Day: February 6, 2024

  ဒက်ကာ၊ ဖေဖော်ဝါရီ-၆-၂၀၂၄ မျိုးဆက်(VOM) ဆီနီဂေါနိုင်ငံမှာ ကျင်းပဖို့စီစဉ်ထားတဲ့ ရွေးကောက်ပွဲကို သမ္မတက ရွှေ့ဆိုင်းလိုက်တဲ့ကိစ္စအပေါ် လွှတ်တော်ရှေ့မှာ ဆန္ဒပြသူတွေနဲ့ ရဲတွေအကြား အဓိကရုဏ်းတွေ ဖြစ်ပွားခဲ့ပါတယ်။ ရွေးကောက်ပွဲကျင်းပဖို့ သုံးပတ်အလိုမှာ ရွေးကောက်ပွဲကို ရွှေ့ဆိုင်းလိုက်ပြီးနောက်မှာ သမ္မတ မက်ကီဆေးလ်ရဲ့ ရာထူးသက်တမ်း တိုးဖို့နဲ့ ရွေးကောက်ပွဲရွေးကောက်ပွဲ ရွှေ့ဆိုင်းမှုကို လွှတ်တော်က အတည်ပြုခဲ့ပါတယ်။ အခုလို ရွေးကောက်ပွဲ ရွှေ့ဆိုင်းတာဟာ ဖွဲ့စည်းပုံအခြေခံဥပဒေအရ အာဏာသိမ်းတာဖြစ်ကြောင်း အတိုက်အခံခေါင်ဆောင်နဲ့ ဒက်ကာမြို့တော်ဝန်ဟောင်းဖြစ်သူ ခါလီဖာဆေးလ်က ဝေဖန်ထားပြီး ဒီကိစ္စအပေါ် ဆန့်ကျင်ကြဖို့ ပြည်သူတွေကို တိုက်တွန်းထားပါတယ်။ သူရဲ့ နိုင်ငံရေးညွှန့်ပေါင်းအဖွဲ့ဟာလည်း တရားရုံးချုပ်ကို သွားရောက်မှာဖြစ်ပါတယ်။ “ ဒါဟာ နိုင်ငံတော် သစ္စာဖောက်မှုကြီးဖြစ်ပြီး လွှတ်တော်ကိုယ်စားလှယ်တွေအနေနဲ့ သမိုင်းရဲ့ အမှန်တရားဘက်မှာ ရပ်တည်ကြပါ” လို့ သမ္မတလောင်း ကိုယ်စားလှယ်တယောက်ဖြစ်သူ သီယာနိုအယ်လ်စိန်းဆေးလ်က ပြောပါတယ်။ လွှတ်တော်ဟာ ရွေးကောက်ပွဲကို ခြောက်လရွှေ့ဆိုင်းဖို့ မူလက…

အစ္စလာမ္မာဘတ်၊ ဖေဖော်ဝါရီ-၆-၂၀၂၄ မျိုးဆက်(VOM) ပါကစ္စတန်ရဲစခန်းတခုကို စစ်သွေးကြွတွေရဲ့ တိုက်ခိုက်မှုအတွင်း ရဲတပ်ဖွဲ့ဝင် ၁၀ ယောက်ထက်မနည်း သေဆုံးသွားကြောင်း တာဝန်ရှိသူတွေက ပြောပါတယ်။ စစ်သွေးကြွ ၃၀ ကျော်ဟာ ဖေဖော်ဝါရီ ၅ ရက် နံနက်အစောပိုင်းက ရဲစခန်းကို ဝင်ရောက်တိုက်ခိုက်ခဲ့တာဖြစ်ပြီး နှစ်နာရီခွဲ ကျော်ကြာ တိုက်ခိုက်မှုအတွင်း အခြားလေးဦးလည်း ဒဏ်ရာရရှိခဲ့ကြောင်း ခိုင်ဘာပက်ခ်တွန်ဝါ ပြည်နယ်ရဲမှူးက အတည်ပြုပြောဆိုပါတယ်။ စစ်သွေးကြွတွေဟာ ရဲစခန်းကို စနိုက်ပါနဲ့ အရင်ပစ်ခဲ့ပြီးနောက် လက်ပစ်ဗုံးတွေနဲ့ တိုက်ခိုက်ခဲ့ပြီး မတူညီတဲ့ လမ်းကြောင်းသုံးခုကနေ တိုက်ခိုက်အပြီးမှာတော့ ရဲစခန်းကို ခေတ္တထိန်းချုပ်ထားခဲ့ကြောင်း ပြည်နယ်ရဲမှူးက ပြောပါတယ်။ တိုက်ခိုက်မှုနောက်ကွယ်မှာ ဘယ်အဖွဲ့ကကြိုးကိုင်လုပ်ဆောင်တာ သို့မဟုတ် လာမယ့် ဖေဖော်ဝါရီ ၈ ရက်မှာ ကျင်းပမယ့် ရွေးကောက်ပွဲနဲ့ ဆက်နွယ်မှုရှိမရှိ ရှင်းလင်းစွာ မသိရသေးပါဘူး။ လွှတ်တော်ကိုယ်စားလှယ်လောင်းတယောက်ဟာလည်း အဲဒီပြည်နယ်အတွင်းမှာ ပြီးခဲ့တဲ့ သီတင်းပတ်အတွင်းက ပစ်သတ်ခံရမှုအပါအဝင် မကြာသေးမီသီတင်းပတ်တွေအတွင်း…

  လန်ဒန်၊ ဖေဖော်ဝါရီ-၆-၂၀၂၄ မျိုးဆက်(VOM) ချားလ်စ်ဘုရင်မှာ ကင်ဆာရောဂါတမျိုး ဖြစ်ပွားနေတယ်လို့ ဘက်ကင်ဟမ်နန်းတော်က ဖေဖော်ဝါရီ ၅ ရက်မှာ ကြေညာချက်ထုတ်ပြန်လိုက်ပါတယ်။ ဒါဟာ ဆီးကြိတ်ကင်ဆာမဟုတ်ဘူးလို့ နန်းတော်ရဲ့ ထုတ်ပြန်ချက်မှာ ဖော်ပြထားပြီး ချားလ်စ်ဘုရင်ဟာ ဆီးကြိတ်ကြီးတာကို ကုသရင်းနဲ့ ကင်ဆာရောဂါကို စစ်ဆေးတွေ့ရှိခဲ့တာဖြစ်ပါတယ်။ သူဟာ မနေ့ကစပြီး ပုံမှန်ကုသမှုတွေကို စတင်ခဲ့ပြီး ဒီကာလအတွင်း လုပ်ငန်းတာဝန်တွေကို ရွှေ့ဆိုင်းထားမယ်လို့ နန်းတော်ကထုတ်ပြန်ထားပါတယ်။ အသက် ၇၅ နှစ်အရွယ် ချားလ်စ်ဘုရင်ဟာ ကုသမှုအပေါ် ယုံကြည်မှုရှိပြီး တာဝန်တွေကို အမြန်ထမ်းဆောင်ဖို့ မျှော်လင့်နေတယ်လို့ ဆိုပါတယ်။ ကင်ဆာရောဂါဖြစ်ပွားနေတဲ့ အဆင့်ကိုတော့ ဘက်ကင်ဟမ်နန်းတော်က အသေးစိတ်ထုတ်ပြန်တာမျိုးမရှိသေးပါဘူး။ ကင်ဆာဖြစ်နေတာနဲ့ပတ်သက်ပြီး ချားလ်စ်ဘုရင်ဟာ သားတော်နှစ်ပါးကို အသိပေးခဲ့ပြီး ဝေလမင်းသားဟာ ခမည်းတော်ဖြစ်သူနဲ့ ပုံမှန်အဆက်အသွယ်ရှိတယ်လို့ ပြောပါတယ်။ အမေရိကန်မှာနေထိုင်တဲ့ မင်းသားဟယ်ရီကတော့ ချားလ်စ်ဘုရင်ကို တယ်လီဖုန်းဆက်သွယ်ပြောဆိုခဲ့ပြီး လာမယ့်ရက်အနည်းငယ်အတွင်း ဗြိတိန်ကို လာရောက်တွေ့ဆုံမှာဖြစ်ပါတယ်။ ချားလ်စ်ဘုရင်ဟာ…

Voice of Myanmar မန်ချက်စတာယူနိုက်တက် ဘောလုံးသမားများ လိုက်ပါသွားသည့် လေယာဉ်သည် ၁၉၅၈ ခုနှစ် ဖေဖော်ဝါရီ ၆ ရက်တွင် ဂျာမနီနိုင်ငံ မြူးနစ်မြို့မှ ပျံတက်ပြီးများမကြာမီ ပျက်ကျမှုကြောင့် ကစားသမား ရှစ်ဦးနှင့် အခြား ၁၅ ဦးပါအဝင် လူ၂၃ ဦးသေဆုံးခဲ့သည်။