Month: July 2024

  ဇူလိုင် ၁၈ – ၂၀၂၄ SN (VOM) လာမယ့် ဇူလိုင် ၁၉ ရက်နေ့မှာ ကျရောက်မယ့် (၇၇) နှစ်မြောက် အာဇာနည်နေ့ အခမ်းအနားအတွက် ရန်ကုန်မြို့မှာ ယခင်နှစ်တွေထက် လုံခြုံရေးတင်းကြပ်ထားသလို အခမ်းအနား လာရောက်မယ့်သူတွေကို လက်ကိုင်ဖုန်းနဲ့ ဒရုန်းတွေ မယူလာဖို့ နစက က တားမြစ်ထားပါတယ်။ လက်ရှိမှာ အာဇာနည်နေ့ အခမ်းအနားအတွက် အာဇာနည်ဗိမာန်အပါအ၀င် ၀န်ကြီးများရုံးနဲ့ ဗိုလ်ချုပ်အောင်ဆန်းပြတိုက် အနီးဝန်းကျင်တဝိုက်မှာ ပြီးခဲ့တဲ့နှစ်တွေကနဲ့ မတူဘဲ ဇူလိုင်လဆန်းပိုင်းမှ စတင်ကာ နစက လုံခြုံရေးတပ်ဖွဲ့ဝင်တွေ အများအပြား ရောက်ရှိနေပြီး အာဇာနည်ကုန်း ပတ်ဝန်းကျင်မှာလည်း တွေ့မြင်ရတယ်လို့ တက္ကစီယာဥ်မောင်းတယောက်က ပြောပါတယ်။ “ဒီနှစ်ကတော့ အရင်နှစ်တွေနဲ့မတူဘဲ လုံခြုံရေးပိုတင်းကြပ်ထားပုံရတယ်။ နေရာအတော်များများမှာ နစကလုံခြုံရေးအဖွဲ့တွေ အရင်ကထက် ပိုတွေ့နေရတယ်။ ပြည်သူ့ ရင်ပြင်ထဲမှာလည်း နစကလုံခြုံရေးအဖွဲ့တွေ ကားနဲ့ ရောက်နေကြတယ်။ မြေနီကုန်းမှာလည်း…

  ဇူလိုင် ၁၈ – ၂၀၂၄ GG (VOM) သံတွဲ နဲ့ ငပလီမှာ တိုက်ပွဲကြောင့် အခုဇူလိုင်ပထမလဝက်အတွင်းမှာ အရပ်သားဒေသခံသေဆုံးမှု ၁၂ ယောက် ထက်မနည်းသေဆုံးခဲ့ပြီး ထိခိုက်ဒဏ်ရာရသူတွေလည်းရှိခဲ့တယ်လို့သိရပါတယ်။ ဒါကြောင့် တိုက်ပွဲကာလ သုံးလနီးပါး အတွင်းမှာ လက်နက်ကြီး ထိမှန်မှုနဲ့ မြေမြုပ်မိုင်းကြောင့် သံတွဲနဲ့ ငပလီက အရပ်သား သေဆုံးမှု အယောက် ၅၀ ကျော်ထိ မြင့်တက်လာပြီး ထိခိုက်ဒဏ်ရာရသူလည်း အများအပြားရှိလာနေတယ်လို့သိရပါတယ်။ ” အရင်ရက်က သံတွဲ ၅ရပ်ကွက်ထဲကိုလက်နက်ကြီးကျလို့ အမျိုးသမီးတယောက်သေတယ်။ အိမ်သုံးလုံးလည်းလက်နက်ကြီးကျလို့မီးလောင်သွားတယ်။ ငပလီဘက်လည်းပြင်းထန်နေတယ်။ ထိခိုက်သေဆုံးရှိတယ်။ သေဆုံးထိခိုက်စာရင်းက မြေပြင်တိုက်ပွဲအရ အတိအကျစာရင်းမကောက်နိုင်ဘူး။ ဒါပေမယ့်အနီးစပ်ဆုံးဆိုရင်တောင်၅၀လောက်ကတော့ရှိတယ်။ဒီထဲမှာလက်လှမ်းမမီလို့မသိလိုက်ရတာမျိုးတွေလည်းကျန်နိုင်သေးတယ်။မြေမြုပ်မိုင်းကလည်းရွာဘက်တွေမှာ မကြာခဏဆိုသလိုဖြစ်တယ် ။ဖြစ်လိုက်ရင်ခြေထောက်ပြတ်၊သေဆိုတာမျိုးကများတယ်။ ” လို့ ဒေသခံကပြောပါတယ်။ အရပ်သားသေဆုံးမှု မြင့်တက်လာသလို အဆောက်အဦးတွေ လက်နက်ကြီးထိမှန်ပျက်စီးမှုလည်းမြင့်လာပြီး သံတွဲ ခရိုင်ပြည်သူ့ဆေးရုံကြီး၊ အမှတ် ၂ အခြေခံပညာအထက်ကျောင်း…

  ဇူလိုင် ၁၈ – ၂၀၂၄ GG (VOM) စစ်ကိုင်းတိုင်း၊ ရေဦး – ကလေးဝကြား မဟာမြိုင်ကားလမ်းမှာ ပိတ်မိနေတဲ့ ကားတွေကို ဒီနေ့ဇူလိုင်လ ၁၇ ရက်နေ့မနက်ပိုင်းကစပြီး လမ်းဖွင့်ပေးပြီးသွားလာခွင့်ပြုလိုက်ပြီလို့သိရပါတယ်။ ရေဦး – ကလေးဝလမ်းမှာပိတ်မိနေတဲ့ ဆီဘောက်ဆာကား၊ကုန်ကားတွေကိုပဲ သွားခွင့်ပြုတာမျိုးမဟုတ်ဘဲ ကားလမ်းပိတ်ထားတာကို ပြန်ဖွင့်ပေးလိုက်တာဖြစ်လို့ ခရီးသွားတွေအားလုံးသွားလာနိုင်တဲ့အခြေအနေဖြစ်တယ်လို့သိရပါတယ်။ ” ကားတွေခုမနက်စလွှတ်လိုက်ပါပြီ။ပေးလွှတ်မယ့်အကြောင်းပြောလို့ ကားတွေစစ်ဘာညာအသင့်လုပ်ထားပြီးမကြာဘူး ဖွင့်ပေးတာပါ။လမ်းပိုင်းကိုပြန် ဖွင့်လိုက်တဲ့သဘောပါ။ကားသမားတွေနဲ့pdfတွေ ပြဿနာတက်ပြီးနောက်မှာ ခုလိုဖွင့်ပေးလိုက်တာ ။ ” လို့ပိတ်မိတဲ့အထဲက ကုန်ကားပိုင်ရှင်တယောက်ကပြောပါတယ်။ အဆိုပါလမ်းပိုင်းက နယ်မြေခံ ကလေးPDF တပ်ဖွဲ့ဘက်ကလည်း ရေဦး – ကလေးဝ မဟာမြိုင်ကားလမ်းကို အောင်ချမ်းသာ တိုက်ပွဲကြောင့် ယာယီပိတ်ထားတာဖြစ်ကြောင်း ဒီနေ့ကစပြီး ပြည်သူတွေ အန္တရာယ်ကင်းစွာ သွားလာနိုင်ပြီလို့ အသိပေးထားတာတွေ့ရပါတယ်။ ဇူလိုင်လ ၈ ရက်နေ့မှာ နယ်မြေခံ PDF တပ်ဖွဲ့ဝင်တွေနဲ့ ကုန်ကသမားတွေ…

  ဇူလိုင် ၁၇ – ၂၀၂၄ GG (VOM) နိုင်ငံကျော်တေးသံရှင် အဆိုတော်ကြီးဖြစ်တဲ့ စိုင်းဆိုင်မောဝ် ဟာ ဒီနေ့ ဇူလိုင်လ ၁၇ ရက်နေ့ ၊ ည ၇ နာရီ ၁၅ မိနစ်မှာ အင်းစိန်မြို့နယ် ကောင်းအထူးကုဆေးရုံမှာ ကွယ်လွန်သွားပြီဖြစ်တယ်လို့သိရပါတယ်။ အဆိုတော် စိုင်းဆိုင်မောဝ် ကွယ်လွန်တာနဲ့ပတ်သက်ပြီး ” အဆိုတော် စိုင်းဆိုင်မောဝ် ခုည ၇ နာရီ ၁၅ မိနစ်မှာကွယ်လွန်သွားပါပြီ။ ” လို့ မိသားစုနဲ့နီးစပ်သူတွေက လူမှုကွန်ယက်ကနေအသိပေးထားပါတယ်။ အဆိုတော် စိုင်းဆိုင်မောဝ်က ကို ၁၉၄၉ ခုနှစ် ဖေဖေါ်ဝါရီလ ၁၈ ရက်နေ့ မှာမွေးဖွားခဲ့တာဖြစ်လို့ ကွယ်လွန်ချိန်မှာ အသက် ၇၅ နှစ်ရှိပြီဖြစ်ပါတယ်။ စိုင်းဆိုင်မောဝ်ဟာ ၂၀၂၀ ခုနှစ် တုန်းကလည်း မန္တလေးမြို့ မန္တလာ ဆေးရုံမှာ တက်ရောက်ပြီး…

  ဇူလိုင် ၁၇ -၂၀၂၄ GG (VOM) မန္တလေးတိုင်း ၊ စဥ့်ကူးမြို့မှာ တိုက်ပွဲကြောင့် မြို့ပေါ်က နေအိမ်ရာနဲ့ချီမီးလောင်ပျက်စီးခဲ့ရသလို စစ်ရှောင်နေအိမ်အများအပြားလည်း ဖောက်ထွင်းခံရပြီး ပစ္စည်းတွေလုယက်ခံရမှုတွေရှိခဲ့တယ်လို့သိရပါတယ်။ စဥ့်ကူးမြို့မှာ တိုက်ပွဲတွေပြင်းထန်လာတာကြောင့် မြို့ခံလူထုရဲ့သုံးပုံ နှစ်ပုံလောက်ဟာ မြို့ကိုစွန့်ခွာပြီး စစ်ဘေးရှောင်နေကြသလို မြို့တွင်းကျန်ခဲ့တဲ့ပြည်သူတွေကလည်း တိုက်ပွဲကြောင့် ဘုန်းကြီးကျောင်းနဲ့မိမိနေအိမ်တွေမှာ ပုန်းခိုနေကြချိန် မြို့လယ်က အိမ်တော်တော်များများ ဖောက်ထွင်းခံရတာဖြစ်တယ်လို့ သိရပါတယ် ။ ” မြို့လယ်မှာရှိတဲ့ ပိုက်ဆံအရှိဆုံးအိမ်တွေ တော်တော်များများ ဖောက်ထွင်းခံရတယ်။ မြို့ထဲကျန်တဲ့ပြည်သူတွေက ဘုန်းကြီးကျောင်းတွေထဲမှာရှိတယ်၊တချို့က နေအိမ်ထဲမှာရှိပေမယ့် အိမ်ပြင်ကို မထွက်ရဲကြဘူးဗျ။ အခုတော့မြို့ထဲလည်းအိမ်တွေတော်တော်မီးလောင်တယ် ။ ရပ်ကွက်၁ နဲ့ရပ်ကွက် ၂ မှာအများဆုံးလောင်တယ်။အိမ် ၁၀၀ ကျော်လောက်ရှိတယ်။ ” လို့ စဥ့်ကူးမြို့ထဲမှာ စစ်မရှောင်ဘဲကျန်နေသေးတဲ့ မြို့ခံတယောက်ကပြောပါတယ်။ လက်ရှိမှာတော့ PDF က စဥ့်ကူးမြို့ နေရာအများစုကို ထိန်းချုပ်ထားတာကြောင့် မရှိတော့သလို…

  ဇူလိုင် ၁၇ – ၂၀၂၄ GG (VOM) မိုးကုတ်မြို့အရှေ့ပိုင်းမှာ တိုက်ပွဲပြင်းထန်လာမှုနဲ့အတူ အရပ်သားဒေသခံသေဆုံးမှုမြင့်တက်လာသလို နေအိမ်တွေလက်နက်ကြီးထိမှန်ပြီး ထိခိုက် ပျက်စီးမှုတွေလည်း များလာနေတယ်လို့ဒေသခံ တွေဆီကသိရပါတယ်။ တိုက်ပွဲကြောင့် ခုရက်ပိုင်း ဇူလိုင်လ ၁၃ ရက်ကနေ ၁၇ ရက်နေ့ရဲ့မနက်ပိုင်းအထိဆိုရင် လက်နက်ကြီးထိမှန်ပြီး ဒေသခံသေဆုံးမှုအနေနဲ့ ခြောက်ယောက်ထက်မနည်းသေဆုံးခဲ့ပြီး ထိခိုက်ဒဏ်ရာရရှိသူ ၁၂ ယောက်ထက်မနည်းရှိထားတယ်လို့သိရပါတယ်။ ဒါအပြင် နေအိမ်တွေ ပေါ်လက်နက်ကြီးကျရောက်လို့ ထိခိုက်ပျက်စီးမှုနဲ့မီးလောင်ပျက်စီးမှုအနေနဲ့ဆိုရင်လည်း အိမ်ခြေ၂၀ ထက်မနည်းရှိနေပြီး လက်နက်ကြီးတွေလည်း ဆက်တိုက်ကျရောက်မှုတွေရှိတယ်လို့ ဒေသခံတွေကပြောပါတယ်။ ခုရက်ပိုင်းအတွင်းလက်နက်ကြီးကြောင့် သေဆုံးခဲ့ရတဲ့ ဒေသခံထဲမှာ မိုးကုတ်ကို စာပေ ပညာလာရောက်သင်ကြားနေတဲ့ သံဃာတပါးပါဝင်ပြီး မိသားစုလိုက်တွေလည်းပါတယ်လို့သိရပါတယ်။ ” ခုမနက်လည်းတိုက်ပွဲတွေဖြစ်နေတယ်။လက်နက်ကြီးတွေလည်းဆက်တိုက်ကျနေတော့ အပြင်မထွက်ရဲကြဘူး။ခုမနက် မိုးကုတ်အရှေ့ပိုင်း ညောင်လေးပင်မှာဆို လူနေအိမ်ပေါ်ကို လက်နက်ကြ ကျလို့ အမျိုးသားတယောက် လက်မောင်းထိတယ်။ချမ်းမြသာယာရပ်ကွက်မှာဆိုလက်နက်ကြီးကျလို့မီးလောင်နေတာရှိတယ်။ရေပူကစာသင်ကျောင်းနားလည်းလက်နက်ကြီးကျလို့အန်တီကြီးတယောက်ထိတယ်။ဒါခုမနက်ပိုင်းလေးလက်လှမ်းမီသလောက်ရတဲ့အခြေအနေပါ ။ ” လို့ မိုးကုတ်မြို့ခံတယောက်ကပြောပြပါတယ်။ မိုးကုတ်အရှေ့ပိုင်းမှာ…