Day: November 22, 2023

  နိုဝင်ဘာ ၊ ၂၂ ၊ ၂၀၂၃ SP ( VOM) ရှမ်းပြည်နယ် မြောက်ပိုင်း ၊ ကိုးကန့်ဒေသ ၊ လောက်ကိုင်မြို့ ၊ တုံချိန်းအထွက်နားမှာ ဒီကနေ့ မနက်ပိုင်းက ခရီးသည်တင်ကားတစီး လက်နက်ကြီးကျည် ထိမှန်ပေါက်ကွဲတာကြောင့် ကားပေါ်မှာလိုက်ပါလာတဲ့ ခရီးသည်တွေ သေဆုံး ၊ ဒဏ်ရာရတာတွေ ဖြစ်ခဲ့တယ်လို့ လောက်ကိုင် လူမှုကူညီရေး အဖွဲ့တွေဆီက သိရပါတယ်။ ” ကားပေါ်မှာလိုက်ပါလာတဲ့ ခရီးသည်တွေဟာ လောက်ကိုင်မြို့ကနေ ထွက်ပြေးတိမ်းရှောင်ဖို့နဲ့ နေရပ်တွေပြန်ကြဖို့ ခရီးသည်တွေဖြစ်တယ် ၊အဲ့ဒီကားဟာ လောက်ကိုင်မြို့ကနေအထွက် လက်နက် ကြီးပေါက်ကွဲသံတွေကြားရလို့ လမ်းခုလပ်ကနေ နောက်ကြောင်းပြန်ပြီး လောက်ကိုင်မြို့ထဲ ပြန်ဝင်အလာ တုံချိန် အထွက်နားက ဖရဲသီးဆိုင်ဘေးမှာ ရောက်တော့ လက်နက်ကြီးကျည် ( ရှော့တိုက်ဒုံး လို့ယူဆရ) ကျရောက်ပြီး အဲ့ဒီကားကို တည့်တည့်မှန်လို့ ပေါက်ကွဲတယ် ၊…

  ဝါရှင်တန်၊ နိုဝင်ဘာ-၂၂-၂၀၂၃ မျိုးဆက်(VOM) အီရတ်ရှိ အီရန်ကျောထောက်နောက်ခံပြုထားတဲ့ စစ်သွေးကြွတွေကို ဆက်တိုက်တိုက်ခိုက်မှုနှစ်ကြိမ်ပြုလုပ်ခဲ့ကြောင်း အမေရိကန်တာဝန်ရှိသူတွေက ထုတ်ဖော်ပြောဆိုလိုက်ပါတယ်။ မကြာသေးမီက အီရတ်ရှိ အမေရိကန်တပ်ဖွဲ့ဝင်တွေကို တိုက်ခိုက်မှုဒါဇင်များစွာပြုလုပ်ခဲ့တဲ့အပေါ် လက်တုံ့ပြန်မှုဖြစ်ပြီး သိမ်မွေ့တဲ့နိုင်ငံရေးအခြေအနေတွေကြောင့် ဒီလိုတိုက်ခိုက်ဖို့ကို လက်တုံ့ပြန်ဖို့ ယခုသီတင်းပတ်ထိ အမေရိကန်က တွန့်ဆုတ်နေခဲ့တာဖြစ်ပါတယ်။ နိုဝင်ဘာ ၂၁ ရက်ညပိုင်းက တိုက်ခိုက်မှုမှာတော့ အီရတ်ရှိ အဆောက်အအုံနှစ်ခုကို ပစ်မှတ်ထားတိုက်ခိုက်ခဲ့တယ်လို့ အမေရိကန်စစ်တပ်က ဆိုပါတယ်။ ဘဂ္ဂဒက်မြို့တောင်ဘက် အယ်လ်အန်ဘာနဲ့ ဂျပ်ဖ်ဆက်အနီးရှိ ကာတေဘ်ဟဇ်ဘိုလာ စစ်ဆင်ရေးဌာနနဲ့ ထိန်းချုပ်ရေးစခန်းတခုတို့ကို တိုက်ခိုက်ဖျက်ဆီးနိုင်ခဲ့ကြောင်း အမည်မဖော်လိုတဲ့ အမေရိကန်တာဝန်ရှိသူတယောက်ကပြောပါတယ်။ အီရတ်ရှိ ကာတေဘ်ဟဇ်ဘိုလာစစ်သွေးကြွအဖွဲ့ဟာ အီရန်နဲ့ နီးကပ်တဲ့ဆက်ဆံရေးရှိတဲ့ အင်အားကြီးလက်နက်ကိုင်အဖွဲ့ဖြစ်ပြီး တိုက်ခိုက်မှုအတွင်း အသေပျောက်ကိုတော့ အမေရိကန်က ထုတ်ပြန်ခြင်းမရှိသေးပါဘူး။ အဲဒီမတိုင်ခင် ၂၄ နာရီခန့်က ဘဂ္ဂဒက်အနောက်ပိုင်းရှိ အမေရိကန်လေတပ်အခြေစိုက်စခန်းက တပ်ဖွဲ့ဝင်တွေ တိုက်ခိုက်ခံခဲ့ရပြီး အမေရိကန်ရဲ့ အေစီ-၁၃၀ စစ်လေယာဉ်က တုံ့ပြန်တိုက်ခိုက်ခဲ့တာကြောင့် စစ်သွေးကြွတွေ…

  နိုဝင်ဘာ ၂၂ ၊ ၂၀၂၃ SP (VOM) စစ်ကိုင်းတိုင်း ၊ မော်လိုက်ခရိုင် ၊ ဖောင်းပြင်မြို့နယ်နဲ့ ဟုမ္မလင်းခရိုင် ၊ ဟုမ္မလင်းမြို့နယ်ကြားမှာ မနေ့ကစလို့ ဒီကနေ့အထိ ထိတွေ့တိုက်ပွဲတွေဖြစ်နေနာကြောင့် ချင်းတွင်းမြစ်ကြောင်းက ရေလမ်းနဲ့ မုံရွာ ဟုမ္မလင်း ခန္တီး ကုန်းလမ်းတွေကို မနေ့ကစပြီး ပိတ်ထားတယ်လို့ မုံရွာမှာရှိတဲ့ ကုန်စည်ပို့ဆောင်ရေး လုပ်ငန်းရှင်တွေဆီက သိရပါတယ်။ ” မနေ့က ဖောင်းပြင်မြို့နယ် ၊ လွင်ကြီး ( ပြည်သူ့စစ်)ကျေးရွာကို ဒေသတွင်း လက်နက်ကိုင်အဖွဲ့တွေက ဝင်တိုက်တယ် ၊ လွင်ကြီးရွာဆိုတာ မုံရွာ ၊ ဖောင်းပြင် ၊ ဟုမ္မလင်း ကားလမ်းနဲ့ ကောလင်း ၊ ပင်လည်ဘူး ၊ ဖောင်းပြင် ၊ ဟုမ္မလင်း ကားလမ်း ဆုံတဲ့ နေရာဖြစ်တယ် ၊ လမ်းပန်းဆက်သွယ်ရေးအတွက်…

  Voice of Myanmar -ကမ္ဘာ့ရွှေဈေး တအောင်စ ၁၉၉၆ ဒေါ်လာ -အခေါက်ရွှေ တကျပ်သား (ပြင်ပဈေးကွက်) ရောင်းဈေး ၃၆၂၀၀၀၀ ကျပ် ဝယ်ဈေး ၃၅၇၀၀၀၀ ကျပ် -၁၅ ပဲရည် တကျပ်သား ရောင်းဈေး ၃၄၂၀၀၀၀ ကျပ် ဝယ်ဈေး ၃၃၇၀၀၀၀ ကျပ် “လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။” ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။  

  နိုဝင်ဘာ ၊ ၂၂ ၊ ၂၀၂၃ SP (VOM) စစ်ကိုင်းတိုင်း ၊ ရွှေဘိုခရိုင် ၊ ဝက်လက်မြို့နယ် ၊ ရွှေပန်းကုံးစံပြကျေးရွာမှာရှိတဲ့ ရွှေပန်းကုံးနယ်မြေရဲစခန်းဟာ မနေ့ နိုဝင်ဘာ ၂၁ ရက် မနက်အစောပိုင်း ၂ နာရီဝန်းကျင်က ဒေသတွင်း လက်နက်ကိုင်အဖွဲ့တွေက တိုက်ခိုက်ခဲ့ပြီး နှစ်ဘက် ထိခိုက်သေဆုံးတာတွေရှိတယ်လို့ ဒေသခံတွေဆီက သိရပါတယ်။ ” ရွှေပန်းကုံးရဲစခန်းကို မနေ့က မနက်အစောကြီး တိုက်ခိုက်ခံရတယ် ၊ တိုက်ခိုက်ချိန် ၃ နာရီလောက်ကြာမယ်ထင်တယ် ၊ နှစ်ဘက်ထိခိုက်သေဆုံးတာတွေရှိတယ် ၊ ရွှေပန်းကုံးရွာခံတွေနဲ့ အနားက ရွာခံတွေက ထွက်ပြေးတိမ်းရှောင်နေတာ လနဲ့ချီပြီကြာပြီ ၊ အဲ့ဒါကြောင့် ထိခိုက်သေဆုံးသူ အရေအတွက် မသိရသေးဘူး ” လို့ ရွှေပန်းကုံး ဒေသခံတယောက်က ပြောပါတယ်။ ရွှေပန်းကုံးတိုက်ပွဲ ဖြစ်စဥ်နဲ့ ပတ်သက်လို့…