Month: February 2024

ဂျကာတာ၊ ဖေဖော်ဝါရီ-၁၅-၂၀၂၄ မျိုးဆက်(VOM) အင်ဒိုနီးရှားသမ္မတရွေးကောက်ပွဲမှာ ကနဦးရလဒ်တွေအရ အနိုင်ရရှိနေကြောင်း သမ္မတအဖြစ် ဝင်ရောက်ယှဉ်ပြိုင်ခဲ့တဲ့ ကာကွယ်ရေးဝန်ကြီးဖြစ်သူ ပရာဘိုဝို ဆူဘီယန်တိုက အခိုင်အမာပြောပါတယ်။ ပရာဘိုဝိုဟာ လက်ရှိသမ္မတ ဂျိုကိုဝီဒိုဒိုရဲ့ သားအကြီးဆုံးဖြစ်သူ ရာကာနဲ့အတူ ရွေးကောက်ပွဲမိတ်ဖက်အဖြစ် အတူယှဉ်ပြိုင်ခဲ့ပြီး ဝီဒိုဒိုရဲ့သားဖြစ်သူက ဒုတိယသမ္မတအဖြစ် ရွေးချယ်ခံတာဖြစ်ပါတယ်။ လက်ရှိ တရားဝင်ထုတ်ပြန်တာမဟုတ်တဲ့ ရွေးကောက်ပွဲရလဒ်များအရ ကာကွယ်ရေးဝန်ကြီး ပရာဘိုဝိုဟာ ထောက်ခံမဲ ၅၅ ရာခိုင်နှုန်းကျော်ရရှိထားပြီး ဒီရလဒ်ပမာဏဟာ တကျော့ပြန်ယှဉ်ပြိုဖို့ မလိုအပ်တော့ပါဘူူး။ သူ့ရဲ့ ရွေးကောက်ပွဲအောင်ပွဲဟာ ပြည်သူအားလုံးရဲ့ အောင်ပွဲဖြစ်ကြောင်း သမ္မတဂျိုကိုဝီဒိုဒိုကို ဆက်ခံမယ့်သူအဖြစ် သူ့ကိုယ်သူသတ်မှတ်ထားတဲ့ ကာကွယ်ရေးဝန်ကြီး ပရာဘိုဝိုက ပြောပါတယ်။ သူနဲ့ပြိုင်ဘက် အခြားသမ္မတလောင်းနှစ်ယောက်ကတော့ ဂျကာတာအုပ်ချုပ်ရေးမှူးဟောင်း အန်နီစ်ဘတ်စ်ဝီဒန်နဲ့ အလယ်ဂျာဗားပြည်နယ်အုပ်ချုပ်ရေးမှူးဟောင်း ဂန်ဂျာပရာနိုဝိုတို့ဖြစ်ပါတယ်။ Ref:NHK Photo:AFP

ဝါရှင်တန်၊ ဖေဖော်ဝါရီ-၁၅-၂၀၂၄ မျိုးဆက်(VOM) ရုရှားဟာ အာကာသထဲကို နျူကလီးယားလက်နက်တွေ လွှတ်တင်ဖြန့်ကြက်ဖို့ စီစဉ်နေပြီး ဂြိုဟ်တုတွေကို ဖျက်ဆီးမှုမျာ အသုံးပြုဖွယ်ရှိနေတာကို အမေရိကန်အစိုးရက တွေ့ရှိထားကြောင်း အေဘီစီသတင်းဌာနက ရေးသား ဖော်ပြထားပါတယ်။ အာကာသထဲကို နျူကလီးယားလက်နက်တွေ ရုရှားက ဖြန့်ကြက်လိုတဲ့ သတင်းအချက်အလက်တွေကို သမ္မတဂျိုးဘိုင်ဒင်ရဲ့ အမေရိကန်အစိုးရက ရရှိထားကြောင်း ကွန်ဂရက်သတင်းရင်းမြစ်တွေကို ကိုးကားပြီး ဖော်ပြထားပါတယ်။ ဒီအစီအစဉ်ဟာ ကမ္ဘာမြေကို လက်နက်တွေနဲ့ ပစ်ခတ်ဖို့မဟုတ်ဘဲ ဂြိုဟ်တုတွေအတွက် အသုံးပြုဖို့ ရည်ရွယ်ထားဖွယ်ရှိကြောင်း အေဘီစီသတင်းဌာနက ဖော်ပြထားပါတယ်။ အမေရိကန်အနေနဲ့ ပြင်းထန်တဲ့ အမျိုးသားလုံခြုံရေးခြိမ်းခြောက်မှုနဲ့ပတ်သက်ပြီး အမေရိကန်အစိုးရတာဝန်ရှိသူတွေဆီကနေ အကြောင်းကြားစာရရှိထားကြောင်း အောက်လွှတ်တော် ထောက်လှမ်းရေးကော်မတီ ဥက္ကဌမိုက်တာနာက ပြောပါတယ်။ ဒါပေမယ့် အသေးစိတ်အချက်အလက်များကို ထုတ်ဖော်ပြောဆိုခြင်းမရှိပါဘူး။ အမေရိကန်အမျိုးသားလုံခြုံရေးအကြံပေး ဂျိတ်ဆူလီဗန်လည်း လွှတ်တော်ခေါင်းတွေနဲ့ တွေ့ဆုံဖို့ စီစဉ်နေကြောင်း သူကပြောပါတယ်။ Ref:NHK Photo:AP

Voice of Myanmar ဆိုဗီယက်ယူနီယံသည် ၁၉၇၉ ခုနှစ်ကတည်းက အာဖဂန်နစ္စတန်ကို သိမ်းပိုက်ပြီးနောက် သမ္မတ မီခေးလ်ဂိုဘာချော့ဗ် လက်ထက်တွင် အာဖဂန်မှ နောက်ဆုံးကျန်ရှိနေသော ဆိုဗီယက်တပ်များကို ၁၉၈၉ ခုနှစ် ဖေဖော်ဝါရီ ၁၅ ရက်တွင် ရုပ်သိမ်းခဲ့သည်။