Month: December 2023

  ဘန်ကောက်၊ ဒီဇင်ဘာ-၂၈-၂၀၂၃ မျိုးဆက်(VOM) ထိုင်းနိုင်ငံမှာ ကိုဗစ်-၁၉ ရောဂါ အိုမီခရွန်ဗိုင်းရပ်စ် မျိုးကွဲဖြစ်တဲ့ JN.1 ကူးစက်ခံရသူတယောက်ကို ဘန်ကောက်မှာ စစ်ဆေးတွေ့ရှိခဲ့တယ်လို့ ထိုင်းကျန်းမာရေးတာဝန်ရှိသူတွေက ပြောပါတယ်။ အိုမီခရွန်ဗိုင်းရပ်စ်ရဲ့ မျိုးကွဲတခုဖြစ်တဲ့ JN.1 ဟာ ဆဲလ်တွေကို ပိုမိုကူးစက်လွယ်ပြီး ကိုယ်ခံအားစနစ်ကို ရှောင်လွှဲနိုင်တယ်လို့ မဟီဒေါတက္ကသိုလ် ဆေးဘက်ဆိုင်ရာ ဌာနက သတိပေးထားပါတယ်။ ဒီဗိုင်းရပ်စ်မျိုးကွဲကူးစက်မှုတွေကြောင့် သက်ကြီးရွယ်အိုတွေအပါအဝင် ကျန်းမာရေးအခံရှိသူတွေအနေနဲ့ ကာကွယ်ဆေးထိုးနှံကြဖို့ ကမ္ဘာ့ကျန်းမာရေးအဖွဲ့၊ အမေရိကန်၊ ဗြိတိန်တို့က ဆေးဘက်ဆိုင်ရာ ကျွမ်းကျင်သူတွေက တိုက်တွန်းထားပါတယ်။ အဲဒီ အိုမီခရွန်ဗိုင်းရပ်စ်မျိုးကွဲဟာ လာမယ့်နှစ်အစောပိုင်းကစပြီး ထိုင်းနိုင်ငံမှာ ကူးစက်မှုအများဆုံး ဗိုင်းရပ်စ် ဖြစ်လာဖွယ်ရှိကြောင်း မဟီဒေါတက္ကသိုလ် ဆေးဘက်ဆိုင်ရာ ဌာနက သတိပေးထားပါတယ်။ ဒါပေမယ့်လည်း ဒီဗိုင်းရပ်စ်မျိုးကွဲဟာ ကူးစက်မှုမြန်ဆန်ပေမယ့် ပြင်းထန်ရောဂါလက္ခဏာ ပြသခြင်းမရှိဘူးလို့ ကျွမ်းကျင်သူတွေက ဆိုပါတယ်။ လက်ရှိမှာတော့ JN.1 ဗိုင်းရပ်စ်မျိုးကွဲကို ဒိန်းမတ်၊ အမေရိကန်၊…

  တဲလ်အဗစ်၊ ဒီဇင်ဘာ-၂၈-၂၀၂၃ မျိုးဆက်(VOM) ဟဇ်ဘိုလာတို့အနေနဲ့ တိုက်ခိုက်မှုတွေ ဆက်လက်လုပ်ဆောင်နေမယ်ဆိုရင် လက်ဘနွန်နယ်စပ်မှာရှိတဲ့ ဟဇ်ဘိုလာတွေကို တိုက်ထုတ်ဖို့ လုပ်ဆောင်သွားမှာဖြစ်ကြောင်း အစ္စရေးကာကွယ်ရေးဝန်ကြီး ဘန်နီဂန့်ဇ်က သတိပေးပြောဆိုလိုက်ပါတယ်။ အစ္စရေးမြောက်ပိုင်းကို ဟဇ်ဘိုလာစစ်သွေးကြွတွေက တိုက်ခိုက်နေတာကို ကမ္ဘာ့နဲ့ လက်ဘနွန်အစိုးရက ရပ်တန့်အောင်မလုပ်ဘူးဆိုရင် အစ္စရေးစစ်တပ်က ကြားဝင်တိုက်ခိုက်မယ်လို့ ကာကွယ်ရေးဝန်ကြီးက သတိပေးပြောဆိုပါတယ်။ အစ္စေရေးမြောက်ပိုင်းက အခြေအနေတွေကို ပြောင်းလဲဖို့ တိုက်တွန်းကြောင်းနဲ့ သံတမန်နည်းအရ ဖြေရှင်းဖို့ အချိန်ကုန်နေပြီလို့ ဘန်နီဂန့်စ်က သတင်းစာရှင်းလင်းပွဲမှာ ပြောပါတယ်။ အစ္စရေးကို အောက်တိုဘာ ၇ ရက်က ဟားမတ်စ်တွေရဲ့ တိုက်ခိုက်မှုပြီးနောက် လက်ဘနွန်အခြေစိုက် ဟဇ်ဘိုဘာအဖွဲ့နဲ့ အစ္စရေးစစ်တပ်တို့အကြား နယ်စပ်ဖြတ်ကျော် အပြန်အလှန်ပစ်ခတ်မှုတွေ ပိုမိုပြင်းထန်လာပါတယ်။ သံတမန်နည်းအရ ဖြေရှင်းဖို့အချိန်တွေ ကုန်သွားပြီဖြစ်ပြီး ကမ္ဘာကြီးနဲ့ လက်ဘနွန်အစိုးရက အစ္စရေးမြောက်ပိုင်း ဒေသခံတွေကို ပစ်ခတ်နေတာကို မတားဆီးနိုင်ရင် ဟဇ်ဘိုလာတွေကို နယ်စပ်မှမရှိအောင် တိုက်ထုတ်သွားမယ်လို့ အစ္စရေးကာကွယ်ရေးဝန်ကြီး ပြောဆိုပါတယ်။…

  ပြုံးယမ်း၊ ဒီဇင်ဘာ-၂၈-၂၀၂၃ မျိုးဆက်(VOM) မြောက်ကိုရီးယားရဲ့ နျူကလီးယားအစီအစဉ်အပါအဝင် စစ်ရေးပြင်ဆင်မှုတွေကို အရှိန်မြှင့်တင်ဖို့ အာဏာရပါတီကို ခေါင်းဆောင်ကင်ဂျုံအန်က တိုက်တွန်းခဲ့တယ်လို့ နိုင်ငံပိုင်သတင်းဌာနက ဒီဇင်ဘာ ၂၈ ရက်မှာ ထုတ်ပြန်ပါတယ်။ နျူကလီးယားခြိမ်းခြောက်မှုတွေကို နျူကလီးယားလက်နက်နဲ့ ပြန်တိုက်ခိုက်ဖို့ တွန့်ဆုတ်နေမှာမဟုတ်ကြောင်း ကင်ဂျုံအန်က သတိပေးပြီးနောက် တပတ်အကြာမှာ အခုလိုတိုက်တွန်းမှု ထွက်ပေါ်လာတာဖြစ်ပါတယ်။ လက်ရှိမှာတော့ ၂၀၂၄ ခုနှစ်အတွက် အဓိကမူဝါဒတွေချမှတ်မယ့် မြောက်ကိုရီးယားအာဏာရပါတီ အမြဲတမ်းကော်မတီ မျက်နှာစုံညီအစည်းအဝေး ကျင်းပလျှက်ရှိပြီး ကင်ဂျုံအန်လည်း တက်ရောက်နေပါတယ်။ နျူကလီးယားလက်နက်နဲ့ အရပ်ဘက်ကာကွယ်ရေးအပါအဝင် ကဏ္ဍတွေမှာ စစ်ပွဲအတွက် ပြင်ဆင်မှုတွေကို အရှိန်မြှင့်ဖို့ အစည်းအဝေးမှာ ကင်ဂျုံအန်က တိုက်တွန်းခဲ့တာဖြစ်ကြောင်း နိုင်ငံပိုင် ကေစီအင်န်အေ သတင်းဌာနက ဖော်ပြထားပါတယ်။ အမေရိကန်၊ တောင်ကိုရီးယားနဲ့ ဂျပန်နိုင်ငံတို့ဟာ ယခုနှစ်အတွင်း မြောက်ကိုရီးယားရဲ့ စံချိန်တင် ဒုံးကျည်ပစ်လွှတ်မှုတွေ ရင်ဆိုင်နေရချိန်မှာ ကာကွယ်ရေး ပူးပေါင်းဆောင်ရွက်မှုကို အရှိန်မြှင့်တင်နေပြီး မကြာသေးမီကလည်း…

  ဝါရှင်တန်၊ ဒီဇင်ဘာ-၂၈-၂၀၂၃ မျိုးဆက်(VOM) အမေရိကန်ဟာ ယူကရိန်းအတွက် နောက်ထပ်စစ်ရေးအကူအညီ ဒေါ်လာသန်း ၂၅၀ ပေးမယ်လို့ အိမ်ဖြူတော်က ထုတ်ပြန်လိုက်ပါတယ်။ နောက်ဆုံးပေးအပ်မယ့် ဒီစစ်ရေးအကူအညီမှာ လေကြောင်းရန်ကာကွယ်ရေးစနစ်တွေ၊ အမြောက်နဲ့ လက်နက်ငယ် ခဲယမ်းမီးကျောက်တွေ၊ တင့်ကားဖျက် လက်နက်တွေပါဝင်တယ်လို့ တာဝန်ရှိသူတွေက ပြောပါတယ်။ အနောက်နိုင်ငံတွေရဲ့ အကူအညီတွေ ထပ်မရခဲ့ဘူးဆိုရင် စစ်ပွဲအတွက် ကြိုးပမ်းနေမှု ယူကရိန်းပြည်သူ့ဘဏ္ဍာငွေတွေအတွက် အန္တရာယ်ရှိကြောင်း ယူကရိန်းက သတိပေးထားပါတယ်။ နိုင်ငံအရှေ့ပိုင်းမှာ ရပ်တန့်နေတဲ့ တန်ပြန်ထိုးစစ်နဲ့ ထိန်းချုပ်မှု အနည်းငယ်ပြောင်းလဲနေတဲ့ကြားမှာ ယူကရိန်းဟာ အမေရိကန်နဲ့ ဥရောပမဟာမိတ်တွေရဲ့ အကူအညီတွေ နှေးကွေးမယ့် အလားအလာနဲ့ ရင်ဆိုင်နေရပါတယ်။ ယူကရိန်းဟာ ဘတ်ဂျက်လိုငွေ ဒေါ်လာ ၄၃ ဘီလီယံထိရှိနေပြီး အနောက်အုပ်စုမဟာမိတ်နိုင်ငံတွေက နောက်ထပ်စစ်ရေးအကူအညီတွေ မပေးဘူးဆိုရင် အစိုးရဝန်ထမ်းတွေအတွက် လစာနဲ့ ပင်စင်တွေအတွက် နှောင့်နှေးဖွယ်ရှိတယ်လို့ ယူကရိန်းတာဝန်ရှိသူတွေက ပြောဆိုထားပါတယ်။ Ref:BBC Photo:Reuters