Month: September 2024

စက်တင်ဘာ ၄၊ ၂၀၂၄ Shy V(VOM) တရုတ်မြန်မာနယ်စပ်၊ မူဆယ် နန်းတော် နယ်စပ်ဂိတ်မှာ စက်တင်ဘာ ၃ ရက်နေ့ နေ့လယ်ပိုင်းက ၇ ရက်ကဒ် တန်းစီနေသူကို နေရာရောင်းစား သူက ဓားနဲ့ထိုးမှု ဖြစ်ပွားခဲ့ကြောင်း ဒေသခံတွေဆီက သိရပါတယ်။ “နန်းတော် ပေါက်မှာ ၇ ရက် တပတ်ကဒ် တန်းစီနေသူကို နေရာ ရောင်းစားတဲ့ သူက ဓား နဲ့ ထိုးတာ။” လို့ ဒေသခံ တယောက်က ပြောပလတယ်။ နေရာရောင်းစားတဲ့သူတွေက အမြဲတမ်းလုပ်စားနေကြတာ ဖြစ်ပြီး စမတ်ကဒ်တိုကင်ပေးတော့လည်း သူတို့ပဲ နေရာရောင်းစားနေကြတာလို့ သူက ပြောပါတယ်။ “နေရာ ရောင်းစားသူတွေက အရမ်းစရိုက်ဆန်တယ်။ တပတ်ကဒ်သွားယူတုန်းကလည်း အဲဒီလိုပဲ ကိုယ်တွေ အစောကြီးအရင်ရောက်နေတာတောင် သူတို့နေရာတဲ့။ လာမောင်းထုတ်နေတာ။ တကယ့်စရိုက်တွေ။” လို့ မျက်မြင် တယောက်က ပြောပါတယ်။…

စက်တင်ဘာ ၄ – ၂၀၂၄ KG(VOM) မကြာသေးမီ နှစ်များအတွင်း မြန်မာပြည်တွင်းမှာ တရုတ်ဇနီးမယား ရှာဖွေရေးလုပ်ငန်းများ ပိုမိုတွင်ကျယ်လာနေပြီး မြန်မာအမျိုးသမီးငယ်အများစုကို အဓိကပစ်မှတ်ထားရှာဖွေမှုတွေ ပိုမိုများပြားလာတယ်လို့ သိရပါတယ်။ တရုတ်နိုင်ငံသားတွေရဲ့ ဖူးစာဖက်ရှာဖွေရေးလုပ်ငန်းတွေဟာ ရန်ကုန်တိုင်းဒေသကြီး၊လှိုင်သာယာမြို့နယ်ရှိ နဝဒေးဥယျာဥ်အိမ်ရာတွင် အများဆုံးဖြစ်ပွားနေတယ်လို့လည်း ဒေသခံ သတင်းရင်းမြစ်တွေနဲ့ ဒေသတွင်းသတင်းတွေအရ သိရပါတယ်။ “အဲဒီကိစ္စတွေက ကြာပြီခင်ဗျ ။ အရင်ကတော့တိုးတိုးတိတ်တိတ်လုပ်ကြတာပေါ့။ အခုကတော့လူမှုကွန်ရက်တွေ ဖေ့ဘွတ်စ်တွေက အတော်လေးကျယ်ပြန့်လာတော့လိုင်းပေါ်မှာရှာကြ၊ဖွေကြနဲ့ ကြားထဲကပွဲစားကတမျိုးနဲ့ပေါ်ပေါ်ထင်ထင်ဖြစ်လာတာပါ”လို့ ပြည်သူတယောက်က မှတ်ချက်ပြုပြောပြပါတယ်။ ဒါအပြင် အွန်လိုင်းလူမှုကွန်ရက်တွေဖြစ်တဲ့ Tik Tok၊Facebook၊What App တွေမှတဆင့် တရားမဝင် တရုတ်ဇနီးမယားအဖြစ်ရှာဖွေရေးလုပ်ငန်းတွေ တွင်ကျယ်လာနေပြီး တရုတ်နိုင်ငံသားတွေအတွက် ဖူးစာဖက်ရှာဖွေရေးအကျိုးဆောင်လုပ်ငန်းတွေဟာ ယခုနှစ်ပိုင်းတွေအတွင်းမှာ မြို့ပေါ်ရပ်ကွက်တွေအထိ တွင်တွင်ကျယ်ကျယ်လုပ်ဆောင်လာတာဖြစ်တယ်လို့ ဆိုပါတယ်။ တရုတ်ဇနီးမယားအဖြစ် ငွေကြေးမက်လုံးပေးကာ မြန်မာအမျိုးသမီးငယ်အများစုကို စည်းရုံး အဓိကပစ်မှတ်ထားရှာဖွေမှုတွေရှိနေပြီး ၂၀၂၁ ခုနှစ်နောက်ပိုင်း နိုင်ငံရေးပြောင်းလဲမှုဖြစ်စဥ်တွေဖြစ်ပေါ် ပြီးနောက်ပိုင်း မြန်မာအမျိုးသမီးတွေဟာ တရုတ်ဇနီးမယားအဖြစ်…

ဒါကာ ၊ စက်တင်ဘာ-၄-၂၀၂၄မျိုးဆက်(VOM)မြန်မာနိုင်ငံ ရခိုင်ပြည်နယ်က ရိုဟင်ဂျာဒုက္ခသည် ရှစ်ထောင်ကျော်ဟာ ပြီးခဲ့တဲ့ နှစ်လအတွင်းက မြန်မာနိုင်ငံကနေ ဘင်္ဂလားဒေ့ရှ်ကို ထွက်ပြေးလာခဲ့တယ်လို့ ဘင်္ဂလားဒေ့ရှ် တာဝန်ရှိသူတွေက ပြောပါတယ်။လက်ရှိမှာတော့ ရခိုင်ပြည်နယ်မှာ အေအေနဲ့ နစကတို့အကြား တိုက်ပွဲတွေ ပြင်းထန်နေပါတယ်။ “ပြီးခဲ့တဲ့နှစ်လလောက်အတွင်းက အများစုဝင်ရောက်လာကြတာပါ။ ရခိုင်ပြည်နယ်ကနေ ရိုဟင်ဂျာ ရှစ်ထောင်လောက် နယ်စပ်ဖြတ်ကျော်ဝင်ရောက်လာတယ်ဆိုတဲ့ အချက်အလက်တွေ ကျွန်တော်တို့မှာ ရှိတယ်” ဘင်္ဂလားဒေ့ရှ် ဒုက္ခသည်ဆိုင်ရာ အကြီးတန်း တာဝန်ခံ မိုဟာမက်ဆမ်ဆွတ်ဒေါဇာက ပြောပါတယ်။ဘင်္ဂလားဒေ့ရှ်အနေနဲ့ ဒုက္ခသည်အရေး ဝန်ပိနေပြီး ရိုဟင်ဂျာတွေကို လက်မခံနိုင်တော့ဘူးလို့ သူက ဆိုပါတယ်။ ဘင်္ဂလားဒေ့ရှ်အစိုးရဟာ ပြီးခဲ့တဲ့လအနည်းငယ်အတွင်း ရိုဟင်ဂျာတွေ ဖြတ်ကျော်ဝင်ရောက်မှုနဲ့ ပတ်သက်ပြီး ထုတ်ဖော်ပြောဆိုခြင်းမရှိခဲ့ပါဘူး ။ဒီအကျပ်အတည်းကို ဖြေရှင်းဖို့အတွက် လာမယ့်နှစ်ရက် သုံးရက်အတွင်း ပြုလုပ်မယ့် အစိုးရအဖွဲ့အစည်းအဝေးမှာ အလေးထားဆွေးနွေးမယ်လို့ ဘင်္ဂလားဒေ့ရှ်နိုင်ငံခြားရေးဝန်ကြီး မိုဟာမက်တိုဟစ်ဟူစိန်က ပြောပါတယ်။“နယ်စပ်ကို ပိတ်ပစ်လိုက်ဖို့က မဖြစ်နိုင်ပါဘူး။ ဒါပေမယ့် နောက်ထပ်…

စက်တင်ဘာ ၂ – ၂၀၂၄GG (VOM)မွန်ပြည်နယ် ၊ရန်ကုန် – မော်လမြိုင် ကားလမ်း၊သထုံမြို့နယ် ကမာစိုင်ရွာအနီးမှာ ခရီးသည်တင်ကားတစီး မိုင်းခွဲခံရပြီး နှစ်ယောက်သေဆုံးကာ ငါးယောက် ထိခိုက်ဒဏ်ရာရရှိခဲ့တယ်လို့သိရပါတယ်။ဖြစ်စဉ်က စက်တင်ဘာလ ၁ရက်နေ့ ၊ ည ၈နရီခွဲအချိန်လောက်မှာ ဖြစ်ပွားခဲ့တာဖြစ်ပြီး သေဆုံးသူတွေက ယာဥ်မောင်းအမျိုးသားနဲ့ ကားပေါ်ပါ ခရီးသွားအမျိုးသားတဖြစ်ကြောင်း ၊ထိခိုက်ဒဏ်ရာရသူတွေကလည်း ကားပေါ်လိုက်ပါလာတဲ့ ခရီးသည်အမျိုးသမီးငါးယောက် ဖြစ်တယ်လို့သိရပါတယ်။” မနေ့ကညပိုင်း ဖြစ်တာ။ ညဘက်အဲဒီလမ်းက သွားလာလို့မကောင်းဘူး။ အရင်ကလည်း ပရဟိတကားတွေပစ်ခံရတာရှိတယ်။ အခုကတော့ခရီးသည်တင်ကားပေါ့။ နှစ်ယောက်သေတယ်။ဒဏ်ရာရသူတွေထဲမှာစိုးရိမ်ရသူလည်းရှိတယ်။ ကားက တောင်ပေါ်သားကားပါ။ အခုကတော့ရန်ကုန်ပြေးဆွဲတာ။” လို့ သထုံဒေသခံလူမှုကူညီရေးအသင်းဝင် တယောက်ကပြောပါတယ်။အဆိုပါ ခရီးသည်တင်ကားပေါ်မှာကယာဥ်မောင်းအပါအဝင် ခရီးသည်စုစုပေါင်း ၁၃ ယောက်လိုက်ပါလာတာဖြစ်ပြီး ထိခိုက်ဒဏ်ရာရရှိသူတွေနဲ့ သေဆုံးသူတွေကိုတော့သထုံဆေးရုံကို ပို့ဆောင်ထားတယ်လို့သိရပါတယ်။မတ်လ ၂၇ ရက်နေ့ညပိုင်းကလည်း ကမာဆိုင်ရွာအနီးမှာပဲ လူနာသယ်ဆောင်လာတဲ့ အကြင်နာတွဲလက် လူမှုရေးအသင်းရဲ့ လူနာတင်ယာဥ်တစီး ပစ်ခတ်ခံခဲ့ရပြီး ကားပေါ်ပါသူတွေထဲက နှစ်ယောက်…