Day: February 17, 2024

  ဒက်ကာ၊ ဖေဖော်ဝါရီ-၁၇-၂၀၂၄ မျိုးဆက်(VOM) ဆီနီဂေါ သမ္မတရွေးကောက်ပွဲကို ရွှေ့ဆိုင်းတာဟာ ဖွဲ့စည်းပုံအခြေခံဥပဒေနဲ့ မညီကြောင်းတရားရုံးချုပ်ကဆုံးဖြတ်ပြီးနောက် ရွေးကောက်ပွဲကိုတတ်နိုင်သမျှ အမြန်ဆုံးကျင်းပပေးမယ်လို့ ဆီနီဂေါသမ္မတမက်ကီဆေးလ်က ထုတ်ဖော်ပြောဆိုလိုက်ပါတယ်။ သမ္မတမက်ကီဆေးလ်ဟာ သမ္မတရာထူးနှစ်ကြိမ် ထမ်းဆောင်ခဲ့ပြီးဖြစ်ပါတယ်။ ရွေးကောက်ပွဲကို ဒီဇင်ဘာလထိ ရွှေ့ဆိုင်းတဲ့ သမ္မတရဲ့ အမိန့်ကိုဖွဲ့စည်းပုံအခြေခံဥပဒေဆိုင်ရာကောင်စီက ပယ်ဖျက်ခဲ့ပါတယ်။ ဒီလိုပယ်ဖျက်လိုက်တာကြောင့် ရွေးကောက်ပွဲရွှေ့ဆိုင်းမှုနဲ့ ပတ်သက်ပြီး လွှတ်တော်က အတည်ပြုခဲ့သောအငြင်းပွားဖွယ်ဥပဒေကြမ်းဟာ လည်းပျက်ပြယ်သွားပြီဖြစ်ပါတယ်။ သမ္မတမက်ကီဆေးလ်က တရားရုံးစီရင်ချက်ကို လိုက်နာမှာဖြစ်ပြီးရွေးကောက်ပွဲ အမြန်ဆုံးကျင်းပနိုင်ဖို့ သက်ဆိုင်သူအားလုံးနဲ့ တွေ့ဆုံဆွေးနွေးသွားမယ်လို့ ထုတ်ပြန်ကြေညာထားပါတယ်။ တရားရုံးရဲ့ ဒီဆုံးဖြတ်ချက်ဟာ အနောက်အာဖရိကမှာ ဒီမိုကရေစီနိုင်ငံအဖြစ် သတ်မှတ်ခံထားရတဲ့ ဆီနီဂေါနိုင်ငံရဲ့ ဂုဏ်သိက္ခာကိုပြန်လည်ထူထောင်ဖို့ နည်းလမ်းဖြစ်ကြောင်း နိုင်ငံရေးအကဲခတ်တွေက သုံးသပ်ပြောဆိုထားပါတယ်။ Ref:BBC Photo:AFP  

  ပါရီ၊ ဖေဖော်ဝါရီ-၁၇-၂၀၂၄ မျိုးဆက်(VOM) ပြင်သစ်နိုင်ငံဟာ ယူကရိန်းအတွက် လာမယ့်နှစ်မှာ ဒေါ်လာ ၃ ဒသမ ၂ ဘီလီယံ စစ်ရေးအကူအညီပေးရေး အပါအဝင် ကာလရှည်လုံခြုံရေး သဘောတူညီချက်ကို လက်မှတ်ရေးထိုးလိုက်ပါတယ်။ ပြင်သစ်နိုင်ငံ ပါရီမှာ ပြင်သစ်သမ္မတ မက်ခရွန်နဲ့ ယူကရိန်းသမ္မတ ဇီလန်စကီးတို့ ထိပ်သီးဆွေးနွေးပြီးနောက် အခုလို ယူကရိန်းအတွက် စစ်ရေးအကူအညီပေးအပ်ရေးကို နှစ်ဘက်အကြား သဘောတူလိုက်ကြတာဖြစ်ပါတယ်။ နှစ်ဘက်သဘောတူညီချက်အရ ပြင်သစ်ဟာ ယူကရိန်းလေကြောင်းရန် ကာကွယ်ရေးနဲ့ စွမ်းဆောင်ရည် တိုးမြှင့်ဖို့နဲ့ စစ်သည်တွေကို လေ့ကျင့်ပေးရေးအပါအဝင် ယူကရိန်းကို နေတိုးအဖွဲ့ဝင်နိုင်ငံတွေနဲ့ အပြန်အလှန်ပူးပေါင်းဆောင်ရွက်မှု တိုးတက်လာစေဖို့ ကူညီပေးသွားမှာဖြစ်ပါတယ်။ ယူကရိန်းအတွက် စစ်လက်နက်ပစ္စည်းတွေ ပံ့ပိုးမှုကနေ နှစ်နိုင်ငံကာကွယ်ရေးပစ္စည်းထုတ်လုပ်ရေး လုပ်ငန်းထိ ပြင်သစ်ရဲ့ ရေရှည်ကတိကဝတ်တွေကို ပြင်သစ်သမ္မတက ပူးတွဲသတင်းစာရှင်းလင်းပွဲမှာ အတည်ပြုပြောဆိုပါတယ်။ လာမယ့်မတ်လမှာ ယူကရိန်းကိုသွားရောက်မယ်လို့ ပြင်သစ်သမ္မတ မက်ခရွန်က ဆိုပါတယ်။ ယူကရိန်းအရေးနဲ့ပတ်သက်ပြီး ပြီးခဲ့တဲ့ဇူလိုင်လက ကျင်းပခဲ့တဲ့…

မော်စကို၊ ဖေဖော်ဝါရီ-၁၇-၂၀၂၄ မျိုးဆက်(VOM) ထောင်ချခံထားရတဲ့ ရုရှားအတိုက်အခံခေါင်ဆောင် နာဗယ်နီဟာ ထောင်ထဲမှာ သေဆုံးသွားပြီလို့ ရုရှားအာဏာပိုင်တွေက ထုတ်ပြန်လိုက်ပါတယ်။ အတိုက်အခံခေါင်ဆောင် နာဗယ်နီကို အာတိတ်ဒေသရှိ အကျဉ်းထောင်တခုကို မကြာသေးမီက ပြောင်းရွှေ့ခဲ့တာဖြစ်ပြီး သူဟာလမ်းလျှောက်ပြီးနောက် သတိလစ်သွားတယ်လို့ အကျဉ်းထောင်အာဏာပိုင်တွေက ပြောပါတယ်။ ရုရှားအစိုးရကို ဆက်တိုက်ဝေဖန်ပြောဆိုခဲ့တဲ့ နာဗယ်နီကို ၂၀၂၁ ခုနှစ်မှာ ဖမ်းဆီးထောင်ချခဲ့တာဖြစ်ပြီး ယူကရိန်းကို ရုရှားကကျူးကျော်တိုက်ခိုက်မှုမှာ စစ်ဆန့်ကျင်ရေးအတွက် ရုရှားပြည်သူတွေ လမ်းပေါ်ထွက်ဆန္ဒပြဖို့ တိုက်တွန်းခဲ့သူဖြစ်ပါတယ်။ နာဗယ်နီသေဆုံးရတဲ့ အကြောင်းရင်းကို ဆရာဝန်တွေက စုံးစမ်းစစ်ဆေးနေပြီး ဖော်ထုတ်နိုင်မယ်လို့ ယူဆရကြောင်း ရုရှားအစိုးရပြောရေးဆိုခွင့်ရှိသူ ဒီမီထရီပက်စ်ကော့ဗ်က ပြောပါတယ်။ အနောက်အုပ်စုနိုင်ငံတွေနဲ့ လူ့အခွင့်အရေးအဖွဲ့တွေက နာဗယ်နီ ပြန်လည်လွတ်မြောက်ဖို့ ကြိုးပမ်းနေကြတာဖြစ်ပြီး အခုလိုသေဆုံးမှုကြောင့် ရုရှားအစိုးရအပေါ် ဝေဖန်မှုတွေ မြင့်တက်နေပါတယ်။ Ref:NHK Photo:AP

Voice of Myanmar ဂမ်ဘီယာနိုင်ငံသည် ၁၉၆၅ ခုနှစ် ဖေဖော်ဝါရီ ၁၇ ရက်တွင် လွတ်လပ်ရေးရရှိခဲ့ပြီး အာဖရိကရှိ အသေးဆုံးသော အချုပ်အခြာအာဏာပိုင်နိုင်ငံနှင့် ဗြိတိန်ထံမှ နောက်ဆုံးလွတ်လပ်ရေးရရှိခဲ့သည့် အာဖရိက နိုင်ငံ ဖြစ်လာသည်။