမားအဖွဲ့ဟာ အစ္စရေးနယ်စပ်အနီး အယ်လ်မာအယ်လ်ရှာဘ်အနီးမှာ သတင်းရယူနေခြင်းဖြစ်ပြီး ဟဇ်ဘိုဘာနဲ့ အစ္စရေးစစ်တပ်တို့ အပြန်အလှန်တိုက်ပွဲတွေဖြစ်ပွားချိန်မှာ ထိခိုက်ခဲ့တာဖြစ်ပါတယ်။ အဲဒီဖြစ်စဉ်နဲ့ပတ်သက်ပြီး လက်ဘနွန်ဝန်ကြီးချုပ် နာဂျစ်မီကာတီက ဟဇ်ဘိုလာဘက်က အစ္စရေးကို ပြစ်တင်ပြောဆိုထားပါတယ်။ အစ္စရေးဘက်ကတော့ မှတ်ချက်တစုံတရာ တုံ့ပြန်ခြင်းမရှိသေးပါဘူး။ ရိုက်တာရုပ်သံသတင်းထောက် Issam Abdallah ဟာ ရုပ်သံတိုက်ရိုက်ထုတ်လွှင့်မှုအတွက် ရိုက်ကူးနေချိန်မှာ လက်နက်ကြီးကျရောက်ပေါက်ကွဲပြီး သေဆုံးခဲ့တာဖြစ်ကြောင်း ၊ သေဆုံးမှုအတွက် လွန်စွာဝမ်းနည်းမိကြောင်း ရိုက်တာသတင်းဌာနက ထုတ်ပြန်ထားပါတယ်။ အခြားရိုက်တာသတင်းထောက်တွေဖြစ်ကြတဲ့ Thaer Al-Sudani နဲ့ Maher Nazeh ၊ အေအက်ဖ်ပီသတင်းထောက်နှစ်ဦးအပါအဝင် ခြောက်ယောက်ဒဏ်ရာရရှိခဲ့ကြောင်း သိရပါတယ်။ Ref:…

ပေကျင်း၊ အောက်တိုဘာ-၁၄-၂၀၂၃ မျိုးဆက်(VOM) တရုတ်ကာကွယ်ရေးဝန်ကြီး လီရှန်ဖူဟာ များမကြာခင် ရာထူးကနေ တရားဝင်ထုတ်ပယ်ခံရဖွယ်ရှိကြောင်း သတင်းတွေထွက်ပေါ်နေပြီး သူဟာ လူမြင်ကွင်းကနေ သီတင်းခြောက်ပတ်ကြာ ပျောက်ဆုံးနေတာဖြစ်ပါတယ်။ ဥပဒေကြမ်းတွေကို ပြန်လည်သုံးသပ်ဖို့အတွက် တရုတ်အမျိုးသားပြည်သူ့ကွန် အမြဲတမ်းကော်မတီအစည်း အဝေးကို အောက်တိုဘာ ၂၀ ရက်ကနေ ၂၄ ရက်ထိ ပြုလုပ်သွားမှာဖြစ်ကြောင်း တရုတ်နိုင်ငံပိုင် ဆင်ဟွာသတင်းဌာနက ဖော်ပြထားပါတယ်။ ကော်တီကို တင်သွင်းမယ့်အထဲမှာ ဝန်ထမ်းခန့်ထားခြင်းနဲ့ ရာထူးကနေ ဖယ်ရှားခြင်းတို့ ပါဝင်တယို့ ဆိုပါတယ်။ တရုတ်ကာကွယ်ရေးဝန်ကြီး လီရှန်ဖူကို လွန်ခဲ့တဲ့ သြဂုတ် ၂၉ ရက်က လူမြင်ကွင်းမှာ နောက်ဆုံးတွေ့ဆုံခဲ့ပြီး သူဟာ အကျင့်ပျက်ချစားမှု စွပ်စွဲချက်တွေနဲ့ စုံစမ်းစစ်ဆေးခံနေရကြောင်း ဟောင်ကောင်နဲ့ အမေရိကန်အခြေစိုက် သတင်းဌာနတွေကရေးသားဖော်ပြထားပါတယ်။ သူ့ရဲ့နေရာမှာ ဗဟိုစစ်ကော်မရှင်အဖွဲ့ဝင်နဲ့ ပူးတွဲစစ်ဦးစီးချုပ်ဖြစ်သူ ဗိုလ်ချုပ်လူကျန်လီကို ခန့်အပ်သွားဖွယ်ရှိကြောင်း သတင်းရင်းမြစ်တွေကို ကိုးကားပြီး ရိုက်တာသတင်းဌာနက ဖော်ပြထားပါတယ်။ ဇူလိုင်လက အမြဲတမ်းကော်မတီအစည်းအဝေးကျင်းပခဲ့ရာမှာတော့…

ဝါရှင်တန်၊ အောက်တိုဘာ-၁၄-၂၀၂၃ မျိုးဆက်(VOM) ယူကရိန်းစစ်မြေပြင်မှာ ရုရှားအသုံးပြုဖို့အတွက် စက်လက်နက်ပစ္စည်းအမြောက်အမြားကို မြောက်ကိုရီးယားက ထောက်ပံ့ပေးခဲ့ကြောင်း အမေရိကန်တာဝန်ရှိသူတွေက အောက်တိုဘာ ၁၂ ရက်မှာ ထိပ်မံစွပ်စွဲပြောဆိုလိုက်ပါတယ်။ မကြာသေးမီရက်သတ္တပတ်တွေအတွင်း မြောက်ကိုရီးယားဟာ ရုရှားအတွက် စစ်လက်နက်ပစ္စည်း ကုန်သေတ္တာအလုံးရေ ၁၀၀၀ ကျော်ထိထောက်ပံ့ခဲ့ပြီးဖြစ်ကြောင်း အမေရိကန်အမျိုးသားလုံခြုံရေး ကောင်စီပြောရေးဆိုခွင့်ရှိသူ ဂျွန်ခရီဘီက ပြောပါတယ်။ မြောက်ကိုရီးယားနိုင်ငံ နာဂျင်ဆိပ်ကမ်းမှာ သယ်ယူပို့ဆောင်ရေးအတွက် ကွန်တိန်နာအလုံး ၃၀၀ ပါဝင်တဲ့ ဓါတ်ပုံတွေကိုလည်း အမေရိကန်တာဝန်ရှိသူတွေက ထုတ်ပြန်ခဲ့ပါတယ်။ ပေးပို့မှုတွေကို စက်တင်ဘာ ၇ ရက်ကနေ အောက်တိုဘာ ၁ ရက်အတွင်းပြုလုပ်ခဲ့ပြီး ယူကရိန်းနယ်စပ်ကနေ မိုင် ၁၈၀ အကွာ ရုရှားအနောက်တောင်ပိုင်းရှိ ထောက်ပံ့ရေးဌာနသို့ ရေကြောင်း၊ ရထားတို့နဲ့ ပို့ဆောင်ခဲ့တယ်လို့ အမေရိကန်ကပြောဆိုပါတယ်။ မြောက်ကိုရီးယားခေါင်းဆောင် ကင်ဂျုံအန်ဟာ အလားအလာရှိတဲ့ စစ်ရေးပူးပေါင်းဆောင်ရွက်မှုတွေကို ဆွေးနွေးဖို့ ရုရှားနိုင်ငံကို လွန်ခဲ့တဲ့လက သွားရောက်ခဲ့ပြီး သမ္မတပူတင်နဲ့ ဆွေးနွေးခဲ့ပါတယ်။…