Day: August 12, 2024

  Voice of Myanmar အမေရိကန် အခြေစိုက် IBM ကုမ္ပဏီသည် ၎င်း၏ပထမဆုံးသော ကွန်ပြူတာ IBM 5150 ကို ၁၉၈၁ ခုနှစ် ဩဂုတ် ၁၂ ရက်တွင် စတင်ရောင်းချခဲ့သည်/ #Voiceofmyanmar #VOM #ThisDayInHistory #August12

  အေသင်၊ ဩဂုတ်-၁၂-၂၀၂၄ မျိုးဆက်(VOM) ဂရိနိုင်ငံ အေသင်မြို့မြောက်ဘက်မှာ တောမီးအကြီးအကျယ် ဆက်လက်လောင်ကျွမ်းနေပြီး မီးတောက်တွေဟာ ပေ ၈၀ အမြင့်ထိရှိလာတဲ့အတွက် ဒေသခံထောင်ပေါင်းများစွာကို ဘေးလွတ်ရာရွှေ့ပြောင်းပေးထားပါတယ်။ ရှေးယခင်က မာရသွန်ပြိုင်ပွဲများကျင်းပခဲ့တဲ့ သမိုင်ဝင်နေရာဖြစ်ပြီး အနီးနားရှိ ဗာနာဗက်စ်မြို့မှာလည်း နေအိမ်တွေ မီးလောင်ပျက်စီးခဲ့ပါတယ်။ တောမီးရှောင်ရှားရင် ပိတ်မိနေသော ကား ၂၅ စီးပေါ်မှ လူများကို ကယ်ဆယ်ရေးသမားတွေက ကယ်တင်ခဲ့ရပါတယ်။ တောမီးလောင်ကျွမ်းမှုဟာ ယမန်နေ့ကထိ နေရာပေါင်း ၃၀ ကျော်မှာ လောင်ကျွမ်းနေဆဲဖြစ်ပြီး မီးငြှိမ်းသတ်ရေးအတွက် မီးသတ်သမားတွေ ရုန်းကန်နေရဆဲဖြစ်ပါတယ်။ ပူပြင်းတဲ့ ရာသီဥတုအခြေအနေကြောင်း တောမီးလောင်ကျွမ်းမှု ပိုမိုဆိုးရွာနိုင်ကြောင်း ဂရိတာဝန်ရှိသူတွေက သတိပေးထားပါတယ်။ တောမီးလောင်ကျွမ်းမှု အခြေအနေဆိုးရွားလာတာကြောင့် ဂရိဝန်ကြီးချုပ် ကီရီယာကော့စ် မစ်ဆိုတာကစ်ဟာ အားလပ်ရက်ခရီးထွက်မယ့်အစီအစဉ်ကို ဖျက်သိမ်းပြီး အေသင်ကို ပြန်လာခဲ့ပါတယ်။ လက်ရှိမှာတော့ ဗာနာဗက်စ်နဲ့ ဂရမ်မာတီကိုမြို့ခံတွေကို ဘေးလွတ်ရာပြောင်းရွှေ့ဖို့ ဒေသန္တရာ တာဝန်ရှိသူတွေက အမိန့်ထုတ်ထားပါတယ်။…

  ဂါဇာစီးတီး၊ ဩဂုတ်-၁၂-၂၀၂၄ မျိုးဆက်(VOM) ဂါဇာတောင်ပိုင်း ခန်းယွန်နစ်မြို့မှာ ဟားမတ်စ်တိုက်ခိုက်ရေးသမားတွေ လှုပ်ရှားနေတယ်ဆိုကာ အဲဒီမြို့ကနေ ဘေးလွတ်ရာရွှေ့ပြောင်းကြဖို့ အစ္စရေးစစ်တပ်က အမိန့်သစ် ထုတ်ပြန်လိုက်ပါတယ်။ အစ္စရေးထုတ်ပြန်လိုက်တဲ့ ပြောင်းရွှေ့မိန့်ထဲမှာ အစ္စရေးသတ်မှတ်ပေးထားတဲ့ လူသားချင်းစာနာထောက်ထားမှုဇုန်လည်း တစိတ်တပိုင်း ပါဝင်နေပါတယ်။ ပြီးခဲ့တဲ့ရက်အနည်းငယ်အတွင်း ဂါဇာမှာ အစ္စရေးရဲ့ တိုက်ခို်ကမှုကြောင့် လူ ခုနှစ်သောင်းကျော် အိုးမဲ့အိမ်မဲ့ ဖြစ်ခဲ့ရပါတယ်။ ဂါဇာစီးတီးရှိ စာသင်ကျောင်းတကျောင်းကို အစ္စရေးရဲ့ လေကြောင်းတိုက်ခို်ကမှုအတွင်း လူပေါင်း ၁၀၀ ကျော်သေဆုံးခဲ့တဲ့အပေါ် နိုင်ငံတကာက ဝေဖန်မှုတွေ မြင့်တက်နေပါတယ်။ စာသင်ကျောင်းဟာ ဟားမတ်စ်တို့ရဲ့ အမာခံနယ်မြေဖြစ်တယ်လို့ အစ္စရေးကတော့ ဆိုပါတယ်။ ကလေးငယ်တွေအပါအဝင် လူရာချီသေဆုံးခဲ့တဲ့ ဒီတိုက်ခိုက်မှုနဲ့ပတ်သက်ပြီး လာမယ့် အင်္ဂါနေ့အစောပိုင်းမှာ ကုလသမဂ္ဂလုံခြုံရေးကောင်စီအစည်းအဝေးကျင်းပဖို့ရှိနေတယ်လို့ သံတမန်အရင်းအမြစ်တွေက ပြောပါတယ်။ ဒီအတောအတွင်း အမေရိကန်၊ အီဂျစ်၊ ကာတာတို့ကြားဝင်မှုနဲ့ ပြုလုပ်နေတဲ့ အစ္စရေးနဲ့ဟားမတ်စ်အကြား အပစ်အခတ်ရပ်စဲရေးဆွေးနွေးပွဲတွေကတော့ ဟားမတ်စ်ခေါင်းဆောင် အစ္စမေးလ်ဟာနီယာ သတ်ဖြတ်ခံရမှုနဲ့အတူ…

  ကိဗ်ယက်၊ ဩဂုတ်-၁၂-၂၀၂၄ မျိုးဆက်(VOM) တရားမျှတမှုနဲ့ ရုရှားတပ်တွေကို ဖိအားပေးဖို့အတွက် ရုရှားနိုင်ငံထဲကို ဝင်ရောက်တို်ကခိုက်တာဖြစ်ကြောင်း ယူကရိန်းသမ္မတ ဇီလန်စကီးက ထုတ်ဖော်ပြောဆိုလိုက်ပါတယ်။ ဒါဟာ ယူကရိန်းစစ်ပွဲစတင်ပြီးနောက် ရုရှားပိုင်နက်ထဲကို ယူကရိန်းတပ်တွေ အံ့အားသင့်ဖွယ် ထိုးစစ်ဆင်တိုက်ခို်ကမှုကို ပထမဆုံးအကြိမ် ဝန်ခံလိုက်တာလည်း ဖြစ်ပါတယ်။ “ ယူကရိန်းဟာ တရားမျှတမှုကို အမှန်တကယ်ပြန်လည်ရရှိနိုင်ကြောင်း သက်သေပြနေတာဖြစ်ပြီး ရန်သူအပေါ် လိုအပ်တဲ့ဖိအားမျိုးတွေ ပေးသွားမယ်” လို့ သမ္မတ ဇီလန်စကီးက ညစဉ်မိန့်ခွန်းမှာပြောပါတယ်။ ရုရှားနိုင်ငံ ကွတ်ခ်ဒေသကို ယူကရိန်းတပ်တွေ ဝင်ရောက်တိုက်ခိုက်နေတာဟာ ခြောက်ရက်မြောက်နေ့ရှိနေပြီး ရုရှားကတော့ အဲဒီဒေသမှာ စစ်ကူတွေ စေလွှတ်ထားပါတယ်။ မြို့ခံတွေကိုလည်း ရုရှားအာဏာပိုင်တွေက ဘေးလွတ်ရာကို ရွှေ့ပြောင်းပေးနေပါတယ်။ ဒီအတော့အတွင်း အဲဒီဒေသရှိ နျူကလီးယား ဓါတ်အားပေးစက်ရုံ အနီးမှာ ဒုံးကျည်ကျရောက်ပေါက်ကွဲမှုတွေ ရှိခဲ့ပြီး ဒီကိစ္စကို ရုရှားနဲ့ ယူကရိန်းတို့က အပြန်အလှန်စွပ်စွဲထားပြီး အိုင်အေအီးအေကတော့ နျူကလီးယားမတော်တဆမှုတွေ ရှောင်ရှားနိုင်ဖို့…

  ဆစ်ဒနီ၊ ဩဂုတ်-၁၂-၂၀၂၄ မျိုးဆက်(VOM) ဩစတြေးလျဟာ သူ့ရဲ့ ရေတပ်မှာ နျူကလီးယားစွမ်းအင်သုံး ရေငုပ်သင်္ဘောတွေတိုးချဲ့ဖို့အတွက် အဓိကခြေလှမ်းအဖြစ် နျူကလီးယားလျှို့ဝှက်ချက်တွေနဲ့ ပစ္စည်းတွေကို အပြန်အလှန်လွှဲပြောင်းခွင့်ပြုတဲ့ သဘောတူစာချုပ်ကို လက်မှတ်ရေးထိုးလိုက်ပါတယ်။ ဒီသဘောတူညီချက်ကို ဝါရှင်တန်မှာ လက်မှတ်ရေးထိုးပြီးနောက် ဒီနေ့ကျင်းပတဲ့ ဩစတြေးလျပါလီမန်မှာ တင်သွင်းပြီး အတည်ပြုခဲ့ပါတယ်။ ဒီသဘောတူညီချက်က ဩစတြေးလျရေတပ်မှာ နျူစွမ်းအင်သုံး ရေငုပ်သင်္ဘောတွေ ဝယ်ယူဖို့ အရေးပါတဲ့ခြေလှမ်းလို့ ရေတပ်တာဝန်ရှိသူတွေက ပြောပါတယ်။ သဘောတူညီချက်ဟာ ၂၀၂၁ ခုနှစ်ကရရှိထားတဲ့ အော့ကပ်စ်လုံခြုံရေး သဘောတူစာချုပ်ရဲ့ တစိတ်တပိုင်းဖြစ်ပြီး အမေရိကန်နဲ့ ဗြိတိန်တို့ရဲ့ နျူကလီးယားပစ္စည်းနဲ့ နည်းပညာတွေ လွှဲပြောင်းရေးအတွက် ဖြစ်ပါတယ်။ ဩစတြေးလျကို ပေးပို့မယ့် နျူကလီးယားပစ္စည်းတွေ ဖြစ်ပွားလာနိုင်တဲ့ အန္တရာယ်အတွက် ဩစတြေးလျက တာဝန်ယူရမှာဖြစ်ပြီး ရေဒီယိုသတ္တိကြွပစ္စည်းတွေ သိုလှောင်ခြင်းနဲ့ စွန့်ပစ်ခြင်းအတွက်လည်း တာဝန်ရှိတယ်လို့လည်း ဆိုပါတယ်။ ဩစတြေးလျနဲ့ နျူကလီးယားစွမ်းအင်သုံးရေငုပ်သင်္ဘော တည်ဆောက်ဖို့နဲ့ အဆင့်မြင့်တိုက်ခိုက်ရေးနည်းပညာတွေ ပူးတွဲတီထွင်ဖို့တွေပါဝင်တဲ့ အော့ကပ်စ်သဘောတူစာချုပ်ဟာ…