Month: July 2024

  ွဇူလိုင် ၇ – ၂၀၂၄ GG (VOM) ရခိုင်ပြည်နယ်၊ သံတွဲမြို့ကနေ ဂွမြို့ကို စစ်ရှောင်လာသူတွေကို ဂွမြို့တာဝန်ရှိသူတွေက ဘုန်းကြီးကျောင်းတွေမှာ တည်းခို နေထိုင်ခွင့်မပြုသလို စစ်ရှောင်စခန်းလည်းဖွင့်လှစ်ပြီးစိစစ်လက်ခံ မပေးတာကြောင့် ငွေကြေးမပြည်စုံတဲ့စစ်ရှောင်တွေ အခက်တွေ့နေရတယ်လို့ သိရပါတယ် ။ သံတွဲမြို့နယ်မှာ တိုက်ပွဲတွေပြင်းထန်နေတာကြောင့် ကျေးရွာဒေသခံပြည်သူတွေ၊ မြို့ပေါ်နေထိုင်သူအများစုဟာ ကျိန္တလီမြို့နဲ့ ဂွမြို့အပါအဝင် နီးစပ်ရာဘုန်းကြီးကျောင်းတွေမှာ စစ်ရှောင်နေကြရပြီး ဂွမြို့ပေါ်စစ်ရှောင်လာသူတွေအတွက် ဘုန်းကြီးကျောင်းရော စစ်ရှောင်စခန်းပါမရှိလို့ အိမ်ခန်းငှားနေရလို့ အဆင်မပြေဒုက္ခရောက်နေကြရတာဖြစ်တယ်လို့သိရပါတယ်။ ” တချို့ဆို ဂွကိုစစ်ရှောင်လာဖို့တောင်ကားခမတတ်နိုင်လို့ ခြေကျင်လာရသူတွေရှိတယ်။ဧရာဝတီအထိကိုခြေကျင်သွားရမယ့်သူတွေရှိတယ်။ဂွမှာက ဘုန်းကြီးကျောင်းလည်းနေခွင့်မပြုဘူး။စစ်ရှောင်စခန်းလည်းမဖွင့်ပေးထားတော့ ရန်ကုန်ဘက်။ဧရာဝတီဘက်စစ်ရှောင်မယ့်သူတွေရော ။ဂွမှာပဲနေကြမယ့်သူတွေရောက အိမ်ငှားနေရတယ်။တည်းခိုခန်းတွေမှာနေရတယ်၊အကုန်အပြည့်ဘဲ။ငွေကြေးမပြည့်စုံသူတွေကတော့ ဒုက္ခရောက်နေရတယ်၊ သံတွဲနဲ့ဂွကြားကရွာတွေမှာတော့ နီးစပ်ရာဘုန်းကြီးကျောင်းတွေမှာ ခိုလှုံနေကြတာလည်းရှိတယ် ” လို့ စစ်ရှောင်လာသူတွေကို ကူညီပေးနေတဲ့ ဂွမြို့ဒေသခံတယောက်ကပြောပါတယ်။ ဂွမြို့ကို ရောက်လာတဲ့ ငွေကြေးမပြည့်စုံတဲ့ စစ်ဘေးရှောင်တွေအတွက် စစ်ရှောင်စခန်းတွေဖွင့်ပေးဖို့လိုအပ်နေပြီး အကူအညီအထောက်အပ့ံတွေလိုအပ်နေသလို ကျေးရွာဘုန်းကြီးကျောင်းကစစ်ရှောင်တွေအတွက်လည်း အမျိုးသမီးလစဥ်သုံး ပစ္စည်းအပါအဝင်…

  ဇူလိုင် ၇၊ ၂၀၂၄ Shy V (VOM) လားရှိုးမှာ ဇူလိုင်လ ၇ ရက်ေန့မှာလည်းတိုက်ပွဲ ဆက်လက် ပြင်းထန်နေဆဲ ဖြစ်ပြီး မြို့ထဲ လက်နက်ကြီးကျည်တွေကျကာ ထိခိုက်မှုတွေ ဆက်ရှိနေကြောင်း ဒေသခံေတွဆီက သိရပါတယ်။ “ဒီနေ့ ဇူလိုင်လ ၇ ရက်နေ့မှာတော့ မနက် အစောကြီး မိုးသိပ် မလင်းခင်ကတည်းက လက်နက်ကြီးရော လက်နက်သေးတွေရော အဆက်မပြတ် ပစ်နေတယ်။ ရပ်ကွက် ၅၊ ၆ နဲ့ ၇ ရဲ့ ဝောာင်ပေါ်ဘက်မှာ” လို့ ဒေသခံ တယောက်က ပြောပါတယ်။ နေ့လယ်ပိုင်းအထိ တိုက်ပွဲ ပြင်းထန်ခဲ့ပြီး နောက်ပိုင်းမှာ ငြိမ်သက်သွားတယ်လို့ ဆိုပါတယ်။ “လက်နက်ကြီးတွေက ရပ်ကွက်တွေထဲ ကျတယ်။ မနက်တုန်းက ရပ်ကွက် ၇ ဘက် ကျတာတော့ ကွင်းပြင်ထဲ ကျတယ်လို့ ပြောတယ်။…

ဇူလိုင် ၆ – ၂၀၂၄ GG (VOM) စစ်ကိုင်းတိုင်း၊မော်လိုက်မြို့မှာ ချင်းတွင်းမြစ်ရေဆက်တိုက်တိုးနေပြီး ဒီနေ့ဇူလိုင်လ ၆ ရက်နေ့မှာ စိုးရိမ်ရေမှတ်ထက် ၂ ပေခွဲခန့် ( ၇၄ စင်တီမီတာ) ကျော်လွန်နေပြီဖြစ်တယ်လို့သိရပါတယ်။ ဒါကြောင့် လက်ရှိမော်လိုက်မြို့ပေါ် အနိမ့်ပိုင်းရပ်ကွက်တွေအပြင် ချင်းတွင်းမြစ်ကမ်းတလျှောက်မှာရှိတဲ့ ကျေးရွာပေါင်း၁၀ ရွာထက်မနည်း ရေကြီးနစ်မြုပ်နေပြီး အရေးပေါ်ကူညီရေးလုပ်ငန်းတွေလုပ်ဆောင်ဖို့ လိုအပ်နေတယ်လို့သိရပါတယ်။ ” မြို့ပေါ်မှာဆို အောင်မင်္ဂလာရပ်ကွတေနဲ့အောင်ချမ်းသာရပ်ကွက်တွေ ရေကျော်နေပြီ။မြစ်ရေကလည်းထပ်တက်ဦးမယ်လို့မိုးဇလကထုတ်တာတွေ့တယ်။ရွာတွေဘက်မှာတော့ ရွာတော်တော်များများရေနစ်မြုပ်နေပြီ၊ရွာဘက်တွေကတော့ ကယ်ဆယ်ရေးလုပ်ငန်းတွေလုပ်ဖို့ လိုအပ်နေတယ်။ တပ်ကုန်း၊ ရေခါတွန်၊ ဝဲကသာ ဘက်ကအခြေအနေပိုဆိုးနေတာ သိရတယ်၊ ရေဝင်တော့ ချက်ပြုတ်စားမရအလုပ်ကမလုပ်ရတဲ့ စားစရာအခက်အခဲဖြစ်နေတာပိုများတယ် ” လို့ မော်လိုက်ဒေသခံတယောက်ကပြောပါတယ်။ လက်ရှိ ချင်းတွင်းမြစ်ရေ မြင့်တက်လာမှုကြောင့် မော်လိုက်မြို့နယ်ထဲက ဝဲကသာ၊ ရေခါတွန်၊ တပ်ကုန်း၊သဝန်၊ ဆွတ်နန်း၊ ယူးဝ၊ ရွှေလင်းတ၊ လက်ပန် အပါအဝင် ရွာပေါင်း ၁၀ရွာခက်မနည်း ရေကြီးနစ်မြုပ်နေတာဖြစ်တယ်လို့…

  ဇူလိုင် ၆ – ၂၀၂၄ SN (VOM) မန္တလေးတိုင်း၊ မိုးကုတ် – သပိတ်ကျင်း ကားလမ်းပိုင်းမှာ တိုက်ပွဲတွေ ဆက်လက်ပြင်းထန်နေပြီး မိုးကုတ်စစ်ရှောင် ထောင်ချီ သပိတ်ကျင်းအနီး ပိတ်မိနေတာဟာ တပတ်ခန့် ကြာမြင့်လာပြီဖြစ်တယ်လို့ သပိတ်ကျင်း ဒေသခံတွေက ပြောပါတယ်။ တိုက်ပွဲတွေကြောင့် ဇွန် ၃၀ ရက်၊ မနက်အစောပိုင်းမှစတင်ကာ မိုးကုတ်မြို့ကိုစွန့်ခွာပြီး မန္တလေးဘက်ကို ရှောင်တိမ်းလာကြတဲ့ ပြည်သူ ထောင်နဲ့ချီ သပိတ်ကျင်းမြိုနယ်၊ ဇရပ်ကွင်းကျေးရွာမှာ ပိတ်မိနေကြတာဖြစ်ပြီး နစကနဲ့ အတက်အဆင်းလမ်းတွေကို ပိတ်ဆို့ထားတဲ့အတွက် မန္တ‌လေးကိုလည်း ဆင်းမရ၊ မိုးကုတ်ကိုလည်း ပြန်တက်မရ ဖြစ်နေတယ်လို့ အဲဒီ ဒေသခံတွေက ပြောပါတယ်။ “သူတို့ကို ဒီက ဒေသခံတွေကပဲ အလှူခံပြီး ချက်ကျွေးနေရတာပေါ့။ ပိတ်မိနေတဲ့ သူတွေက အများကြီးပဲ။ မိုးကုတ် မြို့တဝက်နီးပါးပဲ။ အခု ဆန်မလောက်တော့ဘူး။ ရေရှည်…

စ ဇူလိုင် ၆ – ၂၀၂၄ GG (VOM) မန္တလေး ၊စဥ့်ကူးမြို့နယ်ထဲက ရွှေပြည်ရွာ ရဲကင်းစခန်းအပါအဝင် ကျေးရွာတွေမှာ ဒီနေ့ဇူလိုင်လ ၆ ရက်နေ့အထိတိုက်ပွဲဖြစ်ပွားနေပြီး လမ်းတွေပိတ်လိုက်တာကြောင့် စစ်ရှောင်တွေ စဥ့်ကူးနယ်ထဲကနေထွက်မရဘဲ ပိတ်မိနေတယ်လို့သိရပါတယ်။ ရွှေပြည်ရွာရဲကင်းစခန်းကို ဒေသတွင် PDF အဖွဲ့တွေကတိုက်ခိုက်နေပြီး နစကတပ်တွေနဲ့ အပြန်အလှန်တို်ကပွဲတွေဟာ လက်ပန်လှ၊ပင်လယ်ကြီး ဘက်မှာပါပစ်ခတ်မှုတွေရှိနေလို့ ဒေသခံတွေက ဘေးလွတ်ရာ ရွှေဘိုနယ်ဘက်ကို စစ်ရှောင်လိုပေမယ့် ထွက်ခွင့်ပိတ်ထားတာကြောင့် နီးစပ်ရာတွေကိုပဲ ထွက်ပြေးတိမ်းရှောင်နေ ကြရတာဖြစ်တယ်လို့သိရပါတယ်။ ” ကျွန်တော်တို့ကိုယ်တိုင်ပြေးနေရတာပဲ။အရင်ရက်ကရွှေဘိုဘက်ကို စစ်ရှောင်လို့ရတယ်၊အခု ရွှေဘိုဘက်လည်းရှောင်လို့ မရတော့ဘူး။ ပိတ်လိုက်တယ်။မန္တလေးဘက်ကျတော့လည်း အလှမ်းဝေးတယ် ၊ရွှေကျင်ဂိတ်ကပေးမဖြတ်ဘူးသိရတယ် ” လို့ လက်ပန်လှရွာဒေသခံတယောက်ကပြောပါတယ်။ လက်ရှိမှာ ရွှေဘိုဘက်ကို စစ်ရှောင်ခွင့်မရတာကြောင့် လက်ပန်လှ၊ရွှေပြည်ရွာ၊ပင်လယ်ကြီး၊ကျည်တောက်ပေါက်၊နွယ်ရုံက ဒေသခံတွေဟာ နီးစပ်ရာဘုန်းတော်ကြီးကျောင်းတွေမှာ စစ်ရှောင်နေရသလို ဗုံးခိုကျင်း ၊ နီးစပ်ရာအိမ်တွေနဲ့ တောထဲမှာပဲ စစ်ရှောင်ပြီး လမ်းဖွင့်ပေးမယ့်အချိန်ကိုစောင့်နေကြတယ်လို့သိရပါတယ်။ ”…